ငါသည်မသေ၊ နေရပေ၍
စိန္တေထွတ်ထား၊ မြတ်ဘုရားနှင့်
တရား သံဃာ၊ ရတနာကို
မကွာနေ့ ည၊ ဆည်းကပ်ရ၍
ဝေယျာဝစ္စ၊ ဟူသမျှကို
စွမ်းအားရှိသမျှ၊ ကြိုးစားရ၏ ။ ။
– ဒါနပေးလှူ၊ စင်ဖြူသီလ
ပွားထဘာဝနာ၊ ဤသုံးဖြာလည်း
ငါ့ဟာအထုပ်၊ ငါ့အလုပ်မို့
မယုတ်စေရ၊ ဥဿာဟနှင့်
လုံ့လကြိုးကုတ်၊ လွန်အားထုတ်၍
ဓမ္မရှာဖွေ၊ နေရပေသည်
မသေကျိုးနပ်၊ ဖိုးမပြတ်အောင်
မြတ်လှပေစွ၊ ငါ့ဘဝပါတကား ။ ။
(ကမ္ဘာ့သာသနာပြုအကျော် ကျေးဇူးရှင် ကျောက်ဆင်တောရ
ပခုက္ကူဆရာတော်ဘုရားကြီး၏ ဘဝမြှင့်တင်ရေးဆုံးမစာ)