အဆူဆူသော မြတ်စွာဘုရားများ၏ ဆုံးမစကား

12074799_469770109877025_5801760560122069849_n

လေရဲ့အင်အားက မုန်တိုင်းတွေဖြစ်ပေါ်တဲ့အခါ အင်မတန်ကြီးမားကြောင်း သိနိုင်တယ်
ရေရဲ့အင်အားက သမုဒ္ဒရာထဲမှာ ဧရာမ လှိုင်းလုံးကြီးတွေ ဖြစ်တဲ့အခါ သိနိုင်တယ်
မြေရဲ့အင်အားက မဟာပထဝီမြေကြီးက ငလျှင်လှုပ်တဲ့အခါ သိနိုင်တယ်
မီးရဲ့အင်အားက လောင်ကျွမ်းတဲ့အခါ သိနိုင်တယ်
သဘာဝဆိုတာ လွပ်လပ်လေ အင်အားပိုကြီးမာလေပါပဲ
စိတ်ဆိုတာလည်း အစွဲကင်းလေ လွပ်လပ်လေ အင်အားကြီးလေပါပဲ။

ချစ်ခြင်းမှာလဲ အစွမ်းသတ္တိနဲ့
မုန်းခြင်းမှာလဲ အစွမ်းသတ္တိနဲ့
နှစ်ခုစလုံး မသက်သာဘူး
သတ္တဝါတွေကို ပင်ပန်းစေတယ်
ချစ်ခြင်း မုန်းခြင်း မရှိ
မေတ္တာသည်သာ အကောင်းဆုံး

ငါတည်းဟူသော အကြောင်းကြောင့် ဘယ်သတ္တဝါမှ အဘယ်သို့သော စိုးစဉ်းမျှ ပူပန်ဆင်းရဲမှု မဖြစ်ပါစေနဲ့။

လူက ထိုင်နေပေမယ့် စိတ်က လျှောက်သွားနေတယ်။
လူက ငြိမ်နေပေမယ့် စိတ်က ဂဏာမငြိမ်ဖြစ်နေတယ်။

လောကမှာ အိုသည့်တိုင်အောင် ကောင်းတဲ့အရာ- ကိုယ်ကျင့်သီလ
ဘယ်အရာတည်တံ့ခိုင်မြဲနေရင် ကောင်းလဲ- သဒ္ဓါတရား
ဘယ်အရာသည် ရတနာလဲ – ပညာ
ဘယ်အရာသည် ရန်သူမျိုးငါးပါး လုယူ မဖျက်စီးနိုင်လဲ- ကုသိုလ်ကောင်းမှု

နောင်တရတယ်ဆိုရင် ကိုယ်နဲ့ထိတွေ့ဆက်ဆံနေတဲ့သူအတွက်နဲ့
ကိုယ့်ပတ်ဝန်းကျင်က လူတွေအတွက်နဲ့ နောင်တရတာများပါတယ်
ကိုယ်မသိတဲ့သူအတွက်နဲ့ နောင်တရတယ်ဆိုတာ မရှိသလောက် ရှားပါတယ်။

ကမ္ဘာကြီးရဲ့ အချိန်တစ်ခုတည်းမှာ
သတ္တဝါတွေ မွေးဖွားလာကြတယ်
သတ္တဝါတွေ သေနေကြတယ်
သတ္တဝါတွေ အနိုင်ကျင့်ခံနေကြရတယ်
သတ္တဝါတွေ နေရာလုနေကြတယ်
သတ္တဝါတွေ ကြီးနိုင်ငယ်ညှင်း လုပ်နေကြတယ်
သတ္တဝါတွေ အစာအတွက် ရှာဖွေနေကြတယ်
သတ္တဝါတွေ အသက်ရှင်ရေးအတွက် ရုန်းကန်နေကြတယ်
အချိန် နေရာ ဒေသ မျိုးနွယ် အစားအစာ စရိုက် အကျင့်
မတူကွဲပြား မြောက်မြားစွာရှိပေမယ့်
အသားအရောင်တွေ ကွဲပြားပေမယ့်
သဘော သဘာဝချင်းကတော့ အတူတူပါပဲ။

မကောင်းမှုနဲ့ဆင်းရဲဒုက္ခတွဲနေတယ်
ကောင်းမှုနဲ့ချမ်းသာသုခတွဲနေတယ်
အကြောင်းအကျိုးတစ်စုံစီတွဲနေတာပေါ့
ဘယ်သူဖန်ဆင်းထားလို့မှ
မကောင်းမှုလုပ်ရင် ဒုက္ခရောက်စေ
ကောင်းမှုပြုရင် ချမ်းသာစေဆိုပြီး ဖြစ်နေတာမဟုတ်
သဘာဝတရားကြီးကိုက ဒီတိုင်းဖြစ်နေတာ
ငရုပ်သီးစားရင် စပ်ပြီး သကြားစားရင် ချိုသလိုပဲ
မကောင်းမှုဆိုတာ လှည်းဘီးသည် နွားခြေရာနောက်ကို အစဉ်လိုက်သကဲ့သို့
ကောင်းမှုသည်လည်း အရိပ်သည်ကိုယ်နှင့်မကွာ အစဉ်လိုက်ပါတယ်။

အဆူဆူသော မြတ်စွာဘုရားများ၏ ဆုံးမစကား
မကောင်းမှုရှောင် ကောင်းမှုဆောင် ဖြူအောင် စိတ်ကိုထားဆိုပြီး ဆုံးမခဲ့တယ်။
ဒီအဆုံးအမ သုံးချက်သည် အလွန်တရာကျယ်ဝန်းနက်နဲသော မြတ်စွာဘုရားတို့၏ အနှစ်ချုပ်အဆုံးအမလို့ ဆိုနိုင်ပါတယ်။
ဒီထက်ကောင်းတဲ့တရား ဒီထက်ပြည့်စုံတဲ့ တရားမရှိပါ။

မကောင်းမှုရှောင်ဆိုတာ မဆင်းရဲစေချင်လို့
ကောင်းမှုဆောင်ဆိုတာ ချမ်းသာစေချင်လို့
စိတ်ကိုဖြူအောင်ထားခိုင်းတာ စိတ်အရည်အသွေးမြင့်မားလာစေချင်လို့
ဆင်းရဲဒုက္ခကို လူတိုင်းကြောက်ကြတာပဲ
ချမ်းသာသုခကို လူတိုင်း လိုချင်ကြတာပဲ
စိတ်ရဲ့အရည်အသွေးကို လူတိုင်းမြင့်မားချင်ကြတာပဲ

ကုန်းပေါ်မှာရှိတဲ့ သတ္တဝါတွေအားလုံးရဲ့ ခြေရာထဲမှာ ဆင်ခြေရာသည် အကြီးဆုံး
ဘယ်ကုန်းသတ္တဝါရဲ့ခြေရာကိုမဆို ဆင်ခြေရာထဲမှာထည့်လိုက်ရင် အကျုံးဝင်ပါတယ်
သူတော်ကောင်းတရားတွေအားလုံးထဲမှာ အပမ္မာဒသည် အကြီးကျယ်ဆုံး အသာလွန်ဆုံး အမြင့်မြတ်ဆုံး
ဘယ်သူတော်ကောင်းတရားအားလုံးမဆို  အပမ္မာဒဆိုတဲ့ သတိထဲမှာ အကျုံးဝင်ပါတယ်
အလုံးစုံသော ကုသိုလ်ကောင်းမှုတို့သည် အပမ္မာဒဆိုတဲ့ သတိတရားကိုအကြောင်းခံပြီး ဖြစ်ရတာ။
သတိမရှိရင် သီလ၊သမာဓိ၊ ပညာ လည်း မရှိနိုင်။ ထို သီလ သမာဓိ ပညာမရှိရင် သူတော်ကောင်းတရားလည်း မဖြစ်နိုင်။
သတိတစ်လုံး အရှိသုံး အဆုံးနိဗ္ဗာန်ပြည်။

စွဲလမ်းခြင်းမှာ အပြစ်ရှိတယ်
နောင်တစ်ချိန်မှာ ခွဲခွာရတဲ့အခါ ကိုယ့်ကိုယ်ကိုယ် မသက်သာအောင် ဆင်းရဲအောင် ကြိုလုပ်ထားမိလို့။
ကိုယ်စွဲလမ်းတဲ့အရာတွေက မပျက်စီး မြဲနေတာတွေမဟုတ်တဲ့အခါကျတော့
တကယ်ခွဲရတော့မယ်ဆိုတော့ ကိုယ့်ကိုယ်ကို အကြီးအကျယ် ဒုက္ခရောက်စေပါတယ်။

ကိုယ့်မှာ ကုသိုလ်ကောင်းမှုအင်အားနည်းတယ်ဆိုရင် မကောင်းမှုကိုရှောင်ချင်တယ်ဆိုရင်တောင်မှ ရှောင်ဖို့မလွယ်ပါ
ကိုယ်က သည်းခံချင်တယ်ဆိုရင်တောင်မှ ကိုယ့်မှာ အဒေါသ(မေတ္တာ)အားနည်းနေတယ်ဆိုရင် သည်းခံဖို့ မလွယ်ပါ

စွန့်ကြဲပေးကမ်းဖို့ ခဲယဉ်းတယ်
တကယ်ပေးဖို့က ပိုခဲယဉ်းတယ်
တကယ်ပေးပြီး နောင်တ မရဖို့က ပိုခဲယဉ်းတယ်
တကယ်တော့ စွန့်ဝံ့သူသာ အောင်ကြောင်းဖြာ

သာမန်ပုထုဇဉ်တွေ အတွက်တော့
မကောင်းမှု အကုသိုလ်တွေကို လုပ်ရတာ ပိုလွယ်တယ်
လုပ်ရတာ လွယ်နေပြီဆိုရင်လည်း မကောင်းမှု ဖြစ်ဖို့ ပိုများပါတယ်
အလွယ်မက်ရင် အခက်ကြုံမယ်

ကိစ္စသေးသေးလေးကို
မအောင့်အီးနိုင် မစောင့်စည်းနိုင်
မထိန်းသိမ်းနိုင်တဲ့ အတွက်ကြောင့်
ဒုက္ခရောက်နေကြတာ အများကြီးပဲ

လူမျိုးမရွေး ဘာသာမရွေး တိုင်းနိုင်ငံဒေသမရွေး
အားလုံးသော ပုဂ္ဂိုလ်တွေဟာ တညီတည်းသောဆန္ဒက ဘာလဲဆိုရင်
ဒုက္ခကို ရွံ့ မုန်းကြပြီးတော့ သုခကို မြတ်နိုးကြတယ် အလိုရှိကြတယ်
ဒုက္ခကို ရွံ့ မုန်းပြီးတော့ သုခကို လိုလားကြတဲ့ ပုဂ္ဂိုလ်တွေဟာ
ဒုက္ခဖြစ်ကြောင်း(အကုသိုလ် မကောင်းမှု) ကို ရှောင်ခြင်းမှ တစ်ပါး တစ်ခြားနည်းလမ်းမရှိဘူး။

နိုင်ငံ့ခေါင်းဆောင်တွေမှာပဲ ဖြစ်ဖြစ်
တစ်ခြားဘာသာရေးခေါင်းဆောင်တွေမှပဲဖြစ်ဖြစ်
အမွေဆက်ခံသူကို လူပုဂ္ဂိုလ်ကိုပဲ လက်ဆင့်ကမ်း လွှဲပြောင်းပေးကြတယ်
ထူးခြားတာက မြတ်စွာဘုရားကတော့ ဓမ္မကိုပဲ
ကိုယ်စားချန်ထားပြီး သတ္တဝါတွေကို အမွေပေးခဲ့တယ်
သတ္တဝါတွေဟာ ဓမ္မကိုအဖော်ပြုမှ ထာဝရချမ်းသာမယ်ဆိုတာ သိနေလို့ပါပဲ။

လူတွေထုတ်တဲ့ ဥပဒေဆိုတာကတော့ လိုအပ်ရင် လိုအပ်သလို ပြောင်းလဲ ပြင်ဆင်တာတွေ လုပ်လို့ရတယ်ပေါ့။
ဓမ္မဆိုတဲ့ သဘာဝတရား(the law of nature) ကတော့ ဘယ်သူမှ ပြောင်းလဲပစ်လို့ မရဘူး။

ကောင်းမှုကုသိုလ်နဲ့ပတ်သက်လို့
မလုပ်သင့်တဲ့ အချိန်ဆိုတာ မရှိဘူး
မလုပ်သင့်တဲ့ နေရာဆိုတာ မရှိဘူး
မလုပ်သင့်တဲ့ အခြေအနေဆိုတာ မရှိဘူး။

ဖက်ရွက်ခြင်းတူပေမယ့်
ငပိနဲ့ထုပ်ထားတဲ့ ဖက်ရွက်က နံဆော်နေပေမယ့်
စံပယ်ပန်းနဲ့ထုပ်ထားတဲ့ ဖက်ရွက်ကျတော့ မွှေးကြိုင်နေတာပဲ
ကျေးနှစ်ကောင်ပုံပြင်လိုပဲ
မကောင်းတဲ့သူနဲ့ဆုံစည်းရခြင်းက နိမ့်ကျတဲ့ ဘဝကို ရရှိစေပြီး
မြင့်မြတ်သူနဲ့တွေ့ဆုံခွင့်ရခြင်းဟာ အလွန်ပင် တန်ဖိုးရှိလှတယ်။

အမြင်ချင်း မတူလို့ ရန်သူလို့လည်း မသတ်မှတ်ရဘူး

12187659_620721138067726_3652283520914890320_n

ဥာဏ်ပညာနုံ့နည်း မိုက်မဲတဲ့ သူတွေဟာ အမိဝမ်းခေါင်း အခါခါအောင်းရတယ်။

ပေးကောင်း၊ တောင်းမုန်း။
ကိုယ်က ပေးနိုင်ရင် ကောင်းတယ်။
ကိုယ်ရစရာရှိတာကို တောင်းရင်တော့ မုန်းတတ်ကြတယ်။
ကိုယ်က သူများဆီက တောင်းရရင် မျက်နှာ ငယ်ရတယ်။
သူများက ကိုယ့်ဆီက တောင်းတာ မပေးနိုင်ရင်လည်း မျက်နှာ ငယ်ရတယ်။

အတိတ် ပစ္စုပန် အနာဂတ်ဆိုပြီး တကယ်ရှိနေတာ မဟုတ်ပဲ
အကြောင်း အကျိုးအနေနဲ့ တကယ်ကွဲနေတာ မဟုတ်ပဲ
ယခု အတိတ်အကြောင်းဆိုပေမယ့် အတိတ်တုန်းကတော့ ပစ္စုပန်အကျိုးဖြစ်နေတာပါပဲ
ယခု ပစ္စုပန်အကျိုးဆိုပေမယ့်  အနာဂတ်အတွက်တော့ အတိတ်အကြောင်းဖြစ်နေမှာပါပဲ
မိဘဆိုတာ တစ်ချိန်တုန်းက သားသမီး
ခုနေသာ သားသမီးလို့ပြောပေမယ့် နောင်တစ်ချိန် မိဘဖြစ်လာသလိုပါပဲ
ယောက္ခမဆိုတာ တစ်ချိန်တုန်းက ချွေးမဆိုသလိုပါပဲ
မိဘ သားသမီးဆိုပြီး ဘာကိုမှ အတည်ယူ ဆုပ်ကိုင်လို့မရပါဘူး။
အတိတ် ပစ္စုပန် အနာဂတ်ဆိုပြီး ခွဲခြားလို့မရ ၊ ဆုပ်ကိုင်လို့မရပါ။

ညစ်နွမ်းတဲ့ အဝတ်အပေါ်မှာ ကိုယ်ကြိုက်တဲ့ ဆေးရောင်ကို ခြယ်လို့ မရသလို
ညစ်နွမ်းတဲ့ စိတ်နဲ့ ကိုယ်ကြိုက်တဲ့ ဘဝကောင်းတစ်ခုကို မဖန်တီးနိုင်ပါဘူး
စိတ်ညစ်နွမ်းရင် ဘဝ လည်း ညစ်နွမ်းမယ်

ကိုယ်ရော စိတ်ရော ညီညွတ်ရမယ်တဲ့
လူချင်းကသာ ကပ်ပြီးထိုင်နေသော်လည်း
စိတ်ခြင်းက တစ်ခြားစီပဲဆိုရင် တကယ်ညီညွတ်တယ်လို့ မဆိုသာဘူး။

လောကကြီးမှာ အမြင်အမျိုးမျိုးရှိတယ်ဆိုပေမယ့်
အမှန်မြင် အမြင်မှန်ဖို့တော့ လိုပါတယ်။
အမြင်ချင်း မတူလို့ ရန်သူလို့လည်း မသတ်မှတ်ရဘူး။

လှူနိုင်ဖို့အတွက် ပစ္စည်းဥစ္စာ ဘယ်လောက်ရှိရမယ်လို့ သတ်မှတ်ချက် မရှိပါဘူး။
လှူဖို့အတွက် ပစ္စည်းဥစ္စာ ရှိရမယ်ဆိုတာ မှန်ပေမယ့် သဒ္ဒါတရားက ပိုအဓိက ကျပါတယ်။

ကိုယ့်အတွက်တော့ ကိုယ့်မိဘဟာ သာမန်လူမဟုတ်ဘူး။
မေတ္တာကြီးလွန်းလို့၊ ကျေးဇူးကြီးလွန်းလို့ သာမန်လူတွေနဲ့ တန်းတူထား မဆက်ဆံလိုက်ပါနဲ့။

ဒေါသ အဆိပ် ငယ်ထိပ်တက်လို့
ငရဲပန်းကို ရွှေပန်းထင်
အရင်းစစ်တော့ အကုသိုလ်ကြောင့်ပင်။

များသောအားဖြင့် သူများအကြောင်း စဉ်းစားရင်း အချိန်ကုန်ခဲ့ရတာ များပါတယ်။
သူများအကြောင်း မကောင်းတာ မစဉ်းစားပါနဲ့။
ကိုယ့်အကြောင်း ကိုယ်စဉ်းစား၊ ကိုယ့်အကြောင်း ကိုယ် သိအောင်လုပ်ရမယ်။

လူအတော်များများဟာ ကိုယ့်ကိုယ်ကို အားမရပဲနဲ့ မကျေနပ်ပဲနဲ့ နေ နေရတာ။
ဘာဖြစ်လို့လဲဆိုတော့ တကယ်အားရကျေနပ်စရာ ကောင်းတဲ့အလုပ်ကို တစ်သံသရာလုံး မလုပ်ဖူးသေးလို့ပဲ။

ချစ်ခြင်းကြောင့်  ချစ်ခြင်းဖြစ်ရ၏
ကိုယ့်သားသမီး ချစ်တဲ့သူကို ကိုယ်လည်း ချစ်၏
ချစ်ခြင်းကြောင့် မုန်းခြင်းဖြစ်၏
ကိုယ့်သားသမီး မုန်းတဲ့သူကို ကိုယ်လည်း မုန်း၏
မုန်းခြင်းကြောင့် ချစ်ခြင်းဖြစ်၏
ကိုယ်မုန်းတဲ့သူကို မုန်းသူများကို ကိုယ်က ချစ်၏

ကိုယ်ချစ်တဲ့အထဲမှာ ကိုယ်ပါနေသလို
ကိုယ်မုန်းတဲ့အထဲမှာလည်း ကိုယ်ပါနေတတ်တယ်
ကိုယ်ကြိုက်တာကို လုပ်မိတဲ့အခါ ကိုယ့်ကိုယ်ကို ချစ်ပေမယ့်
ကိုယ်မကြိုက်တာကို လုပ်မိတဲ့အခါ ကိုယ့်ကိုယ်ကို မုန်းမိတတ်တယ်။

ပြဿနာအားလုံးရဲ့ဇစ်မြစ်ဟာ အတွေးကစတာပါ

12240035_601859876619689_4635812190910593095_n

ရောဂါဖြစ်မှာကို ကြောက်နေတယ်ဆိုတာ ရောဂါမဖြစ်သေးလို့ပါ
တကယ်ရောဂါခံစားနေရတဲ့အခါကျတော့ ရောဂါမြန်မြန်ပျောက်ချင်တဲ့
စိတ်ပဲ ရှိပါတယ်
နာမှာကို ကြောက်နေတယ်ဆိုတာ မနာသေးလို့ပါ
တကယ်နာတဲ့အခါကျတော့ နာတာကို မြန်မြန်ပျောက်ချင်တဲ့
စိတ်ပဲ ရှိပါတယ်
သေမှာကို ကြောက်နေတယ်ဆိုတာ မသေရသေးလို့ပါ
တကယ်သေတဲ့အခါကျတော့ လူသေကောင်ကြီးက ကြောက်တယ်လို့
ရှိမှ မရှိပဲ
စကားလုံးတွေကို အကျအနကောက်နေတယ်ဆိုတာ တကယ်တရား မသိသေးလို့ပါ
တရားတကယ်သိသွားရင် စကားလုံးတွေ ဘာမှမဟုတ်မှန်း သိသွားပါပြီ

အိန္ဒိယမှာလည်း ဘုရားပွင့်လာတယ် ဘုရားကိုလက်ခံတယ်
ဘုရားပရိနိဗ္ဗာန်စံသွားတယ် ဒီနေရာမှာပဲ သာသနာတည်တယ်
ဒီနေရာမှာပဲ သာသနာကွယ်တယ်
ဒီကလူတွေကလဲ ဘုရားကို ကိုးကွယ်တယ်
ဒီနေရာမှာမွေးတဲ့ နောင်လာနောင်သားတွေကပဲ
ဘုရားကို လက်မခံတော့ဘူးဖြစ်တယ်
အဲ့တော့ သတ်မှတ်ထားတဲ့ အချိန်အခါ အခြေအနေတွေပေါ်မှာ
မူတည်ပြီးတော့ ဒီတရားကိုပဲ ယုံစရာလို့ ဒီနေရာက ဒီလူတွေက လက်ခံပေမယ့်
နောင်တစ်ချိန်ကျတော့ ဒီနေရာကပဲ ဒီနေရာမှာမွေးတဲ့ နောင်လာနောင်သားတွေကပဲ
မယုံစရာပဲလို့ သတ်မှတ်တာပဲ
အဲ့တော့ သတ်မှတ်ချက်ကတော့ အမျိုးမျိုးပြောင်းနေမှာပဲ
သတ်မှတ်ချက်နောက်လိုက်နေရင်တော့ ဆုံးမှာမဟုတ်ပါဘူး။

ဦးဇင်းတို့ ဆယ်တန်းကျောင်းသားဘဝတုန်းက
ဆရာဝန်မှ ဆရာဝန် … ဆရာဝန်ခေတ်ပေါ့
အင်ဂျင်နီယာမှ အင်ဂျင်နီယာ …အင်ဂျင်နီယာခေတ်ပေါ့
စစ်ဗိုလ်မှ စစ်ဗိုလ် …စစ်ဗိုလ်ခေတ်ပေါ့
အဆိုတော် ရုပ်ရှင်မင်းသား စသဖြင့်ပေါ့လေ
နောင်ကျတော့ ကွန်ပျူတာတွေပေါ်လာတယ်
ကွန်ပျူတာပညာရှင်တွေခေတ်ပေါ့
အဲ့တော့ ခေတ်တွေက ဒါမှဆိုတာတွေက ယာယီပါပဲ
ယာယီနောက်လိုက်နေမယ်ဆိုရင်တော့
ငါးပွက်ရာ ငါးစာချနေသလိုပါပဲ  ချလို့ဆုံးမှာမဟုတ်ပါဘူး။

ပြဿနာအားလုံးရဲ့ဇစ်မြစ်ဟာ အတွေးကစတာပါ
ကာမဂုဏ်အာရုံစိတ်တွေဟာ အတွေးကြောင့် ဖြစ်ပေါ်လာတာပါ
လောကမှာ လူတိုင်း လူတိုင်းက အတွေးကိုယ်စီနဲ့ရှိကြတာ ဖြစ်သောကြောင့်
ကိုယ်တွေးတဲ့ အတွေးကို ဆန်းစစ်ဖို့ လိုအပ်တယ်
ကာမဂုဏ်အာရုံတွေ ခံစားဖို့ လောဘနဲ့တွေးတဲ့ အတွေးတွေလား
သူတစ်ပါးကို မုန်းတီးတဲ့ ၊ ညှဉ်းဆဲသတ်ဖြတ်ဖို့ ဒေါသနဲ့တွေးတဲ့ အတွေးတွေလား
အဲ့ဒီအတွေးတွေ လက်ခံနေတဲ့ ပုဂ္ဂိုလ်ဟာ ဘယ်နည်းနဲ့မှ စိတ်ပိုင်းဆိုင်ရာ တိုးတက်မှုကို မရနိုင်ဘူး
အဲ့ဒီလို ညစ်ညူးတဲ့ အတွေးတွေကို တွန်းလှန်ဖယ်ရှားဖို့ စဉ်ဆက်မပြတ် ကြိုးစားနေရမယ်။

ဦးဇင်းတို့ ကလေးဘဝ စာသင်ခန်းထဲမှာ ကျောင်းသားတစ်ယောက်က အပြစ်တစ်ခုလုပ်လိုက်တယ်ပေါ့
ဒါကို ကျောင်းအုပ်ဆရာမကြီးက ဘယ်သူလုပ်သလဲမေးတော့ ဘယ်သူမှမဖြေကြဘူး
တစ်ခြားကျောင်းသားတွေကလည်း မသိတော့ အားလုံး အပြစ်ပေးခံရတာပေါ့
တရားခံအစစ်ကိုမသိတော့ အားလုံးကို တရားခံလုပ်ပစ်လိုက်တာပေါ့
ကိလေသာရဲ့သဘောကလည်း ဒီလိုပုံစံပါပဲ
တရားခံအစစ်ကိုမသိရင် အားလုံးကို တရားခံလုပ်ပစ်တာပါပဲ
အားကိုးစရာ အစစ်ကိုမသိရင် အရာရာအားကိုးရာ ဖြစ်မှာပါပဲ
အခုခေတ်လူတွေလို အားကိုးစရာများနေတော့တာပေါ့
ဆေးကလည်း မျိုးစုံ၊ အသုံးအဆောင်ပစ္စည်းမျိုးစုံ၊ ရောဂါတွေကလည်း မျိုးစုံ၊
ပြဿနာတွေကလည်းမျိုးစုံ၊ ကြောက်စရာတွေကလည်း မျိုးစုံ၊ လုပ်စရာတွေကလည်း မျိုးစုံ၊
အားကိုးစရာတွေကမျိုးစုံဆိုတော့ အားကိုးနေရတဲ့ ဒုက္ခဖြစ်နေတာပေါ့
ပိုက်ဆံအားကိုး၊ပညာအားကိုး၊ရာထူးအာဏာအားကိုး၊မိဘအားကိုး၊သားသမီးအားကိုး၊
လင်နဲ့မယားအပြန်အလှန်အားကိုး၊ဆရာတပည့်အားကိုး၊သူငယ်ချင်း အချင်းချင်းအားကိုးပေါ့လေ
အမှန်တရားမသိတော့လည်း အရာရာအားကိုးစရာဖြစ်နေတာပေါ့
ရေနစ်တဲ့သူလိုပေါ့ ကောက်ရိုးတစ်မျှင်လေးကအစ အားကိုးစရာဖြစ်နေတော့တာပေါ့။

အားကိုးချင်နေတဲ့ စိတ်အတွက်က အရာရာအားကိုးစရာချည်းပဲ
ကြောက်နေတဲ့စိတ်အတွက်က အရာရာကြောက်စရာချည်းပဲ
သံသယဖြစ်နေတဲ့စိတ်အတွက်က အရာရာသံသဖြစ်စရာချည်းပဲ
ဘုရားတရားသံဃာအပေါ်မှာတောင် သံသယဖြစ်နေတဲ့သူတွေ တစ်ပုံချည်းပဲ
ကိုယ့်စိတ်က ကောင်းနေရင် တစ်လောကလုံး သာယာစရာတွေချည်းပဲ
ကိုယ့်စိတ်က ဖောက်ပြန်နေရင် တစ်လောကလုံး မကျေနပ်စရာတွေချည်းပဲ
အမှန်က တရားခံက ကိုယ့်စိတ်ပဲ
ကိုယ့်စိတ်က အမျိုးမျိုးသော လောကကြီးကို ဖန်ဆင်းနေတာပါပဲ။
ကိုယ့်စိတ်က တရားခံအစစ်ကိုမသိတော့ စင်္ကြာဝဠာအနန္တလုံးကို၊
သတ္တဝါအနန္တလုံးကို တရားခံလုပ်တော့တာပါပဲ။

သဘာဝရိပ်သာဆရာတော် ဦးဥတ္တမသာရ

တရားအားထုတ်တဲ့အခါ…

12074799_469770109877025_5801760560122069849_n

တရားအားထုတ်တဲ့အခါမှာ ကြိုးစားအားထုတ်မှု အပိုင်းလေးကို တစ်ချို့ သော ပုဂ္ဂိုလ်တွေလည်းပဲ
ဣရိယာပုတ် တစ်မျိုးတည်းမှာ အသေထားပြီးတော့ ရှု့ တက်ကြတယ်။
အချိန်တော်တော်များကို ဣရိယာပုတ် တစ်မျိုးတည်းနဲ့ ကြိုးစားရှု့ ပွားရင်းနဲ့ 
ခန္ဓာကိုယ်ပေါ်မှာ ကြာကြာထိုင်ရင်လည်းပဲ နာတာ ကျဉ်တာ မခံရပ်နိုင်အောင်ပေါ်သလိုပဲ။
ကြာကြာရပ်ရင် ကြာကြာလှောင်းရင်လည်းပဲ ညောင်းတာကိုက်တာ မခံရပ်နိုင်အောင် ပေါ်တာပါပဲ။

အဲ့သလို ပေါ်လာတဲ့ အခါမျိုးမှာ
ငါ့ကွာ…ဝေဒနာနှိပ်စက်လိုက်တာ
တရားအားထုတ်ရတာ ဒီဝေဒနာကို မကျော်နိုင်ဘူး။
ဒီဝေဒနာကို ပေရှု့ လို့ ကို မရဘူး လို့ ဖြစ်နေကြတဲ့ သူတော်စင်များကို
ဝေဒနာရဲ့ သဘောလေးကိုလည်းပဲ ရှင်းပေးသွားမယ်။

တရားကို သဘောမပေါက်ဘဲနဲ့  သူများပါးစပ်ဖျား လမ်းဆုံးပြီးတော့ ပေတေရှု့ ခဲ့ရင်လည်း
အကျိုးမများဘဲ တရားနဲ့ ဝေးစေတဲ့ အပြစ်တွေသင့်စေပုံလည်း ရှင်းပေးပါ့မယ်။
အလွန် အရေးကြီးပါတယ်။
ဒီတရားရှု့ ကွက်သည် အများသူငါအတွက် အလွန်ကျေးဇူးများသလို
တရားတွေကို ရိပ်သာမှာ အားမထုတ်နိုင်တဲ့ ပုဂ္ဂိုလ်များကို
ကိုယ့်အိမ်ကိုယ့်ယာမှာ အားထုတ်ရင်းနဲ့ သဘောပေါက်လိုက်ရင်
လွယ်ကူတဲ့ အသိဥာဏ်ကို အချိန်မရွေးကိန်းသွားနိုင်ပါတယ်။

တရားဆိုတာ သဘောပေါက်ရင် သိပ်လွယ်တယ်ကွာ။
သက်သောင့် သက်သာနဲ့ ကို တစ်ကယ်ကို သိနိုင်ပါလား၊
အဲ့တာလေးကိုလည်း သဘောပေါက်အောင်
ရှေ့ ပိုင်းက ကိုယ်နဲ့ စပ်ပြီး ပေါ်တဲ့ တရားကို ရုပ်တရားလို့ သင်ပေးထားတယ်။
မိမိတို့ က အခုချိန်ခါမှာ ထိုင်တာတွေကြာလာတယ်၊ရပ်တာတွေကြာလာတယ်၊
နာတာတွေက တစ်ရိပ်ရ်ိပ်နဲ့ ကြီးထွားလာတယ်။
ကျဉ်တာ ကိုက်တာတွေကလည်း ကြီးထွားလာတော့
မခံမရပ်နိုင်အောင် ဖြစ်ရင် ဝေဒနာဆိုပြီးတော့ ပြောင်းရှု့ လိုက်တယ်။

တကယ်တမ်းကျတော့
ကိုယ်ပေါ်မှာ အာရုံစိုက်ပြီး
နာတာလေးရဲ့ သဘောကို ကြည့်ပြီး ရှု့ နေရင် ရုပ်တရားပါ။
အဲ့ဒီအာရုံကို မခံသာတဲ့ အနေနဲ့  ခံစားတဲ့ အပိုင်းကို အာရုံညွတ်ပြီး ရှု့ မယ်ဆိုရင်
ဝေဒနာဘက်ကို ဥာဏ်ရောက်ပါတယ်။
နာတာသည် ဝေဒနာမဟုတ်ပါ။
ကျဉ်တာ ကိုက်တာ ခဲတာသည် ဝေဒနာမဟုတ်ပါ။
နာတယ်ဆိုတာ ကိုယ်နဲ့ စပ်ပြီး ဖောက်ပြန်တာပါ။
ကျဉ်တယ်ဆိုတာ ကိုယ်နဲ့ စပ်ပြီး ဖောက်ပြန်တာပါ။
ကိုက်တယ် ခဲတယ်ဆိုတာလည်း ကိုယ်နဲ့ စပ်ပြီးဖောက်ပြန်တာမလို့  ရုပ်တရားဖြစ်ပါတယ်။
အဲ့ဒီနာတာက ကြီးထွားလာတဲ့ အတွက်ကြောင့်မို့ လို
ဒီနာတယ်အပေါ်မှာ ဖောက်ပြန်တယ်လို့ နှလုံးသွင်းမှန်အောင် ကိုယ်က ဥာဏ်မရောက်တဲ့အတွက်
ဒူး၊ပေါင်၊ခါးဆိုတဲ့ အထည်ပညတ်ပေါ်မှာ နှလုံးသွင်းပြီး အာရုံပြုလိုက်တဲ့ အတွက်ကြောင့်မို့ လို
နာလိုက်တာ မခံနိုင်ဘူး၊
ငါ့ဒူး ငါ့ပေါင် ဖြစ်သွားတယ်။
အဲ့ဒီအချိန်ခါမှာ “ ဖောက်ပြန်တဲ့ ရုပ်တရား” နဲ့ ငါ” ရောသွားတယ်။

“ငါ ”ရောသွားတော့ “ ငါ ”က မခံနိုင်ဘူးဆိုတော့
“ ဝေဒနာ” ကိုပါ “ ငါ ”လုပ်ပြစ်လိုက်တယ်။
အဲ့ဒီပုဂ္ဂိုလ် “ ဒိဋ္ဌိ” ဖြစ်သွားတယ်။

တကယ်တမ်းပြန်ကြည့်တော့….
ကိုယ်နဲ့ စပ်ပြီး
နာစ,လေးလည်း ဖောက်ပြန်နေတာ။
နာမှု အလယ်အလတ်လေးလည်း ဖောက်ပြန်နေတာ။
အနာကြီး ကြီးလာလည်း ဖောက်ပြန်နေတာ။
အဲ့ဒီဖောက်ပြန်တဲ့ သဘောလေးကို ဥာဏ်ရောက်ရင် အနာသေးလေးချုပ်ပြီး အနာလတ်လေးအစားထိုးကာ
အနာလတ်လေးချုပ်ပြီး အနာကြီးကြီး အစားထိုးကာ
မြင်အောင်ကြည့်ရင် မခံနိုင်ဘူးဆိုတာ မလာတော့ဘူး။
ဒီပေါ်မှာ ကြိုက်လှချေရဲ့ဆိုတဲ့ သဘောတွေလည်း မကိန်းတော့ဘူး။
အမြင်ရှင်းတဲ့ ဥာဏ်လေးက အရှိကို အရှိအတိုင်းမြင်သွားလို့ 
ရုပ်ရှု့ ကွက် အပေါ်မှာ
ဖြစ်ပျက်ကို ကောင်းစွာမြင်သွားတာပါ။

အဲ့တာကို သဘောမပေါက်တဲ့အတွက်ကြောင့်မို့ 
စထိုင်တုန်းက ပြလာတဲ့ နာစ, အသေးလေးကိုတော့ ခံသာတဲ့အတွက်ကြောင့်
မိမိက သက်သောင့်သက်သာနဲ့ ရှုနိုင်တဲ့အခါမှာ မေ့နေတယ်။
နာတာကြီး ကြီးထွားလာတဲ့အခါကျမှ
မခံမရပ်နိုင်ဖြစ်ပြီး ငါ့ကွာ….ဝေဒနာနှိပ်စက်လိုက်တာ၊တစ်ချိန်လုံးမှာ တရားကို အားထုတ်လို့ မရဘူး။
သက်သောင့်သက်သာလေးနဲ့ ဖြစ်ပြီးတော့ ပြီးသွားပြန်ရင်လည်း အိုး..ငါ ထိုင်လို့ ကောင်းလိုက်တာ၊
တရားကွာ….ထိုင်ရတာ ဝေဒနာတောင် မပေါ်ဘူး။
ဘာနဲ့ တိုင်းတာနေလည်း မေးတော့ နာတာ ကျဉ်တာနဲ့ တိုင်းတာနေတာ။
အလွဲကြီး လွဲနေပါတယ်။
တကယ်တမ်းကျတော့ ဝေဒနာသည် အချိန်တိုင်းမှာ စိတ်ရှိရင် ဝေဒနာရှိပါတယ်။
စိတ်ဖြစ်ရင် ဝေဒနာဖြစ်ပါတယ်။
ဝေဒနာ မဖြစ်တဲ့အချိန် ရှိကို မရှိဘူး။
အဲ့တာလေးကို သေချာ သဘောပေါက်စေချင်ပါတယ်။

ဝေဒနာဆိုတာ ရုပ်မဟုတ်ပါဘူး၊ နာမ်တရားပါ။
နာမ်ဆိုတဲ့ ဝေဒနာလေးသည် စိတ်မှာပဲ ပေါ်ပါတယ်။
အဲ့ဒီစိတ်မှာ ပေါ်တဲ့ ဝေဒနာလေးကို မိမိက အာရုံစိုက်ပြီး
ခံစားမှု အပိုင်းမှာ သေချာ အာရုံပြုရင်
ခုန နာတယ်ဆိုတဲ့ နာစ , လေးကို
ခံသာရင် သုခ၊ အနာကြီး နာသွားလို့  မခံသာရင် ဒုက္ခ၊
သညာကနေ သတ်မှတ်ပေးလိုက်တယ်။
သုခ လို့ သတ်မှတ်ပေးတဲ့ အာရုံကို ဝေဒနာက ခံစားလိုက်တယ်။
ဒုက္ခလို့ သတ်မှတ်ပေးတဲ့ အာရုံကို ဝေဒနာက ခံစားလိုက်တယ်။
ခံစားတာက ဝေဒနာပါ ။
ငါ ကောင် သူကောင် မဟုတ်ပါဘူး။
သုခကို အာရုံပြုပြီး ခံစားတော့ သုခဝေဒနာလို့  အမည်တပ်တယ်။
ဒုက္ခကို အာရုံပြုပြီး ခံစားတော့ ဒုက္ခဝေဒနာလို့ အမည်တပ်တယ်။
သုခသည် ဝေဒနာမဟုတ်ပါဘူး။
ဒုက္ခသည် ဝေဒနာမဟုတ်ပါဘူး။
ဝေဒနာသည် ဒုက္ခမဟုတ်သလို ဝေဒနာသည် သုခ မဟုတ်ပါဘူး။
ဒုက္ခဆိုတာ အာရုံ၊ သုခဆိုတာ အာရုံ။
ကိုယ်နဲ့ စပ်ပြီး ဖောက်ပြန်နေတဲ့ ရုပ်တရားပါ။
ဒီအာရုံကို ပြုပြီး ခံစားတာမှ ဝေဒနာပါ။

အဲ့တာကြောင့်မို့ ရုပ်ထဲမှာလည်း ဖောက်ပြန်တာရယ်၊ ပျက်စီးတာရယ်။
ခံစားတာမှာလည်း ဖောက်ပြန်တာရယ်၊ပျက်စီးတာရယ်အဲ့တာလေးပဲရှိပါတယ်။
အဲ့တာလေးကိုသိရင် ရုပ်ထဲမှာလည်း ငါ မရောဘူး။
ဝေဒနာထဲမှာလည်း ငါ မရောဘူး။
အဲ့ဒီပုဂ္ဂိုလ်သည် တရားသဘောပေါက်တဲ့ ပုဂ္ဂိုလ်။
တရားသဘောပေါက်တဲ့ ပုဂ္ဂိုလ်သည်
တစ်နာရီပဲထိုင်ထိုင်၊နှစ်နာရီပဲ ထိုင်ထိုင် တစ်နေ့ လုံးပဲထိုင်ထိုင် ကျေးဇူးများပါတယ်။

ရုပ်နဲ့ ဝေဒနာလည်း မကွဲဘူး၊
ငါနဲ့ ရုပ်လည်း ရောနေတယ်၊
ငါနဲ့ ဝေဒနာတွဲနေတဲ့ ပုဂ္ဂိုလ် သဘောမပေါက်ရင် တစ်နာရီပဲထိုင်ထိုင်
နှစ်နာရီပဲထိုင်ထိုင် တစ်နေကုန်ပဲထိုင်ထိုင် မခံမရပ်နိုင်ပေါ်လာလည်းပဲ
မပြောင်းမပြင်ဘဲနဲ့  ပေတေရှု့ နေတဲ့အတွက်ကြောင့်မို့ 
ပေရှု့ ရင် အပြစ်လေးချက် သင့်ပါတယ်။
သေချာ သဘောပေါက်ပါစေ။
တရားရှု့ တယ်ဆိုတာ ကိုယ်ကို လာညှဉ်းဆဲတာမဟုတ်ဘူး။
ကိုယ်ကို လာပြီး အပင်ပန်းခံတာမဟုတ်ပါဘူး။
ဒီခန္ဓာမှာ ပြနေတဲ့ အရှု့ ခံတရားတွေရဲ့ ခန္ဓာဒုက္ခကို သိချင်လို့ လာကြတာပါ။
ခန္ဓာ့ ဒုက္ခကို သိဖို့ အတွက် ရုပ်ဖောက်ပြန်လည်း ဒုက္ခပြတာ။
ဝေဒနာခံစားလည်း ဒုက္ခပြတာ။
ခန္ဓာ မှန်သမျှ ဒုက္ခသစ္စာဖြစ်ပါတယ်။

(ပုညာရာမမိုးကုတ်ဝိပဿနာကျောင်းတိုက်မှ
ဆရာတော် ဗဟုဇနဟိတဓရ ဓမ္မကထိက
“ အရှင်ပုညာနန္ဒ”

အလုပ်ပေးတရားတော်မှ ရေးသားပူဇော်သည်)

source: https://www.facebook.com/mawkon.thakhin.1

ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်

12141548_532094383613722_2047131966452634695_n

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၁)

“မှတ်တမ်း”

သာသနာတော်နှစ် ၂၅၅၄-ခုနှစ်၊ ကောဇာသက္ကရာဇ် ၁၃၇၂-ခုနှစ်၊ တန်ဆောင်မုန်းလပြည့်ကျော် (၁)ရက်၊ မုံရွာမြို့၊ ရွှေစည်းခုံစေတီတော်မြတ်ကြီး၏ ဓမ္မာရုံအတွင်း ဆင်ယင်ကျင်းပ ပြုလုပ်အပ်သည့် ဓမ္မသဘင် အခမ်းအနားဝယ် မုံရွာမြို့၊ ဘုရားကြီးလမ်းနေ အဖ ဦးသန်း၊ အမိ ဒေါ်ခင်ကြည်တို့ကို အမှုးထား၍ သား- ကိုကျော်မင်းသန်း၊ သမီး မသန်းသန်းဦး၊ မချိုမာ “ပန်းကံ့ကော်စတိုး” မိသားစုတို့၏ အမတဒါန ဓမ္မဒါနအဖြစ်ဖြင့် ဟောကြားအပ်သော
“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ၊ အပိုင်း(၂)” တရားဒေသနာတော်။

ဖခင်ကို ခုနစ်နှစ်သားအရွယ်ရောက်မှ ပြန်လည်ဆုံတွေ့ခွင့်မြင်ခွင့်ရပြီး ဘာမသိညာမသိနဲ့ ကိုရင်ဝတ်ပေးခြင်းခံလိုက်ရတဲ့ ရှင်ရာဟုလာလေးဘဝကို စဉ်းစားကြည့်၊

လိုချင်တာက အမွေ၊ ပစ္စည်းဥစ္စာအမွေကို လာတောင်းတာ၊

သို့သော် မြတ်စွာဘုရားက သံသရာဝဋ်ဆင်းရဲမှလွတ်ဖို့ အရှည်မြော်မြင်တဲ့အနေနဲ့ ရာဟုလာတောင်းတဲ့ လောကပစ္စည်းအမွေကို မပေးဘဲ ကိုရင်ဝတ်ပေးလိုက်တယ်။

ရှင်သာရိပုတ္တရာ မထေရ်မြတ်က ဥပဇ္ဈာယ်၊ ရှင်မဟာမောဂ္ဂလာန် မထေရ်မြတ်က သရဏဂုံဆရာလုပ်ပြီး မြတ်စွာဘုရားရဲ့ သားတော်လေး ရှင်ရာဟုလာ ရှင်သာမဏေဘဝ ရောက်သွားတယ်။ ခုနစ်နှစ်အရွယ်ဆိုတော့ ဘာသာတရားရဲ့ အတိမ်အနက် တရားဓမ္မရဲ့ အတိမ်အနက်ကို မသိသေးဘူးပေါ့၊
သို့သော်လည်း ပါရမီရှင်လေးဖြစ်သည့် အားလျော်စွာ ဗုဒ္ဓမြတ်စွာရဲ့ သာသနာအပေါ်မှာ စိတ်ဝင်စားမှုကတော့ ရှိမယ်လို့ ယုံကြည်ရပါတယ်။

ဘုန်းကြီးတို့အနေနဲ့ ပြန်ကြည့်မယ်ဆိုရင် ကိုးနှစ်သားအရွယ်မှာ ဘာမသိ ညာမသိနဲ့ ကိုရင်ဘဝရောက်သွားတာပဲ၊ တကယ်တော့ သာသနာကိုကြည်ညိုပြီး တရားကိုသိလို့ သာသနာ့ဘောင်ထဲ ဝင်လာတာ မဟုတ်ဘူး။ မိဘတွေက စီစဉ်ပေးလိုက်တာနဲ့ ကိုရင်ဖြစ်သွားတာ၊ တရားဓမ္မဆိုတာ ဘာရယ်လို့ မသိဘူး၊ ဒီအရွယ် သူများတွေ ကိုရင်ဝတ်ကြတယ်၊ ကိုယ်လည်း ကိုရင်ဝတ်ရတယ် ဆိုတော့ ပျော်တာပေါ့။

အဲဒီလို ဘာမသိညာမသိနဲ့ ကိုရင်ဘဝရောက်လာခဲ့ရတယ်၊ ကိုယ်ချင်းစာပြီး ကြည့်မိတယ်၊ သားတော် ရာဟုလာလေးလည်း ဒီလိုပဲနေမှာပဲ၊
ခုနစ်နှစ်ဆိုတော့ အလွန်ငယ်သေးတာ၊ အလွန်ငယ်သေးတဲ့ အချိန်လေးမှာ ရှင်သာမဏေဘဝရောက်လာတယ်။
သို့သော် မြတ်စွာဘုရားရဲ့ သားတော်လေး ဆိုပြီးတော့ ပတ်ဝန်းကျင်က အလေးပေးကြမှာ သေချာပါတယ်။
အဲဒီ ပတ်ဝန်းကျင်က အလေးပေးပေမယ်လို့ ဒီကလေးဟာ ရောင့်တက်တာတော့ မရှိဘူးပေါ့၊ ဘာဖြစ်လို့တုန်းဆိုရင် မြတ်စွာဘုရားက အမြဲတမ်းဆုံးမ ဩဝါဒပေးနေတာကိုး။

သုတ္တနိပါတ် ပါဠိတော်မှာ ရာဟုလာသုတ် ဆိုတာရှိတယ်၊
အဲဒီ ရာဟုလာသုတ်က ဂါထာပေါင်း ၈-ပုဒ်ရှိတယ်။
အဲဒီ ၈-ပုဒ်နဲ့ ရာဟုလာ ကိုရင်ဘဝရောက်တဲ့ အချိန်ကစပြီး နေ့စဉ်မပြတ် ဆုံးမဩဝါဒပေးတာ။ အဲဒီ ဆုံးမဩဝါဒပေးတဲ့ စကားလေးတွေက အလွန်မှတ်သားစရာကောင်းတယ်၊ကလေးအဖို့ တချို့ဆုံးမဩဝါဒတွေက အလွန်မြင့်နေတယ်။
ပါရမီရှင်ဖြစ်လို့ သဘောပေါက် နားလည်နိုင်စွမ်းရှိတယ်လို့ ဒီလိုယူဆရမှာပဲ၊
အဲဒီမှာ မြတ်စွာဘုရားက ရာဟုလာကို အမြဲတမ်း မေးခွန်းလေးထုတ်တယ်။

“ရာဟုလာ, အမြဲတမ်း ဆုံတွေ့နေလို့ရှိရင် လူတွေဟာ ကိုယ်နဲ့ပေါင်းဆက်ဆံတဲ့ ပညာရှိတွေအပေါ် အထင်သေး အမြင်သေး ဖြစ်လာတတ်တယ်”။

ဗမာစကားလည်း ရှိတယ်လေ “အရောဝင်ရင် အရိုအသေတန်တယ်” ဆိုတာ။
သာသနာ့ဘောင် ဝင်လာတော့ ရဟန်းတော်တွေကလည်း မြတ်စွာဘုရား သားတော်လေးဆိုပြီး အလေးပေးကြတယ်၊ ရှင်သာရိပုတ္တရာမထေရ်မြတ်ကလည်း အလေးပေးတယ်၊ ရှင်မောဂ္ဂလာန်ကလည်း အလေးပေးတယ်။ အဲဒီလို ခုခေတ်လိုပြောမယ်ဆိုရင် အလိုလိုက်ကြတယ်ပေါ့နော်၊ အလိုလိုက်တဲ့အခါကျတော့ “အရောဝင်ရင် အရိုအသေတန်တယ်” ဆိုတာမျိုး ဖြစ်တတ်တယ်ပေါ့၊ အဲဒါကို မြတ်စွာဘုရားက သတိပေးတယ်။

အမြဲမပြတ် ပေါင်းသင်းဆက်ဆံနေရလို့ ပညာရှိပုဂ္ဂိုလ်တွေအပေါ် ငါ့သား ရာဟုလာ အထင်သေး အမြင်သေးများ ဖြစ်သလား” လို့မေးတယ်။
ဒီတော့ “တပည့်တော် အဲသလို မဖြစ်အောင် နေပါမယ့်ဘုရား” တဲ့။

အင်မတန်လိမ္မာတဲ့ ကလေးပဲ၊ မြတ်စွာဘုရားက ကလေးနဲ့လိုက်အောင် ဒီစကားကို သုံးတယ်၊

နောက်ပြီး ထပ်ပြောတာက “လောကမှာ ပညာရှိဆိုတာ မီးရှုးထမ်းထားတဲ့ ပုဂ္ဂိုလ်နဲ့ အလားတူတယ်” တဲ့၊ မီးရှုးထမ်းထားတဲ့ပုဂ္ဂိုလ်ဟာ ကျန်တဲ့ပုဂ္ဂိုလ်တွေကို အလင်းရောင်ပေးတာ။ လောကကြီးကို အလင်းပေးနေတဲ့ ပုဂ္ဂိုလ်တွေဟာ ပညာရှိပဲ၊ ဒါကြောင့်မို့ မြန်ရာဇဝင်စာအုပ်တွေမှာ ပညာရှိတွေကို “ပြည်သူ့မျက်လုံး” လို့ ဒီလို သုံးတာနော်။
ပညာရှိဟာ စက္ခုဘူတ လူတကာရဲ့မျက်လုံးနဲ့ အလားတူတယ်။
ဘာဖြစ်လို့တုန်းဆိုရင် မျက်လုံးဆိုတာ မြင်နိုင်စွမ်းရှိတယ်၊ အခု ပညာရှိတွေကလည်းပဲ “ပညာရှိအတွေး ပြေးကြည့်တာထက်တောင် သေချာသေးတယ်” ဆိုတာလို ပညာရှိတွေဟာ အရာရာမှာ ဆင်ခြင်တုံတရားနဲ့ စဉ်းစားဆုံးဖြတ်နိုင်စွမ်း ရှိတယ်ပေါ့၊ အမှန်အကန်ကို ဆုံးဖြတ်နိုင်စွမ်းရှိတယ်။
ဒါကြောင့်မို့ မီးရှုးထမ်းထားတဲ့ ပုဂ္ဂိုလ်နဲ့တူတဲ့

“ပညာရှိတွေကို အထင်သေး အမြင်သေး မလုပ်ဘဲ ရိုသေလေးစားသမှု ပြုရဲ့လား” လို့ဆိုတော့ သူက လျှောက်တယ်၊
“တပည့်တော် ပညာရှိတွေကို တန်ဖိုးထားပါတယ်ဘုရား၊ လေးစားပါတယ်” တဲ့။

အဲဒီလို အမြဲတမ်းမေးပြီး အဖြေတောင်းတဲ့ ဂါထာလေးပဲ။ မြတ်စွာဘုရားက သားတော် ရာဟုလာလေးကို ဒီလို အမြဲတမ်းမေးပြီး ဆုံးမတယ်၊ ခုနစ်နှစ် အရွယ်ကနေစပြီး ရဟန္တာ မဖြစ်မချင်းပေါ့။
ခုနစ်နှစ်အရွယ် သာသနာ့ဘောင်ဝင်လာတဲ့ အချိန်ကနေစပြီး အခုလို ဩဝါဒပေးတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၂)

နောက်တစ်ခါ ဆုံးမသြဝါဒစကား ဘာပြောတုန်းဆိုတော့
“ကာမဂုဏ်အာရုံတွေကို စွန့်ပါ” တဲ့၊
ကာမဂုဏ်အာရုံဆိုတော့ စာစကား ဖြစ်နေတယ်၊
“အပျော်အပါးတွေကို မလိုက်စားနဲ့” တဲ့။
နှစ်သက်စရာအာရုံတွေကို ဖယ်ရှားပြီးတော့ ယုံကြည်ချက်နဲ့ အိမ်ကထွက်လာပြီးတော့ အခု ကိုရင်ဖြစ်လာပြီတဲ့။

ဟုတ်တာပေါ့၊ ကိုရင်ဘဝဆိုတာ ကာမဂုဏ်အာရုံတွေကို မလိုက်စားရဘူး၊ မျက်စိနဲ့ ပျော်စရာတွေကြည့်ပြီး မနေရဘူး၊ နားနဲ့ ပျော်စရာတွေကို နားထောင်ပြီး မနေရဘူး၊ ဒီလိုဆိုလိုတာ။
အဲဒါတွေကို စွန့်လွှတ်ပြီးတော့ သာသနာ့ဘောင်ကိုဝင်လာတာ၊ ယုံကြည်ချက်နဲ့ဝင်လာတာ၊ တကယ်ကတော့ အဲဒီမှာ ရာဟုလာကို သင်္ကန်းဝတ်ပေးလိုက်တဲ့ အချိန်မှာ ယုံကြည်ချက်နဲ့ ဝတ်တာတော့ မဟုတ်ဘူး။
သို့သော် မြတ်စွာဘုရားက ဆုံးမသြဝါဒပေးပြီးတော့ ပြောပြမှာပေါ့။ အမွေပေးတယ်ဆိုတာ မြတ်စွာဘုရားက
“အေး လောကအမွေဆိုတာ တကြောင့်ကြကြနဲ့ သောကဖြစ်စရာ ရှိတယ်၊
အဲဒီအမွေတွေကို ရာဟုလာ မလိုချင်ပါနဲ့၊
တရားအမွေကသာ အလွန်မြတ်တယ်”
လို့ သူပြောပြမှာပေါ့။
အဲဒီလို ပြောပြလိုက်တဲ့အခါမှာ သူဟာ ယုံကြည်ချက်ပြည့်ဝသွားတယ်၊ သင်္ကန်းဝတ်ရခြင်းရဲ့ အဓိပ္ပာယ်ကို သူနားလည်သွားတယ်ပေါ့။

အဲဒါကြောင့် လူ့ဘောင်လူ့လောကကနေပြီး ထွက်လာတာဟာ ဘုရားကနေပြီးတော့ သင်္ကန်းဝတ်ပေးလို့ ရာဟုလာ ကိုရင်ဖြစ်လာတယ် ဆိုပေမယ့်လို့ သိရှိနားလည်လာတဲ့အခါမှာ ယုံကြည်ချက်နဲ့ ဝတ်လာတယ်လို့ပဲ ပြောရတော့မယ်။
လောကမှာ သာသနာ့ဘောင်ဝင်လာတဲ့ ပုဂ္ဂိုလ်တွေထဲ တချို့ပုဂ္ဂိုလ်တွေက ကြွေးမပေးနိုင်လို့၊ တချို့က မင်းစိုးရာဇာအပြစ်ဒဏ်တွေသင့်လို့၊ ထိုအပြစ်ဒဏ်တွေက ရှောင်တိမ်းလွှဲလို၍ သာသနာ့ဘောင်ဝင်လာတာ ရှိတယ်၊ တချို့က ဆွေတွေမျိုးတွေ အားကိုးစရာ မရှိတော့လို့ သာသနာ့ဘောင် ဝင်လာတာ ရှိတယ်။

ရာဟုလာက ဒီလိုအနေအထားမှ မဟုတ်တာ၊ အဖိုးတွေ အဖွားတွေ ဆွေတွေမျိုးတွေကလည်းပဲ တယုတယနဲ့ သိုင်းသိုင်းဝိုင်းဝိုင်းနေတဲ့အထဲက သင်္ကန်းဝတ်လာတယ်၊ ယုံကြည်ချက်နဲ့ ဝတ်တယ်လို့ပဲ ပြောရမှာပဲ။

အဲဒီမှာ မြတ်စွာဘုရားက
“ကာမဂုဏ်အာရုံတွေကို စွန့်ပယ်ပြီး၊ နှစ်သက်စရာကောင်းတဲ့ မြတ်နိုးစရာကောင်းတဲ့ အရာတွေကို စွန့်ပယ်ပြီး ယုံကြည်ချက်နဲ့ အိမ်ကနေထွက်လာပြီး လုပ်ရမယ့်အလုပ်ကတော့ ဆင်းရဲဒုက္ခအဆုံးသတ်ရေးပဲဖြစ်တယ်” တဲ့။

ကလေးပေမယ့်လို့ ပြောရင်နားလည်တယ်ပေါ့။
“ခဏခဏ အိုရမယ်၊ အိုပြီးရင် နာရမယ်၊ နာပြီးရင် သေရဦးမယ်၊ သေပြီးရင် ပြန်မွေးရဦးမယ်။ ရာဟုလာ၊ ဘယ်လောက်ကြောက်စရာ ကောင်းတုန်း၊ အဲဒီဒုက္ခတွေကို အဆုံးသတ်ဖို့အတွက် မင်း ကြိုးစားရမယ်” လို့၊
ဒါနေ့စဉ်ပြောပြနေတဲ့ စကားလုံးလေးတွေပဲ။

အဲဒီလို နေ့စဉ်ပြောပြနေတဲ့အခါမှာ သူ့နားထဲမှာ ဝင်နေတယ်၊
အဲဒီလို ဒုက္ခကို အဆုံးသတ်ဖို့ ဆိုတဲ့နေရာမှာ ဘာတွေလိုအပ်သလဲဆိုတော့ မိတ်ကောင်း ဆွေကောင်း၊ ဆရာကောင်းသမားကောင်းတွေ အရေးကြီးတယ်တဲ့။ နို့မဟုတ်ရင် လမ်းမှားသွားနိုင်တယ်ပေါ့၊
ကိုယ်က ဒုက္ခကို အဆုံးသတ်ဖို့ ကြိုးစားနေပေမယ့်လို့ လမ်းမှားကို ညွှန်ပြတဲ့ပုဂ္ဂိုလ်နဲ့ တွေ့သွားလို့ရှိရင် ဒုက္ခ အဆုံးမသတ်နိုင်ဘဲနဲ့ ဒုက္ခထဲ ရောက်သွားနိုင်သေးတယ်တဲ့။

အဲဒါကြောင့် မြတ်စွာဘုရားက
“မိတ္တေ ဘဇဿု ကလျာဏေ”၊
မိတ်ကောင်း ဆွေကောင်းတွေကို ချဉ်းကပ်၊
မိတ်ကောင်း ဆွေကောင်းတွေကို ပေါင်းသင်းဆက်ဆံရမယ် တဲ့နော်၊

အဲဒီ မိတ်ကောင်း ဆွေကောင်းတွေကို ဆည်းကပ်ပြီးတော့ ထိုမိတ်ကောင်း ဆွေကောင်းတွေဆီက ကောင်းမြတ်တဲ့ အဆုံးအမဩဝါဒ၊ အကြံဉာဏ်တွေကို ရအောင်ယူရမယ်လို့ ဒီလိုပြောတာနော်၊ မိတ်ဆွေမရှိဘဲနဲ့ ဆရာကောင်း သမားကောင်းကို မမှီဝဲဘဲနဲ့ ကိုယ့်ဟာကိုယ် သံသရာဝဋ်ကလွတ်အောင် လုပ်နိုင်တယ်ဆိုတာ ဘယ်သူမှ မရှိဘူး။

ရှင်သာရိပုတ္တရာမထေရ်က စပြီးတော့ ကျန်တဲ့ပုဂ္ဂိုလ်တွေဟာ မိတ်ကောင်း ဆွေကောင်းနဲ့ ပေါင်းသင်းဆက်ဆံရတာချည်းပဲ။ မိတ်ကောင်း ဆွေကောင်းတွေနဲ့ ပေါင်းသင်းဆက်ဆံမှ မိတ်ကောင်း ဆွေကောင်းမှ ဟောပြောတဲ့ ဆုံးမတဲ့ အဆုံးအမဩဝါဒတရားတွေကို နာယူလိုက်နာကျင့်သုံးမှ မှန်ကန်တဲ့လမ်းကြောင်းဆိုတာ တွေ့တာတဲ့၊ နို့မဟုတ်ဆို မတွေ့ဘူးပေါ့၊
အဲဒီလို မြတ်စွာဘုရားက ရာဟုလာလေးကို ဆုံးမဩဝါဒပေးတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၃)

ဒါတင်မကသေးဘူး၊ ကလေးဆိုတော့ အများနဲ့ ပေါင်းသင်းဆက်ဆံပြီး စကားတပြောပြောနဲ့, အဖော်သဟဲနဲ့ နေမှာစိုးလို့၊
“ရာဟုလာ တိတ်ဆိတ်ငြိမ်သက်တဲ့ ချောင်ကျတဲ့ နေရာတွေကို ရွေးပြီးတော့နေပါ” တဲ့၊ ဆူဆူညံညံနဲ့ လူကြားသူကြား စကားများရတဲ့ နေရာမျိုးကို မနေနဲ့တဲ့။
ဟော နေရေးထိုင်ရေးနဲ့ ပတ်သက်ပြီးတော့လည်း ဆုံးမတယ်၊

ဒီရှင်ရာဟုလာလေးဆိုတာ အလွန်လိမ္မာတယ်။ ဘယ်လောက်ထိအောင် လိမ္မာတုန်းဆိုတော့ မြတ်စွာဘုရားက အမြဲဆုံးမလို့ သူက မနက်မိုးသောက်လို့ အိပ်ယာကထပြီဆိုရင် တခြားရဟန်းတွေ, တခြားကိုရင်တွေလိုပဲ ဝတ်ကြီးဝတ်ငယ် ဆောင်ရွက်ပြီးတော့ လက်ခုပ်ကလေးနဲ့ သဲလေးတွေကို ဆုပ်ကြည့်ပြီး
“ဒီကနေ့ ငါ့ကိုဆုံးမတဲ့ပုဂ္ဂိုလ်တွေ ဟောဒီသဲလုံးလေးတွေလောက် များရင် ကောင်းမှာပဲ” လို့ ဒီလောက်ထိအောင် မိတ်ကောင်းဆွေကောင်းတွေဆီက အကြံကောင်း ဉာဏ်ကောင်းတွေကို ရချင်တယ်။

အခုခေတ်လူတွေနဲ့တော့ အင်မတန် ကွာတယ်၊ အခုခေတ်လူတွေက ငါသိငါတတ်လုပ်တယ်၊ သွားပြီးပြောလိုက်မယ်ဆိုရင် လာပြီးမရှည်နဲ့လို့ ပြောကြတာများတယ်နော်၊ အကြံဉာဏ်ပေးလို့မရဘူး။

ဪ ရာဟုလာက ဘုရားသားတော်ပဲ၊ အင်မတန်လည်း ဉာဏ်ကောင်းတဲ့ ပုဂ္ဂိုလ်၊ သို့သော်
“ဟောဒီ သဲလုံးအမျှ ငါ့ကို ဆုံးမမည့် ပုဂ္ဂိုလ်တွေများရင် အလွန်ကောင်းမှာပဲ” လို့၊

ဒါတင်လားဆိုတော့ စိတ်သဘောထားကလည်း အလွန်ပြည့်ဝတယ်၊
ရာဟုလာ သဘောကောင်းတယ်ဆိုတာ သိကြတော့ ရဟန်းတွေက တစ်ရက်မှာ စုံစမ်းကြသတဲ့။
တံမြက်စည်းတို့ဘာတို့ လှည်းပြီးလို့ရှိရင် သူ့နေရာနဲ့သူ ပြန်သိမ်းရတယ်၊ စည်းကမ်းတကျ ထားရတယ်၊ တစ်ရက်ကျတော့ တံမြက်စည်းလှည်းပြီး လမ်းလယ်ခေါင်မှာ ဒီအတိုင်းချထားတယ်၊
ရာဟုလာ လာတဲ့အခါ တစ်ပါးက ပြောတယ်
“ဟေ့ ဒီတံမြက်စည်း ဘယ်သူပစ်ထားတာတုန်း”
နောက်တစ်ပါးက ပြောတယ်၊
“ဒီနားတော့ ရာဟုလာသွားနေတာပဲ၊ သူပစ်ထားတာနေမှာပါ၊ ဒီကိုရင်လေး စည်းမရှိ ကမ်းမရှိ တံမြက်စည်း ပစ်ထားပုံရတယ်”
အဲဒီလိုပြောတော့ သူက
“တပည့်တော် မပစ်ပါဘူး” လို့ မပြောဘူး၊
အသာလေးကောက်ပြီး တံမြက်စည်းကိုယူပြီး သိမ်းသွားတယ်။
“အရှင်ဘုရားတို့၊ နောက် အပြစ်တွေ့လည်းပြောကြပါဘုရား” လို့ လျှောက်ထားပါသတဲ့၊ အဲဒီလောက်လိမ္မာတဲ့ ကလေးပေါ့၊ လုပ်တယ် မလုပ်ဘူး ပြန်ပြောမနေဘူး။

အဲတော့ ဝိနည်းသိက္ခာပုဒ်ထဲမှာ တစ်ခါက မြတ်စွာဘုရားက သိက္ခာပုဒ်တစ်ခု ပညတ်လိုက်တယ်၊ ဘာဖြစ်လို့ ပညတ်တုန်းဆိုတော့ ရဟန်းတွေဟာ သာမဏေတွေနဲ့ နံနက်အရုဏ်တက်သည်အထိ တစ်ကျောင်းတည်းမှာ အိပ်စက်ခြင်းက မိုးလင်းသည်ထိအောင် အိပ်ကြတယ်။

အဲဒီလိုဆို မိုးလင်းသည်ထိအောင် အိပ်တဲ့အခါ ကဲ့ရဲ့မှုတွေ ဖြစ်ပေါ်လာတယ်ပေါ့၊ ရဟန်းတွေချည်း မဟုတ်ဘဲနဲ့ ရှင်သာမဏေတို့နှင့် အတူအပ်ကာ အဲဒီလို ဖြစ်ပေါ်လာတဲ့အခါ မြတ်စွာဘုရားက သိက္ခာပုဒ်ကို ပညတ်တယ်။
“တစ်မိုး တစ်ရံတည်းသော ကျောင်းမှာတဲ့၊ လူ သာမဏေတွေနဲ့အတူ ရဟန်းတော်တွေဟာ အရုဏ်တက်သည်ထိအောင် မအိပ်ရဘူး” လို့ ပညတ်လိုက်တယ်။

အရင်တုန်းကတော့ ကိုရင်ရာဟုလာလေးကို ဟိုကိုယ်တော်ခေါ်သိပ် ဒီကိုယ်တော်ခေါ်သိပ် သိပ်ကြတယ်။ မြတ်စွာဘုရားက ရှင်သာမဏေတွေနဲ့ အတူတူမအိပ်ရဘူး၊ တစ်ကျောင်းတည်း မနေရဘူးလို့လည်း ပညတ်လိုက်ရော ရှင်ရာဟုလာလေး နေစရာမရှိတော့ဘူး။

ဟိုကိုယ်တော်ကလည်း
“ရာဟုလာ၊ ဘုရား သိက္ခာပုဒ် ပညတ်လိုက်ပြီ၊ ဒီနေလို့မဖြစ်တော့ဘူး” ဟိုကျောင်းကလည်း နေလို့မဖြစ်တော့ဘူး၊ ဒီကျောင်းကလည်း နေလို့မဖြစ်တော့ဘူး ဆိုတော့ ဒီကလေးလေးဟာ နေစရာမရှိဘူး၊ ဘယ်သွားနေတုန်းဆိုတော့ မြတ်စွာဘုရားက အသုံးပြုတဲ့ရေအိမ်၊ ခုခေတ်ဆိုလို့ရှိရင် Toilet ပေါ့နော်၊ အဲဒီထဲမှာသွားပြီး နေရတယ်၊ မြတ်စွာဘုရားက ညအခါထတယ်၊ ထတဲ့အခါမှာ တံခါးကို ခေါက်ပြီး ချောင်းဟန့်တယ်။

ဒါထုံးစံပဲ၊ တံခါးပိတ်ထားတဲ့နေရာ ဆိုလို့ရှိရင် တံခါးခေါက်ရတယ်၊ ချောင်းဟန့်ရတယ်၊ အထဲထဲမှာ လူရှိနေသလား၊ မရှိဘူးလား၊ ရုတ်တရက် ကောက်မဖွင့်ရဘူး၊ ဒါကျင့်ဝတ်ပဲ။

အဲတော့ မြတ်စွာဘုရားက အပြင်ဘက်က ချောင်းဟန့်လိုက်တော့ အထဲထဲမှာရှိနေတဲ့ ရာဟုလာက ပြန်ပြီးချောင်းဟန့်တယ်။
မြတ်စွာဘုရားက
“ဒီထဲက ဘယ်သူတုန်း” ဆိုတော့
“တပည့်တော် ရာဟုလာပါဘုရား”၊
ဘာဖြစ်လို့ ဒီထဲလာနေသလဲ” လို့ဆိုတော့ ရှင်ရာဟုလာက “နေစရာမရှိလို့ပါ”
လို့ လျှောက်တယ်။
ဒီလို ဝိနည်းသိက္ခာပုဒ်ထဲမှာ မှတ်တမ်းလေး ရှိတယ်ပေါ့။

အဲဒါနဲ့ မြတ်စွာဘုရားက ဪ- ကလေးတွေ ဒုက္ခရောက်တော့မှာပဲဆိုပြီး ရဟန်းတော်တွေကို နှစ်ည သုံးညတော့ ကိုရင်လေးတွေ ရဟန်းတော်တွေနေတဲ့နေရာမှာ နေခွင့်ပေးလိုက်ပါဆိုပြီး ဥပဒေကို ပြင်ပေးလိုက်တယ်။

အဲဒီမှာလည်း ရှင်ရာဟုလာဟာ အလွန် ဆုံးမဩဝါဒပေးဖို့ရာအတွက် အင်မတန်မှလွယ်တယ်၊ ဒီလိုလွယ်တာလည်း မြတ်စွာဘုရားက အမြဲမပြတ် ကြည့်ရှုပြီး ဆုံးမဩဝါဒပေးနေတာကြောင့်ဖြစ်တယ်။
ပင်ကိုကလည်း ဒီကလေးက လိမ္မာယဉ်ကျေးတယ်၊ မြတ်စွာဘုရားက ဆုံးမဩဝါဒပေးလို့လည်း ပိုပြီး ယဉ်ကျေးလာတယ်။
ရှင်သာရိပုတ္တရာ၊ ရှင်မောဂ္ဂလာန်တို့ကလည်း အမြဲမပြတ် ဆုံးမဩဝါဒပေးကြတယ်ပေါ့။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၄)

မြတ်စွာဘုရားက အစားအစာနဲ့ ပတ်သက်ပြီး
“ရာဟုလာ၊ ဆွမ်းစားတဲ့အခါမှာလည်း အတိုင်းအတာ သိရမယ်၊ ခံယူတဲ့အခါမှာလည်း အတိုင်းအတာသိရမယ်”၊
လောကမှာ အစာအာဟာရနဲ့ ပတ်သက်ပြီးတော့ အတိုင်းအတာသိမှုဆိုတာ အင်မတန်မှ အရေးကြီးတယ်။

ဒီကနေ့ခေတ် မြန်နိုင်ငံမှာ ကြည့်လိုက်မယ်ဆိုရင် ပြည့်ပြည့်ဝဝ အကျိုးရချင်လို့လားမသိဘူး၊ ဆွမ်းပန်းကန်ပြား ထည့်လိုက်ရင် မောက်လျှံနေအောင် ထည့်တာနော်၊
အဲဒါဟာ အတိုင်းအတာမသိဘူးလို့ ပြောရမယ်၊

အတိုင်းအတာဆိုတာ ကြည့်ရတယ်တဲ့၊ အတိုင်းအတာကြည့်ပြီး အလှူခံတဲ့ပုဂ္ဂိုလ်ကလည်း အလှူခံရမယ်တဲ့။

စာပေကျမ်းဂန်မှာ ဆိုထားတာက အတိုင်းအတာသိတယ် ဆိုတဲ့နေရာမှာ ပစ္စည်းဥစ္စာကလည်း များတယ်၊
ဒကာကလည်း အများကြီးလှူချင်တယ်ဆိုရင် ကိုယ့်အတိုင်းအတာနဲ့ကိုယ် လက်ခံပါတဲ့၊
ပစ္စည်းဥစ္စာက များတယ် ဒကာက နည်းနည်းပဲလှူချင်တယ်ဆိုရင် နည်းနည်းပဲ လက်ခံပါတဲ့၊ ပစ္စည်းဥစ္စာက နည်းတယ် ဒကာက များများကြီးလှူချင်တယ်ဆိုရင် နည်းနည်းပဲလက်ခံပါတဲ့၊ လိုအပ်သည်ထက်ပိုပြီး အလှူမခံရဘူးတဲ့၊
စာပေကျမ်းဂန်မှာ ဒီလိုမှတ်သားထားတာ။

တစ်ခါတုန်းက သီဟိုဠ်ကျွန်းမှာ ဘုရင်ကြီးမှာ နားကိုက်တဲ့ရောဂါ နားပြည်ယိုတဲ့ရောဂါ ဖြစ်တယ်၊ diet အစာအာဟာရနဲ့ ကုတဲ့နည်းကိုသုံးတယ်။
ဘာစားရင် ပျောက်သလဲဆိုတော့ အာယုဗ္ဗေဒ ဆေးကျမ်းက ဆေးဆရာတွေက အကြံပေးတယ်၊ ခါသားကို ချက်စားရင် နားပြည်ယိုတာ ပျောက်ပါတယ်လို့ ဆိုတယ်၊
ဘုရင်ကြီးကို တောထဲက မုဆိုးတွေက ခါသားလာပို့ကြတယ်၊ အဲဒီ ခါသားကို ကြော်ပြီးတော့ ဘုရင်ကြီးက သူစားမလို့ လုပ်တဲ့အချိန်မှာ သံဃာတော်လှူဖို့ သတိရတယ်။

အိမ်မှာဆွမ်းစားကြွလာတဲ့ သံဃာတွေကိုလှူတယ်၊
အဲဒီလို လှူလိုက်တဲ့အခါ အားလုံး ရဟန်းတွေက သဘောပေါက်ကြတယ်။ ပထမ မထေရ်ကြီးကလည်း ခါသား နည်းနည်းလေးပဲ ယူလိုက်တယ်၊ ဒုတိယကိုယ်တော်ပေးတော့ ဒုတိယကိုယ်တော်လည်း နည်းနည်းလေးပဲ ယူလိုက်တယ်၊ နောက်ဆုံးမှာ ကိုရင်လေးတစ်ပါးဆီ ရောက်သွားတော့ အဲဒီကိုရင်လေးကလည်း နည်းနည်းလေးပဲ ယူလိုက်တယ်။
ဟော အတိုင်းအတာသိတဲ့အတွက်ကြောင့် ဘုရင်ကြီးဟာ သူရောဂါ ပျောက်ဖို့အတွက် စားရမယ့် ခါသား သံဃာတွေကိုလည်း လှူရတယ်၊ သူကိုယ်တိုင်လည်း ခါသား စားရတယ်။
အဲဒီနေရာမှာ အတိုင်းအတာမသိတဲ့ပုဂ္ဂိုလ် ဆိုလို့ရှိရင် ခါတစ်ကောင်လုံးဟာ ပထမ ကိုယ်တော်ကြီးနဲ့ပဲ ကုန်သွားလောက်တယ်ပေါ့။

ဒါကြောင့်မို့ မြတ်စွာဘုရားက ဆုံးမဩဝါဒပေးတယ်
“မတ္တညူ ဟောတိ ပါန ဘောဇနေ”
အစားအသောက်နဲ့ပတ်သက်ပြီး အတိုင်းအတာကို သိရမယ်တဲ့။ ကိုယ်လိုအပ်သည်ထက် ပိုပြီး မယူရဘူး၊ ဒကာ ဒကာမက အများကြီးလှူချင်ပေမယ့် လိုအပ်သည်ထက် ပိုပြီး လက်မခံရဘူးတဲ့။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၅)

နောက်တစ်ခု သင်္ကန်းတို့၊ ဆွမ်းတို့ ပစ္စည်းလေးပါးနဲ့ ပတ်သက်တာတွေမှာလည်း မြတ်စွာဘုရားက ဘယ်လို ဆုံးမတုန်းဆိုရင် ပစ္စည်းလေးပါးအပေါ်မှာလည်း တွယ်တာတဲ့တဏှာ မဖြစ်စေနဲ့တဲ့
“ပစ္စည်းကို နှမြောတယ် စုံမက်တယ်ဆိုတဲ့ အတွယ်အတာ တဏှာရာဂတွေ မဖြစ်အောင်နေ” တဲ့၊
အဲဒါ မဖြစ်အောင်နေရင် ဒီလိုဘဝမျိုး အိုခြင်း၊ နာခြင်း၊ သေခြင်းဆင်းရဲတွေ မလွတ်ကင်းတဲ့ ဘဝမျိုးတွေကို ပြန်ရောက်မှာမဟုတ်ဘူး၊ အဲဒါတွေ လိုက်နာကျင့်သုံးရမယ်။

နောက်တစ်ခုက ကိုယ်ကျင့်တရားနဲ့ ပတ်သက်ပြီး မြတ်စွာဘုရားက ဆုံးမဩဝါဒပေးတယ်၊ ရဟန်းတော်တွေ လိုက်နာဖို့ ပညတ်ထားတဲ့ ပါတိမောက်ကျမ်းမှာလာတဲ့ သိက္ခာပုဒ်တွေ အဲဒါတွေကို လိုက်နာရမယ်၊ ဣနြေ္ဒတွေကို ထိန်းသိမ်းစောင့်ရှောက်ရမယ်၊
ဣနြေ္ဒတွေ ထိန်းသိမ်းစောင့်ရှောက်တယ်ဆိုတာ
မျက်စိကကြည့်ပြီး လောဘမဖြစ်စေနဲ့ ဒေါသမဖြစ်စေနဲ့၊ နားက အသံကြားပြီး လောဘမဖြစ်စေနဲ့ ဒေါသမဖြစ်စေနဲ့၊
ဣနြေ္ဒတွေကို ထိန်းသိမ်းစောင့်ရှောက်ပါတဲ့။

နောက်ပြီး ကိုယ်ခန္ဓာမှာ အမြဲတမ်း သတိထားပါစေတဲ့၊
ကိုယ်ခန္ဓာနဲ့ ပတ်သက်ပြီး “ကာယဂတာသတိ” ပေါ့၊ အမြဲမပြတ် သတိရှိပါစေ၊ သွားလည်းသတိ စားလည်းသတိ လုပ်လည်းသတိ ပြောလည်းသတိ ဆိုတဲ့ သတိတရားတွေ ရှိပါစေတဲ့။

အတော်လေး အရွယ်ရောက်တဲ့အခါ မြတ်စွာဘုရားက အဆုံးအမ ဩဝါဒလေးကို မြှင့်မြှင့်ပြီးပေးတယ်။
“ရာဟုလာ၊ လှပတင့်တယ်တဲ့အာရုံတွေပေါ်မှာ နှစ်သက်တွယ်တာတဲ့စိတ်မျိုး မဖြစ်စေနဲ့” တဲ့၊
လှပတင့်တယ်တဲ့ အာရုံတွေကို မြင်တဲ့အခါမှာ နှစ်သက်တွယ်တာမှုမျိုးကို မဖြစ်စေနဲ့၊ လူ့ဘဝ လူ့ခန္ဓာဆိုတာ အလွန်စက်ဆုပ်စရာကောင်းတယ်၊ မတင့်တယ်ဘူးဆိုတာကို သဘောပေါက်အောင် ဆင်ခြင်စဉ်းစားပြီးကြည့်၊ အမြဲတမ်း သတိထားပြီး နေရမယ်လို့ ဒီလိုဆုံးမတာ။

နောက်ဆုံး မြတ်စွာဘုရားက ဘယ်လိုဆုံးမတုန်းဆိုလို့ရှိရင်
“လောကမှာ ရုပ်ပဲဖြစ်စေ၊ နာမ်ပဲဖြစ်စေ၊ တို့သန္တာန်တွေမှာရှိတဲ့ ရုပ်တွေနာမ်တွေ မှန်သမျှဟာ မြဲတယ်ဆိုတဲ့ အရိပ်နိမိတ်ဟာ တစ်ခုမှ မရှိဘူး၊ ချမ်းသာတယ်ဆိုတဲ့ အရိပ်အယောင်လည်း မရှိဘူး၊ ကိုယ့်သဘောကျအတိုင်း ဖြစ်နိုင်တယ်ဆိုတဲ့ အရိပ်အယောင်လည်း မရှိဘူး။ အဲဒီလို သဘောကျအောင် အမြဲတမ်း ဆင်ခြင်နှလုံးသွင်းရမယ်” တဲ့၊

ပြီးတော့ ဘယ်ပုဂ္ဂိုလ်အပေါ်မှ မာန်မာနတွေ မထားနဲ့တဲ့၊ မာနတရားတွေ ဖယ်ရှားပစ်ရမယ်တဲ့၊ ဟောဒီလို မာနတရားတွေကို ဖယ်ရှားပစ်နိုင်ပြီဆိုရင် မင်းရဲ့စိတ်ကလေးဟာ ငြိမ်းချမ်းသွားမှာ ဖြစ်ပါတယ်လို့ ဟောဒီဂါထာရှစ်ပုဒ်နဲ့ မြတ်စွာဘုရားက ရှင်ရာဟုလာကို အမြဲတမ်း ဆုံးမဩဝါဒပေးတာ။

အဲဒီလို ဆုံးမဩဝါဒပေးလို့ ဒီ ရှင်ရာဟုလာလေးဟာ တခြားပုဂ္ဂိုလ်တွေထက်ပိုပြီး လိမ္မာယဉ်ကျေးတယ်၊ ဆုံးမဩဝါဒ ရချင်တယ်၊ ကျင့်ချင်ကြံချင်တဲ့စိတ်ရှိတယ်။ ဘုရားသားတော်ဆိုပြီး မာန်မာနဆိုတာ လုံးဝတက်မလာဘူး၊ မြတ်စွာဘုရားရှင် ကိုယ်တော်မြတ်ရှင် ကိုယ်တော်မြတ်က အမြဲမပြတ် ထိန်းသိမ်းပြီး စောင့်ရှောက်ပေးတာပါ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၆)

၁၈-နှစ်သားအရွယ် အလှကြွယ်

အေး အဲဒီလိုနဲ့ အရွယ်ကလေးရောက်လာတယ်။ (၁၈)နှစ် အရွယ်လေးရောက်လာတယ်။
စဉ်းစားကြည့်ပေါ့ (၁၈) နှစ်ဆိုတော့ လူပျိုပေါက်အရွယ်လေး ဖြစ်လာတယ်၊ ပင်ကိုကလည်း ရုပ်အင်မတန်မှ အဆင်းလှတယ်၊ ကမ္ဘာမှာ အလှဆုံးလို့ခေါ်တဲ့ ယသောဓရာ မိဖုရားက မွေးတာလည်းဖြစ်တယ်၊ အသပ္ပာယ်ဆုံးဖြစ်တဲ့ သိဒ္ဓတ္တ မင်းသားရဲ့ သားတော်လည်း ဖြစ်တယ်၊ အဲဒါကြောင့် သူ့ရဲ့ရုပ်အဆင်းဟာ ပြောစရာမရှိလောက်အောင် အင်မတန်မှ ချောမောလှပတယ်။

မြတ်စွာဘုရား သာဝတ္ထိပြည်မှာနေတယ်၊ ရာဟုလာကလည်း (၁၈)နှစ်အရွယ် ရောက်လာတယ်။ မြတ်စွာဘုရားက နံနက်ပိုင်းမှာ သင်္ကန်းသပိတ် ပြင်ဆင်ပြီး သာဝတ္ထိမြို့ထဲကို ဆွမ်းခံကြွတယ်။

ရာဟုလာကလည်း ဘုရားနောက်က သင်္ကန်းသပိတ် ပြင်ဆင်ပြီးတော့ လိုက်တယ်၊ ဘုရား ရှေ့ကကြွ၊ သူက နောက်က လိုက်တာ၊
လိုက်ရင်း စိတ်ထဲက ဘာတွေတွေးမိတာတုန်းဆိုတော့ အဲဒီအချိန်မှာ မြတ်စွာဘုရားအသက်ဟာ ခန့်မှန်းခြေ ၄၇-နှစ်လောက်ရှိပြီလို့ ပြောရမှာပေါ့၊
ရာဟုလာက ၁၈-နှစ်၊
ဘုရားက အသက် ၄၇-နှစ်ဆိုတော့ ဘုရားကလည်း အလွန်သပ္ပာယ်နေတဲ့အချိန်၊ ရှင်ရာဟုလာကလည်းပဲ လူငယ်လူရွယ်၊ အလွန့်ကို ချောမောလှပနေတဲ့အချိန်၊ မြတ်စွာဘုရားကို သူကြည့်လိုက်တဲ့အခါ လူတွေး တွေးမိသွားတယ်။

လူတွေးတွေးတယ်ဆိုတာ “ဪ ငါ့အဖေ တော်တော်ချောတာပဲ”
သူ့ဘာသာသူလည်း ပြန်ကြည့်တယ်၊ သူ့ကိုယ်သူလည်း အင်မတန်သဘောကျတယ်၊ စိတ်ထဲမှာနော် ခဏလေး ဖြစ်သွားတာ၊
ဒါက ပုထုဇဉ်ဆိုတာ ဖြစ်နိုင်တာပဲလေ။ သူ့ရုပ်အဆင်းကိုကြည့်လိုက်တယ်၊ မြတ်စွာဘုရားရဲ့ ချောမောလှပတဲ့ ရုပ်အဆင်းကို ကြည့်လိုက်တယ်၊ မြတ်စွာဘုရားနဲ့ သူနဲ့ သားအဖဆိုတော့ ဆင်ဆင်တူတာပေါ့။

ညီအစ်ကိုတောင်မှပဲ တော်တော်တူတယ်၊ မြတ်စွာဘုရားရဲ့ အဖေတူအမေကွဲ ညီတော်ဟာ ရှင်နန္ဒလို့ ခေါ်တယ်၊ နန္ဒမင်းသားလို့ ပြောကြတယ်၊ အာနန္ဒာနဲ့ တခြားစီ။
အာနန္ဒာက အမေကွဲ အဖေကွဲ ညီအစ်ကို တစ်ဝမ်းကွဲ။ နန္ဒမင်းသားကျတော့ သုဒ္ဓေါဓနမင်းကြီးက မဟာပဇာပတိ ဂေါတမီနဲ့ မွေးတာ၊ ဒါကြောင့်မို့ အဖေတူ အမေကွဲ ညီအစ်ကို အရင်းအခြာ၊ ဒီလိုပြောလို့ရတာပေါ့။ အဲဒီ ရှင်နန္ဒနဲ့ မြတ်စွာဘုရားဟာ အင်မတန်မှတူတယ်၊ တူမှာပေါ့ အဖေအရင်းက မွေးထားတယ်၊ အမေကလည်း အမေညီအစ်မအရင်းက မွေးထားတယ်လေ။

တစ်ခါတုန်းက ရှင်နန္ဒက မြတ်စွာဘုရားဝတ်တဲ့ သင်္ကန်းရောင်နဲ့ သင်္ကန်းဖားဖား ခပ်ရှည်ရှည် ဝတ်လာတယ်၊ ဓမ္မသဘင်အခမ်းအနားတစ်ခုမှာထိုင်ပြီး တရားဆွေးနွေးနေကြတဲ့ ရဟန်းတွေဟာ ရှင်နန္ဒလာတာလည်း မြင်ရော
“ဘုရားကြွလာပြီ၊ ဘုရားကြွလာပြီ” ဆိုပြီး နေရာမှထကြတယ်။ သူတို့မျက်စိထဲမှာ မြတ်စွာဘုရား ကြွလာပြီပဲ ထင်တာကိုး၊ အနားရောက်တဲ့အခါကျတော့မှ ရှင်နန္ဒမှန်း သိကြတယ်ပေါ့။ ဟောဒီလို အဖြစ်အပျက်မျိုး ရှိခဲ့ဖူးတယ်၊ ရှင်နန္ဒဟာ မြတ်စွာဘုရားထက် လက်လေးသစ်ပဲ အရပ်နိမ့်တယ်တဲ့၊ အရပ်အမောင်းချင်းကလည်း မတိမ်းမယိမ်း။

အဲတော့ အခုလည်းပဲ ရှင်ရာဟုလာနဲ့က သားအဖဆိုတော့ တူတာပေါ့၊ မြတ်စွာဘုရားက အင်မတန်မှ ချောမောလှပ သပ္ပာယ်သလို ဒီ ကိုရင်ရာဟုလာကလည်း အလွန်သပ္ပာယ်တယ်၊ သူ့ကိုယ်သူ ပြန်ကြည့်ရင်းကနေပြီး ခဏလေးတွေးမိတာ။ အဲဒီလို တွေးမိလိုက်တာနဲ့ တစ်ပြိုင်နက် ရှေ့ကကြွနေတဲ့ မြတ်စွာဘုရားက ရာဟုလာ ဘာတွေတွေးနေတုန်းဆိုတာကို ဆင်ခြင်လိုက်တာနဲ့ ချက်ချင်းသိလိုက်တယ်၊ မြတ်စွာဘုရားကရပ်ပြီး နောက်ဘက်ကို လှည့်လိုက်တယ်။

ဘုရားက ဇက်ကိုလှည့်ပြီး နောက်ပြန်ကြည့်လို့ မရဘူးတဲ့၊
ဆင်ကြီးတွေဟာ နောက်ကိုကြည့်ချင်တယ်ဆိုရင် တစ်ကောင်လုံး လှည့်ရတယ်၊ ကိုယ်ပါလှည့်ရတယ်၊
အဲဒါလိုပဲ မြတ်စွာဘုရားက ဇက်ကိုလှည့်ပြီးတော့ နောက်ပြန်ကြည့်ရိုးထုံးစံ မရှိဘူး၊ နောက်ကြည့်ပြီဆိုရင် တစ်ကိုယ်လုံး ရှေ့နောက်လှည့်ပြီးတော့မှ ကြည့်လေ့ရှိတယ်။ အဲဒါကို “နာဂါ ပလောကိတ” လို့ခေါ်တယ်၊ ဆင်ကြည့်သလို ကြည့်တယ်ပေါ့၊ ဆင်ကြီးကြည့်သလို မြတ်စွာဘုရားဟာ နောက်ပြန်ရပ်ပြီးတော့ ကြည့်လိုက်တယ်။

ဘာဖြစ်လို့ မြတ်စွာဘုရားဇက်က နောက်ပြန်ကြည့်လို့ မရတာတုန်းဆိုတော့ မြတ်စွာဘုရားရဲ့အရိုးတွေဟာ ကွင်းဆက်တွေတဲ့၊ ဘုရားဖြစ်မယ့် ပုဂ္ဂိုလ်တွေဟာ ဒီ့ပြင်သူတွေနဲ့မတူဘူး၊ အရိုးကိုက ကွင်းဆက်လို့ ဒီလိုပြောတာ၊ ပစ္စေကဗုဒ္ဓါတွေကျတော့ ချိတ်ဆက်လို့ပြောတယ်၊
ဒီကနေ့ခေတ်တော့ အမှတ်မှားပြီး ရဟန္တာပုဂ္ဂိုလ်ကို ချိတ်ဆက်လို့ ပြောနေကြတာ၊ မဟုတ်ဘူး၊
စာထဲပါတာက ပစ္စေကဗုဒ္ဓါသည် ချိတ်ဆက်၊
မြတ်စွာဘုရားသည် ကွင်းဆက်၊
ကျန်တဲ့ ရဟန္တာပဲဖြစ်ဖြစ်၊ ဘာပဲဖြစ်ဖြစ်၊ ကျန်တဲ့ ပုဂ္ဂိုလ်တွေက တေ့ဆက်လို့ ဒီလိုပြောတယ်နော် အဲဒီလိုဆိုတာ။

သို့သော်လည်း တချို့ ပုဂ္ဂိုလ်တွေတော့ ထူးထူးခြားခြား ချိတ်ဆက် ရှိကောင်းရှိလိမ့်မယ်ပေါ့။ ချိတ်ဆက်ဖြစ်တာနဲ့ ရဟန္တာဖြစ်ရမယ်ဆိုတဲ့ သာဓကမရှိဘူး။ တချို့က
“ဟာ အရိုးက ချိတ်ဆက်ကြီး၊ ရဟန္တာပဲ” လို့
ခုခေတ်မှာ ဒီလို မှားမှားယွင်းယွင်းပြောနေကြတယ်၊

စာထဲပါတာက ချိတ်ဆက်ဆိုတာ ပစ္စေကဗုဒ္ဓါ၊
ကွင်းဆက်ဆိုတာ မြတ်စွာဘုရား၊
ကျန်တဲ့ ပုဂ္ဂိုလ်တွေဟာ တေ့ဆက်ချည်းပဲ၊
အရိုးတွေမှာ ဆက်ထားပုံတွေ အရိုးရဲ့အနေအထားနဲ့ ပတ်သက်ပြီးပြောတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၇)

အဲဒီတော့ မြတ်စွာဘုရားက ကွင်းဆက်ဖြစ်သည့်အတွက်ကြောင့် ဒီအတိုင်းဇက်ကိုလှည့်ပြီး မကြည့်ဘူး၊ တစ်ကိုယ်လုံး နောက်လှည့်ပြီး ဘာပြောသလဲဆိုတော့
“ရာဟုလာ၊ ရုပ်မှန်သမျှ အတိတ်က ရုပ်ပဲဖြစ်ဖြစ်၊ အနာဂတ်ရုပ်ပဲဖြစ်ဖြစ်၊ ပစ္စုပ္ပန်ရုပ်ပဲဖြစ်ဖြစ်၊ ကိုယ့်သန္တာန်က ရုပ်ပဲဖြစ်ဖြစ်၊ သူများသန္တာန်က ရုပ်ပဲဖြစ်ဖြစ်၊ လှတဲ့ရုပ်ပဲဖြစ်ဖြစ်၊ မလှတဲ့ရုပ်ပဲဖြစ်ဖြစ်၊ ကြမ်းတမ်းတဲ့ ရုပ်ပဲဖြစ်ဖြစ်၊ သိမ်မွေ့တဲ့ ရုပ်ပဲဖြစ်ဖြစ်၊ အနီးကရုပ်ပဲဖြစ်ဖြစ်၊ အဝေးကရုပ်ပဲဖြစ်ဖြစ်၊ ဘယ်ရုပ်ပဲဖြစ်ဖြစ် ငါ့ဟာလို့မမြင်လေနဲ့၊ ငါလို့လည်း မမြင်လေနဲ့တဲ့၊ ငါ့ရဲ့ အတ္တလို့လည်း မမြင်လေနဲ့” တဲ့။
ငါ့ဟာလည်း မဟုတ်ဘူး၊
ငါလည်း မဟုတ်ဘူး၊
ငါ့ရဲ့အတ္တလည်း မဟုတ်ဘူး၊
မှန်ကန်တဲ့ဉာဏ်နဲ့ ရှုမြင်သုံးသပ်နိုင်အောင် ကြိုးစားရမယ်လို့ ဘာမှမပြောဘဲနဲ့ မြတ်စွာဘုရားက ဒီလို ဟောလိုက်တယ်။

ရာဟုလာ ဘာတွေတွေးနေတာတုန်းလို့ မမေးဘူးနော်၊ မမေးဘဲနဲ့ ရုပ်မှန်သမျှ ဘယ်သူ့ရုပ်ပဲဖြစ်ဖြစ်၊
ငါ့ဟာလည်း မဟုတ်ဘူး၊
ငါလည်း မဟုတ်ဘူး၊
ငါ့ရဲ့အတ္တလည်း မဟုတ်ဘူးလို့
မှန်ကန်တဲ့အတွေးနဲ့ မှန်ကန်တဲ့ဉာဏ်ပညာနဲ့ပဲ ရှုမြင်သုံးသပ်ရမယ်။

ဒီလိုပြောတော့ ရှင်ရာဟုလာက
“အရှင်ဘုရားတဲ့၊ ရုပ်ကိုသာ ဒီလိုတွေးရမှာလား” လို့ဆိုတော့
“ရုပ်” တင် မကဘူးတဲ့၊
“ဝေဒနာ” ကိုလည်း အဲဒီလိုပဲ တွေးရမယ် မြင်ရမယ်၊
“သညာ” ကိုလည်း အဲဒီလို မြင်ရမယ်၊
“သင်္ခါရ” ကိုလည်း အဲဒီလို မြင်ရမယ်၊
“ဝိညာဏ” ကိုလည်း အဲဒီလို မြင်ရမယ်။

စိတ်ထဲက စိတ်ရဲ့ခံစားမှုတွေ၊ စိတ်ရဲ့မှတ်သားမှုတွေ၊ စိတ်ရဲ့စေ့ဆော်မှုတွေ၊ အသိစိတ်တွေ အားလုံးလည်း
“နေတံ မမ” ငါ့ဟာ မဟုတ်ဘူး၊
“နေသောဟ မသ္မိ” ငါလည်း မဟုတ်ဘူး၊
“န မေသော အတ္တာ” ငါ့ရဲ့အတ္တ မဟုတ်ဘူးလို့
မှန်ကန်တဲ့ ဉာဏ်အမြင်နဲ့ ရှုမြင်နိုင်အောင် ကြိုးစားရမယ်လို့ မြတ်စွာဘုရားက ဒီလို ရှင်းပြလိုက်တယ်။

အဲဒီအခါမှာ ရှင်ရာဟုလာက မြတ်စွာဘုရား ဆုံးမဩဝါဒပေးနေမှတော့ ဒီကနေ့ ဆွမ်းခံမလိုက်တော့ဘူး၊ သပိတ်လေး ပြန်လွယ်ပြီး မြတ်စွာဘုရားနောက်က ဆွမ်းခံလိုက်မလို့၊ ဆွမ်းခံမလိုက်တော့ဘဲနဲ့ တရားအားထုတ်တော့မယ်ဆိုပြီး တောထဲဝင်သွားလိုက်တယ်။

အဲဒီနေ့က လုံးဝဆွမ်းမစားတော့ဘူးနော်၊ ဘုရားဆီက အဆုံးအမရမှတော့ ငါဒီကနေ့ တရားပဲအားထုတ်တော့မယ်။
သာမန်ဆိုလို့ရှိရင် ဒီလိုပြောလို့ စိတ်ကောက်သွားသလားလို့ အောက်မေ့ကောင်း အောက်မေ့ကြလိမ့်မယ်နော်။

မြတ်စွာဘုရား ဟောလိုက်သည့်အတွက်ကြောင့် ဘုရားဆီက ဆုံးမဩဝါဒရ,ထားတဲ့ ပုဂ္ဂိုလ်တစ်ယောက်ဟာ ဘာဖြစ်လို့ အချိန်ကုန်အောင် ဆွမ်းခံပြီးတော့ စားနေမတုန်း၊ တရားအားထုတ်မယ် ဆိုပြီးတော့ တောထဲဝင်သွားလိုက်ပြီး သစ်ပင်တစ်ပင်အောက်မှာ တင်ပလ္လင်ခွေ ခါးလေးဆန့်လို့ မြတ်စွာဘုရား ရှုခိုင်းတဲ့အတိုင်း ရုပ်တရားတွေကို ရှုမှတ်ပြီးတော့နေတယ်။

အဲဒီလို ရှုမှတ်နေတဲ့အချိန်မှာ ရှင်သာရိပုတ္တရာမထေရ်မြတ်က သူလည်း ဆွမ်းခံထွက်လာတာ၊ ဆွမ်းခံထွက်လာတဲ့အခါကျတော့ ရာဟုလာ ကမ္မဋ္ဌာန်းထိုင်နေတဲ့ သစ်ပင်နားက ဖြတ်သွားတော့ ရာဟုလာတရားထိုင်တာ မြင်တယ်။ သူထိုင်နေတဲ့ အနေအထားကတော့ အာနာပါန ထိုင်နေတဲ့ အနေအထားမျိုး၊ ကမ္မဋ္ဌာန်းထိုင်နေတဲ့ အနေအထားက အဲဒီလို ခါးကလေးဆန့်ပြီးတော့ တင်ပလ္လင်ခွေထိုင်ကာ အာနာပါန လုပ်တဲ့ အနေအထားမျိုးကိုး၊ ဒါကြောင့်မို့ ရှင်သာရိပုတ္တရာက ရာဟုလာ ကမ္မဋ္ဌာန်းထိုင်နေတယ်လို့ဆိုတာကို ဘုရားက ဘာကမ္မဋ္ဌာန်း ပေးသွားတယ် ဆိုတာကို မစဉ်းစားဘူးပေါ့၊
ရာဟုလာ ကမ္မဋ္ဌာန်းထိုင်နေတာ မြင်တာနဲ့ လှမ်းပြီးတော့ ပြောသွားတယ်၊
“ရာဟုလာ အာနာပါနဿ တိ ဘာဝနာဟာ အလွန်ကို အကျိုးကျေးဇူးတွေများတယ်၊ အာနာပါနကို ကြိုးစားအားထုတ်” တဲ့။

ဟိုကရှုနေတာ ရုပ်တရားကိုရှုနေတာနော်၊ ရှင်သာရိပုတ္တရာမထေရ်က အာနာပါန ကမ္မဋ္ဌာန်းကို ပေးပြီးတော့ သွားတယ်။ အဲတော့ ကိုရင်ရာဟုလာ ၁၈-နှစ်အရွယ်၊ ဆွမ်းခံရာကနေ ဆွမ်းခံမလိုက်တော့ဘဲနဲ့ တရားအားထုတ်နေလိုက်တာ ဘယ်အချိန်ထိရောက်သွားတုန်းဆို တစ်နေကုန် တရားထိုင်တာ၊ ညနေချမ်းရောက်တော့ သူ့ရဲ့ ဥပဇ္ဈာယ်ဆရာက အာနာပါနပွားလို့ ပြောသွားတယ်၊ အာနာပါနပွားရင် ဘယ်လိုပွားရမှာလဲဆိုတာ ငါ ဘုရားကို သွားမေးဦးမယ် ဆိုပြီးတော့ ညနေချမ်း တရားထိုင်ရာကနေ ထွက်လာပြီး မြတ်စွာဘုရားဆီသွားတယ်။
“အရှင်ဘုရားတဲ့ အာနာပါနကို ပွားမယ်ဆိုရင်၊ အာနာပါနကမ္မဋ္ဌာန်းကို ဘယ်လိုအားထုတ်လို့ရှိရင် ဘယ်လို အကျိုးကျေးဇူးတွေ ရနိုင်ပါသလဲ” လို့ မြတ်စွာဘုရားကို လျှောက်တယ်။

အဲဒီလို လျှောက်တဲ့အခါ မြတ်စွာဘုရားက အာနာပါန ဒီမေးခွန်းကို မဖြေဘူး၊
ရှင်ရာဟုလာ မေးခွန်းကို မဖြေဘဲနဲ့ ဘာပြောတုန်းဆိုတော့ သူပေးထားတဲ့ ကမ္မဋ္ဌာန်းကို အသေးစိတ် ဆက်ပြီးတော့ ဟောတယ်၊
ဓာတ် ၄-ပါး ကမ္မဋ္ဌာန်းကိုဟောတာ၊ ဓာတ်လေးပါး ဆိုတဲ့နေရာမှာလည်းပဲ အင်မတန် လူတွေရဲ့ အမြင်ထဲမှာ အလွန်ထင်ရှားတာတွေကို မြတ်စွာဘုရား ထောက်ပြီး ဟောတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၈)

“ဓာတုမနသိကာရ”
***************

“ရာဟုလာတဲ့ ကိုယ့်ခန္ဓာကို အာရုံစိုက်ပြီးတော့ကြည့်၊ မင်းရဲ့ခန္ဓာကိုယ်ထဲမှာတဲ့ ကံကံရဲ့ အကျိုးတရားအနေနဲ့ ဖြစ်ပေါ်လာတဲ့ အတုံးအခဲတွေရှိတယ်။ အဲဒီ အတုံးအခဲတွေဟာ ဘာလဲ။
ဆံပင်၊ မွေးညင်း၊ ခြေသည်းလက်သည်း၊ သွား၊ အရေ၊ အသား၊ အကြော၊ အရိုး၊ ခြင်ဆီ၊ အညှို့၊ နှလုံး၊ အသည်း၊ အမြှေး၊ အဖျင်း၊ အဆုတ်၊ အူမ၊ အူသိမ်၊ အစာသစ်၊ အစာဟောင်း။
ဟော အားလုံး (၁၉)ခု”

အဲဒီထဲမယ် ပါဠိတော်တွေထဲမှာ “ဦးနှောက်” ဆိုတာ မပါဘူးဖြစ်နေတယ် (၁၉)ခုပဲ ရေတွက်တယ်။
သို့သော် အဲဒီ ဦးနှောက်ဟာ “အဋ္ဌိမိဉ္ဇံ” ဆိုတဲ့ ခြင်ဆီဆိုတဲ့ထဲမှာ ထည့်ထားသည့်အတွက်ကြောင့် သူ့ကို သီးသန့်မဆိုတာတဲ့၊ သူ့ထည့်လိုက်မယ်ဆိုရင် (၂ဝ) ဖြစ်တယ်ပေါ့။

ခန္ဓာကိုယ်ထဲမှာ အတုံးအခဲအနေနဲ့ ရှိတာတွေကို လောကဝေါဟာရနဲ့ ကြည့်လိုက်မယ်ဆိုရင် အားလုံးမြင်နိုင်တယ်။

ဆံပင်ရှိတယ်၊ မွေးညင်းရှိတယ်၊ ခြေသည်း လက်သည်းရှိတယ်၊ သွားရှိတယ်၊ အရေထူ အရေပါးရှိတယ်။ နောက်ပြီးတော့
နှလုံး၊ အသည်း၊ အမြှေး၊ အဖျင်း၊ အဆုတ်ရှိတယ်။ ဟော ဒါတွေရှိတယ်။
ဆံပင်၊ မွေးညင်း၊ ခြေသည်းလက်သည်း၊ သွား၊ အရေ၊ အသား၊ အကြော၊ အရိုး၊ ခြင်ဆီ၊ အညှို့၊ နှလုံး၊ အသည်း၊ အမြှေး၊ အဖျင်း၊ အဆုတ်၊ အူမ၊ အူသိမ်၊ အစာသစ်၊ အစာဟောင်း၊ ဦးနှောက်လို့။

ခန္ဓာကိုယ်ထဲမှာ ဒီအရာတွေဟာရှိနေတယ်၊ ခန္ဓာကိုယ်ထဲမှာရှိတဲ့ ပထဝီဓာတ်လို့ ခေါ်တယ်။
ခန္ဓာကိုယ်ထဲမှာရှိတဲ့ ပထဝီဓာတ်ပဲဖြစ်ဖြစ်၊ အပြင်မှာရှိတဲ့ ပထဝီဓာတ်ပဲဖြစ်ဖြစ် မာမာ အတုံးအခဲတွေ မှန်သမျှဟာ ပထဝီပဲတဲ့။
သဘာဝတရားပဲလို့ ဒီလိုရှုမြင်နိုင်အောင် ကြိုးစားရမယ်။ အဲဒီပထဝီဟာ အခုပြောခဲ့တဲ့ အတုံးအခဲတွေဟာ ပထဝီဓာတ်မျှသာဖြစ်တယ်။
ငါ့ဟာမဟုတ်ဘူး၊ ငါလည်းမဟုတ်ဘူး၊ ငါ့ရဲ့အတ္တလည်းမဟုတ်ဘူးလို့ မှန်ကန်တဲ့ဉာဏ်နဲ့ ရှုမြင်နိုင်အောင် ကြိုးစားရမယ်တဲ့။
အသေးစိတ် ထပ်ပြီးတော့ ပြောတာနော်။

ဘုန်းကြီးတို့တတွေ ဒီထက် အသေးစိတ်ပြီးတော့ တချို့က ပြောတယ်၊ ပထဝီဆိုတာ အခုဆံပင်ကို ပထဝီခေါ်တာ မဟုတ်ဘူး၊ ဆံပင်ရဲ့ မာတဲ့သဘောလေးကိုသာ ပထဝီလို့ခေါ်တယ်၊ ဒါမှ ပရမတ္ထလို့၊ ဒီလိုပြောကြဟောကြတာတွေလည်း ရှိတယ်ပေါ့နော်။

အခုမြတ်စွာဘုရားဟောတဲ့ သုတ္တန်ကိုကြည့်၊ လောကဝေါဟာရအတိုင်း ဟောထားတာ။ ဘုန်းကြီးတို့ စဉ်းစားမိတယ်၊ မြတ်စွာဘုရားက တရားရှုခိုင်းတာ ဘာအတွက်လဲဆိုလို့ရှိရင် စွဲလန်းလို့ အစွဲအလန်းကို ဖြုတ်ဖို့အတွက်ပဲ။

စွဲတယ်ဆိုတာ မာတဲ့သဘော၊ ပျော့တဲ့သဘောပေါ်မှာ စွဲပါ့မလား၊ မစွဲဘူး၊ လူတွေစွဲတာ ဘယ်ကိုစွဲတာတုန်း၊ ဆံပင်အပေါ်မှာ စွဲတယ်၊ ဟုတ်ကဲ့လား၊ ဆံပင်ပေါ်မှာ စွဲတယ်၊ ဆံပင်ပေါ်မှာစွဲလို့ အခုခေတ်မှာ အရောင်လေးတွေ မျိုးစုံပြောင်းနေကြတာပေါ့နော်။

ကိုယ့်ဆံပင်လေးကို လှလှပပနဲ့ မလှလှအောင် ပြင်ဆင်ပြီးတော့ နေကြတယ်ဆိုတာ အင်မတန်မှ ထင်ရှားတယ်၊ ခေါင်းပေါ်နေလို့ရှိရင် ဒီဆံပင်က နှစ်သက်စရာကြီးလို့ ထင်နေတယ်၊ ထမင်းပန်းကန်ထဲရောက်မှ ရွံရမှန်းသိတယ်။
အဲတော့ မြတ်စွာဘုရားက ထမင်းပန်းကန်ထဲရောက်မှ ရွံရမှန်းမသိလေနဲ့၊ ခေါင်းပေါ်မှာရှိတဲ့ ဒီဆံပင်နဲ့ အတူတူပဲလို့ ဒီလိုဆိုလိုတာပဲ။
အဲတော့ အစွဲရှိတဲ့နေရာမှာ အစွဲဖြုတ်ဖို့ တရားဆိုတာကျင့်ရပါတယ်၊

ဒါကြောင့်မို့ ဆံပင်၊ မွေးညင်း၊ ခြေသည်းလက်သည်း၊ သွား၊ အရေ ခန္ဓာကိုယ်ထဲမှာရှိတဲ့ ဒါတွေအားလုံးဟာ လူတွေစွဲလန်းတဲ့ အရာတွေပဲဖြစ်တယ်။

အထူးသဖြင့် ဆံပင်ကိုလည်း စွဲကြတယ်၊ မွေးညင်းကိုလည်း စွဲကြတယ်၊ မွေးညင်းကျတော့ ယောက်ျားလေးတွေက ပိုစွဲပုံရတယ်၊ နှုတ်ခမ်းမွေးတွေသ,တယ်နော်။

နောက်ပြီးတော့ ဆံပင်၊ မွေးညင်း၊ ခြေသည်းလက်သည်းတွေကျတော့ အမျိုးသမီးတွေက ပိုပြီးတော့ စွဲကြတယ်၊ ဆေးရောင်တွေခြယ်ကြတယ်၊ ဒီဇိုင်းလှလှတွေနဲ့ လုပ်ကြတယ်။ ဟော အဲဒါမျိုးတွေ မဖြစ်ရအောင်လို့ မြတ်စွာဘုရားက ရာဟုလာကိုကြည့်၊
ဆံပင်၊ မွေးညင်း၊ ခြေသည်းလက်သည်း၊ သွား၊ အရေ၊
ဒါတွေပေါ်မှာတဲ့ အပြင်ဘက်က ပထဝီဓာတ်နဲ့ ကိုယ့်ခန္ဓာကိုယ်မှာရှိတဲ့ ပထဝီဓာတ်ဟာ အတူတူပဲတဲ့၊ ပထဝီဓာတ်တွေချည်းပဲတဲ့။

ဒါကြောင့်မို့ အဲဒီ ပထဝီဓာတ်တွေကို
“နေတံမမ” ငါ့ဟာ မဟုတ်ဘူး၊
“နေသောဟ မသ္မိ” ငါလည်းမဟုတ်ဘူး၊
” န မေသော အတ္တာ” ငါ့ရဲ့ အတ္တလည်းမဟုတ်ဘူး ဆိုပြီးတော့ မှန်ကန်တဲ့ဉာဏ်အမြင်နဲ့ ရှုနိုင်အောင် ကြိုးစားရမယ်လို့ ဒီလိုဆိုတာ၊
ဒါ ဝိပဿနာရှုခိုင်းတဲ့ သဘောပဲပေါ့၊
ဝိပဿနာရှုခိုင်းတဲ့ သဘော
“နေတံမမ” ဆိုတာ လူတွေက တဏှာစွဲနဲ့ ကြည့်မယ်ဆိုလို့ရှိရင် ဆံပင်လေးကို ငါ့ဆံပင်လို့ မြင်တယ်၊ ဒါ တဏှာရဲ့အမြင်လို့ ခေါ်တယ်။ အဲဒီ ဆံပင်ကလေး ရှိနေတာကိုပဲ ငါပဲဟေ့ဆိုတဲ့ မာန်မာနလေး၊ ဆံပင်လှရင်လည်း မာန်မာနတက်တာပဲလေ၊ မလှလှအောင် ပြင်ပြီးတော့ ဆံပင်လေး လှလို့ရှိရင်နော်။ ယောက်ျားတွေလည်း ဆံပင်ကိုထောင်တယ်တဲ့၊ မိုးထိအောင် ထောင်ဆိုပြီးတော့ ဆံပင်ကို ထောင်နေအောင်လုပ်ထားတယ်။

အဲဒီ “ငါပဲဟေ့လို့ ဆိုတဲ့ အတွေးလေးနဲ့ ငါ့ဆံပင်ဆိုတဲ့ အယူအဆလေးနဲ့ တဏှာလေးတွေ ဖြစ်ကြတယ်၊ မာန်မာနတွေ တက်ကြတယ်။ နောက်ဆုံးမှာ ကိုယ့်ဆံပင် ကိုယ်ကြိုက်သလို လုပ်လို့ရတယ်လို့ ဒီလိုအယူအဆတွေ ရှိကြတယ်။

အဲဒီအယူအဆသုံးမျိုးကို ဖယ်ရှားပစ်ဖို့ရာအတွက် မြတ်စွာဘုရားက
“နေတံမမ” ငါ့ဟာ မဟုတ်ဘူးဆိုတာ တဏှာနဲ့မတွယ်ဖို့ ဆုံးမဩဝါဒပေးတာ၊
“နေသောဟ မသ္မိ” မာန်မာန မတက်ဖို့၊
” န မေသော အတ္တာ” အယူဝါဒ မမှားဖို့ ဆိုပြီးတော့ တဏှာရယ်၊ မာနရယ်၊ ဒိဋ္ဌိရယ်၊ ဒီအမြင်သုံးမျိုး ရှိနေတာကို အဲဒီအမြင်သုံးမျိုးကို အသိဉာဏ်နဲ့ ချေဖျက်ရမယ်လို့ ဒီလိုဟောတာ။

“ယထာဘူတံ သမ္မပ္ပညာယ ဒဋ္ဌဗ္ဗံ” အမှန်အတိုင်းမြင်အောင် ကြည့်ရမယ်၊

ဒါဖြင့် “ငါ့ဟာ” လို့မြင်တာ အမှန်အတိုင်းမြင်တာ မဟုတ်ဘူး၊ တဏှာက မြင်နေတာ၊ မှားမှားယွင်းယွင်း မြင်နေတာ၊

“ငါ” လို့ မြင်တာလည်းပဲ ဉာဏ်ကမြင်တာ မဟုတ်ဘူး၊ မာန်မာနက ထင်နေတာ။

“ငါ့ရဲ့ အတ္တ” လို့မြင်တာက အယူအဆမှားယွင်းတဲ့ ဒိဋ္ဌိက မြင်တာလို့ ဟော မြင်ပုံမြင်နည်းချင်း မတူဘူး။

တဏှာက ဆံပင်ကို “ငါ့ဟာ” လို့မြင်တယ်၊
မာနက ဆံပင်ကို “ငါ” လို့မြင်တယ်၊
ဒိဋ္ဌိက “ငါ့ရဲ့ အတ္တ” လို့ ငါလုပ်ချင်တာ လုပ်လို့ရတယ်လို့ ဒီလို မြင်နေတာ။

ဘယ် လုပ်ချင်တိုင်း လုပ်လို့ရမလဲ၊ ခဏတဖြုတ်တော့ ဟုတ်တာပေါ့၊ အရောင်ဆိုးရင်တော့ အရောင်ပြောင်းသွားမှာပေါ့၊ နောက်ပိုင်းကျတော့ ကျွတ်လာလို့ရှိရင် ဘာမှ မတတ်နိုင်ဘူးပေါ့၊
ခေါင်းက ဖြူလာလို့ရှိရင်လည်း ဘာမှ မတတ်နိုင်ဘူးပေါ့၊
နောက်ဆုံးကျတော့ ဒါတွေဟာ ပျက်စီးပြီးတော့ သွားတာပဲတဲ့။ အဲဒီသဘောတရားတွေကို ရှုမြင်သုံးသပ်ဖို့အတွက် ရှင်ရာဟုလာကို မြတ်စွာဘုရားက ဟောနေတာ။

အဲဒီပထဝီဓာတ်တွေဟာ ပထဝီဓာတ်တွေပဲဖြစ်တယ်
ငါမဟုတ်ဘူး၊
ငါ့ဟာမဟုတ်ဘူး၊
ငါ့ရဲ့ အတ္တ မဟုတ်ဘူးလို့
ရှုမြင်နိုင်အောင် ကြိုးစားပါတဲ့။ အဲဒီလို ကြိုးစားလို့ရှိရင် ဘာဖြစ်မလဲဆိုရင် ပထဝီဓာတ်ပေါ်မှာ တွယ်တာမှုတွေ ကင်းပြတ်သွားနိုင်ပါတယ်။
တွယ်တာမှုတွေ ကင်းပြတ်သွားအောင် ကြိုးစားရမယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၉)

“အာပေါဓာတု”

ကဲ-ထို့အတူပဲ ခန္ဓာကိုယ်ထဲမှာ အာပေါဆိုတဲ့ အရည်ဓာတ်တွေရှိတယ်၊ အဲဒီ အရည်ဓာတ်တွေနဲ့ အပြင်ဘက်က အရည်ဓာတ်တွေ အတူတူပဲတဲ့။ အာပေါဟာ အာပေါပဲတဲ့။ အဲဒီ အာပေါတွေကို အတွင်းကအာပေါကျတော့ ငါ့ဟာလို့တွက်ကြတယ်၊ အပြင်ဘက်က ရေတွေကျတော့ ငါ့ဟာလို့မတွက်ဘူး၊ ရေသဘောဟာ အတူတူပဲတဲ့။

အတွင်းရေနဲ့ပဲဖြစ်ဖြစ် အပြင်ကရေနဲ့ပဲဖြစ်စေ ငါ့ဟာ မဟုတ်ဘူး အတူတူပဲလို့ ဒီလို အာပေါနဲ့ ပတ်သက်ပြီးတော့လည်းပဲ မြတ်စွာဘုရားဟာ အာပေါဓာတ်ဟာ အာပေါဓာတ်မျှသာ ဖြစ်တယ်၊
ငါ့ဟာလို့မတွက်လေနဲ့ ငါလို့မမြင်လေနဲ့ ငါရဲ့သတ္တိလို့လည်းမမြင်လေနဲ့လို့ မှန်ကန်တဲ့ဉာဏ်အမြင်နဲ့ ရှုမြင်သုံးသပ်တတ်အောင် ကြိုးစားရမယ်။

အာပေါအပေါ်မှာ ဒီတွယ်တာမှုတွေမဖြစ်စေနဲ့တဲ့၊ အဲဒီ အာပေါဆိုတဲ့ နေရာမှာကျတော့ မြတ်စွာဘုရားက ဘာကိုဟောတုန်းဆိုတော့ ၃၂-ကောဋ္ဌာသထဲမှာ သည်းခြေ၊ သလိပ်၊ ပြည်၊ သွေး၊ ချွေး၊ အဆီခဲနော် အဲဒါတွေကို ဆိုလိုတယ်။
မျက်ရည်၊ ဆီကြည်၊ တံတွေး၊ နှပ်၊ အစေး၊ ကျင်ငယ် ဆိုတဲ့ ဒီအာပေါတွေကို ဆိုလိုတယ်။
အဲဒါက ၁၂-ခု။
အဲဒီ အရည်သဘောမှန်သမျှ အာပေါမျှသာဖြစ်တယ်လို့ ရှုမြင်သုံးသပ်နိုင်အောင် ကြိုးစားရမယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၁ဝ)

“တေဇောဓာတု”

နောက်တစ်ခါကျတော့ တေဇောတဲ့၊

ခန္ဓာကိုယ်ထဲမှာရှိတဲ့ အရာတစ်ခုရှိသေးတယ်၊
တေဇောဆိုတာ ၄-မျိုးရှိတယ်၊
မြတ်စွာဘုရားက ၄-မျိုးကို ရှင်းပြတယ်။

တစ်မျိုးက ဘာတုန်းဆိုရင်
နေမကောင်းထိုင်မသာတဲ့အခါမှာ ခန္ဓာကိုယ်မှာ အပူတွေ တက်လာတယ်၊ Fever လို့ခေါ်တယ်၊ အဲဒါကို “သန္တပ္ပနတေဇော” လို့ခေါ်တယ် အဲဒီအပူတစ်မျိုး။

နောက်အပူတစ်မျိုးက ဘာတုန်းဆိုရင် လူတိုင်းလူတိုင်းမှာရှိတဲ့ “ဇီရဏ တေဇော” တဲ့။
တဖြည်းဖြည်း အိုအိုလာစေတတ်တဲ့ တေဇောပဲ။ ပန်းကလေးတွေလည်းပဲ အဲဒီအပူကြောင့် တဖြည်းဖြည်း ရင့်ရင့်လာပြီးတော့ နွမ်းပြီးကြွေသွားတာ။ သစ်သီးလေးတွေလည်း အစိမ်းကနေပြီး တဖြည်းဖြည်း မှည့်သွားတာ အဲဒီတေဇောကြောင့်။ လူတွေဟာလည်းပဲ တဖြည်းဖြည်းပါးရေ တွန့်လာတယ်၊ ဆံပင်တွေ ဖြူသွားတယ်၊ အဲဒီတေဇောကြောင့်ဖြစ်တာ၊ အဲဒါကို “ဇီရဏတေဇော” လို့ခေါ်တယ်။

နောက် တေဇောတစ်ခုက ဘာတုန်းဆိုရင် ခန္ဓာကိုယ်ထဲမှာ တစ်ခါတစ်ခါကျတော့ ပူတယ်၊ ဗိုက်ထဲကပူတယ် ရင်ထဲကပူတယ်နဲ့ ဆိုပြီးတော့ ပူတယ်နဲ့ ပြောရလောက်အောင် ပူလာတဲ့အပူမျိုးကို ဍယှနတေဇော (ဍာဟတေဇော) ခေါ်တယ်။

နောက်ထပ် အပူတစ်မျိုးက ဘာတုန်းဆိုရင် စားသမျှ အာဟာရတွေ အစာအိမ်ထဲ ရောက်သွားလို့ရှိရင် အားလုံးဟာ ကြေညက်ပြီးတော့သွားတာ၊ ခွဲခြားလို့မရဘူး။
စားထားတာက စုံနေတာပဲ၊ ခေါက်ဆွဲလည်းပါတယ် ထမင်းလည်းပါတယ် ဟင်းရွက်လည်းပါတယ်။
သို့သော် ဗိုက်ထဲကနေ အပြင်ရောက်လာတဲ့အခါကျတော့ ခေါက်ဆွဲနဲ့ ခွဲလို့မရတော့ဘူးပေါ့၊ စားသမျှ အာဟာရတွေက တစ်ပုံစံတည်း ထွက်လာတော့တာပေါ့၊ အဲဒါ ဘာကြောင့်တုန်းဆိုရင် ပါစကတေဇော ကြောင့်ပဲ။

တေဇော ၄-မျိုးကို မြတ်စွာဘုရားဟောတယ်၊ အဲဒီ တေဇော ၄-မျိုးနဲ့ အပြင်ဘက်တေဇောနဲ့ တေဇောချင်း အတူတူပါပဲတဲ့။ ဘယ်တေဇောကိုဖြစ်ဖြစ် ငါ့ဟာလို့လည်း မမြင်လေနဲ့
ငါလို့လည်း မမြင်လေနဲ့
ငါ့ရဲ့ အတ္တလို့လည်း မမြင်လေနဲ့ သဘာဝတရားသက်သက်မျှသာဖြစ်တယ် ဆိုတာ မှန်ကန်တဲ့အမြင်နဲ့ မြင်နိုင်အောင် ကြိုးစားအားထုတ်ပါလေ။ ဒါမှ တေဇောဆိုတဲ့ အပေါ်မှာ တွယ်တာမှုတွေ ပျောက်သွားမှာတဲ့။ အရေးကြီးဆုံးကတော့ တွယ်တာမှုပျောက်အောင် လုပ်ခိုင်းတာပဲပေါ့။ ဘုန်းကြီးတို့တတွေ တွယ်တာနေတာ ဒါတွေကို တွယ်တာတာပေါ့။

“ဝါယောဓာတု”

ဟော နောက်ထပ် ဝါယောတဲ့ “လေ”၊
လူ့လောက လူတွေမှာ လေက ခြောက်မျိုးရှိသတဲ့။

လေခြောက်မျိုးက အထက်ကို ဆန်တဲ့လေ၊ တစ်ခါတစ်ခါလူတွေဟာ လေတက်တယ်ဆိုတာ ရှိတယ်နော်၊

အောက်ကိုစုန်တဲ့လေတဲ့၊

ဟော အထက်ကို ဆန်တဲ့လေ၊ အောက်ကိုစုန်တဲ့လေ၊

ဝမ်းဗိုက်ထဲရှိတဲ့လေ၊ ဝမ်းဗိုက်ထဲရှိတဲ့လေကလည်း တစ်ခါတစ်ခါ ဂွတ်ဂွတ်ဂွတ်ဂွတ်နဲ့ မြည်တတ်တယ်လေ။

နောက် အူထဲမှာ ရှိတဲ့လေတဲ့၊

လူရဲ့ ခန္ဓာကိုယ်ထဲမှာ အင်္ဂါကြီးငယ်ထဲမှာ သွေးတွေလည်ပတ်နေအောင် တွန်းအားပေးတဲ့ “လေ”၊

ဟော နောက်ဆုံးကျတော့ နေ့စဉ်နှင့်အမျှ ၂၄-နာရီ စဉ်ဆက်မပြတ် ရှူသွင်းရှူထုတ်လုပ်နေတဲ့ ထွက်သက်ဝင်သက်လေတဲ့၊

အားလုံးပေါင်း (၆) မျိုးရှိတယ်ပေါ့။

အဲဒီ လေ ၆-မျိုးဟာလည်း အပြင်ဘက်ကလေတွေနဲ့ အတူတူပဲတဲ့၊ အဲဒီလေမှန်သမျှဟာ ဝါယောဓာတ်မျှသာဖြစ်တယ်၊
ငါ့ဟာလည်း မဟုတ်ဘူး၊
ငါလည်း မဟုတ်ဘူး၊
ငါ့ရဲ့အတ္တလည်း မဟုတ်ဘူးလို့ မှန်ကန်တဲ့ဉာဏ်အမြင်နဲ့ ရှုမှတ်နိုင်အောင်ကြိုးစားရမယ်။
အဲဒီလို ကြိုးစားလိုက်ပြီဆိုရင် စိတ်ဟာ ဒီ ဝါယောဓာတ်ပေါ်မှာ တွယ်တာမှုဆိုတာ မဖြစ်တော့ဘူးပေါ့။

အဲဒီလို ဓာတ်လေးပါးနဲ့ ပတ်သက်ပြီးတော့ မြတ်စွာဘုရားက ရာဟုလာကို အသေးစိတ် ဟောပေးထားတာ။

“အာကာသဓာတု”

နောက်ပြီးတဲ့အခါကျတော့ ဘာတုန်းဆိုတော့ အာကာသ၊
အာကာသဆိုတာ ဟင်းလင်းပြင်အပေါက်ကလေး၊ လူရဲ့ ခန္ဓာကိုယ်မှာ ကြည့်လေ၊ နားပေါက်ရှိတယ်၊ နှာခေါင်းပေါက်ရှိတယ်၊ ပါးစပ်ပေါက် ရှိတယ်နော်၊ အဲဒီအပေါက်တွေဟာ အသွေးအသားတွေနဲ့ မထိတဲ့ အပေါက်အခေါင်း ဖြစ်နေတဲ့အရာတွေ မှန်သမျှ အာကာသပဲ၊

အဲဒီ အာကာသကိုလည်း အတွင်းအာကာသပဲဖြစ်စေ၊ အပြင်ကအာကာသပဲဖြစ်စေ၊ အာကာသဟာ အာကာသမျှသာဖြစ်တယ်။

ငါလည်း မဟုတ်ဘူး၊
ငါ့ဥစ္စာလည်း မဟုတ်ဘူး၊
ငါ့ရဲ့အတ္တလည်း မဟုတ်ဘူးလို့ မှန်ကန်တဲ့ ဉာဏ်အမြင်နဲ့ ရှုမြင်သုံးသပ်နိုင်အောင် ကြိုးစားပါလို့ ရာဟုလာကို ဒီလို ဟောတာနော်၊
ဓာတ် (၅)ပါးပေါ့။

ပထဝီဓာတ်က-၂ဝ၊ အာပေါဓာတ်က-၁၂၊
အဲဒီထဲမယ် တေဇောဓာတ်က ၄-ခု၊ ဝါယောဓာတ်က ၆-ခု၊
ပေါင်းလိုက်တဲ့အခါကျတော့ ၄၂-ခု၊
ကမ္မဋ္ဌာန်းရှုဖို့ရာအတွက် ၄၂-မျိုး အခြင်းအရာအားဖြင့် မြတ်စွာဘုရားက မှန်ကန်တဲ့အမြင်နဲ့ ရှုမြင်ဖို့ဆိုပြီး ရာဟုလာကို တရားဟောတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၁၁)

“စိတ်ဓာတ်ခိုင်မာလာအောင်”

ကဲ- အဲဒီလို တရားဟောပြီးတဲ့အခါမှာ နောက်ထပ် ရာဟုလာကို ဘာထပ်ရှင်းတုန်းဆိုတော့ တွယ်တာမှုတွေ မရှိအောင် ကိုယ့်ကိုယ်ကိုယ်ဆင်ခြင်သုံးသပ်ဖို့ စိတ်ဓာတ်အနေအထားတွေ ခိုင်မာဖို့ဆိုပြီးတော့ ကိုယ့်စိတ်ကို ဘာနဲ့ လေ့ကျင့်ရမလဲဆိုပြီး မြတ်စွာဘုရားက ရာဟုလာကိုပြောတယ်။

“ရာဟုလာ တဲ့၊ မင်းရဲ့ စိတ်ကလေးကို မြေကြီး နဲ့ အလားတူအောင်၊ မြေကြီးကဲ့သို့ ခိုင်မာရင့်ကျက်အောင် စိတ်ကလေးကိုလေ့ကျင့်ပါ” တဲ့။

မြေကြီးက ဘာလို့လဲဆိုရင် ဘုန်းကြီးတို့တတွေ မြေကြီးပေါ်မှာ ကောင်းတာလည်း ချကြတယ်၊ မကောင်းတာလည်း ချတယ်၊ သန့်ရှင်းတာလည်း ချတယ်၊ ရွံစရာတွလည်း ချတယ်၊ သန့်ရှင်းတာပဲလာလာ ရွံစရာပဲလာလာ မြေကြီးက ပြောင်းလဲမှုမရှိဘူး၊ တည်ငြိမ်တယ်ပေါ့။ ထို့အတူပဲ မင်းရဲ့ စိတ်ကလေးကို တည်ငြိမ်အောင်လုပ်လို့ ပြောတာ။ မျက်စိက အဆင်းအာရုံကို မြင်တဲ့အခါမှာ ကောင်းတာလေးတွေ့ရင် ကြိုက်လိုက်တာ၊ မကောင်းတာလေးတွေ့ရင် မုန်းလိုက်တာဆိုတာ မဖြစ်စေရဘူးလို့ ဒီလိုပြောတယ်။ အဲဒီလိုမဖြစ်ဘူးဆိုရင် စိတ်က တည်ငြိမ်သွားတယ်။ ကောင်းမကောင်း ကြိုက်မကြိုက်အပေါ်မှာ လောဘလည်းမဖြစ်နဲ့၊ ဒေါသလည်းမဖြစ်နဲ့၊ မြေကြီးလို စိတ်ဓာတ်ကြံ့ခိုင်အောင် ကြိုးစားအားထုတ်ရမယ်၊
ဟော ဒါ လေ့ကျင့်မှုတစ်ခု မြတ်စွာဘုရားပေးတာ။

နောက်တစ်ခုက ဘာတုန်းဆိုရင် ရေ နဲ့ အလားတူအောင် ကိုယ့်စိတ်ကိုလည်းပဲ လေ့ကျင့်ပေးတဲ့။
ရေဆိုတာ အညစ်အကြေးတွေလည်း ဆေးကြောတာပဲ၊ စိန်တို့ ကျောက်တို့လည်း ဆေးတာပဲ၊ အကောင်းလည်း ဆေးတာပဲ၊ လှတဲ့ပန်းကလေးတွေလည်း ရေနဲ့ဆေးတာပဲ။ ရေက အညစ်အကြေးတွေ ဆေးရလို့ သူက စိတ်ပျက်တာ မရှိဘူး၊ အကောင်းဆေးရလို့လည်း ဝမ်းသာတာ မရှိဘူး၊
အဲဒါလိုပဲ သင့်ရဲ့စိတ်ဟာ ကောင်းတာတွေ့လို့လည်း ဝမ်းမသာနဲ့၊ မကောင်းတာတွေ့လို့လည်း ဝမ်းမနည်းနဲ့၊ လောဘမဖြစ်နဲ့၊ ဒေါသမဖြစ်နဲ့။ လောဘ ဒေါသ မဖြစ်အောင် ရေလို အလားတူ ခိုင်မာသွားအောင် စိတ်ကို လေ့ကျင့်ပေးပါတဲ့။

နောက်တစ်ခုက ဘာတုန်းဆိုရင် မီး၊
မီးဆိုတာလည်း အလားတူပဲ၊ ကောင်းတာလည်း လောင်လိုက်တာပဲ၊ မကောင်းတာလည်း လောင်တာပဲ။ ကောင်းတာကျတော့ လောင်ချင်တယ်၊ မကောင်းတာကျတော့ မလောင်ချင်ဘူးလို့ မီးက ကြေးများတာ မရှိဘူး။

အဲဒါလိုပဲ ကိုယ့်စိတ်ကလေးကို မီးနဲ့ အလားသဏ္ဌာန်တူအောင် ကြံ့ခိုင်အောင် လေ့ကျင့်ပါတဲ့။ အာရုံတွေ တွေ့လာတဲ့အခါမှာ နှစ်သက်စရာတွေ့လို့လည်း လောဘမဖြစ်နဲ့၊ မနှစ်သက်စရာအာရုံ တွေ့လို့လည်း ဒေါသမဖြစ်နဲ့၊ စိတ်ကလေးကို မီးကဲ့သို့ တည်ငြိမ်မှုရအောင်၊ တေဇောဓာတ်ကဲ့သို့ တည်ငြိမ်မှုရအောင် ကြိုးစားအားထုတ်ပါတဲ့။

နောက်တစ်ခုကျတော့ လေလို တည်ငြိမ်အောင် ကြိုးစား၊
လေက ဘယ်လို တည်ငြိမ်တာတုန်းဆိုရင် လေဟာလည်းပဲ ကောင်းတာကိုလည်း တိုက်ခတ်တယ်၊ မကောင်းတာကိုလည်း တိုက်ခတ်တယ်။ ဘယ်ဟာပဲဖြစ်ဖြစ် လေဟာ မကောင်းတဲ့ အနံ့ကိုလည်း သယ်လာတာပဲ၊ ကောင်းတာကိုလည်း သယ်တာပဲ၊ ဟာ အပုပ်နံ့ကြီး ငါမတိုက်ချင်ဘူး လေကမငြင်းဘူး၊ ပန်းနံ့ကလေးကျတော့ ငါမွှေးလို့ ငါတိုက်ချင်တယ်လို့လည်း မပြောဘူးတဲ့။ လေရဲ့သဘောဟာ အဆိုးအကောင်း မရွေးဘူးတဲ့၊ တည်ငြိမ်မှု ရှိတယ်၊ အဲဒီလို ကိုယ့်စိတ်လေးဟာ ကောင်းတာနဲ့တွေ့ရင် နှစ်သက်တယ်၊ မကောင်းတာနဲ့တွေ့ရင် မုန်းတီးတယ် ရွံရှာတယ်ဆိုတာမျိုး မဖြစ်စေနဲ့တဲ့။ စိတ်ကိုတည်ငြိမ်အောင် လေ့ကျင့်ရမယ် ဟောဒီလိုဟောတာ။

နောက်တစ်ခုက ကိုယ့်စိတ်ကလေးကို အာကာသဟင်းလင်းပြင် လို ဖြစ်အောင် လေ့ကျင့်ရမယ်။
အာကာသဟင်းလင်းပြင် ဆိုတာ ဘယ်အရာကိုမှ အမှီပြုနေတာမျိုးမရှိဘူး။
အာကာသဆိုတာ ဘာမှမရှိတဲ့ ကွက်လပ်လေးတွေကို ပြောတာနော်၊ အဲဒီ ကွက်လပ်လေးတွေထဲမှာ အကောင်းအဆိုးဆိုတာ ပြောလို့မရသလိုပဲ ကိုယ့်စိတ်ထဲမှာလည်းပဲ ကောင်းတာတွေ့ရင် လောဘမဖြစ်ဖို့၊ မကောင်းတာ တွေ့ရင်လည်း ဒေါသမဖြစ်ဖို့ စိတ်ဓာတ်ကလေးကို တည်ငြိမ်အောင် ကြိုးစားအားထုတ်ရမယ်လို့ မြတ်စွာဘုရားက ရာဟုလာကို ဒီလိုဟောတယ်။

အဲဒီလိုဟောပြီးတဲ့နောက်မှာ ဒီလို စိတ်ဓာတ်တည်ငြိမ်အောင် ဘာတွေကို ကျင့်သင့်သလဲ၊ စိတ်မတည်ငြိမ်ခြင်းရဲ့ အကြောင်းတရားတွေက ဘာတွေလဲ။ လောဘတွေ ဖြစ်နေမယ်၊ ဒေါသတွေ ဖြစ်နေမယ်၊ မောဟတွေ ဖြစ်နေမယ်ဆိုရင် စိတ်တွေဟာ တည်ငြိမ်မှာ မဟုတ်ဘူး၊ အဲဒါကြောင့်မို့ အဲဒါတွေကို ဘာနဲ့ ဖယ်ရှားပစ်မလဲ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၁၂)

“ဗြဟ္မဝိဟာရ”

မြတ်စွာဘုရားက “ရာဟုလာ မင်း မေတ္တာပွားရလိမ့်မယ်တဲ့၊ မေတ္တာတွေပွားပေးပါတဲ့၊ အများရဲ့ ကောင်းကျိုးကို လိုလားတဲ့စိတ်ဓာတ်ကို တည်ဆောက်ပါ။

အဲဒီလို မေတ္တာပွားမယ်ဆိုရင် မင်းသန္တာန်မှာဖြစ်တဲ့ အလိုမကျတဲ့ဒေါသဆိုတာ လာမှာ မဟုတ်တော့ဘူး၊
ကြည့်လေ လူတွေက မျက်စိကမြင်ရင် မြင်လာရင် ကိုယ်မကြိုက်တာဆို ဒေါသဖြစ်တယ်၊ အသံကြားတယ် မကြိုက်တဲ့ အသံဆို ဒေါသဖြစ်တယ်။ အဲဒါမျိုးတွေမလာရအောင် မေတ္တာပွားတဲ့။ ဒေါသကိုဖယ်ရှားနိုင်ဖို့အတွက် မေတ္တာပွားတဲ့၊ ဟော ပိုပြီးတော့ ခိုင်မာလာပြီ။ အဲဒါလိုပဲ လူတွေရဲ့ စိတ်ထဲမှာ။

တစ်ခါတစ်ရံကျတော့ သူတစ်ပါးကို ညှဉ်းဆဲချင်ကြတယ်၊ နှိပ်စက်ချင်ကြတယ်၊ ရက်စက်ချင်တယ်၊ အဲဒီ ရက်စက်ချင်တယ် ဆိုတဲ့ အတွေးတွေ ပျောက်ဖို့ရာအတွက် ကရုဏာပွားပါ၊ အကြင်နာတရား ကိုယ့်ရဲ့နှလုံးသားထဲမှာ ဖြစ်ပွားအောင်လုပ်၊ အဲဒါမှ သူတစ်ပါးကို ညှဉ်းဆဲလိုတယ် ရက်စက်လိုတယ် ဆိုတဲ့ စိတ်တွေ ပျောက်သွားနိုင်တယ်။

ဟောနောက်တစ်ခု မုဒိတာပွား၊ သူများကြီးပွားတာ ဝမ်းသာနိုင်ရမယ် သို့မဟုတ် ကုသိုလ်ကောင်းမှုနဲ့ ပတ်သက်ပြီးတော့ ကိုယ့်စိတ်ထဲမှာ ကျေနပ်နှစ်ခြိုက်မှု ရှိစေရမယ်ပေါ့။

အဲဒါ အကယ်၍ မုဒိတာတရား မပွားဘူး ဆိုလို့ရှိရင် သူတစ်ပါးကြီးပွားလို့ရှိရင် စိတ်ထဲမှာ မနာလို မုန်းတီးမှုတွေ ဖြစ်တယ်တဲ့ “အာရတီ” ဆိုတဲ့ သဘာဝတရားတွေဖြစ်တယ်။ ဒါကြောင့်မို့ အဲဒါတွေမဖြစ်ရအောင် မုဒိတာပွားပါတဲ့။

နောက်တစ်ခုကျတော့ မြတ်စွာဘုရားက ရာဟုလာ ဥပေက္ခာလည်း ပွားရမယ်။ ဥပေက္ခာဆိုတာ ဘယ်လိုပွားတာတုန်းဆိုတာ “သဗ္ဗေသတ္တာ ကမ္မဿ ကာ” လူတွေဟာ ကိုယ့်ကံနဲ့ကိုယ်၊ မုန်းနေလို့လည်း အလကားပဲ၊ ချစ်နေလို့လည်း အလကားပဲ၊ ဟော သူ့ကံနဲ့သူလာတာ အချိန်တန်ရင် ပြန်ကြရမှာချည်းပဲပေါ့။ အဲဒီလို စိတ်ထဲမှာ နှလုံးသွင်းထားနိုင်လို့ရှိရင် စိတ်ရဲ့ ထိခိုက်မှုဆိုတာတွေ မလာတော့ဘူး၊ စိတ်ဟာ တည်ငြိမ်သွားတယ်။ ဒါကြောင့်မို့ ဥပေက္ခာပွားရမယ်။

ဟော မေတ္တာ၊ ကရုဏာ၊ မုဒိတာ၊ ဥပေက္ခာ ဆိုတာ ပွားပြီးတော့ နောက် ဘာပွားခိုင်းတုန်းဆိုတော့ အရေးကြီးတာ တစ်ခုကဘာလဲ။ လူငယ်လူရွယ်တွေဆိုတာ လှပတာကိုကြည့်ချင်တယ် နှစ်သက်တယ် စွဲလမ်းတယ်။ အဲဒီလိုဖြစ်မှာစိုးလို့ အေး ကိုယ့်ရုပ်ခန္ဓာရော သူများရဲ့ ရုပ်ခန္ဓာရော ဘယ်သူ့ရုပ်ခန္ဓာမှ မလှဘူး မတင့်တယ်ဘူး ရွံရှာစက်ဆုပ်စရာကောင်းတယ် ဆိုတဲ့ အနေအထားမျိုးတွေ မင်းသဘောကျလာအောင်၊ စိတ်ထဲမှာ ဖြစ်ပွားအောင်ကြိုးစား။

ပွားတယ်ဆိုတာ အဲဒီစိတ် ထပ်တလဲလဲဖြစ်နေရမယ်၊ တွေးပေးရမယ်နော်။
ဒီ “ဝိဇယ” သုတ်မှာ တွေးပုံတွေးနည်းလေး ပြောထားတာ ရှိတယ်။ ခန္ဓာကိုယ်ကကြည့်ရင် ကိုးပေါက်ဒွါရ အမာဝက ထွက်တာရှိတယ်၊ မျက်လုံးထဲက ဘာထွက်တုန်း၊ မျက်ချေး ထွက်တယ်နော်၊ နားထဲက ဘာထွက် နားဖာချေး ထွက်တယ်နော်၊ နှာခေါင်းထဲက ဘာထွက်တုန်း နှာချေး၊ ကဲ- ကောင်းတာ ဘာတစ်ခုမှ မရှိဘူး သိမ်းထားစရာများ ရှိလား။
ပါးစပ်က တံတွေး ဘယ်အရာမှ ကောင်းတာမရှိဘူး၊ အဲဒါတွေကို စဉ်းစားကြည့်ရင် လူ့ခန္ဓာကိုယ်ကထွက်တာ တန်ဖိုးရှိတာဆိုလို့ တစ်ခုမှ မရှိဘူးနော်။ မြေကြီးထဲကထွက်လာတာမှ စိန်တို့ ကျောက်တို့ သိမ်းရသေးတယ်။

လူ့ခန္ဓာကိုယ်ကထွက်တာ တစ်ခုမှ သိမ်းစရာမရှိဘူးတဲ့၊ အဲဒါကြောင့်မို့ ခန္ဓာကိုယ်ကြီးဟာ မတင့်တယ်ဘူးဆိုတာ အင်မတန်မှ ထင်ရှားတယ်။ သို့သော်လည်း လူတွေက ဇွတ်ဖုံးကွယ်ပြီးတော့ တင့်တယ်အောင် လုပ်နေကြတယ်၊ လှပအောင် လုပ်နေကြတယ်တဲ့၊ လှအောင်လုပ်ပြီးတော့ တွယ်တာနေကြတယ်၊ အဲဒါကြောင့်မို့ မြတ်စွာဘုရားက အသုဘ မတင့်တယ်တဲ့ သဘောတွေကို ဆင်ခြင်စဉ်းစားပါတဲ့၊ စိတ်ထဲမှာ အမြဲထားပါ။ အဲဒီလိုထားနိုင်မှ ရာဂဆိုတာ ဖယ်ရှားနိုင်မယ်၊ နို့မို့ဆိုရင် ရာဂတွေဟာ လာနေမှာပဲ၊ ဪ နှစ်သက်စရာကောင်းလိုက်တာ လှလိုက်တာနဲ့ဆိုပြီးတော့ တွယ်တာမှုတွေ ဖြစ်လာလိမ့်မယ်တဲ့။

ဟော၊ နောက်တစ်ခုက ဘာတုန်းဆိုရင် ရာဟုလာ သင်္ခါရတရားတွေဟာ ဘယ်သင်္ခါရတရားမှ မမြဲဘူးဆိုတာ၊ မင်းအမြဲ နှလုံးသွင်းဖို့လိုအပ်တယ်။ အဲဒီမမြဲတာတွေကိုကြည့်မှ ငါဆိုတဲ့ ဒီလက်မထောင်မှုတွေဟာ ပျောက်သွားမယ်၊ လောကလူတွေက ငါဆိုတာလေးက အမြဲရှိကြတယ်နော်၊ လူတွေက ကိုယ့်ကိုယ်ကိုယ် မာနမကြီးဘူးလို့ထင်တယ်၊ သူ့ဂုဏ်လေးကိုထိခိုက်မယ့်စကားပြောကြည့်လိုက် မာနလေးက ငေါက်ခနဲ ထလာတယ်၊ ဟုတ်ကဲ့လား။
မခံဘူးဟေ့ ဆိုတာမျိုးဖြစ်လာတယ်။ အဲကျတော့မှ ငါက ထပေါ်လာတာနော်၊ အဲတော့ “အသ္မိမာန” ငါလို့ဆိုတဲ့ ဒီအတွေးဟာ၊ မာန်မာနတရားဟာ အနိစ္စသညာနဲ့ ဖယ်ရှားပစ်ရမယ်လို့ ဒီလို မြတ်စွာဘုရားသခင် ကိုယ်တော်မြတ်က ကမ္မဋ္ဌာန်းတရားတွေကို ဟောထားတယ်၊ ဒါက ရာဟုလာအတွက် သီးသန့်ဟောပေးတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၂) တရားဒေသနာတော်”

(၁၃)

“အာနာပါနဿ တိ”

ရာဟုလာမေးတဲ့မေးခွန်းက ဒါတွေမဟုတ်ဘူး၊
ရာဟုလာက တရားထိုင်နေတုန်း ရှင်သာရိပုတ္တရာမထေရ်က ဆွမ်းခံကြွရင်း လှမ်းပြောသွားတာ၊ ရာဟုလာ အာနာပါနကိုပွား၊ အာနာပါနကို ပွားလို့ရှိရင် အင်မတန်မှ အကျိုးကြီးတယ်လို့ ပြောသွားတာ၊
အဲဒီတော့ ငါ့ရဲ့ ဥပဇ္ဈာယ်ဆရာက ပွားခိုင်းနေတယ်၊ ဘယ်လိုပွားရမယ်ဆိုတာ ငါ ဘုရားကိုလျှောက်မယ် ဆိုပြီးတော့ လျှောက်တော့ ခုမှ မြတ်စွာဘုရားက ဖြေမှာ။

နောက်ဆုံးကျမှ “ရာဟုလာ၊ အာနာပါန ပွားတော့မယ်ဆိုရင်တဲ့
သစ်ပင်ရင်းဖြစ်စေ ဆိတ်ကွယ်ရာ ကျောင်းတစ်ကျောင်းဖြစ်စေ တောအရပ်မှာဖြစ်စေ ဆိတ်ငြိမ်တဲ့ နေရာလေးတစ်ခုကို ချဉ်းကပ်ပါ။

အဲဒီမှာ တင်ပလ္လင်ခွေထိုင် ခါးထက်ကိုယ်ကို ဆန့်ဆန့်လေးထား ခေါင်းကိုမတ်မတ်လေးထား၊

ထားပြီးတဲ့အခါ ခန္ဓာကိုယ်မှာ ပုံမှန်အနေအထားလေးတွေရှိပြီ ဆိုတဲ့အခါ ကိုယ့်ရဲ့ သတိတရားလေးကို နှာသီးဝကိုပို့ထားလိုက်၊

ပို့ထားပြီးတော့
“သတောဝ အဿ သတိ၊ သတောဝ ပဿ သတိ”
အသက်ရှူသွင်းလိုက်တဲ့အခါလည်း သတိလေးနဲ့၊ ရှူထုတ်လိုက်တဲ့အခါကျတော့လည်း သတိလေးနဲ့ စဉ်ဆက်မပြတ် ထွက်လေ ဝင်လေကို မှတ်ပြီးတော့နေရမယ်၊
အဲဒီလို သတိနဲ့ ရှုရမယ်လို့၊

ဒါ ပထမအကြိမ် လေ့ကျင့်တဲ့နည်းတစ်နည်း၊

အဲဒီလို သတိကပ်ပြီးတော့ ရှုနေတဲ့အခါမှာ ဘာတွေထူးခြားပြီး သိသလဲဆိုရင်

ရှည်ရှည်လေးဆွဲပြီးတော့ ရှူတဲ့အခါမှာ ဪ ရှူတာဟာ နည်းနည်းရှည်တယ်ဆိုတာ သိလာတယ်၊
တိုတိုလေးရှူတဲ့အခါမှာလည်း တိုတယ်ဆိုတာ သိလာတယ်။ ရှည်ရင် ရှည်တယ်လို့ သိတယ်၊ တိုရင်တိုတယ်သိတယ် ဆိုတာ အတိုင်းအတာတစ်ခု ပိုလာတဲ့သဘောကို ပြောတာနော်။
တမင်ရှည်အောင်လုပ်ပြီး ရှူဖို့ကိုပြောတာမဟုတ်ဘူး၊ တမင် တိုတိုလေး ရှူခိုင်းတာလည်းမဟုတ်ဘူး။ သူ့သဘာဝအတိုင်း ထူးခြားတဲ့အသိလေးတစ်ခု ပေါ်လာတာကိုပြောတာ၊

အဲဒီထက်ဆက်ပြီးတော့ ဘာလုပ်တုံးဆိုရင် ဒီ
“သဗ္ဗကာယပ္ပဋိသံဝေဒီ” တဲ့၊
ထွက်လေဝင်လေ အားလုံးကိုသိအောင် အစ-လယ်-ဆုံး သုံးပါးလုံး ထွက်သမျှလေကို သိနေအောင် ရှုရမယ်။ သိနေအောင် ရှိုက်ရမယ်။ ဒါကျတော့ ကြိုးစားအားထုတ်ပြီးတော့ သိအောင်လုပ်တာ။

ဟော၊ နောက်တစ်ခုကျတော့ ဘာတုံးဆိုရင်
“ပဿ မ္ဘယံ ကာယသင်္ခါရံ”၊
ကာယသင်္ခါရ ဆိုတာ ဒီနေရာမှာ တခြားကို ပြောတာမဟုတ်ဘူး၊ ခန္ဓာကိုယ်နဲ့ ဒီဆက်စပ်ပြီးတော့ ဖြစ်ပေါ်နေတဲ့ ထွက်လေဝင်လေကိုပြောတာ။ အဲဒီ ထွက်လေဝင်လေဟာ သိမ်မွေ့သွားအောင်၊ သိမ်မွေ့တာပဲသိအောင် ကြိုးစားအားထုတ်ရမယ်တဲ့။
အာနာပါနဆိုတာ ဒီငြိမ်သက်လာလေလေ ထွက်လေဝင်လေက သိမ်မွေ့လာလေလေ ဖြစ်တယ်။

အဲတော့ အားလုံးပေါင်းလိုက်တဲ့အခါကျတော့ ပထမဆုံးလေ့ကျင့်ရမှာက ဒီလေးခုပဲနော်၊ ဒီလေးခုပဲ။

သတိနဲ့ ရှူသွင်းမယ် သတိနဲ့ ရှူထုတ်မယ်၊

ရှည်ရင်ရှည်တယ်လို့သိမယ်၊ တိုရင်တိုတယ်လို့သိမယ်၊

ကာယ “သဗ္ဗကာယ” လို့ခေါ်တဲ့ ဒီထွက်လေဝင်လေ ပေါင်း-စ-လယ်-ဆုံးထိအောင် အကုန်လုံး သတိမလွတ်ဘဲနဲ့သိတယ်၊ ရှူသွင်းတဲ့အခါသိတယ်၊ ရှိုက်ထုတ်တဲ့အခါသိတယ်။

ထွက်လေ ဝင်လေ လေလေးသိမ်မွေ့သွားအောင် ရှူတယ်၊ သိမ်မွေ့သွားအောင် ရှိုက်ထုတ်တယ်။

အာနပါန ကမ္မဋ္ဌာန်း အားထုတ်တိုင်း အားထုတ်တိုင်း ဒီလေးခုဟာ အဓိက။

ဒါ ပထမစပြီးတော့ တရားအားထုတ်တဲ့ ပုဂ္ဂိုလ်တိုင်း ပုဂ္ဂိုလ်တိုင်းဟာ ဒီလေးခုပဲ။

အားလုံးအာနပါနနဲ့ ပတ်သက်ပြီးတော့ ဆယ့်ခြောက်ခု မြတ်စွာဘုရားဟောတယ်။
အဲတော့ ဆယ့်ခြောက်ခုက နောက် လေးခုစီ လေးခုစီပေါ့၊
လေးခုစီ လေးခုစီ သွားတယ်၊ ဒီလေးခုက ပထမဆုံး ဒီလေ့ကျင့်ဖို့ရာအတွက် မြတ်စွာဘုရားကဟောတယ်။

နောက်သုံးခုကျတော့ သူက
ဝေဒနာနုပဿ နာ
စိတ္တာနုပဿ နာ
ဓမ္မာနုပဿ နာတွေနဲ့ ကိုက်ညီမျှအောင်လို့ ဈာန်ရပြီးတဲ့ပုဂ္ဂိုလ်တွေ ရှုမှတ်ဖွယ်အတွက် နောက်လေးစုံ သုံးခုကိုဟောတယ်။

အားလုံးပေါင်းတဲ့အခါကျတော့ ဆယ့်ခြောက်ခုရှိတယ်ပေါ့နော်၊ အဲဒီ ဆယ့်ခြောက်ခုရှိတယ်။

ဒါဖြင့် အာနာပါနကို စပြီးတော့ အားထုတ်တော့မယ်ဆိုလို့ရှိရင် အဓိကအချက်က ဘာတုံးဆိုလို့ရှိရင် နံပါတ်တစ်က
“ဂဏန ဖုသနာ” တဲ့၊ ရေတွက်တဲ့နည်းစနစ်။
ရေတွက်တာ ဘယ်မှာရေတွက်တာတုံးဆိုရင် လေကလေး ထိသွားတဲ့ နေရာမှာ ရေတွက်ရမယ်၊ ထိသွားလို့ရှိရင် တစ်လို့မှတ်တယ်။
ဝင်လေထွက်လေ တစ်၊ ဝင်လေထွက်လေ နှစ်၊ ဝင်လေထွက်လေ သုံးနဲ့ တစ်ဆယ်ထက် ပိုပြီးတော့ မတွက်နဲ့၊
ဘာဖြစ်လို့တုံးဆိုလို့ရှိရင် ဂဏန်းဘက်ကို စိတ်ကရောက်သွားမှာစိုးလို့တဲ့၊ အရေးကြီးတာ နှာသီးဖျားလေး လေထိသွားတာလေးကိုမှတ်ဖို့။ အဲဒါကို “ဂဏနာ” လို့ခေါ်တယ်၊ စိတ်ကလေး တည်ငြိမ်လာတဲ့အခါကျတော့ “ဂဏနာ” ကို လွှတ်လိုက်တယ်။

ဘာဖြစ်လို့လဲဆိုရင် “အနုဗန္ဒ” တဲ့၊
လေလေးပေါ်မှာတင်ပဲ ထိတိုင်းထိတိုင်းလိုက်ပြီးတော့ သိနေဖို့ရာ ရှုမှတ်ရမယ်၊ အဲဒီလို ရှုမှတ်ရင်းကနေပြီး နောက် သမာဓိ ရလာလို့ရှိရင် “ဋ္ဌပနာ” လို့ခေါ်တယ်။
သမာဓိရလာလို့ ဈာန်ရလာပြီဆိုရင် “ဋ္ဌပနာ” ဈာန်ရလာတဲ့အပေါ်မှာ တစ်ခါ ဝိပဿ နာဉာဏ်နဲ့ မမြဲတဲ့ သဘောတရားတွေကို ရှုဆင်ခြင်တတ်လာပြီ။ ထွက်လေဝင်လေလေးရဲ့ အချိန်ပိုင်းလေးဟာ အင်မတန်မှ တိုတောင်းတယ်ဆိုတာ သတိထားမိလာပြီး အဲဒီကျလို့ရှိရင်တော့ “သံလက္ခဏာ” လို့ခေါ်တယ်။

အဲဒီလို အာနာပါနစူးစိုက်ရှုမှတ်လိုက်တဲ့အခါမှာ အာနာပါန ရှူရင်းရှိုက်ရင်း နောက်ဆုံး ဘာဖြစ်လဲဆိုလို့ရှိရင် အာနာပါနကနေပြီး ဝိပဿ နာကိုရောက်သွားတယ်၊ မမြဲတဲ့သဘောကို မြင်အောင်ရှုတယ်၊ ချုပ်ပျောက်သွားတဲ့သဘောကို မြင်အောင်ရှုတယ်၊ ပျက်စီးသွားတဲ့သဘောတွေကို မြင်အောင်ရှုတယ်၊
ဟော ဝိပဿ နာဝင်လာပြီ ဆိုလို့ရှိရင် ကြည့်လေ၊ ထွက်လေလေးသည် ထိသွားပြီးတော့ ပျောက်သွားတယ်။ ဝင်လေလေးမပေါ်လာခင် ထွက်လေလေးက အရင်ငြိမ်းသွားတယ်၊ တစ်ခါ ဝင်လေလေးပေါ်လာလို့ရှိရင် ဝင်လေလေးကလည်း နောက်ထပ် ထွက်လေလေး မပေါ်ခင်ငြိမ်းသွားတယ်၊ ဟော ပျက်စီးသွားတယ်။

အချိန်ပိုင်းလေးအတွင်း ထွက်လေဝင်လေဟာ ထွက်လေသည် ဝင်လေသို့မရောက်ခင်၊ ဝင်လေကလည်း ထွက်လေသို့မရောက်ခင် အချိန်ပိုင်းလေးတိုင်းမှာ ပျက်စီး ပျက်စီးသွားတယ် ဆိုတဲ့ သဘောလေးတွေကို ရှုမှတ်ပြီးတော့ ရှုမှတ်ရမယ်လို့ ဒီလိုဆိုလိုတယ်ပေါ့။
အဲဒါဟာ “အနိစ္စာနုပဿီ” ထွက်လေဝင်လေက နေပြီးတော့ ဒီမမြဲတဲ့ သဘောတွေကို ဆင်ခြင်စဉ်းစားပြီး ရှုမှတ်တယ်၊ အာနာပါနကနေပြီးတော့ နောက်ဆုံး ဝိပဿ နာဉာဏ်ထိအောင် မမြဲတဲ့သဘောတွေ မြင်သွားသည်ထိအောင် ပွားတဲ့။

ပွားလို့ရှိရင် ဘယ်လောက်ထိအောင် အကျိုးကျေးဇူးတွေ ရှိလာသလဲလို့ဆိုရင် အာနာပါန ကမ္မဋ္ဌာန်းအားထုတ်တဲ့ ပုဂ္ဂိုလ်ဟာ ဘဝတစ်ခု အဆုံးသတ်မယ် ဆိုတဲ့အခါမှာ နောက်ဆုံး ထွက်လေဝင်လေလေးထိအောင် သတိဟာ မြဲတယ်လို့ ပြောတယ်နော်။

အဋ္ဌကထာကတော့ ဘယ်လို ရှင်းထားတုံးဆိုရင် ထွက်လေဝင်လေ ကမ္မဋ္ဌာန်းကို ရှုမှတ်ပွားများတဲ့ ပုဂ္ဂိုလ်ဟာ ရဟန္တာဖြစ်ရင်ဖြစ် မဖြစ်ဘူးဆိုလို့ရှိရင် သေခါနီးအချိန်မှာ “ဇီဝိတသမသီသီ” ရဟန္တာဖြစ်နိုင်တယ်ပေါ့၊ တရားထူး တရားမြတ် မသေခင်ရချင်ရ၊ မရဘူးဆိုရင် သေခါနီးမှာ ရနိုင်တယ်၊
သေခါနီးမှာ မရဘူး၊ သေသွားပြီဆိုရင်တဲ့ နတ်ပြည်ရောက်တဲ့အခါမှာ ဓမ္မကထိက နတ်သားတွေဟောတဲ့ တရားကို နာရပြီးတော့ အကျွတ်တရားရနိုင်တယ်။
အဲဒီလိုမှ မရသေးဘူးဆိုရင် ဘုရားမပွင့်တဲ့အခါမှာဆိုရင် ပစ္စေကဗုဒ္ဓဖြစ်မယ်၊
အဲဒီလို ပစ္စေကဗုဒ္ဓ မဖြစ်ဘူး၊ ဘုရားပွင့်တဲ့အခါနဲ့ ကြုံမယ်ဆိုလို့ရှိရင် “ခိပ္ပါဘိည” နည်းနည်းပြောလိုက်တာနဲ့ သဘောပေါက်ပြီးတော့ ရဟန္တာဖြစ်သွားတဲ့ ပုဂ္ဂိုလ်ဖြစ်နိုင်တယ်တဲ့။
ရှင်သာရိပုတ္တရာတို့လို နောက် ဗာဟိရဒါရုစိရိယတို့လို တရားတိုတိုလေး ဟောလိုက်တာနဲ့ သဘောပေါက်ပြီး ရဟန္တာဖြစ်သွားတာတွေလေ။

အဋ္ဌာကထာဆရာကြီးက ထပ်ပြီးတော့ ရှင်းထားတယ်။ မြတ်စွာဘုရားက နောက်ဆုံး ထွက်လေ ဝင်လေလေးထိအောင် ထင်ထင်ရှားရှား သိပြီးတော့ ဒီသဘာဝတရားတွေကို ရှုမှတ်နိုင်တယ်။
ဒါ အာနာပါနရဲ့ အကျိုးကျေးဇူးတွေ ဖြစ်တယ်လို့ ဆယ့်ရှစ်နှစ်သားအရွယ် ရှင်ရာဟုလာလေးကို “မဟာရာဟုလောဝါဒ သုတ္တန်” မှာ အခုလို ဟောကြားထားပါတယ်။

ဒီကနေ့ ဆယ့်ရှစ်နှစ်သားအရွယ် ရှင်ရာဟုလာအား ဝိပဿ နာကျင့်စဉ်စုံအောင် မြတ်စွာဘုရားက ပေးထားတယ်၊ ရှင်ရာဟုလာလေးဟာ ဆက်ပြီးတော့ တရားဓမ္မကို ကျင့်ကြံကြိုးကုတ် အားထုတ်နေတာဖြစ်တယ်။ အဲဒီနည်းနဲ့ ဝိပဿ နာဉာဏ် ရင့်လာတယ်။

နောက်ရက်ကျတော့ “စူဠရာဟုလောဝါဒ သုတ္တန်” ကို ဟောပါ့မယ်။
ရှင်ရာဟုလာဟာ ဘယ်လို ရဟန္တာဖြစ်သွားတယ်၊
ဘယ်အရွယ်မှာ ရဟန္တာဖြစ်သွားတယ်၊
ဘယ်လို ဘဝနိဂုံးချုပ်သွားတယ်ဆိုတာ ဆက်ပြီး ဟောကြားမှာ ဖြစ်ပါတယ်။

တရားချစ်ခင် သူတော်စင်ပရိသတ်အပေါင်းတို့၊ ဒီကနေ့ ဆယ့်ရှစ်နှစ်အရွယ် ရှင်ရာဟုလာကိုဟောတဲ့ ကမ္မဋ္ဌာန်းတရားတွေကို နာယူမှတ်သားကြပြီး မိမိတို့အတွက် ဘယ်လောက် အသုံးကျတယ် ကျင့်ကြံအားထုတ်ထိုက်တယ်ဆိုတာ စဉ်းစားရင်း ကိုယ်စီကိုယ်စီ သဘောကျပြီး ကျင့်ကြံကြိုးကုတ် အားထုတ်နိုင်ကြ ပါစေကုန်သတည်း။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

source: https://www.facebook.com/hlahla.win.585

Youtube: https://www.youtube.com/watch?v=gkc4aPFg0Rs

ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်

12038306_527846897371804_5086942027819933574_n

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၁)

“မှတ်တမ်း”

သာသနာတော်နှစ် ၂၅၅၄-ခုနှစ်၊ ကောဇာသက္ကရာဇ် ၁၃၇၂-ခုနှစ်၊ တန်ဆောင်မုန်းလပြည့်နေ့ မုံရွာမြို့၊ ရွှေစည်းခုံစေတီတော်မြတ်ကြီး၏ ဓမ္မာရုံအတွင်း ဆင်ယင်ကျင်းပ ပြုလုပ်အပ်သည့် မုံရွာမြို့၊ အလယ်ရပ် ဗိုလ်ချုပ်လမ်း၊ ဒေါ်ငြိမ်းမွန်၊ ဒေါ်စုရီ၊ ဒေါ်ဝင်းဝင်းထွေး “ပြည်သူ့မေတ္တာစတိုး” မိသားစုတို့၏ အမတဒါန၊ ဓမ္မဒါနအဖြစ်ဖြင့် ဟောကြားအပ်သော “ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ၊ အပိုင်း(၁)” တရားဒေသနာတော်။

တရားချစ်ခင် သူတော်စင် ပရိသတ်အပေါင်းတို့၊ ရှင်ရာဟုလာ ဘယ်သူလဲဆိုတာ အားလုံးသိပြီးသား ဖြစ်တယ်၊ ဗုဒ္ဓမြတ်စွာ သိဒ္ဓတ္ထမင်းသားဘဝက တစ်ဦးတည်းသော သားရတနာဟာ ရာဟုလာဖြစ်တယ်။ ဒါက ထေရဝါဒ ဗုဒ္ဓဘာသာကျမ်းဂန်တွေမှာ ဆိုထားတာ။

သို့သော် ဒီအဆိုနဲ့ ပတ်သက်ပြီးတော့ နိုင်ငံခြားက စာရေးဆရာတွေ ရေးထားတာရှိသေးတယ်၊ “ရာဟုလာဆိုတာ သာမန်ရဟန်းတစ်ပါးပဲဖြစ်တယ်၊ မြတ်စွာဘုရားရဲ့ လူ့ဘဝတုန်းက သားတော်ဆိုတာ မတတ်နိုင်ဘူး” တဲ့၊ အဲဒီလိုရေးတဲ့စာမျိုးလည်း ရှိတယ်ပေါ့၊ အင်္ဂလိပ်လိုရေးတာဆိုတော့ မြန်မာစာဖတ် ပရိသတ်အတွင်းတော့ မရောက်ဘူးပေါ့၊ သို့သော် ပိဋကတ်သုံးပုံလာသမျှ စာပေတွေ ကြည့်မယ်ဆိုရင်တော့ ရာဟုလာဆိုတာ နှစ်ပါးမရှိဘူး၊ တစ်ပါးတည်းပဲရှိတယ်။

ရာဟုလာနဲ့ပတ်သက်ပြီး သုတ္တန်တွေ မြတ်စွာဘုရားဟောထားတာ တော်တော်များများ ရှိတယ်၊ အဲဒီသုတ္တန်တွေကို ဘုန်းကြီးတို့ ဒီကနေ့စပြီးတော့ ပြည့်ပြည့်စုံစုံ (၃)ညတာ အနှစ်သာရထုတ်ပြီး ဟောကြာပေးပါ့မယ်။

ရာဟုလောဝါဒသုတ်နာမည်နဲ့ ဟောထားတာရှိသလို ရာဟုလသုတ် ဆိုတာတွေလည်း ရှိတယ်။
နောက် သံယုတ္တနိကာယ်ကျမ်းထဲမှာ ရာဟုလသံယုတ် ဆိုပြီးတော့ ရှိတယ်။

အဲတော့ ရာဟုလာနဲ့ပတ်သက်ပြီးတော့ မြတ်စွာဘုရားသခင် ကိုယ်တော်မြတ်ဟာ ဘယ်ပုံ ဆုံးမဩဝါဒတွေ ပေးခဲ့တယ်ဆိုတာ သိရတယ်၊ အင်မတန်မှ စိတ်ဝင်စားစရာ ကောင်းတယ်ပေါ့။

မြတ်စွာဘုရားအနေနဲ့က ရာဟုလာဟာ လူ့ဘဝက သားရတနာဖြစ်သည့်အတွက်ကြောင့် ပိုပြီးတော့ ဂရုတစိုက် ဟောတယ်လို့ သာမန်ပုဂ္ဂိုလ်တွေက ဒီလိုထင်ကောင်း ထင်ကြလိမ့်မယ်၊ သို့သော် စာပေကျမ်းဂန်မှာ မြတ်စွာဘုရားဟာ
မိမိကို လုပ်ကြံသတ်ဖြတ်ဖို့ အကြိမ်ကြိမ်ကြိုးစားတဲ့ ဒေဝဒတ်၊ ဓားထမ်းပြီးတော့ နောက်ကလိုက်သတ်မယ်လုပ်တဲ့ အင်္ဂုလိမာလ၊
မြတ်စွာဘုရားကို ထိုးသတ်မယ်ဆိုပြီး ရှေးရှုပြေးလာတဲ့ နာဠာဂီရိဆင်၊
သားတော် ရာဟုလာ၊
ဒီလေးဦးအပေါ် တူညီသောစိတ် ထားနိုင်တယ်တဲ့၊
အင်မတန်မှ အံ့သြစရာကောင်းတယ်။

ဘုရားမို့ထားနိုင်တာလို့ သာမန်ပုဂ္ဂိုလ်တွေက စဉ်းစားကောင်း စဉ်းစားလိမ့်မယ်၊ ကိုယ့်အနေနဲ့ စဉ်းစားကြည့်မယ်ဆိုရင် ဘယ်လိုမှ ဒီဟာဖြစ်နိုင်တယ်လို့ မထင်ကြဘူးပေါ့၊ ဘုန်းကြီးတို့ ငယ်ငယ်တုန်းကလည်း စဉ်းစားဖူးတယ်၊ ရန်သူနဲ့ကိုယ့်သားအရင်း ဘယ်လိုတန်းတူ ထားနိုင်တာလဲဆိုတာ စဉ်းစားလို့ သဘောမပေါက်ဘူး။

ဘာဖြစ်လို့ ထားနိုင်တာတုန်းဆိုရင် မထားနိုင်ခြင်းရဲ့အကြောင်းက ဘာတွေလဲဆိုတာကို အရင်စဉ်းစားကြည့်လိုက်ရင် အဖြေပေါ်ပါတယ်၊
မထားနိုင်တာက လောဘ ဒေါသ မောဟတွေရှိနေရင် မထားနိုင်ဘူး၊ မှန်တယ်၊ လောဘရှိနေတယ် ဆိုလို့ရှိရင် အစွန်းရောက်တာပဲ၊ ဆန္ဒာဂတိ လိုက်မှာပဲ။

လောကလူသားတွေဟာ တည့်တည့်မတ်မတ်ထားရမယ့် လမ်းကြောင်းက သွေဖည်သွားတာ ဘာကြောင့်တုန်းဆိုရင် လောဘမကင်းလို့၊ ကိုယ်ခင်မင်နှစ်သက်တဲ့ပုဂ္ဂိုလ်၊ ကိုယ်နဲ့ရင်းနှီးတဲ့ပုဂ္ဂိုလ် ဆိုလို့ရှိရင် အနည်းဆုံး လျော့လျော့ပေါ့ပေါ့ စဉ်းစားတာ၊ ဒါ လောဘရဲ့ သတ္တိပဲပေါ့၊
ကိုယ်နဲ့မတည့်တဲ့ပုဂ္ဂိုလ်ဆိုရင် ပိုပိုသာသာလေးလုပ်ချင်တာဟာ ဒေါသရဲ့ သတ္တိပေါ့၊
ဘယ်ဟာ တရားလမ်းကြောင်း၊ ဘယ်ဟာ တရားလမ်းကြောင်းမဟုတ်ဘူးလို့ မသိတာ ဒါ မောဟရဲ့ သတ္တိပဲပေါ့၊

မြတ်စွာဘုရားမှာကတော့ လောဘလည်း မရှိတော့ဘူး၊ ဒေါသလည်း မရှိတော့ဘူး၊ မောဟလည်း မရှိတော့ဘူး၊ ဒါကြောင့်မို့ ထားနိုင်တယ်ဆိုတာ နောက်ပိုင်းတော့ သဘောပေါက်လာတယ်။

ဪ ဒီလိုတန်းတူညီတူစိတ်သဘောထား မထားနိုင်ဘူးဆိုတာ လောဘ၊ ဒေါသ၊ မောဟ မကင်းတဲ့ ပုဂ္ဂိုလ်တွေအတွက် လောဘရဲ့ အစွန်းရောက်မှု၊ ဒေါသရဲ့ အစွန်းရောက်မှု၊ မောဟရဲ့ အစွန်းရောက်မှု ဆိုတဲ့ ဒီအစွန်းရောက်မှုတွေကြောင့် ဒီလိုဖြစ်ရတာလို့ဆိုတာ သဘောပေါက်လာတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)


—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၂)

အေး၊ မြတ်စွာဘုရားဟာ ဒီ သားတော် ရာဟုလာနဲ့ ပတ်သက်ပြီးတော့ သုတ္တန်တွေ တော်တော်များများ အရွယ်အလိုက် ဆုံးမဟောကြားထားတာတွေ ရှိတယ်။

ရာဟုလာနဲ့ မြတ်စွာဘုရား ပြန်တွေ့တဲ့အချိန်မှာ ရာဟုလာဟာ ခုနစ်နှစ်အရွယ် ရှိနေပြီလေ။ အဲဒီနောက်ပိုင်းမှာ မြတ်စွာဘုရားက စဉ်ဆက်မပြတ် သားတော်ရာဟုလာကို ဆုံးမဩဝါဒပေးပြီး ဟောကြားခဲ့တဲ့ “ရာဟုလောဝါဒသုတ်” တွေ စာပေကျမ်းဂန်မှာ မှတ်တမ်းတင်ထားတယ်။

အဲဒီလို တရားတွေ မှတ်တမ်းတင်ထားပေမယ့်လို့ ရှင်ရာဟုလာနဲ့ပတ်သက်တဲ့ အကြောင်းအရာတွေဟာ သိပ်များများစားစား မကျန်ရစ်ဘူးလို့ ဒီလိုပြောရမယ်။

ဘုရားအလောင်း တောထွက်ဖို့ စိတ်ဆုံးဖြတ်လိုက်တဲ့နေ့မှာ ရာဟုလာ မွေးဖွားလာတာ၊ မွေးဖွားတဲ့အကြောင်း သတင်းလာပြောကြတယ်၊ ဘုရားအလောင်းက ဆုံးဖြတ်ချက်ချပြီးပြီ၊ ဒီကနေ့ည ထီးနန်းကိုစွန့်ပြီး နေပြည်တော်က ထွက်ခွာတော့မယ်။
အမှန်တရား၊ မသေရာတရား၊ နိဗ္ဗာန်တရားကို ရှာတော့မယ်။

မြတ်စွာဘုရားက သူဘာဖြစ်လို့ တောထွက်တယ်ဆိုတာတွေနဲ့ ပတ်သက်ပြီးတော့ သုံးထားတဲ့စကားလုံးလေးတွေ ရှိတယ်၊

ဘုရားသုံးတဲ့ စကားလုံးအတိုင်း သုံးမယ်ဆိုရင်
“ကိံ ကုသလ ဂဝေသီ” တဲ့။ဲအပြစ်ကင်းတဲ့တရားဆိုတာ ဘာတွေလဲ၊ ကုသိုလ်ဆိုတာ ဘာတွေလဲဆိုတာ သူသိချင်တယ်၊ ဒါကြောင့်မို့ သူ တောထွက်တာ၊

နောက်တစ်ခုက
“အနုတ္တရံ သန္တိဝရပဒံ ပရိယေသမာနော” တဲ့၊
တကယ်ကို ငြိမ်းချမ်းတဲ့၊ အင်မတန်မွန်မြတ်တဲ့၊ အစစ်အမှန်ဖြစ်တဲ့၊ စိတ်ငြိမ်းအေးမှုဆိုတာ ဘာလဲ၊ ဒါကို သူရှာချင်တယ်၊

ဒီနှစ်ခုရှာဖွေဖို့ ထီးနန်းကိုစွန့်ပြီး တရားကျင့်တာပဲ။

“ကိံ ကုသလ ဂဝေသီ” ကုသိုလ်၊ အပြစ်ကင်းတဲ့တရားဆိုတာဘာလဲ? သိချင်တယ်၊
“အနုတ္တရံ သန္တိဝရပဒံ ပရိယေသမာနော” အကောင်းဆုံး ငြိမ်းချမ်းရေးဆိုတာဘာလဲ? သိချင်တယ်။
ဘာဖြစ်လို့ ငြိမ်းချမ်းမှုကို ရှာရတာတုန်းဆိုရင် လူတွေရဲ့စိတ်နှလုံးဟာ အမြဲတမ်းပူလောင်နေတယ်၊ ပူလောင်မှန်းမသိ ပူလောင်တယ်၊ တချို့က ပူတာကို ပူမှန်းမသိဘူးလေ။

ဆိုပါစို့၊ လောဘတွေဖြစ်နေတာ၊ အာရုံတွေထဲမှာ ပျော်ပြီးတော့နေတာ ဒါလည်းပဲ အလောင်ခံနေရတာပဲ၊ လောင်တယ်လို့ မထင်ဘူးပေါ့၊ ဒေါသဖြစ်ပြီဆိုတော့မှ လောင်တယ်ဆိုတာ ရိပ်စားမိတယ်၊ လောဖြစ်တာလည်းပဲ လောင်နေတာပဲ၊ အဲဒီလောင်လာတာက ဘာဖြစ်လာတုန်းဆိုတော့ လောဘကို အကြောင်းပြုပြီးတော့ နောက်ပိုင်းမှာစိုးရိမ်တာကို၊ လောဘရဲ့ အလောင်ကိုခံရတယ်၊ ဒေါသရဲ့ အလောင်ကိုခံရတယ်၊ ဪ အဲဒီလို “ကိလေသာ” တွေရဲ့ လောင်ကျွမ်းမှုမရှိဘဲနဲ့ အလွန်အေးမြ သန့်စင်တဲ့ ဒီငြိမ်းချမ်းမှုဆိုတာ ဘာလဲဆိုတာသိချင်တယ်။ အဲဒါကြောင့်မို့ တောထွက်တယ်။

အဲဒီလို တောထွက်မယ်လို့ ဆုံးဖြတ်လိုက်တဲ့နေ့မှာပဲ ယသော်ဓရာမိဖုရားက သားဦးရတနာလေး မွေးဖွားလာပြီဆိုတာကို သတင်းလာပို့တယ်၊

သတင်းလာပို့တဲ့အခါ နှုတ်က ဘာပြောမိလိုက်တုန်းဆိုရင်
“ရာဟု ဇာတော ဗန္ဓနံ ဇာတံ”
ဒီစကားလုံးကို ပြောလိုက်တယ်၊ လာပြီးသတင်းပြောတဲ့ လူရှေ့မှာ ပြောလိုက်တာ၊

အေး၊ လမင်းကြီး ကောင်းကင်ကထွက်ပြီး သာမယ့်အချိန်မှာ လငပုပ်အဖမ်းခံရတာပဲ” လို့၊
နှုတ်က အဲဒီလို ထုတ်ပြောလိုက်တာ၊

“ရာဟု ဇာတော”၊ ဒီကနေ့ခေတ်မှာတော့ လကြတ်တယ်လို့ ခေါ်ကြတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၃)

“လငပုပ်ဖမ်းခြင်း”

ဘုန်းကြီးတို့ ပိဋကတ်စာပေထဲမှာ အခုလို လကြတ်တာဟာ ဘာကြောင့်ဖြစ်သလဲဆိုရင် (သိပ္ပံကတော့ တစ်မျိုးပြောတာပေါ့) ရာဟုဆိုတဲ့ အသူရိန်နတ်ကြီးက ဒီ လ,ဗိမာန်ကို သူက ဘောလုံးလေးလိုအောက်မေ့တာ၊ သူသွားတဲ့လမ်းကြောင်းနဲ့ ဆုံမိတဲ့အခါမှာ (သူနဲ့အမြဲတော့ မဆုံဘူး) လသွားတဲ့လမ်းကနေ သူဖြတ်ပြီဆိုတဲ့အချိန်လေးမှာ သူက ကစားတဲ့အနေနဲ့ လ,သာမယ့် နေရာကို ပါးစပ်ကြီးဟထားတယ်၊ လ,ကလည်း ရွေ့လျားလာပြီး သူ့ပါးစပ်ထဲ ဝင်သွားတာတဲ့။

ဒါ ဗုဒ္ဓဘာသာကျမ်းစာတွေက ဆိုတာနော်၊ ရာဟု ကတော့ အပျော်လုပ်တာပေါ့၊
လ,ဟာ ဗိမာန်တစ်ခုပဲပေါ့၊ နတ်ရှိတဲ့ ဗိမာန်တစ်ခုလို့ ဒီလိုဆိုတယ်၊

ဒီကနေ့ခေတ် သိပ္ပံကတော့ တစ်မျိုးပြောတာပေါ့လေ၊

ဗုဒ္ဓဘာသာစာပေကျမ်းဂန်အရ ပြောမယ်ဆိုရင် လ,ဟာဗိမာန်၊ စတုမဟာရာဇ် နတ်ပြည်မှာရှိတဲ့ ဗိမာန်၊ လ,ဗိမာန်လို့ဆိုတော့ သာမန်လူတွေရဲ့မျက်စိနဲ့ ဗိမာန်ကို မြင်ရပေမယ့်လို့ နတ်သားကိုမမြင်ရဘူး၊ နတ်တွေရှိတယ်ဆိုတာ မသိနိုင်ဘူး။

လူ့ပြည်မှာရှိတဲ့ သစ်ပင်တွေမှာ ရုက္ခစိုးရှိတယ်ဆိုတာကို လူတွေက အသိအမှတ်ပြုပြီး နေကြတယ်၊ သစ်ပင်ခုတ်လို့ ဒုက္ခရောက်တဲ့ ပုဂ္ဂိုလ်တွေလည်း အများကြီးရှိတာပဲ။ မုံရွာ လယ်တီတိုက်ထဲက သစ်ပင်ကြီးမှာ ရုက္ခစိုးနတ်ကြီးရှိတယ်ဆိုတာကို လယ်တီဆရာတော်ကြီးက အမိန့်ရှိတယ်တဲ့။ ဒီကနေ့ခေတ်တောင်မှပဲ လယ်တီကျောင်းတိုက်ထဲသွားကြည့်မယ် ဆိုလို့ရှိရင် ရုက္ခစိုးရှိတဲ့ နတ်သစ်ပင်ကြီးဟာ ဒီအတိုင်းပဲရှိတယ်ပေါ့၊ သို့သော် အဲဒီ နတ်ကြီးကိုမြင်ရလားဆိုတော့ မမြင်ရဘူး၊ သစ်ပင်ပဲမြင်ရတယ်၊ နတ်တွေဟာ လူ့ရဲ့မြင်ကွင်းထဲမှာ ရောက်မလာတဲ့ အာရုံတွေလို့ဆိုတာ၊ လူ့ရဲ့မျက်စိက အကုန်လုံး မြင်ရတာတော့ မဟုတ်ဘူး၊ မမြင်ရတာတွေ အများကြီးရှိတယ်ပေါ့။

အဲတော့ လ,ဟာလည်း ဗိမာန်ဖြစ်သည့်အတွက် ထို လ,ဗိမာန်ထဲမှာ နတ်သားရှိတယ်တဲ့၊ အကြောင်းဆုံလာတဲ့အခါမှာ ဒီရာဟုအသူရိန်ကနေပြီးတော့ လ,သွားတဲ့ လမ်းမှာ ပါးစပ်ကြီး ဟထားတာ၊ သူ့ပါးစပ်ထဲကို လ,ကဝင်သွားတယ်၊ ဝင်သွားတဲ့အခါမှာ လ,နတ်သားက အင်မတန်မှ ကြောက်တယ်ပေါ့၊ အဲဒီ ရာဟုဆိုတဲ့ အသူရိန်နတ်ကြီးက ခန္ဓာကိုယ်အင်မတန်မှကြီးတဲ့ နတ်ကြီးတဲ့၊ သူ့ခန္ဓာကိုယ်ကြီးက သူများထက်ပိုပြီးကြီးတယ်၊ သူ့ပါးစပ်ပေါက်ထဲ လ,ဟာ ဝင်သွားနိုင်တာပေါ့။

သံယုတ်ပါဠိတော်မှာ လငပုပ်ဖမ်းရင် ရွတ်ရတယ်ဆိုတဲ့ ဂါထာပါတယ်-
“တထာဂတံ အရဟန္တံ၊ စန္ဒိမာ သရဏံ ဂတော။
ရာဟု စန္ဒံ ပမုဉ္စဿု ၊ ဗုဒ္ဓါ လောကာနုကမ္ပကာ” တဲ့။

“မြတ်စွာဘုရားဆိုတာ ဘယ်သူ့အပေါ်မှာပဲဖြစ်ဖြစ် အကြင်နာသနားထားတော်မူတယ်၊ ကရုဏာတရားထားတယ်၊ လ,နတ်သားဟာ ဘုရားကိုကိုးကွယ်ဆည်းကပ်သူဖြစ်တယ်၊ လ,နတ်သားကို ဖမ်းချုပ်မထားပါနဲ့၊ လွှတ်လိုက်ပါလို့ မြတ်စွာဘုရားက ဒီဂါထာကိုရွတ်တယ်။ မြတ်စွာဘုရားရဲ့ အသံလည်း ကြားလိုက်ရော ရာဟုဟာ ဖမ်းမထားရဲဘူး၊ လွှတ်လိုက်ရတယ်။

“လကြတ်ခြင်း”

အဲဒီလို စာပေမှာ အဆိုရှိတယ်၊ သို့သော် ဒီကနေ့ခေတ် သိပ္ပံနည်းအရ ဒီလ ဘယ်နေ့မှာ လကြတ်မယ်ဆိုတာ တွက်ချက်တဲ့ နည်းတွေရှိတယ်၊ အဲတော့ ဒီလိုမှတ်သင့်တာပေါ့လေ၊ သိပ္ပံနည်းဘက်က ကြည့်မယ်ဆိုရင် လ,ကလည်း ကောင်းကင်မှာ လှည့်ပတ်ပြီး သွားနေတယ်၊ တခြားဂြိုဟ်တွေကလည်း လှည့်ပတ်ပြီးတော့ သွားနေတယ်၊ တစ်ခါတစ်ရံကျတော့ ကမ္ဘာဘက်ကနေပြီးတော့ တခြားဂြိုဟ်တွေနဲ့ ကွယ်တဲ့အခါမှာလည်း လကြတ်တယ်ဆိုတာ ဖြစ်နိုင်တယ်။

အခု ဗုဒ္ဓမြတ်စွာဘုရားရဲ့ စာပေထဲမှာ ပါလာတဲ့အတိုင်းလည်းပဲ ရာဟုဆိုတဲ့ အသူရိန်နတ်ကြီးက တစ်ခါတစ်ရံ သူခရီးကြုံလို့ လုပ်တာမျိုးလည်းရှိတယ်ဆိုတာကို နှစ်ခုတွဲပြီးတော့ မှတ်ထားသင့်တယ်ပေါ့၊ တစ်ခါတစ်ရံ သိပ္ပံအဆိုနဲ့ ဗုဒ္ဓကျမ်းစာအဆို ကွဲပြားခြားနားမှုတွေ ရှိတယ်၊ အဲဒီလို ကွဲပြားခြားနားမှု ရှိတဲ့အခါမှာ မှန်ကန်တဲ့အတွေးနဲ့ မှတ်ထားတတ်ဖို့ လိုတယ်ပေါ့နော်။

“ဒီရေတက်ခြင်းအကြောင်း”

ဥပမာတစ်ခု ပြောပြမယ်၊ သိပ္ပံအကြောင်းကို လေ့လာထားဖူးတဲ့ ပုဂ္ဂိုလ်တွေတွေ့လိမ့်မယ်၊ အညာအရပ်က ပင်လယ်နဲ့ဝေးတဲ့အတွက်ကြောင့် “ဒီရေ” တက်တယ်ဆိုတာ သိပ်ပြီးတော့ သိကြမှာမဟုတ်ဘူး၊ ပင်လယ်နဲ့နီးတဲ့ ပုဂ္ဂိုလ်တွေကျတော့ “ဒီရေ” တက်တယ်ဆိုတာ သိကြတယ်။

အဲတော့ “ဒီရေ” တက်တာဟာ ဘယ်အချိန်မှာ တက်တာတုန်း ဆိုလို့ရှိရင် လဆန်းပိုင်းမှလပြည့်ထိအောင် ဒီရေတက်တယ်ပေါ့။

အဲဒီမှာ သိပ္ပံက ဘယ်လိုပြောလဲ၊ ဒီရေဘာဖြစ်လို့ တက်တာလဲ?၊
လ,ရဲ့ဆွဲငင်မှုကြောင့် ဒီရေတက်တယ် လို့ ဒီလိုပြောတယ်နော်၊ လ,ရဲ့ဆွဲအားကြောင့် ပင်လယ်ရေတွေဟာ တက်လာတယ်၊ ဒါကြောင့်မို့ ဒီဘက်မှာ ဒီရေတက်လာတယ်လို့ ဒီလိုပြောတယ်။

တလောတုန်းက ဘုန်းကြီးတို့ နိုင်ငံခြားသားတွေ စာသင်ရင်းနဲ့ အဲဒီကိစ္စကိုတစ်ခါ ပြောမိတယ်၊
ဒီစာပေကျမ်းဂန်မှာ ဗုဒ္ဓကျမ်းစာနဲ့ အခုသိပ္ပံအဆိုနဲ့ ကွဲပြားမှုလေးတွေရှိတယ်။

သိပ္ပံက လ,ရဲ့ ဆွဲအားကြောင့် ဒီရေတက်တယ်လို့ ဆိုတယ်၊

သို့သော် ဘုန်းကြီးတို့ စာပေထဲမှာ ဘယ်လိုပြောလဲလို့ဆိုရင် လ,နဲ့ ပတ်သက်တာချင်းတော့တူတယ်၊ စာပေထဲမှာ ပြောပုံကတော့ လဆန်းပိုင်းရောက်တဲ့အခါ လ,ထွက်လာတယ်၊ လပြည့်နေ့ဆိုရင် လ,ရောင် အားကောင်းတယ်၊ ပင်လယ်ထဲမှာလည်းပဲ ကျောက်ဆောင်ကြီးတွေရှိတယ်၊ အဲဒီကျောက်ဆောင်ကြီးတွေမှာ အချို့ ကျောက်ဆောင်ကြီးတွေက လ,ရောင်နဲ့တွေ့လို့ရှိရင် ရေကို အန်ထုတ်တဲ့ ကျောက်ဆောင်ကြီးတွေ ရှိတယ်တဲ့။ ဆိုပါစို့ လ,ရောင်တွေ့လိုက်တာနဲ့ တစ်ပြိုင်နက် ရေတွေစိမ့်ထွက်လာတယ်၊ အဲဒါကို
“စန္ဒြကန္တ ကျောက်” လို့ခေါ်တယ်၊ အဲဒီကျောက်က လ,ရောင်နဲ့ တွေ့လိုက်တာနဲ့ တစ်ပြိုင်နက်တည်း ရေတွေ အန်ထုတ်လာတယ်။
(“စန္ဒြကန္တ ကျောက်” ရှိသလိုပဲ၊ “သူရိယကန္တ ကျောက်” ဆိုတာရှိတယ်၊ နေရောင်နဲ့ တွေ့လိုက်တာနဲ့ တစ်ပြိုင်နက် မီးထတောက်တဲ့ ကျောက်မျိုးတဲ့)

ပင်လယ်ထဲမှာရှိတဲ့ ကျောက်တောင်ကြီးတွေဟာ လ,ရောင်နဲ့ တွေ့တဲ့အခါမှာ သူတို့ထဲမှာ စိမ့်ဝင်နေတဲ့ ရေတွေဟာ လ,ရောင်ကြောင့် အန်ထွက်လာတယ်၊ ဒါလည်း လ,ရဲ့ဆွဲအားလို့ပြောချင်ပြောပေါ့၊ သိပ္ပံနဲ့ သွားတူပုံကိုပြောပြတာနော်၊ အဲတော့ လ,ရောင်နဲ့ တွေ့တဲ့အခါမှာ အဲဒီကျောက်တုံးထဲက ရေတွေဟာ အန်ထုတ်လာပြီးတော့ ရေတွေများလာပြီးတော့ ရေတွေတိုးလာတာ၊ ဒါကို “ဒီရေ” တက်တယ်လို့ခေါ်တယ်တဲ့။
ဒါက ဗုဒ္ဓစာပေကျမ်းဂန်မှာ ဆိုတာ။

သိပ္ပံနည်းအဆိုမှာ လ,ကနေဆွဲတယ်လို့ ဒီလိုပြောတယ်၊ အဲတော့ ဘုန်းကြီးကတောင်မှပဲ နိုင်ငံခြားသားတွေကို ပြောပြတယ်။ အဲဒီလို လ,က ဆွဲတယ်ဆိုလို့ရှိရင် ပင်လယ်ရေတောင် ဆွဲနိုင်သေးတာ ဘာဖြစ်လို့ မြစ်ရေတွေကျတော့ မဆွဲတာတုန်း၊ ရေအများတောင် ဆွဲနိုင်တယ်ဆိုလို့ရှိရင် ရေအနည်းလေး ဆွဲနိုင်မှာပေါ့နော်၊ လ,ရောင်တွေ့လို့ရှိရင် အိမ်မှာရေခွက်ထဲ ရေတွေထည့်လို့ရှိရင် ဆွဲယူသွားမှာပေါ့၊ အဲဒါကြောင့်မို့ ဆွဲတယ်ဆိုတဲ့အဓိပ္ပာယ်ထက် ပိုပြီးတော့ လ,ရောင်နဲ့ တွေ့လို့ “စန္ဒြကန္တကျောက်” က ရေတွေကိုအန်ထုတ်တယ်ဆိုတာ ပိုပြီးတော့ သဘာဝကျတယ်လို့တောင် ပြောမိသေးတယ်။

ဒါ ကျိုးကြောင်းဆင်ခြင်ကြည့်လို့ရှိရင် ဒီလိုနီးစပ်မှုလေးတွေတော့ ရှိတယ်ပေါ့နော်၊ အဲဒီလိုပဲ အခု လငပုပ်ဖမ်းတာနဲ့ ပတ်သက်လာလို့ရှိရင် ဘယ်နေ့ဘယ်ရက်မှာ လငပုပ်ဖမ်းနိုင်တယ်လို့ ဗေဒင်ဆရာတွေက တွက်ချက်ကြည့်တာ၊ အဲဒါက သဘာဝလှည့်ပတ်သွားနေတဲ့ ဂြိုဟ်တွေရဲ့ အသွားအလာနှုန်းထားတွေနဲ့ တွက်ပြီးတော့ ပြောတာမျိုးပဲ၊

အခု စာပေကျမ်းဂန်မှာလာတဲ့ လငပုပ်ဖမ်းတယ်ဆိုတာတော့၊ ခုန ခုန ရာဟုဆိုတဲ့ အသူရိန်နတ်ကြီး လ,နဲ့ဆုံတဲ့ အခါမျိုးမှာလည်းပဲ လုပ်တတ်တဲ့ အကျင့်ရှိတယ် ဆိုတာလည်း မှတ်သားထိုက်တယ်ပေါ့။

အဲတော့ သားတော်လေး မွေးဖွားလာတယ် ဆိုတဲ့အချိန်မှာ သူ့ရဲ့ဆန္ဒပြည့်ဝဖို့ရာ လပြည့်ဝန်းကြီးလို သူဆုံးဖြတ်ထားတဲ့ စိတ်ထားလေး၊ ခုနတုန်းက ရာဟုဆိုတဲ့ အသူရိန်နတ်ကြီးရဲ့ အနှောင့်အယှက်ကို ခံလိုက်ရသလို သူ့စိတ်ထဲမှာ ခံစားရတယ်။ ဒါကြောင့်မို့ “ရာဟု ဇာတော”၊ အေး ရာဟု ပေါ်လာပြန်ပြီလို့ စိတ်ထဲမှာ ဖြစ်လာတာကို ထုတ်ဖော်ပြီးတော့ ပြောလိုက်တာ။

အဲဒါကို အဓိပ္ပာယ်ရှင်းပြတဲ့အနေနဲ့ ထပ်ပြောတာ “ဗန္ဓနံ ဇာတံ” ငါ့မှာ နှောင်ကြိုးတော့ ပေါ်လာပြန်ပြီ။ တောထွက်ဖို့ ဆုံးဖြတ်ထားမှ အနှောင့်အယှက်တစ်ခု ပေါ်လာပြန်ပြီလို့ ပြောတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၄)

ခမည်းတော် သုဒ္ဓေါဒနမင်းကြီးက နန်းတော်မှာ သားတော်လေး မွေးဖွားကြောင်း သိဒ္ဓတ္ထ မင်းသားကို သွားပြီး အကြောင်းကြားခိုင်းလိုက်တယ်၊ အကြောင်းကြားတဲ့သူ ပြန်လာတဲ့အခါ
“ငါ့သားက ဘာပြောလိုက်တုန်း” ဆိုတော့
“ရာဟု ဇာတော ဗန္ဓနံ ဇာတံ” လို့
ပြောလိုက်ပါတယ်တဲ့၊ အဲဒီစကားကိုယူပြီး သားတော်လေးကို ရာဟုလာ လို့ နာမည်ပေးလိုက်တယ်တဲ့။

ရာဟုလာ ဆိုတဲ့ အဓိပ္ပာယ်က
“ရာဟု လာတိ ဂဏှာတီတိ ရာဟုလော” လို့ ဆိုတဲ့ အဓိပ္ပာယ်။ ဒါ လ,ကို ရာဟုဖမ်းခံရခြင်းပဲလို့ အဓိပ္ပာယ်ရတယ်ပေါ့လေ၊
လငပုပ်အဖမ်းခံရခြင်းလို့ အဓိပ္ပာယ်ရတယ်နော်၊
အဲဒီ အဓိပ္ပာယ်နဲ့ နာမည်ပေးလိုက်တာ။
သို့သော် ဘုရားအလောင်းက ဆုံးဖြတ်ချက်ကို မပြင်တော့ဘူး၊ ညသန်းခေါင်အချိန်မှာ တောထွက်သွားခဲ့တယ်။

ဒီကလေးလေး မွေးဖွားတဲ့နေ့မှာပဲ တောထွက်သွားတာ၊ ဒီကလေးလေးနဲ့ ပြန်တွေ့တဲ့အခါ ၇-နှစ်သားအရွယ်ရှိပြီ၊ ဘုရားအလောင်းက တောထွက်ပြီး တရားကျင့်တာက ၆-နှစ်၊
၆-နှစ် ပြည့်တဲ့အခါ ဘုရားဖြစ်ပြီး ဗာရာဏသီမှာ ဓမ္မစကြာတရားဟောပြီးမှ ကပိလဝတ်ပြည် ပြန်ရောက်တယ်။ ဒါကြောင့် ရာဟုလာဆိုတဲ့မင်းသားလေးက အသက် ၇-နှစ် ရှိသွားပြီပေါ့။

အဲတော့ ခုနစ်နှစ်သားအရွယ် ရာဟုလာဟာ သူ့ဖခင်ကို မမြင်ဖူးဘူး၊ သူမွေးတဲ့နေ့မှာ တိုင်းပြည်က ထွက်ခွာသွားတာ။ ခုနစ်နှစ်သားအရွယ် မြတ်စွာဘုရား နန်းတော် ကြွလာတဲ့အခါ သူ့မိခင်လုပ်တဲ့ ယသော်ဓရာမိဖုရားက ပြောတယ်
“ဒီရဟန်းဟာ မင်းရဲ့ဖခင်ပဲ” လို့ ပြောပြတယ်။
“မင်းရဲ့ဖခင် တောထွက်သွားတဲ့နေ့ကစပြီး တို့ပိုင်တဲ့ရွှေအိုးကြီးလေးလုံးလည်း ပျောက်သွားတယ်၊ သူဘယ်နေရာထားခဲ့တယ်ဆိုတာကို မင်းသွားမေးပြီး အမွေတောင်းခဲ့” လို့ သင်ပေးတယ်။

ဒါက လူ့သဘာဝပဲလေ၊ လူ့သဘာဝဆိုတာ ပစ္စည်းပဲလိုချင်တာပေါ့၊ အခုခေတ်လည်းကြည့်ပေါ့၊ သားသမီးနဲ့မိဘ ဘာလုပ်ဖို့ စိတ်ကူးကြလဲ၊ အမွေတောင်းဖို့ စိတ်ကူးကြတာပဲ၊ ဟုတ်ကဲ့လား၊ ဘာတွေအမွေထားခဲ့တယ်၊ ဘယ်နားထားခဲ့သလဲ ဒါအဓိက ဖြစ်နေတယ်နော်၊ အမွေတောင်းတာက လူ့သဘာဝပဲ။

ယသော်ဓရာမိဖုရားကလည်း လူ့သဘာဝအတိုင်းပဲ အဲဒီ အမွေတွေ ဘယ်ထားခဲ့သလဲဆိုပြီး သွားတောင်းခိုင်းတယ်၊ အမွေရချင်တယ်ပေါ့။ တစ်ဦးတည်းသောသားဆိုတော့ အမွေရရင် သူပဲရမှာ။
(အေး တချို့ကလည်းပဲ မြတ်စွာဘုရားမှာ ဒီသားတစ်ပါးတည်းတင် မကဘူးတဲ့၊ သားပေါင်း ထောင်ချီရှိတယ်လို့ ပြောကြတာလည်း ရှိတယ်နော်)

အေး၊ ရာဟုလာ အမွေတောင်းတဲ့အခါမှာ အဖေဆိုတဲ့ အသိစိတ်ကလေးနဲ့ မြတ်စွာဘုရားနား ကပ်သွားတယ်။ ဘုရားက နန်းတော်မှာ ဆွမ်းဘုဉ်းပေးပြီးတော့ ကျောင်းတော်ကို ပြန်ကြွတယ်ပေါ့၊ အဲဒီလိုပြန်ကြွတဲ့အခါ အနားကပ်သွားပြီး
“သုခါ တေ သမဏ ဆာယာ”
“အရှင်ဘုရားတဲ့၊ အရှင်ဘုရားရဲ့အရိပ်ဟာ အင်မတန်မှ အေးမြပါတယ်လို့ ပြောတယ်၊ ကလေးပေမယ့်လို့ ပြောတတ်တယ်။

ခုခေတ်ကလေးတွေလည်း အင်မတန်မှ စကားတတ်ကြတယ်၊ ကလေးပေါက်စကလေးက လူကြီးစကားပြောတာ၊ ဘာဖြစ်လို့ ပြောတတ်ကြတာတုန်းဆို စကားမပြောတတ်ခင်ကတည်းက Television ရှေ့ချထားတာဆိုတော့ အကုန်လုံး မြင်ကြ ကြားနေကြတာနော်၊ ဟုတ်တာရော၊ မဟုတ်တာရော အကုန်လုံး သူတို့နားထဲရောက်နေတာ၊ မျက်စိကမြင် အကုန်လုံး မြင်ကြတယ်။

အဲတော့ ရာဟုလာ သားတော်လေးလည်း စကားတတ်တယ်၊ ခုနစ်နှစ်အရွယ်ဆိုတော့ သူက သိတတ်တဲ့အရွယ်ပေါ့၊
“သုခါ တေ သမဏ ဆာယာ”
“အရှင်ဘုရားရဲ့အရိပ်ဟာ အေးမြလှပါတယ် ဆိုပြီး ဘာပြောတုန်း?
“ဒါယဇ္ဇံ မေ သမဏ ဒေတိ” တဲ့၊
သူ့အမွေပေးပါတဲ့၊
အဓိကတော့ အဲဒါ အမွေပေးပါလို့ တောင်းတယ်၊

မြတ်စွာဘုရားက ဘာမှမပြောဘူး၊

ဖခင်ဆိုတဲ့ ချစ်ခင်တဲ့စိတ်နဲ့ အနားနားမှာ ကပ်လိုက်သွားတယ်၊ ဘယ်ထိအောင် လိုက်သွားတုန်းဆိုတော့ ကျောင်းတော်ထိအောင် လိုက်သွားတယ်။

ကျောင်းရောက်တဲ့အခါ မြတ်စွာဘုရားက ရှင်သာရိပုတ္တရာကို ပြောလိုက်တယ်၊ “သာရိပုတ္တရာတဲ့၊ ရာဟုလာ အမွေတောင်းနေတယ်တဲ့၊ လောကီအမွေတွေဆိုတာ ပူပန်ဆင်းရဲမှုကိုသာ ပေးနိုင်တယ်” (ဟုတ်တာပေါ့၊ ပစ္စည်းဥစ္စာဆိုတာ ရလာပြီဆိုရင် ထိန်းသိမ်းစောင့်ရှောက်မှုကစပြီး ဒုက္ခပဲလေ၊ မယုံလို့ရှိရင် ဟောဒီ ပရိသတ်ကို စိန်ဘယက်တစ်စုံပေးလိုက်မယ်၊ ပေးလိုက်တာနဲ့ တပြိုင်နက် သူ့စိတ်ထဲမှာ မလုံမခြုံတွေ ဖြစ်ကုန်မှာ၊ ဘယ်နားထိုင်ရမှန်းမသိဖြစ်ကုန်မှာ၊ ငါ့ဟာများ လူမြင်မှာလား၊ မလုံမခြုံတဲ့နေရာမှာဆို သူများခိုးသွားမှာလားဆိုပြီး ပူပန်မှုက အရင်ဖြစ်လာတာ၊ တန်ဖိုးကြီးလေလေ ပူပန်တဲ့စိတ်က များလာလေလေပေါ့)။

အဲတော့ မြတ်စွာဘုရားက ရှင်သာရိပုတ္တရာကို ပြောတယ်၊ လောကီအမွေဆိုတာ စိတ်ကို ပင်ပန်းစေတယ်၊ ဒါကြောင့် ရာဟုလာကို အင်မတန်မှ စိတ်နှလုံးအေးချမ်းပြီး ငါကိုယ်တိုင် ၆-နှစ်ပတ်လုံး ကြိုးပမ်းလို့မှ ရရှိလာတဲ့ ဓမ္မအမွေကိုပေးမယ်၊ ရာဟုလာကို သင်္ကန်းဝတ်ပေးလိုက်” လို့ ပြောတယ်။

ဟောဒီကလေးလေးဟာ ခုနစ်နှစ်အရွယ် ဘာမသိ ညာမသိနဲ့ ကတုံးတုံးပြီး ကိုရင်ဝတ်သွားရတာနော်၊ ခုနစ်နှစ်အရွယ်လေး ကျောင်းရောက်သွားတယ်ဆိုတာ စဉ်းစားကြည့်နော်၊ အဖေဆိုတဲ့သံယောဇဉ်နဲ့သာ သူလိုက်သွားတာ၊ နဂိုတုန်းက အမေ့ရင်ခွင်ထဲမှာနေတဲ့ ကလေးလေး၊ အဖေဆိုတဲ့ သံယောဇဉ်နဲ့ လိုက်သွားပြီး ဟိုရောက်တော့ သင်္ကန်းဝတ်ပေးလိုက်တယ်။

ရဟန်းသံဃာတွေကြားမှာ ကိုရင်ဝတ်ပေးပြီး ထားလိုက်တယ်၊ ကိုရင်ဝတ်ပေးပြီး မြတ်စွာဘုရားက ဒီအတိုင်း ပစ်ထားသလားဆိုတော့ မပစ်ထားပါဘူး၊ ဒီကလေးလေးဟာ သူ့တာဝန်ဖြစ်လာတယ်၊ လောကအမြင်နဲ့ ကြည့်မယ်ဆိုရင်လည်း တာဝန်တစ်ခုဖြစ်လာတယ်၊ ဘုရားက တာဝန်ကျေအောင် ဆောင်ရွက်တယ်လို့ ပြောရမယ်။ သားဆိုတဲ့သံယောဇဉ်နဲ့ လုပ်တာ မဟုတ်ဘူးနော်၊ (လောကလူတွေက သံယောဇဉ်နဲ့ပဲ ကြည့်ကြမှာပေါ့)
မြတ်စွာဘုရားကတော့ သံယောဇဉ်မရှိတော့ ဘာနဲ့ကြည့်၊ တာဝန်နဲ့ ကြည့်တာ။

သားသမီးဆိုတော့ ပိုပြီး တာဝန်ရှိတယ်၊ ကိုရင်ဝတ်ပေးလိုက်တဲ့ ရာဟုလာလေး ခုနစ်နှစ်အရွယ် သူ့လက်ထဲရောက်လာတဲ့အခါ မြတ်စွာဘုရားက ဆုံးမရပြီ၊ ကလေးဆိုတာ ပါးစပ်ကလည်းပဲ ပြောချင်ရာပြောတတ်တဲ့ အရွယ်ကိုး၊ စကားတတ်စဆိုတော့ ပြောချင်ရာ ပြောတာပေါ့၊ အကျိုးမရှိတဲ့စကား၊ အကျိုးရှိတဲ့စကားဆိုတာ ခွဲခြားနိုင်ခြင်းမရှိသေးဘူး၊ အကျိုးမရှိတဲ့စကားတွေများ မပြောမိအောင် မိဘတွေက သွန်သင်ပေးဖို့ လိုအပ်လာတယ်၊ အမေနဲ့ခွဲပြီး အဖေနဲ့အတူလာနေတော့ တာဝန်ဝတ္တရားတွေ အားလုံးဟာ မြတ်စွာဘုရားရဲ့အပေါ်မှာ ကျတာပေါ့။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၅)

ဒါကြောင့်မို့ ရာဟုလောဝါဒသုတ်တွေ ပေါ်လာတာ။ စီကာစဉ်ကာ ကြည့်လိုက်မယ်ဆိုရင် ခုနစ်နှစ်အရွယ် ရာဟုလာကိုဟောတာ နှစ်သုတ်ရှိတယ်၊
အဲဒီနှစ်သုတ်ထဲမှာ “ကုမာရပဉှာ” ဆိုတာပါတယ်။
ဟိုစကား ဒီစကားတွေ မပြောမိအောင်၊ ဉာဏ်ရည်ဉာဏ်သွေးထက်အောင် အမေးအဖြေလေး လုပ်ခိုင်းထားတယ်၊ ဂဏန်းသင်ပြီးသားလည်းဖြစ်၊ အမေးအဖြေလည်းတတ်သွား၊ တရားဓမ္မလည်း နားထဲဝင်သွားအောင် မြတ်စွာဘုရားက ရာဟုလာ သားတော်လေးကို သင်ပေးတာတဲ့။

အမေးအဖြေ ၁ဝ-ပုဒ်ရှိတယ်။
“ခုဒ္ဒကပါဌ” ဆိုတဲ့ ပါဠိတော်မှာ “ကုမာရပဉှာ” ဆိုတဲ့ နာမည်နဲ့ မှတ်တမ်းတင်ထားတာရှိတယ်၊
မှတ်တမ်းတင်ထားလို့ ဘုန်းကြီးတို့တတွေ သိခွင့်ရတယ်ပေါ့။

ရာဟုလာမင်းသားလေး ကိုရင်ဝတ်ပြီးနောက် ဘာတွေသင်ပေးတုန်းဆိုရင်
“ဧကံ နာမ ကိံ?၊ တစ်ခုဆိုတာဘာလဲ? တဲ့၊
ကလေးတွေကို စိတ်ဝင်စားအောင် တရားသင်ပေးတဲ့သဘောဖြစ်တယ်။

“ဧကံ နာမ ကိံ? ရာဟုလာ တစ်ခုဆိုတာဘာလဲ?
ဟော စဉ်းစားခိုင်းတာ၊
ဂဏန်း ၁-ခုကနေ ၁ဝ-ခုထိအောင်သင်ပေးတယ်၊
အဲဒီမှာ မေးခွန်းလေးတွေ မေးထားတာ၊
“ဧကံ နာမ ကိံ? တစ်ခုဆိုတာဘာလဲ?
“ဒွေ နာမ ကိံ? နှစ်ခုဆိုတာဘာလဲ၊
သုံးခုဆိုတာဘာလဲ၊
လေးခုဆိုတာဘာလဲကနေ နောက်ဆုံး ဆယ်ခုဆိုတာဘာလဲ၊ မေးခွန်းလေးတွေထုတ်ပြီးတော့ မြတ်စွာဘုရားက အဖြေပါ သင်ပေးတာ။

“ဧကံ နာမ ကိံ? တစ်ခုဆိုတာဘာလဲ?၊
အဖြေက
“သဗ္ဗေ သတ္တာ အာဟာရဋ္ဌိတိကာ” တဲ့။
လူတိုင်းလူတိုင်းဟာ နေ့စဉ်နဲ့အမျှ ရှောင်လို့မရတဲ့တစ်ခုဟာ ဘာလဲလို့ဆိုရင် အစာအာဟာရပဲ။ သတ္တဝါတွေအားလုံးဟာ အစာကြောင့် အသက်ရှင်နေကြတယ်၊ အစာစားရလို့ အသက်ရှင်ကြတယ်၊ တစ်ခုဆိုတာ အဲဒါကိုပြောတာပါတဲ့၊ သတ္တဝါအားလုံး အသက်ရှင်ဖို့ တညီတည်း အမှီပြုကြရတဲ့ အရာတစ်ခုကိုပြောတာ။
(တခြားတစ်ခုတွေကလည်း ရှိသေးတယ်လေ၊ နေဆိုတာတစ်ခုပဲရှိတယ်၊ လဆိုတာတစ်ခုပဲရှိတယ်၊ အဲဒီ တစ်ခုတွေကို ပြောတာမဟုတ်ဘူး)
“ဧကံ နာမ ကိံ? တစ်ခုဆိုတာဘာလဲ?၊
“သဗ္ဗေ သတ္တာ အာဟာရဋ္ဌိတိကာ”
တို့နေ့စဉ်နှင့်အမျှ မှီခိုအားထားနေရတာ ဘာလဲလို့ဆိုရင် “အာဟာရ” ပဲ။

ဒါကြောင့်မို့ နေ့စဉ်နဲ့အမျှ လုပ်နေရတာကလည်းပဲ စိတ်ပျက်ငြီးငွေ့စရာကောင်းတယ်၊ နေ့တိုင်းစားနေရတဲ့ ဒုက္ခကို တရားသံဝေဂ ရစိမ့်သောငှာ မြတ်စွာဘုရားက ဂဏန်းနဲ့ တွဲဖက်ပြီးတော့ သင်ပေးတာ။

နောက်တစ်ခါ သင်တာက ဘာတုန်း၊ နှစ်ခုဆိုတာဘာလဲ? လို့ဆိုတာ၊
အေး လူတွေရဲ့ သန္တာန်မှာ နှစ်ခုရှိတယ်၊
သာမန်အနေကတော့ တွေးကြလိမ့်မယ်၊ မျက်စိကလည်း နှစ်လုံးရှိတယ်ပေါ့၊ နားကလည်း နှစ်ဖက်ရှိတယ်၊ နှာခေါင်းကလည်း နှစ်ပေါက်ရှိတယ်၊ နှစ်ခုဆိုတာ အဲဒါများပြောတာလား၊ နှစ်ခုတွေ များနေတယ်။
အဲတော့ နှစ်ခုဆိုတာ တစ်မျိုးတည်းပဲဖြစ်ရမယ်၊ နှစ်ခုဆိုတာ ဘာလဲဆိုတော့ မြတ်စွာဘုရားက သင်ပေးတယ်၊ အကျိုးမရှိတာတွေမမှတ်နဲ့၊ အကျိုးရှိတာတွေမှတ်ဖို့ဆိုပြီး
“ဒွေ နာမ ကိံ? နှစ်ခုဆိုတာဘာလဲဆိုရင်၊
“နာမရူပံ” လူတွေရဲ့သန္တာန်မှာ ရုပ်နဲ့နာမ် ဒီနှစ်ခုပဲရှိတယ်။
ဟော – ငယ်ငယ်ကလေးတည်းက တရားလမ်းကြောင်းပေါ်ရောက်အောင် မြတ်စွာဘုရားက သားတော်ရာဟုလာကို ပို့ပေးတာ။

ဟုတ်ပြီ၊ တစ်ခုဆိုတာလည်းသိပြီ၊ နှစ်ခုဆိုတာလည်းသိပြီ၊ နောက်တစ်ခု ဂဏန်းတစ်လုံး ထပ်တိုးလိုက်မယ်၊ သုံးခုဆိုတာဘာလဲ?
မြတ်စွာဘုရားကသင်ပေးတာ၊
သုံးခုဆိုတာ ရာဟုလာ တခြားမဟုတ်ဘူး။
တို့တတွေမှာ အာရုံနဲ့တွေ့တဲ့အခါ ခံစားချက်သုံးမျိုးရှိတယ်၊ ဟုတ်တာပေါ့။ ကောင်းတာနဲ့တွေ့ရင် ပျော်တယ်လေ ကြိုက်တယ်၊ မကောင်းတာနဲ့တွေ့ရင် စိတ်ညစ်တယ်၊ ကောင်းမကောင်းမဟုတ်ဘူး ဆိုလို့ရှိရင် ပျော်တာလည်း မဟုတ်ဘူး စိတ်ညစ်တာလည်း မဟုတ်ဘူးဆိုတာ ရှိနေတာ။ အဲတော့ ခံစားမှုဟာ သုံးမျိုးရှိတယ်ပေါ့၊ အဲဒီ သုံးခုရှိတာကို ရည်ညွှန်းပြီးတော့ သုံးခုဆိုတာ ခံစားမှုသုံးမျိုးကို မှတ်ရမယ်ဆိုတာ ဝေဒနာ သုံးမျိုးကို သင်ပေးလိုက်တယ်။

နောက် လေးခုဆိုတာဘာလဲ?၊ ဂဏန်းတစ်လုံး ထပ်တိုးပြီး မှတ်ခိုင်းတဲ့အခါမှာ လေးခုကတော့ ဒီသုတ္တန်မှာ မြတ်စွာဘုရားက သစ္စာလေးပါးလို့ ဒီလိုပဲပြောတယ်။ အမှန်တရားလေးမျိုးရှိတယ်ပေါ့၊ ဒုက္ခရယ်၊ သမုဒယရယ်၊ နိရောဓရယ်၊ မဂ္ဂရယ်။
လောကမှာ တကယ့်အမှန်တရားဆိုတာ ဒီလေးမျိုးပဲ ရှိတယ်တဲ့၊
ဟော-သစ္စာလေးပါးကို ဒီလိုသင်ပေးတယ်။

နောက်တစ်ခါ ငါးခုဆိုတာဘာလဲ? လို့ မေးလိုက်တဲ့အခါ လူတွေမှာ တဏှာအမြင် ဒိဋ္ဌိအမြင်နဲ့ စွဲလမ်းတဲ့ ဥပါဒါနက္ခန္ဓာငါးပါး ရှိတယ်၊
ရုပ်၊ ဝေဒနာ၊ သညာ၊ သင်္ခါရ၊ ဝိညာဉ် လို့ဆိုတဲ့ ဒီငါးခုအပေါ်မှာ စွဲလမ်းကြတယ်၊ တဏှာအမြင်၊ ဒိဋ္ဌိအမြင်တွေနဲ့ စွဲလမ်းကြတဲ့ ခန္ဓာငါးမျိုး၊
ဥပါဒါနက္ခန္ဓာလို့ ဒီလိုခေါ်တယ်၊
အဲဒါ ၅- ဂဏန်းကို မြတ်စွာဘုရားက သင်ပေးတယ်။

ဒါဖြင့် “ဆ နာမ ကိံ?” ခြောက်ခုဆိုတာဘာလဲ?၊
ဘုန်းကြီးတို့တတွေမှာ ခြောက်ခုရှိတယ်၊
အပြင်ဘက်က အာရုံတွေနဲ့ ဆက်သွယ်ဖို့ရာအတွက် အင်္ဂါခြောက်ခုရှိတယ်၊
အဲဒါ ဘာလဲလို့ဆိုတော့ “မျက်စိရယ်၊ နားရယ်၊ နှာခေါင်းရယ်၊ လျှာရယ်၊ ကိုယ်ရယ်၊ စိတ်ရယ်” ဆိုတဲ့ ဟော Sense Organs ခြောက်ခုရှိတယ်။

ဒါတွေနဲ့ပဲ နေ့စဉ်ဆက်သွယ်နေတာ၊ ဟော ခြောက်ခုဆိုတာ “အဇ္ဈတ္တိကာယတန” ခြောက်ပါးတဲ့၊ အာရုံတွေရဲ့ အခြေခံ၊ စိတ်တွေရဲ့ဖြစ်ပေါ်ရာ ခြောက်မျိုးရှိတယ်ဆိုပြီးတော့ ၆-ဂဏန်းကို ဖော်ထုတ်ပြီးတော့မေးတယ်၊ ဒါတွေကို ကြည့်လိုက်မယ်ဆိုလို့ရှိရင် အဆင့်ဆင့် ကမ္မဋ္ဌာန်းပွားလို့ရလာတဲ့ သဘောတွေကို မြတ်စွာဘုရားက ဟောနေတာနော်၊
ကလေးငယ်နဲ့ တန်ရုံလောက်ပဲ မြတ်စွာဘုရားက ဂဏန်းသဘောလေးတွေကို မှတ်ခိုင်းထားတာ၊ ဟော ခြောက်ခုသိပြီ။

“သတ္တ နာမ ကိံ?” ခုနစ်ခုဆိုတာဘာလဲ?၊
မြတ်စွာဘုရား ဘာသင်ပေးတုန်းဆိုတော့ ခုနစ်ခုဆိုတာ အသိဉာဏ်ဖြစ်ဖို့ရာ အကြောင်းတရား ခုနစ်မျိုးရှိတယ်တဲ့၊ ဘုန်းကြီးတို့တတွေ နားလည်နေတဲ့ ဗောဇ္ဈင်ခုနစ်ပါးပေါ့၊
ဗောဇ္ဈင်ဆိုတာ
“ဗောဓိ+အင်္ဂ” ဆိုတဲ့ စကားလုံးကနေ ဖြစ်ပေါ်လာတာ၊
“ဗောဓိ” ဆိုတာ အသိဉာဏ် ဖြစ်ပေါ်လာတာ၊
ဗောဓိ” ဆိုတာ အသိဉာဏ်၊
“အင်္ဂ” ဆိုတာ ရရှိခြင်းရဲ့ အကြောင်းတရားတဲ့၊ အသိဉာဏ်ဖြစ်ပေါ်ဖို့ရာအတွက် ဒီစွမ်းရည်သတ္တိတွေနဲ့ ကိုယ့်သန္တာန်မှာ အသိဉာဏ်ရအောင် လုပ်ရမယ်တဲ့၊
ဟော ဗောဇ္ဈင်ခုနစ်ပါး၊ (၇)ခုပဲတဲ့၊
၇-ဂဏန်းကို ဖော်ပြလိုက်တယ်။

ရှစ်ခုဆိုတာဘာလဲ? လို့၊ တစ်ခါဂဏန်းတစ်လုံးတိုးမေးပြီး ဖြေပေးလိုက်တယ်၊
မဂ္ဂင်ရှစ်ပါးတဲ့၊
“မဂ္ဂ” ဆိုတာ လမ်းကြောင်းပဲ၊ ဘယ်သွားတဲ့လမ်းကြောင်းလဲဆိုရင် နိဗ္ဗာန်သွားတဲ့ လမ်းကြောင်းပဲပေါ့၊
အဲဒီ “မဂ္ဂ” ဆိုတာဟာ (၈)ခုနဲ့ ဖွဲ့စည်းထားတဲ့အရာ ဖြစ်တယ်ပေါ့၊
ဒါကြောင့်မို့လို့ မဂ္ဂင်ရှစ်ပါး၊ အဲဒီမဂ္ဂင်ရှစ်ပါး ဒီစွမ်းအားတွေ မိမိတို့ သန္တာန်မှာရပြီဆိုရင် နိဗ္ဗာန်ထိအောင် ပေါက်ရောက်သွားနိုင်တယ်ပေါ့၊ ဒီလမ်းကြောင်းကပဲ သွားရတာ၊
အဲဒါ ၈-ဂဏန်းအနေနဲ့ မြတ်စွာဘုရားသင်ပေးတာ။ ဆိုလိုတာက မဂ္ဂင်ရှစ်ပါးပွားမယ်ဆိုရင် နိဗ္ဗာန်ရောက်မယ့် အကြောင်းကို သင်ပေးတဲ့သဘောပဲပေါ့၊
ဂဏန်းကို ဆက်ပြီးသင်ပေးတာ ကလေးလေး စိတ်ဝင်စားအောင်လို့။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၆)

ဒါဖြင့် ကိုးခုဆိုတာဘာလဲ?၊
သတ္တဝါတွေကို ခြုံငုံပြီးတော့ ကြည့်လိုက်မယ်ဆိုလို့ရှိရင် သတ္တဝါတွေရဲ့ဘုံဟာ ဒီကိုးမျိုးပဲ ရှိနိုင်တယ်ပေါ့၊ သတ္တဝါတွေနေတဲ့ ဘုံတွေဟာ ကိုးမျိုးပဲရှိတယ်။ အဲဒါကို “သတ္တာဝါသ” လို့ခေါ်တယ်၊
“သတ္တ+အာဝါသ” သတ္တဝါတွေနေထိုင်ရာဘုံလို့ ပြောတယ်၊
ကိုးမျိုးဆိုတာ သဘာဝအားဖြင့် ခွဲခြားပြီးတော့ကြည့်တယ်၊
၃၁-ဘုံကိုပဲ ၉-ခုဖြစ်အောင် ချုံ့ပြောတာ။

ဆိုပါစို့၊ လူတွေဆိုတာ မွေးလာတဲ့ စိတ်တွေကလည်းပဲ ကွဲပြားခြားနားကြတယ်၊ ရုပ်ရည်ပုံသဏ္ဌာန်တွေကလည်း ကွဲပြားခြားနားကြတယ်။ လူသားတွေကိုကြည့်၊ မြန်မာလူမျိုးတွေတောင် တစ်ယောက်နှင့် တစ်ယောက် မတူတာတွေအများကြီးပဲပေါ့နော်၊ နိုင်ငံခြားသားတွေနဲ့ ကွာခြားတာတော့ အင်မတန်မှ ထင်ရှားတယ်ပေါ့၊ အဲတော့ လူတွေဟာ
“နာနတ္တကာယ နာနတ္တသညီ” ရုပ်ခန္ဓာကိုယ်ကြီးကလည်း အမျိုးမျိုး၊ စိတ်တွေကလည်း အမျိုးမျိုး။

ဒါကြောင့်မို့ လူတွေတို့၊ အချို့နတ်တွေတို့၊ အချို့သတ္တဝါတွေတို့၊ တိရစ္ဆာန်လောကပဲ ကြည့်လိုက်ဦးပေါ့၊ ကြောင်ကတစ်မျိုး၊ ခွေးကတစ်မျိုး၊ ကြက်ကတစ်မျိုး သဏ္ဌာန်တွေ ကွဲပြား ခြားနားမှုရှိကြတယ်၊ မတူညီကြဘူးပေါ့။ အဲလိုမတူညီတဲ့ သတ္တဝါတွေရှိတဲ့ ဘုံတွေကိုစုပြီးတော့ “နာနတ္တကာယ နာနတ္တသညီ” ဆိုတာ တစ်ခုယူတယ်၊ အဲတော့ ကိုးခုဆိုတာ ဘာလဲဆိုရင် သတ္တဝါတွေဖြစ်ရာ ဘုံကိုးမျိုး လို့ ဒီလိုပြောလိုက်တာနော်။

သတ္တဝါဖြစ်ရာ ဘုံကိုးမျိုးဆိုတာ
(၁) ရုပ်ခန္ဓာတို့၊ ပဋိသန္ဓေစိတ် အမှတ်သညာတို့ ကွဲပြားခြားနားတဲ့ သတ္တဝါတွေတည်ရှိရာ ဘုံကတစ်မျိုး၊ အဲဒါကိုပဲ လှည့်ပတ်ပြီးတော့ ကြည့်လိုက်တဲ့အခါ
(၂) ရုပ်ခန္ဓာ ကွဲပြားပေမယ်လို့ ပဋိသန္ဓေ စိတ်အမှတ်သညာချင်းတူတဲ့ သတ္တဝါတွေရဲ့ နေရာဌာနကတစ်မျိုး၊
(၃) နောက် ပဋိသန္ဓေ သညာတော့ တူပြီးတော့ ရုပ်ခန္ဓာတွေကွဲပြားတဲ့ သတ္တဝါတွေရဲ့ ဘုံဌာနကတစ်မျိုး၊
(၄) ပဋိသန္ဓေလည်းတူတယ်၊ ရုပ်ခန္ဓာလည်းတူတယ် ဆိုတဲ့ သတ္တဝါတွေရဲ့ ဘုံဌာနကတစ်မျိုး။
ပါဠိလို
၁။ နာနတ္တကာယ နာနတ္တသညီ၊
၂။ နာနတ္တကာယ ဧကတ္တသညီ၊
၃။ ဧကတ္တကာယ နာနတ္တသညီ၊
၎။ ဧကတ္တကာယ ဧကတ္တသညီ လို့
ဟောဒီလို ၄-မျိုးရတယ်။

နောက်တစ်ခါ အမှတ်သညာ ကင်းမဲ့တဲ့ သတ္တဝါဆိုတာ လောကမှာရှိသေးတယ်၊ သူ့ရဲ့ ကြိုးစားအားထုတ်မှု သမာဓိစွမ်းအားနဲ့ သူဖြစ်တဲ့ဘုံဘဝမှာ အသိစိတ်ကင်းမဲ့ပြီးတော့ ဖြစ်သွားတယ်၊ အဲဒါကို အသညသတ်ဘုံလို့ ပြောတာ၊ အဲဒါက တစ်ခု။

နောက် နာမ်ချည်းဖြစ်တဲ့ အရူပဘုံက ဘုံဆိုတော့ အားလုံးပေါင်းလိုက်တဲ့ အခါကျတော့ “သတ္တဝါသ ဘုံကိုးဝ” လို့ ဒီလိုပြောတာနော်၊ သတ္တဝါတွေရဲ့ ဖြစ်ရာဘုံ ၉-ပါး၊
၉-ဂဏန်းကို အဲဒါနဲ့ထုတ်တယ်ပေါ့နော်။

ကမ္မဋ္ဌာန်းရှုဖို့ရာအတွက် ဘုံဆိုတာ ငြီးငွေ့စရာကြီးပဲ၊ ဘုံထဲမှာ ကျင်လည်နေမယ်ဆိုရင် ဒုက္ခတွေရောက်မှာပဲဆိုတာ မြတ်စွာဘုရားက ရှင်းပြဖို့ ၉-ဂဏန်းနဲ့
“သတ္တဝါသ ဘုံကိုးဝ” လို့ ရှင်းပြတယ်ပေါ့။

ဟော နောက်ဆုံး တစ်ဆယ်ဆိုတာ ဘာလဲ? မေးပြီးတော့ သင်ပေးတာကြည့်၊ ဒါတွေ ငြီးငွေ့လို့ တရားအားထုတ်လိုက်ပြီဆိုရင် ဘာဖြစ်သွားမလဲ၊
အရဟတ္တမဂ်၊ အရဟတ္တဖိုလ်ဉာဏ်ရပြီး ရဟန္တာဖြစ်သွားမှာ မဟုတ်လား။ အဲဒီ ရဟန္တာဖြစ်သွားလို့ရှိရင် ရဟန္တာပုဂ္ဂိုလ်တွေမှာ ပြည့်စုံနိုင်တဲ့ အရည်အချင်းဟာ ဆယ်မျိုး ရှိတယ်တဲ့၊
အဲဒီ ဆယ်မျိုးကို ရည်ညွှန်းပြီးတော့ မြတ်စွာဘုရားက “ဒသ နာမ ကိံ?၊
ရာဟုလာ ဆယ်ခုဆိုတာဘာလဲ?၊
ရဟန္တာပုဂ္ဂိုလ်တွေဟာ အင်္ဂါဆယ်ပါးနဲ့ ပြည့်စုံတယ်။

မှန်ကန်တဲ့ ဒီတရားဓမ္မကို မှန်မှန်ကန်ကန် ကျင့်သုံးဆောက်တည်သွားတဲ့ ရဟန္တာပုဂ္ဂိုလ်တွေမှာ အင်္ဂါဆယ်မျိုး၊ အင်္ဂါဆယ်မျိုးဆိုတာ ဘာလဲလို့ဆိုရင် မဂ္ဂင်ရှစ်ပါးရယ်၊
မဂ္ဂင်ရှစ်ပါးကိုနောက်ထပ် ထပ်ဖြည့်လိုက်တဲ့နှစ်ခုကတော့
“သမ္မာဉာဏ နဲ့ သမ္မာဝိမုတ္တိ” နှစ်ခုပဲ၊

“သမ္မာဉာဏ” ဆိုတာ မှန်မှန်ကန်ကန် သိမြင်တဲ့အသိဉာဏ်နဲ့၊
“သမ္မာဝိမုတ္တိ” ဆိုတာ မှန်ကန်သော နည်းလမ်းဖြင့် ကိလေသာတွေက လွတ်မြောက်သွားတာတဲ့။

တရားနဲ့ ပတ်သက်ပြီးတော့ (၁) ဂဏန်းကနေ စပြီးတော့ (၁ဝ) ဂဏန်းအထိ တရားမလွတ်အောင် ဒီမေးခွန်းလေးတွေ မေးမေးပြီး ဖြေခိုင်းတာ၊
ခုနစ်နှစ်အရွယ် ကလေးငယ်ကို သင်ပေးတာတဲ့။

အဲဒီ ရာဟုလာကို သင်ပေးတဲ့ အမေးအဖြေကို အတော်ကို ဆင်းရဲလို့ တောင်းစားရတဲ့ ကလေးငယ်တစ်ယောက်ကို သင်ပေးတယ်။ သုဿာန်ထဲမှာနေပြီး တောင်းစားရတဲ့ ကလေးလေးတစ်ယောက်ပဲ၊ သူ့နာမည်ကို “သောပါက” လို့ခေါ်တာပေါ့။
အဲဒီ ကလေးငယ်ကိုလည်း ဒီလိုသင်ပေးတယ်၊
နောက် မြတ်စွာဘုရားက မေးတယ်၊
တစ်ဆိုတာဘာလဲ၊ နှစ်ဆိုတာဘာလဲ မေးလိုက်တဲ့အခါ သူက မှန်မှန်ကန်ကန် ဖြေတတ်တယ်၊ အဲဒီ ကလေးငယ်က အကုန်လုံး ဘုရားသင်ပေးထားတဲ့အတိုင်း မှန်မှန်ကန်ကန် ဖြေတတ်လို့ သူ့ကိုလည်း ခုနစ်နှစ်အရွယ်မှာပဲ ရဟန်းအဖြစ် မြတ်စွာဘုရားက ခွင့်ပြုပေးလိုက်တယ်။ ဘုရားလက်ထက်တုန်းက ခုနစ်နှစ်သား ရဟန်းငယ်တွေ ရှိတယ်ပေါ့၊
ခုခေတ်တော့ ရဟန်းဖြစ်ဖို့ဆိုတာ အသက်နှစ်ဆယ်ပြည့်မှ ရဟန်းဖြစ်နိုင်တာလေ။
အဲတော့ သောပါက သာမဏေဆိုတာ ဒီမေးခွန်းတွေဖြေနိုင်လို့ မြတ်စွာဘုရားက ခုနစ်နှစ်သားအရွယ်မှာပဲ ရဟန်းခံပေးလိုက်တယ်။

သားတော်ရာဟုလာကို မြတ်စွာဘုရားသခင် ကိုယ်တော်မြတ်ဟာ ခုနစ်နှစ်အရွယ် သင်္ကန်းဝတ်ပေးလိုက်တဲ့နောက်မှာ မပြတ်မပြတ် အခုလို မေးခွန်းတွေထုတ်ထုတ်ပြီး သင်ပေးတာ၊ အဆင့်မြင့်တဲ့တရားဓမ္မတွေကို သင်ပေးပြီးသွားတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၇)

“အမ္ဗလဋ္ဌိက ရာဟုလောဝါဒ”

နောက် “အမ္ဗလဋ္ဌိက ရာဟုလောဝါဒ” ဆိုပြီး မှတ်တမ်းတင်ထားတာ ရှိတယ်၊
အဲဒီခုနစ်နှစ်အရွယ်မှာ မြတ်စွာဘုရားက ဒီကလေးငယ်နားလည်အောင် အထူးဟောတဲ့ တရားတစ်ပုဒ်ဖြစ်တယ်။

ကလေးငယ်တွေဟာ ငယ်ရွယ်တဲ့အချိန်တွေမှာ လိမ်ပြောတတ်တယ်၊ အဲဒါကို မိဘတွေက မထိန်းသိမ်းတတ်ဘူးဆိုရင် ဒီကလေးဟာ ကြီးသည်ထိအောင် လိမ်တတ်တဲ့ကလေး ဖြစ်သွားတတ်တယ်ပေါ့၊ အဲတော့ မလိမ်အောင် သွန်သင်ပေးရမယ်။ ငယ်ငယ်ရွယ်ရွယ်ဆိုတော့ ကြောက်လို့ပဲဖြစ်ဖြစ်၊ ဘာကြောင့်ပဲဖြစ်ဖြစ် လိမ်ပြောတာ၊ လိမ်တာဟာ ကလေးတွေအဖို့မှာ မုန့်စားသလိုပဲနော်၊ မှန်မှန်ကန်ကန်ပြောရင် လူကြီးတွေက ငါ့ရိုက်မှာလား မာန်မှာလားဆိုတာ ကြောက်တာနဲ့လည်း လိမ်တာပဲပေါ့နော်၊ အဲဒီလို ခုနစ်နှစ်အရွယ် ကလေးလေးဟာ လိမ်တတ်မှာစိုးလို့ မြတ်စွာဘုရားဟာ ရာဟုလာကို မလိမ်ရအောင်သင်တဲ့ သုတ္တန်ဖြစ်တယ်။ ဘုန်းကြီးတို့တတွေ အဖို့မှာလည်းပဲ အင်မတန်မှတန်ဖိုးရှိတဲ့ တရားတစ်ပုဒ်ပါပဲ။

တစ်ရက်တော့ မြတ်စွာဘုရားက ရာဟုလာကို ခေါ်တယ်၊
ရာဟုလာ ငါနဲ့လိုက်ခဲ့ဆိုပြီး ခေါ်သွားတယ်၊
မြတ်စွာဘုရားက ခြေဆေးတဲ့နေရာမှာထိုင်ပြီး ခြေဆေးဖို့ခပ်ထားတဲ့ ရေအိုးထဲက ခွက်ကလေးနဲ့ ရေခပ်ယူလိုက်တယ်၊ ခပ်ယူပြီးတဲ့အခါ ရေကလေးကို တစ်ဝက်သွန်ပြီး မြတ်စွာဘုရားက မေးတယ်
“ရာဟုလာတွေ့လား ဟောဒီမှာ ရေခွက်ထဲမှာ ရေတစ်ဝက်ပဲရှိတယ် တွေ့လား” ဆိုတော့
“တွေ့ပါတယ် ဘုရား” တဲ့၊
“လောကမှာ လိမ်ပြောတတ်တဲ့လူဆိုတာ ကိုယ်ကျင့်တရား ပြည့်ပြည့်ဝဝ မရှိဘူး” တဲ့၊
ဟော ကိုယ်ကျင့်တရားဟာ မပြည့်ဝဘူးပေါ့၊
“ဒီခွက်ထဲကရေတွေ မပြည့်သလိုပဲ လိမ်တတ်ပြီဆိုရင် မင်း ကိုယ်ကျင့်တရားတွေ မပြည့်နိုင်ဘူး” တဲ့။

အဲဒီလို ကလေးငယ်နားလည်တဲ့ စကားလုံးသုံးပြီး ရှင်းပြတယ်။ မြတ်စွာဘုရားက ခွက်ထဲကရေတွေကို သွန်လိုက်တယ်၊
“ရာဟုလာ ဟောဒီခွက်ထဲမှာ ရေတွေရှိသေးလား”
“မရှိတော့ဘူးဘုရား” ရေတွေသွန်လိုက်တယ်၊
“အေး အဲဒီလို သွန်လိုက်သလိုပဲ လိမ်ပြောတဲ့ ပုဂ္ဂိုလ်ဟာ ကိုယ်ကျင့်တရားတွေကို အကုန်လုံး စွန့်ပစ်လိုက်တာနဲ့ အတူတူပဲ” တဲ့။

မြတ်စွာဘုရားက ခွက်ကို မှောက်ပြီးတော့ မေးတယ်၊
“ရာဟုလာ တွေ့လား ငါခွက်ကလေးကိုမှောက်ထားတာ၊ အဲဒီခွက်ကလေး မှောက်လိုက်သလိုပဲ လိမ်ပြောတတ်တဲ့ ပုဂ္ဂိုလ်ရဲ့ အကျင့်တရားတွေဟာ အကုန်လုံးဇောက်ထိုးပဲ၊ ဘာမှမရှိတော့ဘူးပေါ့၊ အကျင့်တရားတွေကို အကုန်လုံး မှောက်ပစ်လိုက်တာနဲ့ အတူတူပဲ” တဲ့။

နောက်တစ်ခါ မြတ်စွာဘုရားက ခွက်ကလေးကို ပြန်လှန်လိုက်တယ်၊
“ဟောဒီခွက်ထဲမှာ ဘာရှိလဲ ဘာမှမရှိဘူး၊ အေး ခွက်ထဲမှာ ဘာမှမရှိသလိုပဲ လိမ်ပြောတတ်တဲ့ ပုဂ္ဂိုလ်သန္တာန်မှာ ကိုယ်ကျင့်တရားဆိုတာ ဘာမှမရှိဘူးတဲ့၊
ဒါကြောင့် ရယ်စရာအနေနဲ့တောင် လိမ်မပြောနဲ့၊ လိမ်တာဟာ အင်မတန်အပြစ်ကြီးတယ်”

ကဲ ဘုရားဆုံးမတဲ့စကားနဲ့ ဒီကနေ့ခေတ်ပြောနေကြတာတွေနဲ့ ဘယ်လိုများ ကွာခြားနေကြလဲ၊ ဒီကနေ့ခေတ်ကျတော့ အေး
“မုသားမပါ လင်္ကာမချော” တဲ့နော်၊ လင်္ကာချောအောင် မုသားလေး ထည့်ထည့်ပြီးတော့ ပြောနေကြရတာ။
မြတ်စွာဘုရားက ကြည့်- လိမ်ပြောတတ်လို့ရှိရင်တဲ့ ဘာမှ ကိုယ်ကျင့်တရား မရှိတော့ဘူးလို့ ဒီလိုကို ဟောထားတာ၊ လိမ်မှာစိုးလို့နော်။

သုတ္တန်တစ်ခုမှာဆိုရင် မြတ်စွာဘုရားဟောထားတာ ကြည့်၊
“ဧကံ ဓမ္မံ အတီတဿ
မုသာဝါဒိဿ ဇန္တုနော” တဲ့၊
မှန်မှန်ကန်ကန်ပြောခြင်းဆိုတာ တစ်ခုကို ကျော်လွှားပြီးတော့ မုသားစကားဆိုတတ်တဲ့ ပုဂ္ဂိုလ်အဖို့မှာတဲ့
“ဝိတိဏ္ဏ ပရလောကဿ ၊ နတ္ထိ ပါပံ အကာရိယံ”၊
တမလွန်လောကကို မစဉ်းစားဘူး၊ လုံးဝလွှတ်လွှတ်ထားတဲ့ ပုဂ္ဂိုလ်တစ်ယောက်အနေနဲ့ သူ မလုပ်တဲ့ အကုသိုလ်ဆိုတာ မရှိဘူးတဲ့။

ဆိုလိုတာက လိမ်ပြောတတ်တဲ့ပုဂ္ဂိုလ်မလုပ်တဲ့ အကုသိုလ် မရှိဘူး၊ သူအကုန်လုပ်မယ်လို့ ပြောတာနော်၊
ဒါ လိမ်ခြင်းရဲ့အပြစ်ကိုပြောတာ၊
မုသားစကားပြောပြီဆိုမှတော့ ကျန်တဲ့အကုသိုလ်တွေလည်း သူလုပ်မှာပဲတဲ့၊ ဒါပြောတာ၊
ဘာဖြစ်လို့တုန်းဆိုတော့ ကြည့်လေ၊ ဘာလုပ်လုပ် လိမ်လိုက်ရင် ပြီးသွားတာကိုး၊ အဲတော့ လုပ်ဖို့ရာအတွက် ဘာမှ ဝန်မလေးတော့ဘူးလို့ပြောတာ၊ အဲဒါကြောင့်မို့ ရာဟုလာကို မြတ်စွာဘုရားက လိမ်တဲ့အပြောမျိုးတွေ ဖြစ်မှာစိုးလို့ မလိမ်ရအောင် သူ့ကိုနားချပြီးတော့ စိတ်ထဲမှာ စွဲသွားအောင် သင်ကြားပေးတာပေါ့။

မိဘလုပ်တဲ့ပုဂ္ဂိုလ်တွေက မိမိတို့ရဲ့သားသမီးတွေကို ဒီလိုပဲ သင်ကြားပေးရမှာပေါ့။ မြတ်စွာဘုရားသင်ပေးသလို မလိမ်ရအောင် သင်ရမယ်၊ မလိမ်အောင် သင်မပေးဘဲနဲ့ ကလေးငယ်ကို ကြောက်အောင် လုပ်ထားတဲ့အခါ ကြောက်လို့လိမ်တယ်၊ နောက်ကျတော့ လိမ်လို့ရမှန်းသိတော့ ဆက်လိမ်တာပေါ့။ နောက်ဆုံး လူလိမ်ကြီးသွားရောနော်၊
အဲတော့ မြတ်စွာဘုရားကတော့ သားတော်ရာဟုလာလေးကို “မုသာဝါဒ” ဆိုတဲ့ အမှန်တရားကို မပြောဘဲနဲ့ မဟုတ်တာကို ပြောတာမျိုး မလုပ်မိဖို့ ဆုံးမတယ်။

အဲဒီလို အကြောင်းအရာမမှန်ကန်တဲ့စကားလုံးကို လုံးဝမပြောနဲ့လို့ ပြောတာ၊ မမှန်မကန်တဲ့စကားလုံးကို လုံးဝမပြောနဲ့၊ ရယ်စရာအနေနဲ့တောင် မပြောနဲ့လို့ ဒီလို ပြောတာနော်၊ အဲဒီလို မြတ်စွာဘုရားက “မုသာဝါဒ” ကနေ ရှောင်ကြဉ်အောင် ရာဟုလာကို ရေခွက်ကလေးနဲ့ ပုံပြပြီး ဟောကြားဆုံးမပေးတယ်၊ အဲဒီလို ဟောကြားဆုံးမပြီးတဲ့အခါမှာ နောက် ဥပမာတစ်ခု မြတ်စွာဘုရားက ပြောတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၈)

“ရာဟုလာ၊ မင်း စစ်သုံးဆင်ကြီးတွေ မြင်ဖူးသလား”
ဆိုတော့
“မြင်ဖူးပါတယ်ဘုရား”၊
နန်းတော်ထဲမှာကြီးပြင်းတဲ့ ပုဂ္ဂိုလ်ဆိုတော့ ဆင်တပ်၊ မြင်းတပ်၊ ရထားတပ်ဆိုတာ ကြုံဖူးနေတာပေါ့နော်၊ အဲဒီ စစ်တိုက်တဲ့ဆင်ကြီးတွေဟာ အမြဲတမ်းလေ့ကျင့်နေရတာပေါ့၊ တိုက်ပွဲဝင်နေရတာ၊ ဆင်တွေကို ဘယ်လိုလေ့ကျင့်တာတုန်းဆိုလို့ရှိရင် အိုး- ဆင်တွေကို လှံတွေနဲ့ထိုး၊ ဘယ်လောက်ထိအောင် ခံနိုင်ရည်ရှိသလဲဆိုတာ ဘယ်လှံနဲ့ထိုးထိုး မမှုအောင် ဆင်ကို ဒီလို လေ့ကျင့်သင်ကြားပေးရတာ၊ ရှေ့ကနေပြီးတော့ စစ်စည်ကြီးတွေ တီးတဲ့အခါမှာလည်းပဲ ဆင်တွေဟာ လှုပ်ရှားပြီးတော့ ထွက်ပြေးမသွားအောင်၊ ကြံ့ကြံ့ခံနိုင်အောင် အဲဒီလို လေ့ကျင့်သင်ကြားပေးတာတွေကို ရာဟုလာဟာ မြင်ဖူးမှာပေါ့။

အဲဒီမှာ မြတ်စွာဘုရားက
“အဲဒီ စစ်တိုက်တဲ့ဆင်ကြီးတွေဟာတဲ့ စစ်ပွဲရောက်တဲ့အခါ လက်နှစ်ဖက်၊ ခြေနှစ်ဖက်၊ အမြီးကို အသုံးပြုတယ်။ ခြေထောက်နဲ့လည်း နင်းတယ်၊ အစွယ်နဲ့လည်း ထိုးတယ်၊ သို့သော် သူ့နှာမောင်းကိုတော့ အသုံးမချသေးဘူးတဲ့၊
ဒီဆင်ကြီးဟာ နှာမောင်းကို အသုံးမပြုသေးရင် အသက်မစွန့်သေးဘူးပေါ့၊ နှာမောင်းကစ အကုန်လုံး အသုံးချပြီး တိုက်ပွဲဝင်ပြီဆိုရင်၊ အေး ဒီဆင်ကြီးဟာ တိုင်းပြည်အတွက် အသက်စွန့်ထားပြီးပြီ၊ အားလုံးကို သူတိုက်ပွဲဝင်နေပြီလို့ ဒီလိုသိရတယ်တဲ့၊
ဒီလိုသိရသလို ဆင်ကြီးဟာ ဘာမှမခြွင်းချန်ဘူး၊ သူ့ရှိတဲ့ တတ်နိုင်တဲ့အရာတွေအားလုံး သူ့ခန္ဓာကိုယ်အသုံးချပြီး တိုက်ပွဲဝင်နေပြီ ဆိုလို့ရှိရင် သူ,မလုပ်တာ ဘာမှမရှိတော့ဘူးလို့ ပြောရသလိုပဲတဲ့၊ လိမ်တတ်တဲ့လူဟာ သူ,မလုပ်တဲ့အကုသိုလ်ဆိုတာ ဘာမှမရှိတော့ဘူးလို့ ပြောတာ။

အဲတော့ “မုသာဝါဒ” လိမ်လည်ပြောဆိုမှု မလုပ်ဖို့ ဒီ
“အမ္ဗလဋ္ဌိက ရာဟုလောဝါဒသုတ်” မှာ ခုနစ်နှစ်အရွယ် ကလေးငယ် သဘောပေါက်လိုက်နာနိုင်အောင် မြတ်စွာဘုရားက ဟောပြောတာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၉)

နောက် သွန်သင်ပေးပြီးတော့ လေ့ကျင့်တဲ့ လေ့ကျင့်မှုလေးတွေကို မြတ်စွာဘုရားက ပေးသေးတယ်၊
အဲဒါတွေလည်း ဘုန်းကြီးတို့တတွေ လိုက်နာကျင့်သုံးဖို့ အင်မတန်ကောင်းတယ်ပေါ့၊ မြတ်စွာဘုရားသင်ပေးတဲ့ လေ့ကျင့်ပေးဖို့ စဉ်းစားစရာလေးတွေက ဘာတုန်းဆိုရင် မြတ်စွာဘုရားက
“ရာဟုလာတဲ့၊ မှန်ဆိုတာ ဘာလုပ်ဖို့တုန်း” တဲ့နော်။

အားလုံးပရိသတ်တွေ သိတယ်နော်၊ မှန်ဆိုတာ ဘာလုပ်ဖို့လဲဆိုတာ ပြောမယ်ဆိုရင် ဖြေပုံချင်းတော့ တူချင်မှတူမှာ၊ မှန်ဆိုတာကြည့်ဖို့တဲ့၊ ကြည့်တာအဓိကလား၊ ကြည့်ပြီးတော့ ဘာလုပ်မှာလဲဆိုတာ အဓိကလား၊ ကြည့်ပြီးဘာလုပ်မှာဆိုတာ ပိုအဓိကကျတယ်မဟုတ်လား၊ အဲတော့ ရှင်ရာဟုလာလို ခုနစ်နှစ်ကလေးက ဘယ်လိုဖြေတုန်းဆိုတော့
“ရာဟုလာ မှန်ဆိုတာ ဘာလုပ်ဖို့တုန်း”
ဆိုရင်
“မှန်ဆိုတာ ကိုယ့်မျက်နှာကိုယ်စစ်ဆေးဖို့ပါ” တဲ့၊
သူပြောတာ ကြည့်ဖို့လို့မပြောဘူး၊ ဟုတ်ကဲ့လား၊
မှန်ဆိုတာ ကိုယ့်မျက်နှာမှာဘာတွေရှိတယ်ဆိုတာ စစ်ဆေးဖို့၊
ဟုတ်တာပေါ့၊ သနပ်ခါးလိမ်းထားရင် ညီမညီပေါ့နော်၊ မိတ်ကပ်လိမ်းထားရင် ညီမညီ ဒါကြည့်မှာပေါ့၊
သို့မဟုတ် မျက်နှာမှာ အနာအဆာ ရှိမရှိ ကြည့်ဖို့ပေါ့။

ရှေးခေတ်တုန်းကတော့ မှန်ကို ကြေးမုံလို့ခေါ်တာ၊ ခုခေတ်နဲ့မတူဘူး၊
ခုခေတ်က ပြဒါးသုတ်ထားတဲ့ တကယ့်မှန်ကို မှန်လို့ခေါ်တာပေါ့၊ ရှေးခေတ်တုန်းကတော့ကြေးပြားကို ဝင်းနေအောင် ပွတ်ထားတာ၊ ကြေးမုံဆိုတာ ရှေးဟောင်း ပြတိုက်တွေထဲမှာ ရှိတတ်တယ်ပေါ့၊ အဲဒီကြေးပြားလေးကို ဝင်းနေအောင် ပွတ်ထားပြီးတော့ ကြည့်တာ၊ အဲဒီကြေးမုံဆိုတဲ့ မှန်ဟာ ဘာလုပ်ဖို့တုန်းဆိုတော့
“ကိုယ့်ကိုယ်ကိုယ်ကြည့်ပြီးတော့ သုံးသပ်ဆင်ခြင်ဖို့ပါ” တဲ့၊
မျက်နှာမှာ ဘာရှိသလဲဆိုတာ သိဖို့ပါတဲ့။

အေး၊ အဲဒီအတိုင်းပဲတဲ့၊ ကိုယ့်ကိုယ်ကိုယ် ဆင်ခြင်သုံးသပ်ရမယ်တဲ့၊ အမှတ်တမဲ့ ဘာမှမလုပ်နဲ့တဲ့၊ အမှတ်တမဲ့ ဘာမှမပြောနဲ့တဲ့၊ အမှတ်တမဲ့ ဘာမှမတွေးနဲ့တဲ့။

ဟော လူ့လောကလူတွေမှာ အလုပ်သုံးမျိုးရှိတယ်၊ စိတ်နဲ့ တွေးတာရယ်၊ ပါးစပ်နဲ့ ပြောတာရယ်၊ ကိုယ်ထိလက်ရောက် လုပ်တာရယ်၊ လူတိုင်းလူတိုင်းဟာ ဒီအတိုင်းပဲလေ၊ မနက်မိုးလင်းလာတဲ့အခါမှာ၊ မနက်မိုးလင်းလို့ အိပ်ယာကထလိုက်တာနဲ့ ဘာကစတုန်းဆို တွေးတာကစတာပဲမဟုတ်လား။ တွေးပြီးရင် ပြောပြီ၊ ပြောပြီး လုပ်ပြီ၊ ဟော ဒီလိုလာတာကိုး၊
အဲဒါကိုပဲ စာပေလိုပြောတော့
မနောကံတဲ့၊
ဝစီကံတဲ့၊
ကာယကံတဲ့။
စိတ်ထဲက တွေးတာကြံတာတွေကို မနောကံလို့ခေါ်တာပဲ၊ ပါးစပ်ကထုတ်ပြောတာကို ဝစီကံလို့ခေါ်တာပဲ၊ ကိုယ်ထိလက်ရောက် လုပ်ကိုင်လှုပ်ရှားနေတာကို ကာယကံလို့ခေါ်တာပဲ။

အဲဒီလို လူတွေဟာနေ့စဉ်နှင့်အမျှ စိတ်ထဲက ကြံတွေးတယ်၊ နှုတ်ကထုတ်ပြောတယ်၊ လက်ကလုပ်တယ်၊
အဲဒီ သုံးမျိုးလုံးနဲ့ပတ်သက်ပြီးတော့ မြတ်စွာဘုရားက အပြစ်မဖြစ်အောင် မှန်ကြည့်သလို ကိုယ့်ကိုယ်ကိုယ် အမြဲတမ်းကြည့်ပြီးတော့ စဉ်းစားတဲ့၊ ဟုတ်လား၊ မှန်ကိုကြည့်ပြီး မျက်နှာကိုပြင်သလိုပဲတဲ့ ကိုယ့်ကိုယ်ကိုယ် ပြင်ရလိမ့်မယ်။

လူတွေရဲ့ဖြစ်စဉ်နဲ့ပြောရင် မနက် အိပ်ယာထလိုက်တာနဲ့ တပြိုင်နက် စိတ်ထဲမှာ အတွေးတွေဝင်လာတယ်၊ တွေးပြီ၊ တစ်ခုခု တွေးပြီ၊ တွေးနေတာရှိတယ်၊ တွေးပြီးတာရှိတယ်၊ တွေးမယ့်အချက်တွေရှိတယ်ပေါ့၊ ပြောမယ်ဆိုလို့ရှိရင် ကဲ တွေးပြီလို့ ဆိုလိုက်တဲ့အချိန်မှာ အဲဒီအတွေးကို မှန်ကြည့်ပြီး ဆင်ခြင်သုံးသပ်သလို ပြန်သုံးသပ်ရလိမ့်မယ်။

လောကလူတွေက တွေးပြီးတဲ့နောက်ပြောတယ်၊ ပြောပြီးတဲ့နောက် လုပ်လိုက်တယ်၊ ပြီးပြီနော်၊
အဲဒီအတွေးကို ပြန်ပြီးသုံးသပ်တာရှိလား၊ မရှိဘူး၊
အပြောကို ပြန်ပြီးသုံးသပ်တာရော၊ မရှိဘူး၊
အလုပ်ကိုပြန်ပြီး သုံးသပ်တယ်ဆိုတာရော၊ မရှိဘူး၊
မှန်ကြည့်တယ်ဆိုတာ ကြည့်ရုံကြည့်တာမဟုတ်ဘူး၊ သုံးသပ်တာနော်၊ ဆင်ခြင်သုံးသပ်တယ်။

အဲဒါကြောင့်မို့လို့ တစ်စုံတစ်ခု တွေးပြီးပြီဆိုရင် ဆင်ခြင်သုံးသပ် ကြည့်ပါတဲ့၊ တွေးပြီးတဲ့နောက်မှာ မပြောခင် သုံးသပ်ကြည့်လိုက်ဦး၊
“ငါ ဒါတွေ ဒါတွေ တွေးပြီ၊ ငါတွေးတဲ့အတွေးဟာ ငါ့အတွက် ထိခိုက်သလား၊ သူများကိုထိခိုက်သလား၊ နှစ်ဦးလုံးကိုထိခိုက်သလား၊ သို့မဟုတ် အပြစ်မကင်းတဲ့အကုသိုလ်၊ ဒုက္ခကိုဖြစ်စေတတ်တဲ့ အရာလားဆိုတာ စဉ်းစားလိုက်ပါ” တဲ့၊
သုံးသပ်ကြည့်ပါတဲ့။

အဲဒီလို သုံးသပ်ကြည့်ရင် အဖြေက နှစ်မျိုးပဲထွက်နိုင်တယ်၊

မကောင်းတဲ့အတွေးဆိုလို့ရှိရင် သူများလည်းထိခိုက်မယ်၊ ကိုယ့်လည်းထိခိုက်၊ နှစ်ဦးလုံးလည်း ထိခိုက်တယ်၊
ဒုက္ခဖြစ်စေတတ်တဲ့ အကုသိုလ်လည်းဖြစ်မယ်ဆိုတော့ ဟောဒီ အဖြေထွက်လာတယ်ပေါ့။

ဟော၊ နောက်တစ်ခု အဖြေတစ်ခုကတော့ သူများလည်းမထိခိုက်ဘူး၊ ကိုယ့်လည်းမထိခိုက်ဘူး၊ နှစ်ဦးလုံးလည်း မထိခိုက်ဘူး၊ ဒုက္ခကိုဖြစ်စေတတ်တဲ့ အကုသိုလ်လည်း မဟုတ်ဘူးဆိုတဲ့ ဟောဒီအဖြေ။

အဲဒီအဖြေနှစ်ခုကြည့်ပြီးတော့တဲ့၊ မြတ်စွာဘုရားက မင်း တွေးနေတဲ့ အချိန်မှာ ပြန်ပြီးတော့ သုံးသပ်တဲ့၊ ငါတွေးနေတဲ့ အတွေးဟာ အဖြေထုတ်လိုက်တဲ့အခါမှာတဲ့ ငါ့အတွက် အကျိုးမဲ့မယ့်ဟာလား၊ သူများအတွက် အကျိုးမဲ့ဖြစ်မယ့်ဟာလား၊ အကုသိုလ်ဖြစ်မယ့်ဟာလားပေါ့လေ၊
အကုသိုလ်ဖြစ်မယ့်အတွေးမျိုးဆိုရင် ဆက်မတွေးနဲ့တော့ ရပ်လိုက်၊
ကုသိုလ်ဖြစ်မယ့်အတွေးဆိုရင် ဆက်တွေးတဲ့။

ကိုယ့်ကိုယ်ကိုယ် ဆင်ခြင်သုံးသပ်တဲ့ နည်းစနစ်တွေကို ပြောတာ၊ တွေးတာကို အတွေးအတိုင်းမထားနဲ့၊ နောက်က ဆင်ခြင်သုံးသပ်မှု လိုက်ပေးရမယ်၊ အဲဒီလို လိုက်လိုက်တဲ့အခါ အဖြေထွက်လိမ့်မယ်၊ အဖြေထွက်လာတဲ့အခါမှာ
မကောင်းတဲ့ အတွေးဆိုရင် ရပ်ထားလိုက်တဲ့၊
ကောင်းတဲ့ အတွေးဆို ဆက်တွေးလိုက်တဲ့။

အပြောနဲ့ ပတ်သက်လာရင်လည်း အဲဒီအတိုင်းပဲ
“ငါပြောတဲ့ အပြောဟာ အကုသိုလ်ဖြစ်တဲ့ အပြောလား၊ ကုသိုလ်ဖြစ်တဲ့ အပြောလား”
မပြောခင်၊ ပြောတော့မယ်ဆိုရင် ဆင်ခြင်သုံးသပ်ပြီး အဖြေထုတ်လိုက်ပါ။
အကုသိုလ်ဖြစ်တဲ့ အပြောမျိုးဆိုရင် မပြောနဲ့၊
ပြောနေလက်စဆိုရင် ရပ်ပစ်လိုက်တဲ့၊ ရှေ့ဆက်မပြောနဲ့တော့တဲ့။
ပြောပြီးသားဖြစ်သွားရင် ဘာလုပ်မတုန်းဆို ပြောပြီးသား ဖြစ်သွားပြီးရင် ကိုယ်လေးစားရတဲ့ ပုဂ္ဂိုလ်ထဲက တစ်ဦးဦးထံ သွား၊ သူဒါမျိုးဒါမျိုးတွေ ပြောမိပါတယ်၊ မှားမိပါတယ်၊ နောက်ထပ်မပြောအောင် ဂရုစိုက်ပါမယ်” ဆိုပြီးတော့ ဝန်ချလိုက်တဲ့၊
ဟော Confession ခေါ်တာပေါ့နော်၊
“နောင် ဒါမျိုးမဖြစ်စေရပါဘူး” ဆိုပြီးတော့ ဝန်ချထားလိုက်တဲ့၊
ဒါ အပြောနဲ့ ပတ်သက်ပြီးတော့ မြတ်စွာဘုရားရဲ့ အဆုံးအမဖြစ်တယ်။

ကဲ – မကောင်းတဲ့ အလုပ်၊ ကောင်းတဲ့ အလုပ်၊ အလုပ်တစ်ခုခုကို လုပ်တယ်ဆိုပါစို့၊
လုပ်တဲ့အခါ မလုပ်ခင်၊
လုပ်နေတုန်း ဆင်ခြင်စဉ်းစားကြည့်လိုက်ပါတဲ့၊

အဲဒီလို ဆင်ခြင်စဉ်းစားပြီး အဖြေထုတ်ကြည့်လိုက်တဲ့အခါ ကိုယ်လုပ်တဲ့ အလုပ်ဟာ အကုသိုလ်ဖြစ်တဲ့ အလုပ်ဆိုရင်၊
လုပ်နေတုန်းဆိုရင်လည်း ဆက်မလုပ်နဲ့ ရပ်ပစ်လိုက်၊
မလုပ်ရသေးရင်လည်း မလုပ်ဘဲနေလိုက်၊
ကဲ – လုပ်မိသွားပြီးပြီဆိုရင် ဘာလုပ်မလဲဆိုတော့ ခုနလိုပဲ ဝန်ချလိုက်တဲ့၊
“ငါလုပ်တာ မှားသွားပြီ၊ နောက်ထပ်ဒါမျိုးမဖြစ်အောင် ထိန်းသိမ်းစောင့်ရှောက်ပါ့မယ်” လို့ ဝန်ခံကတိပေးလိုက်ပါတဲ့။

မိဘထံမှာပဲဖြစ်စေ၊ ဆရားသမားထံမှာပဲဖြစ်စေ တစ်ဦးတစ်ယောက်စီသွားပြီး ဝန်ချတယ်ဆိုတာဟာ တခြားမဟုတ်ဘူး၊
စိတ်ထဲမှာ မှတ်မှတ်သားသားဖြစ်ပြီးတော့ နောင် ရှောင်ကြဉ်နိုင်အောင်လို့ လုပ်တဲ့သဘောပဲ၊ Confession ခေါ်တာပေါ့။
တခြားဘာသာဝင်တွေဆိုရင်လေ မဟုတ်တာလုပ်ပြီးလို့ရှိရင် သူတို့ဘုရားကျောင်းထဲသွားပြီး Confession လုပ်ကြတယ်ဆိုတာ ရှိတယ်။

ဗုဒ္ဓဘာသာမှာလည်း ဘုန်းကြီးတွေ ဒေသနာကြားတယ်ဆိုတာ Confession လုပ်တာပဲ၊ ဒီတစ်ခုလုပ်မိသွားပါပြီ၊ လုပ်မိသွားတာကို အပြစ်လို့မြင်သလား၊ မြင်ပါတယ်။ ဒါဖြင့် အဲဒီအပြစ်ကို နောင်မလုပ်အောင်ရှောင်မလား၊ ရှောင်ပါ့မယ်ဆိုပြီး ပဋိညာဉ်ပေးတာပဲ၊ ဒေသနာကြားတယ် ဆိုတာ အဲဒါပြောတာ။ ဖွင့်ဟပြီးပြောလိုက်သဖြင့် ရင်ထဲမှာလည်းပဲ ရှင်းသွားတယ်၊ ဖွင့်ဟဝန်ခံခြင်းဟာ ရင်ကို အေးသွားစေတယ်ပေါ့။

အဲဒီလိုမဟုတ်ရင် လူက မဟုတ်တာ လုပ်မိထားတယ်၊
“ငါမဟုတ်တာ လုပ်မိတယ်၊ လုပ်မိတယ်” နဲ့ စိတ်ထဲမှာ ရင်လေးပြီး တွေးနေတတ်တယ်ပေါ့၊ ဖွင့်ဟဝန်ခံပြီး အမှားကို ဝန်ခံလိုက်တဲ့ အချိန်မှာ ရင်ထဲပေါ့သွားတယ်၊ အဲဒီသဘောကြောင့် မြတ်စွာဘုရားက ကိုယ်လုပ်တာနဲ့ ပတ်သက်လာပြီး အဖြေထုတ်ကြည့်တဲ့၊ အဖြေထုတ်ကြည့်လို့ အကုသိုလ်အမှုမျိုး ဆိုရင်တော့ မလုပ်နဲ့တဲ့၊ ရပ်ပစ်လိုက်ပါတဲ့၊
လုပ်မိသွားပြီဆိုလို့ရှိရင် ပညာရှိထံဖြစ်စေ ကိုယ်လေးစားရတဲ့ ပုဂ္ဂိုလ်ထံဖြစ်စေ ဝန်ချပြီး
“နောင် ဒါမျိုး မလုပ်တော့ပါဘူး” လို့ ပဋိညာဉ်ပေးလိုက်တဲ့။
အကယ်၍ ကိုယ်လုပ်တဲ့အလုပ်ဟာ ကောင်းတဲ့အလုပ်ဆိုလို့ရှိရင် ကျေနပ်ဝမ်းသာပြီးတော့ ကောင်းတဲ့အလုပ်ကို ဆက်လုပ်ဖို့ပေါ့၊
ဒီလိုဆိုလိုတာ။

သားတော်ရာဟုလာလေးကို “အမ္ဗလဋ္ဌိက ရာဟုလောဝါဒ” သုတ္တန်မှာ မြတ်စွာဘုရားက ဒီလိုသင်ပေးတာ။
ဒီကနေ့ခေတ်မှာလည်း ဒါကိုနမူနာယူပြီး ငယ်ငယ်ထဲက လေ့ကျင့်သင်ကြားပေးမယ် ဆိုလို့ရှိရင် အဖိုးတန်ဖြစ်လာမှာပဲ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

“ရှင်ရာဟုလာ၏ဘဝနှင့် မြတ်ဗုဒ္ဓ၏ အဆုံးအမ အပိုင်း(၁) တရားဒေသနာတော်”

(၁ဝ)-နိဂုံး

မြတ်စွာဘုရားက တရားဟောတယ်ဆိုတာ လူမမာသုံးဦးနဲ့ နှိုင်းယှဉ်မှတ်သားသင့်တယ်။

လူမမာသုံးမျိုးရှိတယ်ပေါ့၊

ဆေးကုသလည်း မပျောက်တော့ဘူး၊ သေမှာပဲ၊

နောက်တစ်ဦးက ဆေးကုကု မကုကု သူ့ဟာသူ ပျောက်သွားမှာပဲ၊

နောက်တစ်ဦးကတော့ ဆေးကုမှ ပျောက်မယ်၊ မကုရင် သေမယ်ဆိုတဲ့လူနာ။

အဲတော့ ဆေးကုရင် ပျောက်မယ် မကုရင် သေမယ်ဆိုတဲ့လူနာအတွက် ဆေးကုသဖို့ လိုအပ်တယ်ပေါ့၊

ကျန်တဲ့လူတွေအတွက်က မလိုအပ်ဘူးလေ၊

သေချာစဉ်းစားကြည့်ရင် ကုကု မကုကု သေမယ်ဆိုတဲ့ လူဟာ မလိုတော့ဘူးနော်၊ မလိုတော့ဘူး၊

ကုကု မကုကု ရောဂါပျောက်မှာပဲဆိုတဲ့ လူအတွက်လည်း မလိုအပ်ဘူး၊

လိုအပ်တဲ့လူဟာ ဘယ်သူတုန်းဆိုရင် မကုဘဲထားရင် သေမယ်၊
ကုလို့ရှိရင် အသက်ရှင်မယ်။
ဟော အဲဒီပုဂ္ဂိုလ်အတွက် လိုအပ်တယ်။

အဲဒါလိုပဲ တချို့ပုဂ္ဂိုလ်တွေက တရားနာရမှ၊ အသိဉာဏ် ဆုံးမဩဝါဒရမှ အသိဉာဏ်ရမယ့် ပုဂ္ဂိုလ်မျိုးကျတော့ ဆုံးမဩဝါဒပေးရတယ်တဲ့၊

အချို့ကျတော့ ဆုံးမဩဝါဒပေးတာ ရသည်ဖြစ်စေ မရသည်ဖြစ်စေ မွေးကတည်းက သူ့ဟာသူ သန္ဓေကောင်းလို့ လိမ္မာလာတဲ့ ပုဂ္ဂိုလ်ကရှိသေးတယ်၊ ဆုံးမဩဝါဒ ရသည်ဖြစ်စေ မရသည်ဖြစ်စေ သူ့ဟာသူ လိမ္မာလာတဲ့ကလေးက ရှိတယ်။

အေး တချို့ကျတော့ ဘယ်လိုပဲဆုံးမ ဆုံးမနော်၊ သန္ဓေကိုကမကောင်းလို့ ဘယ်လို ဆုံးမလို့မှမရဘူး၊ အလေအလွင့်ဖြစ်ပြီးတော့ မိုက်မဲသွားမယ့်ကလေးမျိုးကလည်း ရှိတာပဲ၊

အဲတော့ ဒီလိုသုံးမျိုးထဲကနေပြီးတော့ ဆုံးမမှ လိမ္မာပြီးတော့ မဆုံးမရင် မလိမ္မာဘူးဆိုတဲ့ ကလေးအတွက် ရည်ညွှန်းပြီးတော့ ဆုံးမဩဝါဒပေးရတယ်၊ ဒီလိုပြောတာနော်၊ ကျန်တဲ့နှစ်ယောက်အတွက် ပြောတာမဟုတ်ဘူး၊ ဆုံးမမှ လိမ္မာမယ်၊ မဆုံးမရင် လူမိုက်ကလေးဖြစ်သွားမယ်ဆိုတဲ့ ပုဂ္ဂိုလ်အတွက် ဆုံးမစကား ပြောရတယ်တဲ့၊ အဲဒီလိုဆိုလိုတယ်။

ရှင်ရာဟုလာကို မြတ်စွာဘုရားသခင် ကိုယ်တော်မြတ်က အခုလို ခုနစ်နှစ်သားအရွယ်မှာ ဒီတရားတွေကို ဟောကြားပြီးတော့ ဆုံးမသွန်သင်ပေးခဲ့ပါတယ်။

ဒါကြောင့်မို့ တရားချစ်ခင် သူတော်စင်ပရိသတ်တို့
“ရှင်ရာဟုလာ၏ဘဝနှင့် ဗုဒ္ဓမြတ်စွာရဲ့ အဆုံးအမ” ဟာ အလွန်မှတ်သားစရာကောင်းတယ်။

နောက် အသက်ဆယ့်ရှစ်နှစ်အရွယ် ရောက်လာတဲ့အခါ ဘာတွေဆုံးမတယ်၊

နောက် ရဟန်းဖြစ်ပြီး
နောက်ဆုံးရဟန္တာဖြစ်မယ့်နေ့မှာ ဘယ်လို ဝိပဿ နာကျင့်စဉ်တွေနဲ့ အဆုံးအမပေးပြီး ရဟန္တာဖြစ်သည့်တိုင်အောင် မြတ်စွာဘုရား စောင့်ရှောက်ခဲ့တယ်ဆိုတာ နောက်ရက်တွေမှာ ဆက်ပြီးတော့ နာကြရမှာ ဖြစ်ပါတယ်။

ဒါကြောင့်မို့ ဒီကနေ့ သားတော်ရာဟုလာ ခုနစ်နှစ်သားအရွယ်ကလေးမှာ မြတ်စွာဘုရား ဆုံးမပုံကို သိရှိပြီး ကိုယ်တိုင်လည်း မြတ်စွာဘုရားအဆုံးအမတွေ ခံယူချက်ထားပြီးတော့ ကြိုးစားကာ လိုက်နာကျင့်သုံးနိုင်ကြပါစေကုန်သတည်း။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၈၄)

—————————————————————–

source: https://www.facebook.com/hlahla.win.585

Youtube: https://www.youtube.com/watch?v=Q-PiItOe8NU

ကံအား မကိုးပဲ ဥာဏ်အားကိုးပါ

12191959_1686422061592125_384820315239238085_n

ဘုရားရှင်က သဒ္ဓါမရှိတဲ့သူကို တရားမဟောဘူးတဲ့
သဒ္ဓါရှိတဲ့ သူကိုပဲ ဘုရားရှင် တရားဟောပါတယ်

လောကကြီးမှာ ဆန့်ကျင်ဘက်ခြင်း ဗိုလ်လုနေရပါတယ်
အားကစားသမားတွေ အသင်းခြင်း ယှဉ်ပြိုင်ဗိုလ်လုနေရသလိုပါပဲ
ယှဉ်ပြိုင်ဗိုလ်လုနေလို့ကတော့ ဘယ်တော့မှ ဆုံးမှာမဟုတ်ပါဘူး
ငါတွေ သူတွေ အရှိယူပြီး ယှဉ်ပြိုင်နေမယ်ဆိုရင် မဆုံးဘူး
ငါနဲ့ သူနဲ့ ခွဲခြားထားလို့ တကယ်မရှိတဲ့ ငါနဲ့ သူနဲ့
ယှဉ်ပြိုင် ဗိုလ်လုနေရတာ

ကံအား မကိုးပဲ  ဥာဏ်အားကိုးပါ
အသေမဦးခင် ဥာဏ်ဦးအောင် လုပ်ပါတဲ့

သာသနာကပြုချင်နေရမှာ မဟုတ်ဘူး
သာသနာပြုရမှာ
တရားက အားထုတ်ချင်ရမှာ မဟုတ်ဘူး
တရားက အားထုတ်ရမှာ
လိုချင်မှုနဲ့ပေါင်းနေလို့ကတော့ လိုချင်လို့ဆုံးမှာမဟုတ်ဘူး
အမြဲတမ်းလိုချင်နေလိမ့်မယ်
ပူပန်မှုနဲ့ပေါင်းနေလို့ကတော့ ပူပန်လို့ဆုံးမှာ မဟုတ်ဘူး
အမြဲတမ်းပူပန်နေရလိမ့်မယ်

ဘာဖြစ်မှာ ညာဖြစ်မှာ ပူနေတဲ့စိတ်က ပူပဲ ပူနေမှာပဲ။
ဘာမှဖြစ်အောင်မလုပ်နိုင်ဘူး။
ပူပန်မှုကင်းတော့ စိုးရိမ်မှုကင်းတဲ့အတွက် ဘာမဆို ဖြစ်အောင်လုပ်လို့ရတယ်။
ထုံးတမ်းစဉ်လာကတော့ အသက်ကြီးလာပြီဆို ပူနေတော့တာပဲ။
သားသမီးတွေ ဆွေမျိုးတွေအတွက် ပူနေတော့တာပဲ။
ပူတဲ့အလုပ်ပဲ လုပ်တော့တာပဲ။ဘာလို့လဲဆိုတော့ ဒါပဲလုပ်တတ်တော့တာကို။
ကိုယ်ခန္ဓာကြီးက မသန်စွမ်းတော့ဘူး စိတ်ကလဲအားမရှိတော့ဘူးဆိုတဲ့အခါကျတော့
တစ်နေ့ တစ်နေ့ ထိုင်ပြီးတော့ ပူပန်တဲ့အလုပ်ပဲ လုပ်နေတော့ အသက်ကြီးရင် ဒီလိုနေရမှာပဲဆိုတဲ့
ထုံးတမ်းစဉ်လာကြီးကို မကောင်းတဲ့အမွေကြီးကို ဆက်ခံနေရမှာမဟုတ်ပဲ ထုံးတမ်းစဉ်လာက
လွန်မြောက်အောင် ကြိုးစားရမှာ။ တရားအားထုတ်တယ်ဆိုတာ ဒါတွေကို သုံးတတ်သွားတာပါ။

စိတ်က အချိန်စွဲ နေတော့
စားချိန်ရောက်ရင် စားချင်လာရော
အိပ်ချိန်ရောက်ရင် အိပ်ချင်လာရော
တိရိစ္ဆာန်တွေတောင်မှ မသိစိတ်က အချိန်စွဲနေတာ
ခွေးရူးပြန်ချိန်ရောက်ရင် ခွေးတွေစိတ်ဖောက်လာတယ်
ကြက်တွေလည်း တွန်ချိန်ရောက်ရင် တွန်ကြတယ်
အချိန်စွဲ နေရာစွဲတွေက စိတ်ကိုဒုက္ခပေးနေတာ

နေရာဆိုတာက စင်္ကြာဝဠာအနန္တဆိုတော့
ခန္ဓာငါးပါးအတွက် စိတ် စေတသိတ် ရုပ်အတွက်
ရောက်နိုင်တဲ့ နေရာတွေက အများကြီးပါပဲ
ဒီနေရာအများကြီးထဲမှာ ကိုယ်က တစ်သံသရာလုံး
ဒီနေရာလေးမှာပဲ ဒီလူလေးနဲ့ပဲ ဒီယောက်ျား ဒီမိန်းမနဲ့ပဲ
ဒီသား ဒီသမီး ဒီဆွေမျိုးနဲ့ပဲ ပေါင်းရမယ်လို့ အာမခံချက်မရှိပါဘူး။

သံသရာကြီးက ရှည်တဲ့အခါကျတော့ အစမရှိ အဆုံးမရှိတော့
ဘယ်တော့မှ ရပ်နားတယ်ဆိုတာ မရှိတော့ ဒီဘဝ အချိန်လေးမှာတောင်
အသွားမတော် တစ်လှမ်းဆိုပြီးတော့ ဒုက္ခရောက်နိုင်သေးတာပဲ
အစားမတော် တစ်လုပ်ဆိုပြီး ကိုယ်ကြိုက်တာတွေ စားနေတဲ့ကြားထဲက
အသောက်မတော် ဆေးတစ်ခွက်ဆိုပြီးတော့မှ ဒုက္ခရောက်သွားနိုင်တယ်
အပြောမတော် တစ်ခွန်းဆိုပြီးတော့မှ စကားမှားလို့ ဒုက္ခရောက်နိုင်သေးတာပဲ
အဲ့တော့ တစ်ဘဝတောင် မှားနိုင်သေးတာပဲဆိုတော့ တစ်သံသရာလုံးဆိုရင်
အမှားပေါင်းက ရေတွက်နိုင်မှာ မဟုတ်တော့ပါဘူး။

ယောက်ျားဘဝ ၊ မိန်းမဘဝ ၊ မိဘ ဘဝ၊ သားသမီး ဘဝ ဆိုတာ ကိုယ့်အား ကိုယ်ကိုးတာ
ဘုန်းကြီးဘဝ ၊ သီလရှင် ဘဝ ၊ ယောဂီဘဝ ဆိုတာ ဘုရားအားကိုးတာ
ကိုယ့်အားကိုယ်ကိုးတဲ့ စိတ်နဲ့ ဘုရားအားကိုးတဲ့ စိတ်နဲ့ ဘုန်းကံချင်း မတူပါဘူး။
ဘုန်းကံဆိုတာက ကောင်းတဲ့စိတ်တွေ များများ ဖြစ်ရင်
ကောင်းမှုကုသိုလ်တွေ များများလုပ်ဖြစ်ရင် ဘုန်းကံကြီးတာပါပဲ။

“ကောင်းကျိုးချမ်းသာတွေရဲ့ ၀င်ပေါက်တံခါးကြီးတွေ”

12119080_1685373845082579_2712512333639255816_n

“ကောင်းကျိုးချမ်းသာတွေရဲ့ ၀င်ပေါက်တံခါးကြီးတွေ” – Gate to prosperity ကြီးပွားတိုးတက်ခြင်းရဲ့ ဂိတ်ဝကြီး၆ ခု”

တကယ်စစ်မှန်တဲ့နည်းနဲ့ လူ့ဘ၀တစ်ခုမှာပြည့်စုံ တိုးတက်ပြီးတော့ ကောင်းကျိုးချမ်းသာတွေရဖို့၊ ခိုင်မာဖို့ ဆိုတာကျတော့ ဘာလိုအပ်သလဲဆိုတာကိုမြတ်စွာဘုရား ဟောထားတာရှိတယ်၊ စဉ်းစား ကြည့်မယ်ဆိုရင် အင်မတန်မှမှန်ကန်တယ်၊ အဲဒါကို “အတ္တဒွါရ” လို့ သုံးထားတယ်၊ “ကောင်းကျိုးချမ်းသာတွေရဲ့ ၀င်ပေါက်တံခါးကြီးတွေ” – Gate to prosperity ကြီးပွားတိုးတက်ခြင်းရဲ့ ဂိတ်ဝကြီးတွေပေါ့၊ ကြီးပွားတိုးတတ်နိုင်တယ်၊ လူ့ဘ၀ရလာပြီဆိုရင် ကြီးပွားတိုးတက်နိုင်တယ်၊ လူ့ဘ၀ရလာပြီဆိုရင် ကြီးပွားတိုးတက်ခြင်းရဲ့ ဂိတ်ဝကြီးတွေ ၆ ခုရှိတယ်၊ ကြီးပွားတိုးတက်နိုင်တဲ့ အကြောင်းတရားဟာ ၆ မျိုးရှိတယ်တဲ့၊ ကိုယ့်ဟာကိုယ်လည်း စဉ်းစားကြည့်ပေါ့၊ ဒီ ၆ မျိုးကိုရ အောင်ဖန်တီးရမယ်။

နံပါတ် (၁) က “အာရောဂျံ” ကျန်းမာခြင်းတဲ့၊

ကိုယ်ကျန်းမာရမယ်၊ စိတ်ကျန်းမာရမယ်၊ ကျန်းမာတယ်ဆိုတာ နှစ်ခုရှိတယ်၊ ကာယကျန်းမာရေးနဲ့ စိတ္တကျန်းမာရေး၊ လူ့ဘ၀ရောက်ပြီဆိုရင် ကျန်းမာရေးနဲ့ ပြည့်စုံဖို့လိုတယ်၊ ကျန်းမာရေးနဲ့ပြည့်စုံအောင် လုပ်ရမယ်၊ ကံမကောင်းအကြောင်းမလှလို့ ရောဂါတွေဖြစ်ပြီးတော့ကုလို့မရတဲ့ ပုဂ္ဂိုလ်မျိုးတွေရှိတာပဲ၊ အနေအထိုင်အစားအသောက်မတတ်လို့ ကျန်းမာရေးချို့တဲ့သွားတဲ့ ပုဂ္ဂိုလ်တွေလည်း အများကြီးရှိတယ်၊ ပင်ကိုယ်က ကျန်းမာလျက်သားနဲ့ အနေ အထိုင် အစားအသောက်မတတ်လို့ မကျန်းမမာဖြစ်သွားတာ။
မကျန်းမမာဖြစ်သွားရင် အားလုံးဆုံးရှုံးသွားပြီလို့သာမှတ်ပေတော့၊ တချို့က ပိုက်ဆံရှိရင် ဆေးကုလို့ရတယ်လို့ ထင်ကောင်းထင်လိမ့်မယ်၊ ကုမရတဲ့ အနေအထားမျိုး incurable တွေရှိတယ်၊ အဲဒါကြောင့် နံပါတ်(၁) အရေးကြီးဆုံးက ကိုယ့်ကိုယ်ကို ကျန်းမာရေး ဂရုစိုက်ရမှာပဲ၊ ကိုယ်ကျန်းမာရမယ်၊ စိတ်ကျန်းမာရမယ်။
ကိုယ်ကျန်းမာဖို့အတွက်ကျတော့ physical exercise လုပ်တာတို့၊ ကိုယ်နဲံမတည့်တဲ့အစာ မစားတာတို့၊ ကိုယ်နဲံသင့်မြတ်တဲ့ အစားအစာ စားတယ်၊ မလော်လီဘူး၊ ကိုယ့်စိတ်ကို ထိန်းချုပ်တယ်၊ ကျန်းမာအောင်နေတယ်၊ ကျန်းမာအောင်ဝတ်တယ်၊ ကျန်းမာအောင်စားတယ်၊ ဒါတွေက ကာယကျန်းမာရေး အတွက်အထောက်အကူဖြစ်တယ်၊ ဒါကျန်းမာရေးလိုက်စားတဲ့ ပုဂ္ဂိုလ်တိုင်း သိတယ်၊ ဘုရားဟောတာလည်း ဒါပဲဟောတာပဲ။
စိတ်ကျန်းမာဖို့ကျတော့ ဘာလုပ်ဖို့လိုလဲဆိုတော့ လောကလူတွေဟာ ဘာကြောင့် စိတ်မကျန်းမမာဖြစ်သလဲဆိုတော့ လောဘတွေ လွှမ်းမိုးမယ်၊ ဒေါသတွေလွှမ်းမိုးမယ်၊ မောဟတွေ လွှမ်းမိုး မယ်ဆိုရင် စိတ်မကျန်းမမာဖြစ်လာတတ်တယ်၊ ဒါ့ကြောင့် ကိုယ့်သန္တာန်မှာ လောဘတွေကို များများ အဖြစ်မခံရဘူး၊ ဖြစ်လာလို့ရှိရင် ဒါတွေက စိတ်ကျန်းမာရေးထိခိုက်တဲ့အရာတွေပဲ ဆိုပြီးတော့ စိတ်ကျန်းမာ အောင်နေတယ်၊ စိုးရိမ်သောကတွေကို တရားဓမ္မကိုနှလုံးသွင်းခြင်းဖြင့် လျှော့ချလို့ရတယ်၊ အဲဒီလိုနည်းဖြင့် ကိုယ်ကျန်းမာအောင်၊ စိတ်ကျန်းမာအောင်နေရမယ်တဲ့။
ခုခေတ် စိတ်မကျန်းမာဘူး၊ စိတ်ရောဂါတို့ဆိုတာက တစ်မျိုး၊ အခုပြောတဲ့စိတ်ရောဂါဆိုတာ လောဘ၊ ဒေါသ၊မောဟ ဒါတွေကို လျှော့ချဖို့ပြောတာ။
အဲဒီတော့ စိတ်ကျန်းမာသွားပြီ၊ ကျန်းမာရေးကောင်းတာဟာ အားလုံးအတွက် အခွင့်အလမ်း တစ်ခုပဲ၊ ကိုယ်ကျန်းမာတယ်ဆိုရင် အားလုံးအတွက် အခွင့်အလမ်းချည်းပဲ၊ စီးပွားလုပ်မလား၊ ပညာရှာ မလား၊ တရားကျင့်မလား၊ ဘယ်ဟာအတွက်ဖြစ်ဖြစ် အကုန်လုံး အဆင်သင့်ဖြစ်တယ်၊ မကျန်းမာဘူးဆိုရင် အဲဒီအရာတွေ ဆုံးရှုံးသွားမယ်၊ ဘာတစ်ခုမှ လုပ်လို့မရတဲ့အခြေအနေမျိုးကို ရောက်သွားနိုင်တယ်၊ ဒါကြောင့်မို့ နံပါတ်တစ်ကြီးပွားတိုး တက်ဖို့ရာအတွက် ကောင်းကျိုးချမ်းသာတွေ ရဖို့ရာအတွက် အရေးကြီးတဲ့ ဂိတ်ဝကြီးတစ်ခုဟာ “ ကျန်းမာမှု” ပဲ။ ဒါကြောင့်မြတ်စွာဘုရား ဟောထားတာရှိတယ်။ “အာရောဂျံ ပရမာလာဘာ” ဆိုတာ လောကမှာ စိန်တွေ၊ ရွှေတွေ၊ ငွေတွေရတယ်၊ စီးပွားပစ္စည်းတွေရတယ်၊ ဘာတွေရရ ကျန်းမာမှုရတဲ့ပုဂ္ဂိုလ်ကသာ ခံစားနိုင်တာ၊ မကျန်းမာတဲ့ပုဂ္ဂိုလ်က မခံစားနိုင်ဘူး၊ ကျန်းမာမှ ဒါတွေက အဓိပ္ပာယ်ရှိတယ်၊ အိမ်ပေါ်ကမှ မဆင်းနိုင်အောင် ရောဂါရနေရင် မော်ဒယ်မြင့်ကားကြီးသူ့ရှိ လည်း သူစီးရမှာမှ မဟုတ်တာ၊ ဘာတွေလာခဲ့လာခဲ့ မကျန်းမာလို့ သူသုံးလို့မှမရတာ၊ ဒါကြောင့် ကျန်းမာ မှုဟာ နံပါတ် (၁) အရေးကြီးဆုံးပဲတဲ့။

နံပါတ် (၂) ဘာလုပ်ရမလဲဆိုတော့ “ကိုယ်ကျင့်တရားကောင်းဖို့” လိုတယ်။

ကိုယ်ကျင့်တရားကို လျှော့ပြီးတော့ မတွက်ရဘူး။ ကိုယ်ကျင့်တရားကောင်းမွန်ခြင်းသည် ကျန်းမာရေးအတွက်လည်း အထောက် အကူဖြစ်တယ်။ နောက်ဘ၀ဆက်တိုင်းမှာ လည်းကောင်းကျိုးချမ်းသာတွေ ရဖို့အတွက် အထောက် အကူဖြစ်တယ်၊ နှစ်ဖက်စလုံး အကျိုးရှိတယ်။
ကိုယ်ကျင့်တရားဆိုတဲ့နေရာမှာ မလုပ်သင့်တာကိုမလုပ်ဖို့၊ လုပ်သင့်တာကိုလုပ်ဖို့- ဒါကိုယ် ကျင့်တရားပဲ၊ စာရိတ္တသီလနဲံ ၀ါရိတ္တသီလလို့နှစ်မျိုးရှိတယ်။
“၀ါရိတ္တသီလ”ဆိုတာ မလုပ်ရဘူးလို့သတ်မှတ်ထားတာ၊ ဘာတွေတုန်းဆို ဥပမာမယ်သူက မီးနဲ့တူတယ်၊ မီးကိုမကိုင်ရဘူးလို့အားလုံးသိကြတယ်။ ကိုင်ရင်ဘာဖြစ်တုန်းဆို – ကိုင်ရင်ပူမှာလောင်မှာပေါ့၊ မလုပ်ရဘူးဆိုတာ လုပ်ရင်ကိုယ့်မှာ ထိခိုက်မှာပဲ၊ လျှစ်စစ်မီးကြိုးကို သွားမကိုင်နဲ့၊ ကိုင်လို့ရှိရင် ဓာတ်လိုက် မယ်၊ ဒုက္ခရောက်မယ်၊ အဲဒါလိုပဲ ၀ါရိတ္တသီလဆိုတာ ဒါမလုပ်ရဘူးလို့ တားမြစ်ထားတဲ့ကိစ္စ၊ မလုပ်ရဘူး လို့ဆိုတာ ပညတ်ချက်ကြီးတစ်ခုလို မဟုတ်ဘူး၊ ဒါလုပ်ရင် တုံ့ပြန်မှုက ဒုက္ခဖြစ်မယ်လို့ ပြောတာ။
ငါးပါးသီလဆိုတာမြတ်စွာဘုရားက laid down လုပ်ထားတာမဟုတ်ဘူး၊ ဘုရားရဲ့ ပညတ်ချက် မဘုတ်ဘူး။အခုခေတ် အန္တရာယ်ရှိတဲ့နေရာမှာ Dangerous လို့ရေးထားတယ်လေ၊ အန္တရာယ်လို့ရေးထားတာကို မရှောင်ဘူးဆိုရင် ခံရမှာပဲလေ၊ ၀ါရိတ္တသီလရဲ့ အဓိပ္ပာယ်က Dangerous လို့ပြောတဲ့ အဓိပ္ပာယ်ပဲ။ ပါဏာတိပါတ၊ အဒိန္နာဒါန၊ ကာမေသုမိစ္ဆာစာရ၊ မုသာဝါဒ၊ သုရာမေရယဆိုတာ ဒါတွေကို မလုပ်နဲ့၊ ဒါတွေဟာ Dangerous ပဲ၊ တုံ့ပြန်လာရင် ခံရမယ်လို့ ဒီလိုပြောတာနော်၊ တချို့က “ငါးပါးသီလ ဘုရားမဟောပါဘူး” လို့ ဒီလိုပြောတဲ့လူလည်းရှိတာပဲ။ “ငါးပါးသီလ မလုံလည်း တစ်ပါးလောက်လုံလည်း ရတယ်”တို့ – ဘယ်ဟာမှ နားမယောင်လေနဲ့၊ဒီဟာတွေက Dangerous ပဲနော်၊ မြတ်စွာဘုရားက Dangerous လို့ စာတန်းထိုးပေးထားတဲ့ သဘောပဲ၊ သဘာဝကိုက အဆိုးနဲ့ တုံ့ပြန်မှာနော်။
“စာရိတ္တသီလ” ဆိုတာကျတော့ လုပ်သင့်လုပ်ထိုက်တာ၊ လောကမှာ လုပ်သင့်လုပ်ထိုက်တယ်ဆိုတာ မိဘတွေကို စောင့်ရှောက်မယ်၊ ဆွေမျိုးသားချင်းတွေကို စောင့်ရှောက်မယ်၊ မိတ်တွေသင်္ဂဟတွေကို စောင့်ရှောက်ရမယ်၊ လောကမှာ လုပ်သင့်လုပ်ထိုက်တဲ့အလုပ်တွေကို လုပ်တယ်၊ ဒါက စာရိတ္တသီလ။
ဒါကြောင့် ၀ါရိတ္တသီလလည်း ရှိရမယ်။ စာရိတ္တသီလလည်း ရှိရမယ်။ အဲဒီလို ကိုယ်ကျင့်တရားကောင်းမွန်အောင် ကိုယ့်ကိုယ်ကို ကြိုးစားအားထုတ်ရမယ်။

နောက် နံပါတ်(၃)က “ဆုံးမသြ၀ါဒ” –

ကြီးပွားတိုးတက်ရေးအတွက် ဘာလိုတုန်းဆိုတော့ လောက လူ့အသိုင်းအ၀ိုင်းထဲမှာ ဦးဆောင်တဲ့ပညာရှိတွေဆိုတာရှိတယ်၊ လူကြီးသူမတွေရှိတယ်။ မိသားစုထဲမှာဆိုရင် အတွေ့အကြုံရင့်ကျက်တဲ့ အမေတို့၊ အဖေတို့၊ အဖိုးတို့၊ အဖွားတို့ဆိုတာတွေရှိတယ်၊ သူတို့ရဲ့ အတွေ့အကြုံတွေ၊ အဆုံးအမတွေကို မှတ်သားနာယူသင့်တယ်၊ ဆုံးမသြ၀ါဒ Instruction ဆိုတာ ဘယ်နေရာမဆိုရှိတာချည်းပဲ။ Instruction မရှိဘဲနဲ့ အလုပ်လုပ်ရင် အကုန်လွဲချော်နိုင်တာပေါ့။
အမေက ဆုံးမတာပဲဖြစ်ဖြစ်၊ အဖေကဆုံးမတာပဲ ဖြစ်ဖြစ်၊ ပညာရှိတွေက ဆုံးမတာပဲဖြစ်ဖြစ်၊ စာပေကရတဲ့ ဆုံးမသြ၀ါဒပဲဖြစ်ဖြစ်၊ ဘယ်ဆုံးမသြ၀ါဒမဆို လူတွေက ကျယ်ကျယ်ပြန့်ပြန့် နာယူကြရတယ်လေ၊ မြင်ဆရာတဲ့၊ ကြားဆရာတဲ့၊ ကိုယ်မြင်တဲ့အပေါ်မှာ သင်ခန်းစာယူမယ်၊ ကြားတဲ့အပေါ်မှာ သင်ခန်းစာယူမယ်၊ လောကမှာ ကြီးပွားတိုးတက်ဖို့အတွက် အဲဒီလိုဆုံးမသြ၀ါဒတွေကလည်း လိုအပ်တယ်တဲ့။

နောက် နံပါတ်(၄)ကျတော့ “သုတ”၊

ခုနက ပညာရှိတွေရဲ့ အဆုံးအမ၊ သုတဆိုတာ မိမိကိုယ်တိုင် အကြားအမြင် ဗဟုသုတတွေကို ဆည်းပူးအားထုတ်ရမယ်၊ လောကမှာ အကျိုးရှိအောင် အောက်ထစ်ဆုံး ဈေးအရောင်းအ၀ယ်လုပ်တာတို့၊ Managing လုပ်တဲ့ ပညာတို့၊ ဘာပဲဖြစ်ဖြစ်ပေါ့၊ business နဲ့ ပတ်သက်တဲ့ ပညာတို့၊ Computer ပညာတို့ စသဖြင့်ပေ့ါ၊ ဗဟုသုတ ဆိုတာ အကုန်လုံး ဆည်းပူးအားထုတ်ရတယ်တဲ့၊ ဒါလည်းပဲ ကြီးပွားတိုးတက်ခြင်း အကြောင်းတစ်ခုပဲ။

နောက် နံပါတ်(၅)က “ဓမ္မကို ကျင့်သုံးရမယ်”

ဒါကတော့ လက်တွေ့လုပ်ဖို့လိုတယ်၊ ဓမ္မကို ကျင့်သုံးတယ်ဆိုတာ သုစရိုက်တရားတွေကို ဆောင်ရွက်ပြီး ဒုစရိုက်တရားတွေကို ရှောင်တာပဲ။
လောကလူတွေ ကိုယ့်ဟာကိုယ် ကျင့်သုံးလို့ရတာ ဘာတုန်းဆိုရင် စိတ်အတွေးနဲ့ ပတ်သက်ပြီးတော့- သူများပစ္စည်းကို ကိုယ့်ပစ္စည်းဖြစ်လိုတဲ့ လောဘနဲ့ အတွေးမျိုးတွေ မတွေးရဘူး၊ သူများကို ပျက်စီးပါစေ၊ ဒီလူဟာ ဆုတ်ယုတ်နစ်နာသွားပါစေ၊ ဒုက္ခရောက်သွားပါစေဆိုတဲ့ ဒေါသနဲ့ အတွေးမျိုးတွေ မတွေးရဘူး။ ကံ၊ ကံ၏အကျိုးကို ငြင်းပယ်တဲ့အမြင်တွေ မမြင်ရဘူး။ အဲဒါတွေဟာ မှန်ကန်တဲ့အတွေး မနောကံဆိုင်ရာ သုစရိုက်တရားလို့ ခေါ်တယ်။
နှုတ်နဲ့ ပတ်သက်လာလို့ရှိရင်လည်း လိမ်မပြောရဘူး၊ မှန်တာပဲပြောရမယ်၊ တချို့က မှန်တာပြောတာကို ၀န်လေးတတ်တယ်၊ မှန်တာပြောတယ်ဆိုတဲ့ နေရာမှာ ပိုပြီးအရေးကြီးတာက လူတစ်ဖက်သားဒုက္ခရောက်အောင် ရုံးပြင်ကန္နားတက်ပြီး ဒီလူမဟုတ်တာကို အဟုတ်၊ ဟုတ်တာကို မဟုတ်ဘူးလို့ သက်သေလိုက်တာမျိုးကို ဆိုလိုတယ်၊ ကြောက်လို့ လှီးလွှဲပြောတဲ့ မုသာဝါဒမျိုးကို ပြောတာမဟုတ်ဘူး၊ အပြစ်ကြီးတဲ့ မုသာဝါဒဆိုတာ လူတစ်ယောက်ကို ဒုက္ခရောက်အောင် မဟုတ်တမ်းတရားတွေကို လိမ်လည်ပြီးတော့ ပြောတာမျိုး၊ ထွက်ဆိုတာမျိုး၊ အဲ့ဒါမျိုး မလုပ်ဘဲနဲ့ မှန်တာကိုပြောရမယ်။
နောက်ပြီးတော့ လူသားအချင်းချင်း၊ ကိုယ့်ပတ်ဝန်းကျင်အချင်းချင်း၊ မိတ်တေ သင်္ဂဟအချင်းချင်းမှာ တစ်ဦးနဲ့ တစ်ဦး မတည့်အောင်မလုပ်ရဘူး၊ တည့်အောင်သာ ပြောရမယ်။ ဒါလည်း အရပ်ထဲမှာတို့၊ မိသားစုထဲမှာတို့ အလွန်အရေးကြီးတာ။
နောက်တစ်ခုက ရိုင်းပြတဲ့စကားကို မသုံးရဘူး၊ ယဉ်ကျေးတဲ့ စကားအပြောမျိုးကို ပြောရတယ်။ နောက်တစ်ခုက အကျိုးမရှိတဲ့ စကားရပ်တွေကို ပြောပြီးတော့ အချိန်ဖြုန်းတာမျိုးမလုပ်ရဘူး၊ ဒါ နှုတ်နဲ့ပတ်သက်တဲ့ ကောင်းတဲ့အလုပ်တွေပေါ့၊ အသိဥာဏ်နဲ့ ပြောတဲ့ စကားမျိုးပဲ ပြောရမယ်။
နောက် ကာယကံနဲ့ ပတ်သက်လာတဲ့ အခါကျတော့ သူများအသက်ကိုမသတ်ဘူး၊ သူ့ဥစ္စာမခိုးဘူး၊ နောက်ကာမကိစ္စတွေနဲ့ ပတ်သက်ပြီးတော့ စည်းကမ်းပျက်တဲ့ ကိစ္စတွေကို မလုပ်ဘူး၊ မှားယွင်းတဲ့ အလုပ်တွေကို မလုပ်ဘူး၊ လူ့သိက္ခာကို ထိန်းသိမ်းစောင့်ရှောက်ရတယ်၊ ဒါတွေဟာ ကြီးပွားတိုးတက်ခြင်းအကြောင်းပဲ၊ တစ်ခုခုလုပ်လို့ရှိ့ရင် လူသိရင်လည်း ရှုံ့ချခံရမယ်၊ မသိရင်လည်း ကိုယ့်ရဲ့ကိုယ်ကျင့်တရားဟာ ပျက်ပြားတယ်၊ လူမသိတာက အကဲ့ရဲ့မခံရရုံပဲ ရှိတယ်နော်၊ ပျက်စီးမှုကတော့ ရှိတာပဲ၊ ဒါ့ကြောင့် “ဓမ္မာနုဝတ္တိ”လို့ ခေါ်တဲ့ ကိုယ်ကျင့်တရားနဲ့ ပတ်သက်ပြီးတော့ လိုက်နာကျင့်သုံးရမယ်။

နောက်တစ်ခု နံပါတ်(၆) က “စိတ်ဓာတ်ဟာ ကောင်းတာလုပ်တဲ့အပေါ်မှာ အမြဲတမ်း တက်ကြွနေဖို့ လိုတယ်”ပေါ့၊

စိတ်မပါတာမျိုး မဖြစ်စေရဘူး၊ ကိုယ့်စိတ်ကိုပြင်ပေးရတယ်၊ ဥပမာမယ်- တရားနှလုံးသွင်းဖို့တို့၊ တရားနာဖို့တို့ တရားအသိတွေရအောင်တို့ဆိုရင် စိတ်ဓာတ်ဆုတ်နစ်တာမျိုး မရှိရဘူးတဲ့၊ အမြဲတမ်း စိတ်ဓာတ်ဟာလန်းဆန်းတက်ကြွပြီးတော့ “ဒါ လုပ်သင့် လုပ်ထိုက်တဲ့ဟာ” လို့ ဆုံးဖြတ်ပြီးတော့ လုပ်ရမယ်။

အဲဒီလို ကိုယ့်မှာ ကောင်းကျိုးချမ်းသာတွေရဲ့ မုခ်ကြီးသဖွယ် ဒီ ၆ ခုဟာရှိမယ်ဆိုရင် ဒီဘ၀မှာလည်းကောင်းကျိုးချမ်းသာတွေ ၀င်လာမှာပဲ၊ နောင်ဘ၀ရောက်ရင်လည်း ဒီအတိုင်း ကောင်းကျိုးချမ်းသာတွေဝင်လာမှာပဲ၊ ဘ၀ဆက်တိုင်း ရေရှည်ကောင်းဖို့ အမှုမဲ့အမှတ်မဲ့ နေမယ်ဆိုရင် ဒါတွေ ကိုယ့်သန္တာန်မှာရှိတာလည်းမသိဘူး၊ မရှိတာလည်းမသိဘူး၊ ဒါကြောင့် အမှုမဲ့အမှတ်မဲ့ မနေသင့်ဘူး၊ ရှိသင့်ရှိထိုက်တဲ့ဟာတွေ ကိုယ့်သန္တန်မှာရှိအောင် ကြိုးစားကြရမှာ။
ပစ္စည်းဆိုတာ တစ်ခုနဲ့တစ်ခု အသုံးဝင်တာချင်းမတူတတ်ဘူးပေါ့၊ လူတွေရဲ့ အရည်အချင်း တွေမှာလည်းပဲ တစ်ခုနဲံတစ်ခု အသုံးဝင်တာချင်း မတူဘူး၊ ဒါကြောင့်မို့လို့ အသုံးဝင်မှု ပြည့်စုံ စေတတ်တဲ့ ဒီတရားတွေနဲ့ ပတ်သက်ပြီးတော့ စုံအောင်ရှိရမယ်လို့ မြတ်စွာဘုရားက ဒီလိုဟောတာ။
ကဲ၊ လောကမှာ စိတ်နေစိတ်ထားနဲ့ ပတ်သက်ပြီးတော့ နောက်သုတ္တန်တစ်ခုကို ကြည့်ကြရအောင်။ မြတ်စွာဘုရားက လူ့ဘ၀ရလာလို့ရှိရင်တဲ့ ခုနက အန္ဓသုတ္တန်မှာ ဟောထားတဲ့ မျက်စိအမြင်နှစ်မျိုးရှိရမယ် ဆိုတာနဲ့သွားပြီးတော့ နီးစပ်တယ်၊ လူတွေအတွက်ကောင်းဖို့အချက်လေးချက်၊ ဒါက လက်တွေ့ လိုက်နာ သုံးသပ်ဖို့ ၊ အဲဒီလေးချက်က ဘာတုန်းဆိုတော့ (၁) ဒက္ခံ ဂဟပတံ သာဓု- အိမ်ရာတည်ထောင် လူ့ဘောင်ဘ၀မှာ နေလို့ရှိရင် စီးပွားရေးနဲ့ပတ်သက်ပြီး လိမ္မာကျွမ်းကျင်မှု၊ လုပ်ငန်းကျွမ်းကျင်မှုရှိရမယ်တဲ့၊ မလုပ်တတ် မကိုင်တတ်ဆိုရင် လွဲလွဲချော်ချော်တွေဖြစ်တယ်၊ ဘယ်အလုပ်ပဲလုပ်လုပ် လုပ်ငန်းကျွမ်းကျင် မှုက အင်မတန်မှ အရေးကြီးတယ်၊ ကြည့်လေ- ကိုယ့်အနီးက နိုင်ငံတွေပဲကြည့်၊ တစ်ခါတစ်ခါ မြန်မာလူမျိုး တွေနဲ့ နှိုင်းယှဉ်ပြီးတော့ကြည့်၊ လုပ်ငန်းကျွမ်းကျင်တဲ့ လူဟာအသာရနေတယ်၊ နည်းပညာကောင်းတဲ့ လူဟာအသာရနေတယ်၊ နည်းပညာ ညံ့နေပြီဆိုရင် အကုန်ညံ့သွားတာပဲ၊ နည်းပညာကောင်းအောင် လုပ်ငန်းကျွမ်းကျင်မှုရှိအောင် လေ့ကျင့်မွေးမြူနေကြရတာ၊ အဲဒီတော့ နည်းပညာလည်းသာတယ်၊ လုပ်ငန်းကျွမ်းကျင်လည်းသာတယ်ဆိုတဲ့ပုဂ္ဂိုလ်ဟာ ရှေ့ရောက်သွားတာပဲ၊ လုပ်ငန်းကျွမ်းကျင်မှုမရှိတဲ့လူဟာ နောက်ရောက်ကျန်ရစ်တာပဲ၊ ဒါထုံးစံပဲ။

ဘုန်းကြီးတို့ တစ်ခါတလေ စဉ်းစားကြည့်မိတယ်၊ ဒါတော့စီးပွားရေး တကယ်လုပ်နေတဲ့ ဒကာ၊ ဒကာမတွေ ဘုန်းကြီးတို့ထက်ပိုမြင်ပါလိမ့်မယ်၊ တို့နိုင်ငံက လူတွေက ဘာနဲ့တူနေလဲဆိုတော့ တချို့ကြီးပွားတိုးတက်နေတဲ့ နိုင်ငံတွေနဲ့ယှဉ်လိုက်ရင် တောကတောင်သူလယ်သမားတွေနဲ့ သွားတူ နေတယ်၊ ဘယ်လိုဖြစ်တာတုန်းဆိုတော့ တောင်သူလယ်သမားတွေဆိုတာဟာ တစ်နေကုန် နေပူထဲမှာ ချွေးဒီးဒီးကျအောင် အလုပ်လုပ်ရတယ်၊ အသီးအနှံလေးတွေရလာတယ်၊ မြို့ကပွဲစားဆီပို့တယ်၊ ပွဲစား ကဖြတ်ပေးတဲ့ ဈေးကလေးနဲ့ပဲ သူပြန်သွားရတယ်၊ ဒီထက်မရဘူး၊ ပွဲစားကနေပူထဲထွက်စရာမလိုဘူး၊ ဒီပစ္စည်းတွေသူယူထားလိုက်တယ်၊ ဈေးကောင်းပြီဆိုတော့ သူကထုတ်ရောင်းလိုက်တာ ၄-၅-၁၀ ဆမြတ် တယ်၊ ကဲဟိုမှာ နေပူထဲမှာ ကျောကုန်းမှာ ဆားပွင့်လောက်အောင်၊ လူရုပ်မပီအောင်၊ မွဲခြောက်နေအောင် အလုပ်လုပ်ရတဲ့လူ ကျတော့ အဲဒီလောက် အမြတ်မရဘူး၊ ပွဲစားကတော့ သူလုပ်ထားတဲ့ အသီးအနှံ တွေပေါ်က ရလိုက်တဲ့ အမြတ်က နည်းတာမဟုတ်ဘူး။
အဲဒီလိုပဲ မြန်မာပြည်မှာလည်းပဲ ကြည့်- သယံဇာတပစ္စည်းတွေကို နိုင်ငံခြား တိုင်းပြည်တွေ ဒီတိုင်းပဲ ရောင်းလိုက်မယ်ဆိုရင် ဟိုကလူတွေက ၁၀- ဆမက မြတ်သွားတယ်၊ ဒီကလူတွေက လုပ်လိုက်ရတာ၊ ကိုယ့်ဆီကပစ္စည်းတွေ တန်ဖိုးကျတော့ နည်းနည်းလေးပဲရတယ်၊ အဲဒီတော့ ခုနက တစ်နှစ်ပတ်လုံး နေပူထဲ ရုန်းကန်လုပ်ရတဲ့ပုဂ္ဂိုလ်က တစ်သိန်းရတယ်ဆိုရင် ပွဲစားက ၁၀ သိန်းလောက်လည်းရချင်ရသွားမယ်၊ အဆချင်းမတူဘူး၊ တစ်သိန်းကနေ ၂ သိန်း ရတယ်ဆိုရင် ၂ ဆ ရတယ်ပေါ့။
အဲဒါကြောင့် နည်းပညာတို့၊ လိမ္မာကျွမ်းကျင်မှုတို့ဆိုတာ အရေးကြီးတယ်၊ မြတ်စွာဘုရား ကိုယ်တိုင်ကဟောထားတယ်၊ စီးပွားဖြစ်ဖို့ရာအတွက် ဥဌာနသမ္ပဒါနဲ့ပြည့်စုံရမယ်၊ ဥဌာန သမ္ပဒါဆိုတာ တက်တက်ကြွကြွကြိုးစားအားထုတ်တာ၊ လူတွေက စောလွန်းနေသေးတယ်၊ မိုးချုပ်သွားပြီ စသဖြင့် ဒီအတွေးလေးတွေရှိတယ်၊ ရာသီဥတုက အေးလွန်းနေသေးတယ်၊ ပူလွန်းနေတယ်ဆိုတဲ့ အကြောင်းတွေနဲ့ ပျင်းတတ်ကြတယ်။
သိဂါင်္လောဝါဒသုတ်မှာ အဲဒါတွေက ပျင်းရိခြင်းရဲ့ အကြောင်းပြလေးတွေ- စောလွန်းအားကြီးလို့၊ စောလို့မထသေးဘူး၊ နောက်ကျသွားရင်လည်း နောက်ကျသွားပြီ၊ မိုးချုပ်လွန်းသွားပြီ၊ အေးလို့ရှိရင်လည်း အေးလွန်းနေသေးလို့၊ ပူလို့ရှိရင်လည်း ပူလွန်းနေသေးလို့ဆိုတာတွေနဲ့ လောကကြီးမှာ ဒီလိုနေကြတာ၊ အဲဒီလိုနေပြီးတော့ ဆာတော့ ထမင်းမစားရသေးလို့၊ စားပြီးတဲ့အခါကျတော့လည်း ဗိုက်လေးသေးလို့ဆိုတဲ့ အကြောင်းပြ ၆ မျိုးက ပျင်းရိခြင်းရဲ့ အကြောင်းတရား ၆ မျိုးလို့ခေါ်တယ်။ အဲဒါမျိုးကြောင့်မို့လို့ အလုပ်တွေ မအောင်မြင်ဘဲနဲ့ ဖြစ်တတ်တယ်တဲ့။
တစ်ခါတုန်းက ကြားဖူးတယ်။ အလှူကဖိတ်လို့ မဟုတ်ဘူး၊ ကြုံလို့ရောက်လာတဲ့ လူတစ်ယောက်က အလှူပွဲကြီး ကျင်းပနေတာ သူလည်း ကုသိုလ်ရချင်တယ်၊ ဝေယျာဝစ္စ ၀ိုင်းပြီးတော့ လုပ်ချင်လိုက်တာ ဘာလုပ်ရလုပ်ရပေါ့။ အိုးဆေးရဆေးရ၊ ခွက်ဆေးရ ဆေးရ၊ လုပ်စရာရှိတာတွေ သူလုပ်ပါ့မယ်ပေါ့။ လုပ်ချင်တယ်၊ ဒါပင်မယ့်လို့ ထမင်းမစားရသေးလို့ ဗိုက်က တအားဆာနေတယ်ဆိုတော့ ဒီလူ သဒ္စါတရား ကောင်းပုံရတယ်ဆိုပြီးတော့ ထမင်းကျွေးလိုက်တယ်၊ ကျွေးလိုက်တော့ သူအားရပါးရ စားပြီးတော့ ပြောပြန်တယ်တဲ့- ကျုပ်လုပ်ချင်လိုက်တာဗျာ၊ ခုနကဆာလို့ မလုပ်နိုင်ဘူး ခုတော့ ဗိုက်လေး သွားလို့ မလုပ်နိုင်သေးဘူးတဲ့ နောက်ဆုံးမှာ မလုပ်တာချင်းအတူတူပဲ စောစောတုန်းက ထမင်းဆာ လို့မလုပ်နိုင်တာ၊ ခုတော့ ဗိုက်လေးလို့ဆိုပြီးတော့ ဒီအကြောင်းပြနဲ့ပဲ အလှူပွဲသာပြီးသွားတယ်။ သူဘာတစ်ခုမှ ၀င်မလုပ်လိုက်ရဘူး။
အဲဒါမျိုးလိုပဲ တကယ်ကြိုးစားအားထုတ်တယ်ဆိုတဲ့ပုဂ္ဂိုလ်ဟာမြတ်စွာဘုရားဟောထားတဲ့တရား ထဲမှာ “ ယောစသီတဉ္စ ဥဏှဉ္စ ၊ တိဏာဘိယျောနမညတိ” – အပူတွေ၊ အအေးတွေ ခုနက အခက်အခဲတွေကို မြက်ကလေးတစ်ပင်လောက်တောင်သူက ဂရုမစိုက်ဘူးပေါ့၊ ဒါတွေကို ထည့် မစဉ်းစား ဘူး၊ လုပ်စရာရှိတာကိုလုပ်မယ်၊ အဲဒီလိုစိတ်ဓာတ်ကို ထားရမယ်၊ အဲဒီလိုထားမှ လောကကြီးမှာ ကြီးပွားချမ်းသာမယ်တဲ့၊ အကြောင်းပြပြီးတော့ ရေသာခိုတာမျိုး ဘယ်ကိစ္စမှာမှမလုပ်ရဘူး၊ ကြိုးစား အားထုတ်ရမယ်။
အဲဒီ ကောင်းခြင်းလေးဖြာထဲမှာ နံပါတ်တစ် ဥဌာနသမ္ပဒါ၊ မြတ်စွာဘုရားက လုံ့လ၀ီရိယရှိ တယ်ဆိုတဲ့ နေရာမှာ မှတ်သားထားဖို့ရာက လုပ်တိုင်းဖြစ်တာတော့မဟုတ်ဘူးတဲ့ လုပ်တာ တော့လုပ်ရမယ်၊ အဲဒီထဲမှာမှ ဒက္ခ= လုပ်ငန်းကျွမ်းကျင်မှုရှိရမယ်၊ အနလသ ဇွဲကောင်းရမယ်၊ ဥပါယ၀ီမံသ- နည်းပညာ ကောင်းရမယ်တဲ့၊ အဲဒါမှ လောကကြီးဟာ မှန်ကန်တယ်တဲ့။
လှိမ့်မရတဲ့ ကျောက်တုံးကြီးကို လာပြီးတော့တွန်းနေလို့ကတော့ အချိန်သာကုန်သွားမယ်၊ ရွေ့မှာ မဟုတ်ဘူးလေ၊ အဲဒါ အလုပ်လို့ မသတ်မှတ်ဘူး၊ အကျိုးမထွက်ရင် အလုပ်လို့မသတ်မှတ်ဘူး၊ လုပ်ကတည်းက အကျိုးထွက်တဲ့အလုပ်ပဲ လုပ်ရမယ်တဲ့။
အဲဒါကြောင့် အိမ်ယာတည်ထောင်လူ့ဘောင်ဘ၀မှာနေတဲ့ ပုဂ္ဂိုလ်တိုင်းဟာ လိမ္မာကျွမ်းကျင်မှုရှိမှ ကောင်းတယ်၊ ဒါကတော့ အားလုံးလည်း သိပြီးသားပဲနော်တစ်ခု။
နောက်တစ်ခု နံပါတ် (၂) က “ သံဝိဘဇ္ဇဉ္စဘောဇနံ” ကိုယ်ရှာဖွေလို့ရလာတဲ့ပစ္စည်းကို ကိုယ့်မိသားစု၊ ကိုယ့်မိဘဆွေမျိုးအားလုံးနျဲ့မေန လုပ်ပြီးသုံးပါတဲ့ ကိုယ်တစ်ယောက်တည်းမသုံးပါနဲ့တဲ့၊ ဒါမှ အားလုံးရဲ့ မေတ္တာရမှာ၊ ကိုယ်ရတာ ကိုယ်စားတဲ့လူ တစ်ယောက်ဟာကျန်တဲ့လူကလည်း သူ့အပေါ် မေတ္တာမထားဘူး၊ ကိုယ်ရလာ ကိုယ်ဝတ်လာတဲ့ပစ္စည်းလေးအားလုံး မိသားစုမှာ share လုပ်ပြီးတော့ စားတယ်၊ ခွဲခြားဝေဖန်ပြီးတော့မှသုံးတယ်ဆိုတာ ဒါလူ့လောကမှာ ရှိသင့်ရှိထိုက်တဲ့ကိစ္စတဲ့။
ဒါကြောင့်မို့ မြတ်စွာဘုရားက စီးပွားရှာပြီးတော့ဘယ်လိုသုံးရမယ်ဆိုတာ ဟောထားတာရှိတယ်၊ စီးပွားရှာထားတဲ့ ပုဂ္ဂိုလ်ဟာ ဘာအတွက်ရှာရမယ်ဆိုပြီးတော့လည်းမြတ်စွာဘုရားက ဟောထားတာရှိတယ်၊ စီးပွားရလာလို့ရှိရင်တဲ့ “အတ္တာနံသုခေတိ ပိဏေတိ”- ကိုယ့်ကိုယ်ကို ၀ဖြိုးအောင်၊ ချမ်းသာအောင် အသုံးပြုတယ်။ ဒါက ပထမ၊ “မာတာပိတရော သုခေတိပိဏေတိ” – ကိုယ်ပြီးရင် ကိုယ့်အဖေ၊ အမေတွေ ချမ်းသာအောင်ထား၊ နောက်သား၊မယား၊ မိတ်ဆွေ သင်္ဂဟတွေကို ချမ်းသာအောင်ထား၊ နောက်ပြီး စတုတ္ထကျတော့မှ ကုသိုလ်လုပ်လို့ပြောတာ၊ ဒီတော့ရလာတဲ့ စီးပွားဥစ္စာဟာ အဲဒါအတွက်ပဲ။
ဆိုလိုတာက ပစ္စည်းဆိုတာ သိမ်းထားဖို့ မဟုတ်ဘူး၊ သုံးဖို့၊ တချို့ကျတော့ ပစ္စည်းကိုနှမြောလို့ အလှကြည့်ပြီး သိမ်းထားတယ်၊ ကိုယ်လည်းမသုံးလိုက်ရဘူး၊ သူခိုးခိုးရင်လည်း ပါသွားမယ်၊ မီးလောင်တဲံအထဲပါသွားမယ်၊ အဲဒါကြောင့် ပစ္စည်းဆိုတာသုံးဖို့ ၊ သိမ်းဖို့မဟုတ်ဘူးတဲ့၊ ကားလေးတစ်စီး ၀ယ်ထားပြီးတော့ မစီးရက်ဘဲ ဂိုဒေါင်ထဲထားကြည့်ပါလား၊ သူ့ဖာသာသူ ပျက်သွားမှာပဲ၊ မသုံးရင်ပျက်သွားမှာပဲ၊ “သံဝိဘဇ္ဇဉ္စဘောဇနံ”- ကိုယ်ရလာတဲ့ ပစ္စည်းဥစ္စာကို ခွဲဝေပြီး သုံးဆောင်ပါတဲ့၊ ဒါဒုတိယ လိုက်နာရမယ့် ကိစ္စတစ်ခုတဲ့။

လေးချက်ဟောထားတဲ့အထဲမှာ နောက်နှစ်ခုကပိုပြီးတော့အရေးကြီးတယ်၊ လူဆိုတာ ကြိုးစားအားထုတ်လို့ စီးပွားတတ်လာတဲ့အခါရှိတယ်၊ ရာထူးတွေမြင့်လာတဲ့အခါရှိတယ်၊ အခြေအနေတွေ ကောင်းလို့တိုးတက်ကြီးပွားလာပြီဆိုရင် ပတ်ဝန်းကျင်၊ အပေါင်းအသင်းတွေပေါ်မှာ မောက်မာလာ တတ်တယ်၊ အဖက်မတန်ဘူးလို့ထင်လာတတ်တယ်၊ အဲဒါဟာ ပျက်စီးခြင်းအကြောင်းတစ်ခုပဲတဲ့။
ဒါကြောင့်မို့ “အဟာသော အတ္တလာဘေသု” မောက်မာတာမလုပ်နဲ့တဲ့၊ ကြီးပွားတိုးတတ် လာလို့ရှိရင် နဂိုအခြေအနေက မပြောင်းစေနဲ့တဲ့၊ ဆက်ဆံရေးတွေမပြောင်းစေနဲ့၊ ပုံမှန်နေတတ်ရမယ်၊ ဆိုလိုတာကတော့ကြီးပွားတိုးတက်လာတဲ့အခါမှာ ဘ၀င်မမြင့်ရဘူး၊ ဘ၀င်မြင့်ရင် အနည်းဆုံး ပတ်ဝန်းကျင်ကမုန်းသွားလိမ့်မယ်၊ မုန်းရင် မိတ်ဆွေတွေရဲ့ ခင်မင်မှုတွေပျက်စီးသွားလိမ့်မယ်။ နောက်ဆုံးမှာ မိသားစုထဲတောင်မှပဲ- ကြားဖူးတယ် အမေ၊အဖေက ကိုယ့်သား၊ သမီးကိုပဲပြောလို့ဆိုလို့ မကောင်းဘူး၊ ကြီးပွားတိုးတက်လာတဲ့အခါမာနတွေ တက်လာတယ်၊ မိဘက စပြီးတော့မေတ္တာပျက်လာတယ်၊ မေတ္တာပျက်တယ်ဆိုကတည်းက မကောင်းတော့ဘူးပေါ့၊ ဒါကြောင့်မို့လို့ မြတ်စွာဘုရားက “အဟာသော အတ္တလာဘေသု” ကောင်းကျိုးချမ်းသာတွေရလာပြီဆိုတဲ့အခါမှာ ဘ၀င်မမြင့်နဲ့တဲ့၊ ဘ၀င်မမြင့်အောင် သတိထားတဲ့။
လူဆိုတာ အမြဲတမ်း ကောင်းကျိုးချမ်းသာရတာမဟုတ်ဘူး၊ တစ်ခါတလေ ရာထူးကျသွားတာရှိတယ်၊ စီးပွားဥစ္စာတွေပျက်သွားတာရှိတယ်၊ နောက်ဆုံးမှာ ကုန်းကောက်စရာ မရှိအောင် ဆင်းရဲသွားတာတွေရှိတယ်၊ အဲဒီလိုရှိတဲ့အခါမှာ လူဟာ Depression ၀င်လာတယ်၊ ၀င်လာတဲ့အခါမျိုးမှာ နိုင်ငံခြားတိုင်းပြည်တွေမှာဆို suicide လုပ်ပစ်တာတွေရှိတယ်ပေါ့။
Suicide လုပ်တယ်ဆိုတာ ဒီဘ၀မှာ မှားတဲ့နည်းနဲ့ ထွက်ပေါက်ရှာတာ၊ နောင်ဘ၀မှာ ကောင်းစားသွားမလားဆိုတော့ ဒီထက်ဆိုးတဲ့ဘ၀ရောက်သွားနိုင်တယ်၊ ဘာဖြစ်လို့လဲဆိုတော့ ကိုယ့်ကိုယ်ကို သတ်သေတယ်ဆိုတဲ့လူက ဒေါသနဲ့ သတ်သေတာဖြစ်သည့်အတွက်ကြောင့် ဒီ့ထက်ဆိုးတဲ့ ငရဲရောက်သွားနိုင်တယ်၊ အဲဒီ ကိုယ့်ကိုယ်ကို သတ်သေတဲ့အမှုကိုက ငရဲကိုရောက်သွားနိုင်တယ်။ သေခါနီးမှာ စိတ်ကပြောင်းသွားရင်တော့ မပြောနိုင်ဘူးပေါ့၊ များသောအားဖြင့် ကိုယ့်ကိုယ်ကို သတ်သေရင် ဒေါသနဲ့သေတာ၊ ငရဲဘ၀ရောက်တယ်။
အကယ်၍ ဒေါသပြေပြီးတော့ ကုသိုလ်ကောင်းမှုလေးသတိရလို့ မသေခင်လေးမှာ စိတ်ကလေးပြောင်းသွားရင်တော့ လူမသိနိုင်ဘူးပေါ့၊ ဒါကြောင့်မို့ ကိုယ့်ကိုယ်ကို သတ်သေပြီးတော့ လူပြန်ဖြစ်တယ်ဆိုတာ ခုနကကြားထဲမှာ အပြောင်းအလွဲလေးတွေဖြစ်တတ်တယ်ပေါ့နော်။
အေး၊ အဲဒီလို ပျက်စီးလာပြီဆိုတဲ့အခါ လူမှာ Depression ၀င်လာတတ်တယ်။ အဲဒီလိုလည်းမ၀င်စေနဲ့တဲ့ “ အတ္တဗျာပတ္တိ အဗျထော” ကိုယ့်ကျိုး ကိုယ့်စီးပွားတွေ ပျက်စီးဆုံးရှုံးလာတယ် ဆိုတဲ့အချိန်မှာ မတုန်လှုပ်နဲ့တဲ့၊ ဘာကြောင့်ပျက်စီးတာတုန်းလို့ အကြောင်းတရားကိုရှာ၊ ဘယ်လို ရပ်တည်ရမလဲလို့ အကြောင်းတရားကိုရှာတဲ့။
နိုင်ငံခြားတွေမှာ ကုမ္ပဏီကြီးတွေ စီးပွားပျက်ကပ်နဲ့ကြုံတာရှိတယ်၊ မိတ်ဆွေသင်္ဂဟတွေနဲ့ အဖြေရှာပြီး သူတို့ကုစားကြတာပဲ၊ ပံ့ပိုးပေးကြတာ၊ Bankcrupt ဖြစ်တော့မယ်ဆိုရင် ၀ိုင်းပြီးတော့ Support လုပ်ကြတာ မဟုတ်လား။
လူတွေလည်းကိုယ့်အချင်းချင်း ပြန်ပြီးတော့ ထိန်းမတ်သွားအောင် ဒီလိုပဲ လမ်းကြောင်းရှာရမယ်၊ စိတ်ပျက်နေလို့က အဖြေမပေါ်ဘူး၊ တစ်စုံတစ်ခုစီးပွားရေးပျက်သွားရင် လမ်းကြောင်းပြောင်းမယ်၊ ကိုယ့်စိတ် သက်သာရာ သက်သာကြောင်း တစ်ခုခုလုပ်မယ်၊ လမ်းမှန်တွေ့အောင်ရှာမယ်၊ အခြေအနေ ကောင်းတွေကို ဖန်တီးမယ်၊ ဒီတစ်နေရာမှာ စီးပွားမဖြစ်လို့ နောက်တစ်နေရာမှာပြောင်းပြီးတော့ လုပ်မယ်၊ ဒီလုပ်ငန်းမကောင်းလို့ နောက်လုပ်ငန်းပြောင်းလုပ်မယ်၊ ဒီလိုပဲလုပ်သင့်တာပဲ၊ ဒါထွက်ပေါက်အစစ်မှန်ပဲ။
အဲဒီလိုမဟုတ်ဘဲနဲ့ စိတ်ဓာတ်တုန်လှုပ်ခြောက်ခြားပြီးတော့ Depression တွေဝင်သွားတာဟာ အဖြေမဟုတ်ဘူးတဲ့။ အဲဒါကြောင့်မြတ်စွာဘုရားးက “အတ္တဗျာပတ္တိ အဗျထော” ရာထူးကျမယ်၊ စည်းစိမ်ဥစ္စာတွေပျက်စီးမယ်ဆိုရင် “အဗျထ” – မတုန်လှုပ်ပါစေနဲ့တဲ့၊စိတ်ဓာတ်တွေ မပျက်ပါစေနဲ့တဲ့၊ ကိုယ့်ဘာသာကိုယ်ကြံ့ကြံ့ခိုင်ခိုင်ရပ်တည်နိုင်အောင် ကြိုးစားပါတဲ့၊ ဒါကလုပ်ရမယ့် ကိစ္စတွေကိုမြတ်စွာ ဘုရားဟောတာ။
အဲဒီတော့ ဒီသုတ္တန်တွေဟာတစ်နေရာတည်းမှာမဟုတ်ဘူး၊ လောကမှာလူတွေလိုက်နာကျင့်သုံးဖို့ ဆိုတာမြတ်စွာဘုရားက စပ်ရာစပ်ရာ ဟိုနားဒီနား ဟောထားတဲ့ သုတ္တန်တွေကို ဘုန်းကြီးတို့ စုပြီးတော့ ဒီနေရာမှာဟောပေးတာနော်။
နောက်တစ်ခါ သတိထားစရာ အချက်ကလေးတစ်ခုရှိတယ်။ မြတ်စွာဘုရားက ဖြေဆိုထားတာ၊ အဖြေထုတ်ထားတာလေး၊ ပစ္စည်းဥစ္စာတွေရဲ့ ယိုကျပျက်စီးသွားတတ်တဲ့ ယိုပေါက်ကြီး ၆ ပေါက်ရှိတယ်။ အဲဒီယိုပေါက်ကြီး ၆ ပေါက်မှာ ကိုယ်ရှာထားတဲ့ ပစ္စည်းဥစ္စာတွေဟာ အကုန်လုံးပျောက်ပြီးတော့ နောက်ဆုံးမှာဆင်းရဲဒုက္ခတွေ ရောက်သွားတယ်၊ ဒါတွေဟာ ပုံပြင်တွေအများကြီးရှိတာပဲ။
အားလုံးသိကြလိမ့်မယ်၊ ရန်ကုန်မှာ ချင်းချောင်းပဲလေ့စ် Chin Chong Palace ဆိုတာရှိတယ်၊ ဘုန်းကြီးတို့ တစ်လောတုန်းက ဂျာနယ်တစ်ခုမှာ ချင်းချောင်း သူဌေးအကြောင်း ဖတ်လိုက်ရတယ်၊ နောက်ဆုံးကျတော့ သူကတကယ့်ကို ဆင်းရဲဒုက္ခရောက်သွားရှာတယ်။ ကုက္ကိုင်းလမ်းဆုံမှာ တကယ့် နန်းတော်ကြီးလိုဆောက်ထားတာပဲ၊ နောက်ဆုံးကျတော့ပျက်စီးဆုံးရှုံးသွာတာ၊ မိဘတွေ လက်ထက်က အင်မတန်ချမ်းသာတာ၊ ပျက်စီးဆုံးရှုံးသွားတာဟာ အကြောင်းမဲ့တော့မဟုတ်ဘူး၊ အကြောင်းတော့ရှိတယ်၊ မကျွမ်းကျင်တာတွေရော၊ မကြိုးစားတာတွေရော အကုန်လုံးပေါ့၊ ဒီလိုဖြစ်တတ်တယ်။
အဲဒီမှာ မြတ်စွာဘုရား ဟောထားတာကတော့ လောကမှာ စီးပွားရေးပစ္စည်းဥစ္စာတွေရဲ့ ယိုပေါက် ကြီး ၆ ခုဆိုတာ ဘာလဲဆိုတော့ပစ္စည်းဥစ္စဟာ ဘယ်တော့မှ မတည်ဘူးတဲ့၊ မြန်မာတွေကတော့ ပြောကြတယ် “လူမိုက်နဲ့ငွေ” အတူမနေဘူးတဲ့၊ ပစ္စည်းဥစ္စာဟာပျောက်သွားတယ်၊ မြတ်စွာဘုရားက ဘာကိုဟောသလဲဆိုရင်
နံပါတ် (၁) က အာလသျ- လူပျင်းနဲ့ဆိုရင်ငွေဟာ အတူမနေဘူးတဲ့၊ပျင်းရိလို့ရှိရင်-ပျင်းတယ်ဆိုတာ ခုနကပြောတဲ့ ပူလွန်းတယ်၊ အေးလွန်းတယ်၊ မိုးချုပ်လွန်းတယ်၊ ဆာနေသေးတယ်၊ မစားရသေးဘူး၊ စားပြီးပြီ၊ ဗိုက်လေးတယ် ဆိုတဲ့ အချက်တွေကို အကြောင်းပြပြီး အလုပ်မလုပ်ဘဲနဲ့နေတာကို ပျင်းတယ်လို့ ပြောတာနော်၊ အဲဒီလိုပျင်းရိမှုဟာလည်း ပစ္စည်းဥစ္စာရဲ့ ယိုကျဖို့ရာ အပေါက်တစ်ခုပဲတဲ့။

နောက် နံပါတ်(၂)ကတော့ ပမာဒတဲ့၊ အပျော်အပါးတွေဘက်ပဲ စိတ်ဝင်စားတယ်၊ ကောင်းကျိုးချမ်းသာဖြစ်ဖို့ စိတ်မ၀င်စားဘူး၊ လုပ်ငန်းကိုလည်း စိတ်မ၀င်စားဘူး၊ အပျော်အပါးတွေကို အမြဲတမ်း စိတ်ဝင်စားနေရင်လည်း ပျက်စီးနိုင်တယ်။

နံပါတ်(၃)က အနုဋ္ဌာန – လုပ်ငန်းတစ်ခုကို လုပ်တဲ့အခါမှာ တက်တက်ကြွကြွ မရှိဘူး၊ ၀တ်ကျေတမ်းကျေပဲ လုပ်တယ်၊ ဖြေးဖြေးဆေးဆေးပဲ၊ slow ပေ့ါ၊ သွက်သွက်လက်လက်လုပ်ရမယ့်ဟာကို သွက်သွက်လက်လက်မလုပ်ဘူး၊ ပျင်းပျင်းရိရိ လုပ်တယ်၊ အဲဒီလိုဟာမျိုး မဖြစ်ရဘူးတဲ့၊ ကြိုးကြိုးစားစားလုပ်ရမယ်၊ အဲဒီတော့ ပျင်းရိခြင်းဟာလည်း ဥစ္စာရဲ့ ယိုပေါက်တစ်ခု။

နံပါတ်(၄)က ကာမဂုဏ်အာရုံတွေထဲမှာ စိတ်ကို လွှတ်ထားပြီးတော့ ပျော်ပါးခြင်းဟာလည်း ပစ္စည်းဥစ္စာရဲ့ ယိုကျတဲ့အပေါက်တစ်ခုတဲ့။

နံပါတ်(၅)က မစောင့်စည်းခြင်း၊ ကိုယ့်စိတ်ကိုလည်း အစောင့်စည်းဘူး၊ ကာယကံဝစီကံကိုလည်း မထိန်းသိမ်း မစောင့်ရှောက်ဘူး၊ ကိုယ်ကျင့်တရားကိုလည်း မထိန်းသိမ်းမစောင့်ရှောက်ဘူး၊ အဲဒါဟာ စီးပွားရေးယိုပေါက်တစ်ခုပဲ။

နံပါတ်(၆)က အအိပ်ကြူးခြင်း၊ ဘယ်တော့ဖြစ်ဖြစ်အိပ်တာပဲ၊ အအိပ်များနေတယ်၊ အဲဒီဟာလည်းပဲ ပျက်စီးခြင်း အကြောင်းတစ်ခုပဲ။
ခုနကပြောခဲ့တဲ့ အာလသျနဲ့ တန္ဒီမှာ – အာလသျပျင်းရိတယ် ဆိုတဲ့နေရာမှာ ဘာအလုပ်မှ မလုပ်ဘဲနေတာမျိုး၊ တန္ဒီကျတော့ ဖြစ်ပေါ်လာတဲ့ အချိန်ကိုရွှေ့တာ၊ အမြဲတမ်းအချိန်ကိုရွှေ့ချင်တယ်၊ စောသေးတယ်၊ အချိန်ရွှေ့လိုက်တယ်၊ ၈-နာရီလောက် အလုပ်လုပ်ရမှာကို မလုပ်သေးပါဘူး၊ ၉-နာရီမှ လုပ်မယ်၊ ၉-နာရီကျတော့လည်း ၁၀-နာရီကျမှာ သွားတော့မယ်၊ ဒီလိုအချိန်တွေကို ရွှေ့ရွှေ့သွားတာမျိုးကို ဆိုလိုတယ်။
အဲဒီအပေါက် ၆-ပေါက်ကို ပိတ်နိုင်မှတဲ့၊ မပိတ်နိုင်လို့ရှိရင် ပစ္စည်းဥစ္စာဟာ လူတွေနဲ့ အတူ မရှိနိုင်ဘူးလို့ ဒီလို မြတ်စွာဘုရားက ဟောတယ်၊ အဲဒီလိုဟောတာတွေဟာ ကိုယ့်အတွက် ပစ္စုပ္ပန်ဘ၀မှာ ကောင်းကျိုးရနိုင်သလို သံသရာအတွက်လည်း ကောင်းကျိုးရနိုင်တယ်၊ မကောင်းတဲ့ အချက်အလက်တွေကို ရှောင်ပြီးတော့ ကောင်းတဲ့ အချက်အလက်တွေကို ကိုယ့်သန္တာန်မှာ ကျင့်ဆောင်ဖို့အရေးကြီးတယ်။
မြတ်စွာဘုရားက မကောင်ဘူးဆိုတဲ့ အထဲမယ် ထိုမကောင်းတာတွေ အများကြီးထဲက နေပြီးတော့အရေးကြီးတဲ့ မကောင်းတာတွေကိုရှောင်ဖို့ နောက်ဆုံးပိတ်အနေနဲ့ ဒီလိုဟောထားတာလေးက မှတ်သားဖို့ကောင်းတယ်၊ “အလသော ဂီဟိ ကာမဘောဂီ န သာဓု” – လူ့လောကမှာ မိသားစုနဲ့နေတဲ့ ပုဂ္ဂိုလ်တစ်ယောက်ဟာ ပျင်းရင် ဘယ်တော့မှ မကောင်းဘူး၊ မပျင်းရဘူး၊ မိသားစုနဲ့နေပြီး လောကီစီးပွားရှာနေတဲ့ ပုဂ္ဂိုလ်ဟာ ပျင်းလို့ရှိရင် မကောင်းဘူး၊ ကောင်းကျိုးချမ်းသာတွေ မရနိုင်ဘူးလို့ ပြောတာ။
နောက်တစ်ခုကျတော့ “အသညတော ပဗ္ဗဇိတောန သာဓု” – သင်္ကန်းဝတ်ပြီး ဘုန်းကြီးဘ၀နဲ့ နေပြီးတော့ လူလိုနေတယ်၊ မထိန်းသိမ်းဘူး၊ မစောင့်ရှောက်ဘူး၊ ပြောချင်ရာတွေ ပြောတယ်၊ လုပ်ချင်တာတွေ လုပ်တယ်၊ ဘုန်းကြီးက ဘုန်းကြီးလို မနေဘူး၊ လူလိုနေတယ်၊ ပြောတာဆိုတာက စပြီးတော့ ဘုန်းကြီးလိုမနေဘူး၊ စောင့်စည်းမှု မရှိဘူးဆိုရင် မကောင်းဘူးတဲ့၊ အဲဒါလည်း ဘုန်းကြီးတွေလည်း စောင့်စည်းရမယ်လို့ ဒီလိုပြောတယ်။
“ရာဇာ န သာဓု အနိသမ္မတာရီ” – တိုင်းပြည်အုပ်ချုပ်တဲ့မင်း လုပ်နေပြီးတော့ မဆင်မခြင် အရမ်းလုပ်တာမျိုး မလုပ်ရဘူးတဲ့၊ ဘယ်ကိစ္စမျိုးပဲဖြစ်ဖြစ် စဉ်းစဉ်းစားစားပဲ လုပ်သင့်တယ်၊ မစဉ်းမစားနဲ့ အမိန့်တွေ မချမှတ်သင့်ဘူး၊ မထုတ်သင့်ဘူးတဲ့၊ မစဉ်းမစားနဲ့ အမိန့်တွေထုတ်၊ ချမှတ်တယ်ဆိုရင် လမ်းကြောင်းတွေ လွဲပြီးတော့ လူတွေမှာ အကုန် ဒုက္ခရောက်ကြတယ်၊ ဒါကြောင့်မို့ “ရာဇာ န သာဓု အနိသမ္မကာရီ” – မဆင်ခြင် မစဉ်းစားဘဲ အသိဥာဏ်ရှေ့သွားမထားဘဲနဲ့ အလုပ်လုပ်တဲ့မင်းဟာ မကောင်းဘူးလို့ ဒီလို မြတ်စွာဘုရားက ဟောထားတယ်။
နောက်တစ်ခုကျတော့ “ယော ပဏ္ဍိတောကောဓနော တံ န သာဓု” – ပညာရှိလို့ ဆိုပြီးတော့ ဒေါသကြီးရင် မကောင်းဘူးတဲ့၊ ဆိုလိုတာ ပညာရှိအမျက် အပြင်မထွက်ရဘူးတဲ့၊ ပညာရှိဆိုလို့ ပုဂ္ဂိုလ်ဟာ ဘယ်အရာပဲဖြစ်ဖြစ် ဆင်ခြင်စဉ်းစားရမယ်လို့ – ဒီပုဂ္ဂိုလ် ၄-မျိုးနဲ့ ပတ်သက်ပြီးတော့ အရေးကြီးတဲ့အချက်အလက်တွေကို မြတ်စွာဘုရားက ဟောကြားထားတယ် – “လူဝတ်ကြောင်ဟာ မပျင်းရဘူး၊ ပျင်းရင် မကောင်းဘူး၊ ရဟန်းဆိုတာ စောင့်စည်းရမယ်၊ မစောင့်စည်းရင် မကောင်းဘူး၊ မင်းဆိုတာ စဉ်းစဉ်းစားစားလုပ်ရမယ်၊ စဉ်းစဉ်းစားစား အမိန့်ထုတ်ရမယ်၊ မစဉ်းမစားလုပ်ရင် မကောင်းဘူး၊ ပညာရှိဆိုတာ စိတ်မဆိုးရဘူး၊ စိတ်ဆိုးရင် အကောင်းဘူး”။
အဲဒီ မကောင်းတဲ့အချက်အလက်တွေကို ရှောင်ပြီးကောင်းတဲ့အချက်အလက်တွေကို ဆောင်မှသာလျှင် ဘ၀သံသရာမှာ အဆင်ပြေလို့၊ ကိုယ်ကျင့်တရားတွေလည်း ကိုယ့်သန္တာန်မှာ ပြည့်စုံလို့ ဘုရားပွင့်ခိုက် ဘုရားဟောတဲ့ အကျင့်သိက္ခာတွေကို ကျင့်ကြံကြိုးကုတ်အားထုတ်လို့ မှန်ကန်တဲ့အမြင် သမ္မာဒိဋ္ဌိပေါ်မှာ အခြေံပြီးတော့ မှန်ကန်တဲ့အတွေး သမ္မာဒိဋ္ဌိသင်္ကပ္ပ၊ မှန်ကန်တဲ့ကြိုးပမ်းအားထုတ်မှု သမ္မာဝါယာမ၊ မှန်မှန်ကန်ကန် အမှတ်ရမှု သမ္မာသတိ၊ မှန်မှန်ကန်ကန် စိတ်တည်ငြိမ်အောင်ထားမှု သမ္မာသမာဓိ ဆိုတာတွေ ကိုယ့်သန္တာန်မှာ ဖြစ်ပွားအောင် လုပ်ရမယ်။
အဲဒီလိုလုပ်ရင် ဘ၀ခရီးဟာ ဘယ်ထိအောင်ဖြောင့်တန်းသလဲဆိုရင် ဒုက္ခတွေ အဆုံးသတ်တဲ့ နိဗ္ဗာန်ထိအောင် ဖြောင့်တန်းပါတယ်တဲ့၊ အဲဒီ လမ်းကြောင်းကြီးပေါ် လျှောက်သွားခြင်းဖြင့် ပစ္စုပ္ပုန်ဘ၀မှာလည်း ချမ်းသာသုခတွေရလို့ နောင်တမလွန် ဘ၀မှာလည်းကောင်းရာ သုဂတိဘုံရောက်လို့ ဒီဘ၀မှာ ကြိုးစားအားထုတ်ရင် တကယ့်ကို အငြိမ်းဓာတ်ဖြစ်တဲ့ နိဗ္ဗာန်ကို မျက်မှောက်ပြုနိုင်မှာ ဖြစ်တယ်လို့ ကိုယ်စီကိုယ်ငှသဘောကျပြီးတော့ ကျင့်ကြံကြိုးကုန် အားထုတ်နိုင်ကြပါစေကုန်သတည်း။

ပါမောက္ခချုပ်ဆရာတော်ဒေါက်တာအရှင်နန္ဒမာလာဘိဝံသ
အခွင့်ကောင်းကို ရအောင်ယူ ဓမ္မစာအုပ်

source: https://www.facebook.com/AshinNandamalabhivamsa

ကိုယ့်အပေါ်မှာ ဘုရားလောက် ဘယ်သူကမှ မေတ္တာမကြီးမားပါဘူး

11295535_1442096259439119_4440562317273134251_n

သူတစ်ပါး မကောင်းမှုပြုနေတာ မြင်ရရင်
မျက်စိမမြင်သလို နေပါ
သူတစ်ပါး မကောင်းမှုပြုနေတာ ကြားရရင်
နားမကြားသလို နေပါ
သူတစ်ပါးအကြောင်း မကောင်းပြောချင်ရင်
ပါးစပ် မပါသလို နေပါ

လောဘ ဒေါသ မောဟစိတ် တို့ဖြင့်
မြင်ရ ကြားရ ပြောရတဲ့သူ မဖြစ်ပါရစေနဲ့

သဒ္ဒါ မေတ္တာ ပညာ စိတ်တို့ဖြင့်
မြင်ရ ကြားရ ပြောရတဲ့သူ ဖြစ်ပါရစေ။

တွေးဆ ဆင်ခြင် ဥာဏ်သက်ဝင်၍
မိဘကျေးဇူး အထူးဆပ်နိုင်ကြပါစေ

ခန္ဓာ အနိစ္စ

အသက်စည်းစိမ် ခန္ဓာအိမ်ကား
တိမ်တခဲနက် ကြည့်ရင်းပျက် သို့ 
မျက်စေ့အောက်တွင် လွင့်ပျောက်စင် ၏ ။

သင်္ခါရစက် သူပိုင်နက် ၌
သွက်သွက်လည်ကာ ပါရရှာ သည်

ခန္ဓာ အနိစ္စပါတ ကား ။ ။

( တိပိဋကဓရ မင်းကွန်း ဆရာတော်ဘုရားကြီး )
အသုဘသဘော

ကြိုက်နှစ်သက်ရာအရိယာ ခန္ဓာညဏ်နဲ့ရှု
မိမိခန္ဓာသေလိုက်ပါ ယုံကြည်သမှုပြု
သုံးရက်လောက်ကြာ ဒီခန္ဓာဖူးယောင်စပြု
၁၀ ရက်ခန့်ကြာ ဤခန္ဓာ ပုပ်ဟောင်လောက်စွဲပြု
အသားထဲကလောက်ဖြစ်လာ ခန္ဓာပေါက်ထွက်
ဥာဏ်နဲ့ရှု
အသားစိုင်များဆွေးမြေ့ကာ ရွှံရှာအမှတ်ပြု
ရက်ကြာမြင့်လာငါ့ခန္ဓာ အသားမရှိအရိုးဖြစ်
မတင့်တယ်ပါငါ့ခန္ဓာ ဆက်ကာရှုမှတ်ပါ
လများစွာရက်ကြာလာ အရိုးစစ်ပြုတ်ကာတစ်စစီဖြစ်
ဒါလဲငါပဲသေချာတာ ဆက်ကာသေချာရှု့
နှစ်ကြာမြင့်လာငါ့ခန္ဓာ အမှုန်အမွှားဖြစ်
ဘယ်မှာလဲငါမရှိတော့ပါ ဘာကျန်သလဲသေချာစစ်
ဘဝသစ်ဖြစ်ရာ အစွဲပါကံသာကျန်ရစ်ဘဝဖြစ်

ဘုရားပြောစကားလည်း နားထောင်တယ်
ဗေဒင်ဆရာ ပြောစကားလည်း နားထောင်တယ်ဆိုရင်တော့
ဘုရားရှင်နဲ့ဗေဒင်ဆရာ တစ်တန်းထဲ ထားသလို ဖြစ်သွားပါပြီ
ဘုရားရှင်ဆိုတာ  ရာဟုလာနဲ့ ဒေဝဒတ်ကိုတောင် တစ်တန်းထဲ မေတ္တာထားတာပါ
ကိုယ့်အပေါ်မှာ ဘုရားလောက် ဘယ်သူကမှ မေတ္တာမကြီးမားပါဘူး

ကိုယ်ကျင့်တရား၊ ကိုယ်ကျင့် သီလဆိုတာ
ကိုယ့်ဘာသာ  ကိုယ်ပဲ ကျင့်ကြံအားထုတ်ရလို့
သူတစ်ပါးက အစား ကျင့်ပေးလို့ မရလို့
ကိုယ် ကိုယ်တိုင် ကြိုးစားစောင့်ထိန်းရခြင်း ဖြစ်တယ်။
မင်းအစား ငါ ရင်နာလိုက်တာတို့၊ မင်းနဲ့ငါ နေရာချင်းလဲလိုက်ချင်တာတို့၊
ငါ တော်တော် ဒေါသထွက်နေတာတို့ ဆိုတာတွေဟာ
သူတစ်ပါးအပြစ်ကနေတောင် ကိုယ့်အပြစ်ဖြစ်အောင် ပြောင်းယူလိုက်တာပါပဲ
ကုသိုလ်နဲ့ အကုသိုလ်ဆိုတာ အဲ့ဒီလို ကွာပါတယ်။
နိဗ္ဗာန်ဝင်အောင် နဲ့ ငရဲကျအောင် ကိုယ်ကပဲ ပြုလုပ်တယ်ဆိုတာ မမေ့ပါနဲ့။

သတိနဲ့မနေတဲ့စိတ်ဟာ အရူးလိုပါပဲ

11904683_1666753383557254_8208922828733732835_n

မီးလောင်ခံရမှ ဆင်းရဲဒုက္ခရောက်တယ် မထင်နဲ့
ရေနစ်၊ရေကြီးရင်လည်း ဆင်းရဲဒုက္ခရောက်တာပဲ
ဆင်းရဲတာမှ ဒုက္ခရောက်တယ် မထင်နဲ့
ချမ်းသာရင်လည်း ဒုက္ခရောက်နေတာပဲ
မုန်းမှ စိတ်ပူလောင်ရတာမဟုတ်ဘူး
ချစ်ရင်လည်း စိတ်ပူလောင်ရတာပဲ
လောကဓံတရားရှစ်ပါးဆိုတာ ဆန့်ကျင်ဘက်တရားတွေပဲ
အပြန်အလှန်ဒုက္ခရောက်နေကြတာ
လောကဓံမုန်တိုင်းနဲ့ကြံ့ခိုင်သည့်စိတ်ထား
ဘယ်လိုထားမလဲဆိုတာပဲ အရေးကြီးတယ်

သက်ဆိုးရှည်တယ်ဆိုတာ လောဘ ဒေါသ မောဟ အကုသိုလ်မကင်းပဲနဲ့ အသက်ရှင်နေတာ
သက်ကောင်းရှည်တယ်ဆိုတာ ကုသိုလ်ကောင်းမှုတွေများများလုပ်ရင်းနဲ့ အသက်ရှင်နေတာ

ငွေ၊ဂုဏ်၊ ရာထူး စည်းစိမ်နောက်လိုက်ရင်းနဲ့ မိသားစုနဲ့ ဝေးသထက် ဝေးနေကြရတယ်
ကိုယ်ချစ်တဲ့ ခင်တဲ့သူတွေနဲ့ အတူမနေရတဲ့ နေ့တွေ ပိုများလာတယ်
ကိုယ်ဆောက်ထားတဲ့ တိုက်ကြီးပေါ်မှာ နေရတဲ့ ရက်တွေ မရှိသလောက် ရှားလာတယ်
ကုသိုလ်ကောင်းမှုတွေလုပ်ဖို့ အချိန်မရှိသလောက် ဖြစ်လာတယ်

သာသနာထွန်းကားတယ်ဆိုတာ အမှန်တရားကို သိရှိတာ လက်ခံတာ လိုက်နာကျင့်သုံးတာ
သာသနာကွယ်တယ်ဆိုတာ အမှန်တရားကို မသိတာ လက်မခံတာ မလိုက်နာမကျင့်သုံးတာ

ကြောက်တဲ့စိတ်နဲ့ကြည့်ရင် တစ်လောကလုံးက ကြောက်စရာချည်းပဲ
သံသယစိတ်နဲ့ကြည့်ရင် အရာရာကို သံသယဖြစ်စရာချည်းပဲ
အားကိုချင်တဲ့စိတ်နဲ့ကြည့်ရင် အကုန်လုံးက အားကိုချင်စရာချည်းပဲ
လိုချင်တဲ့စိတ်နဲ့ကြည့်ရင် အရာရာ လိုချင်စရာချည်းပဲ
စားချင်တဲ့စိတ်နဲ့ကြည့်ရင် အရာရာ စားချင်စရာချည်းပဲ
အရာရာစိတ်ပဲ စိတ်က ဖန်ဆင်းထားတာပါပဲ
အရာရာရှိတာမဟုတ်ပဲ စိတ်ရဲ့သတ်မှတ်ချက်တွေပဲ ရှိနေတာ
စိတ်က လက်ခံရင် လက်ခံသလို ဖြစ်တာပါပဲ
ဦးနှောက်နဲ့တော့ ဥာဏ်မှီမှာမဟုတ်ဘူး
ဦးနှောက်ကတော့ တိရိစ္ဆာန်တွေမှာလည်း ရှိတာပဲ
ဦးနှောက်ဆိုတာ အကန့်အသတ်ရှိတယ်
ကိလေသာရဲ့ လက်နက်ပဲ
ကိလေသာကတော့ တကယ်ရှိတာကို ဘယ်သိပါ့မလဲ
ဖန်ဆင်းထားတာတွေ သတ်မှတ်ထားတာတွေကို သိမှာပဲ

ပညတ် ပရမတ် သိတာနဲ့လည်း မမြတ်သေးဘူး
ပညတ် ပရမတ် ကွဲတာနဲ့လည်း မမြတ်သေးဘူး
ပညတ် ပရမတ် နှစ်ခုစပ် သိတတ်သူက မြတ်

သတိမရှိရင် ၁ စက္ကန့် ၁ မိနစ် ၁ နာရီ အတွင်းမှာ
အကုသိုလ်စိတ်တွေ လှေတွေ လှည်းတွေ ကားတွေနဲ့
တိုက်လို့ မကုန်နိုင်အောင် များလွန်းလှတယ်
သတိနဲ့မနေတဲ့စိတ်ဟာ အရူးလိုပါပဲ

တရားအားထုတ်တယ်ဆိုတာ စိတ်ကိုပြင်တဲ့ အလုပ်ပါပဲ
မြတ်စွာဘုရား နောက်ဆုံးသာသနာမှာ စိတ်ကိုပြင်ဖို့ အရေးတကြီးလုပ်သင့်ပါပြီ။

စင်္ကြာဝဠာအနန္တထဲမှာ ကမ္ဘာကြီးဆိုတာလည်း ဘာမှမဟုတ်ပါဘူး

11902244_1666753400223919_1043621672878655299_n

သစ္စ္စာမသိရင် ပင်လယ်ထဲ ပျက်နေတဲ့ သင်္ဘောနဲ့တူတယ်။
တောင်လေတိုက်ရင် တောင်ဘက်ဝဲလိုက် မြောက်လေတိုက်ရင် မြောက်ဘက်ယိန်းလိုက်နဲ့။ လောဘ၀ဲထဲ မျောလိုက်။ ဒေါသဝဲထဲ မျောလိုက်။ မောဟဝဲထဲမျောလိုက်နဲ့။ အဝိုင်းပတ်ပြီးပြေးနေတာ ဘယ်မှာလမ်းဆုံးပါ့မလဲ။
သစ္စ္စာမသိလို့ကတော့ ဝဲလမ်းနဲ့ မြုပ်လမ်းလို့သာ မှတ်ကြ။
မိုးကုတ်ဆရာတော် ဘုရားကြီး
အမေရိကန်မှာ မီလျံနာသူဌေးတွေရှိတယ်
တင်းတိမ်ရဲ့လား
အငတ်ပြေရဲ့လား မပြေပါဘူးဘုရား
ဘာရောဂါထကြပါလိမ့် အငတ်နာရောဂါပါဘုရား။

မိုးကုတ်ဆရာတော်ဘုရားကြီး

ကမ္ဘာကြီးဆိုတာ လူတွေရှု့ထောင်က ကြည့်ရင်တော့
သယံဇာတတွေ ပေါကြွယ်ဝပြီး တကယ့်ကို သိမ်းပိုက်ချင်စရာပေါ့
ကိုယ်တန်ဖိုးထားတော့ တန်ဖိုးရှိနေတာ တကယ့်တန်ဖိုးထားစရာကြီးပေါ့
ငါတို့ကမ္ဘာကြီးပေါ့
အားလုံးက ဝိုင်းပြီး တန်ဖိုးထားတော့ ကိုယ်ကလဲ လူထဲကလူတစ်ယောက်ဖြစ်တော့
တန်ဖိုးထားရတာပေါ့
လွတ်လွတ်လပ်လပ်ကြည့်မယ်ဆို ကမ္ဘာကြီးဆိုတာက စင်္ကြာဝဠာအနန္တထဲက
အမှုန်လေး တစ်မှုန်ပဲ ရှိပါတယ်
အင်မတန်ကြီးကျယ်တဲ့  စင်္ကြာဝဠာအနန္တထဲမှာ အစက်ကလေးတစ်စက်အဖြစ်ပဲ ရှိပါတယ်
သဲသောင်ပြင်ပေါ်က သဲမှုန်လေးတစ်မှုန်လိုပါပဲ  သဲသောင်ပြင်ပေါ်မှာ သဲမှုန်လေးတစ်မှုန်က တန်ဖိုးမရှိသလိုပါပဲ
စင်္ကြာဝဠာအနန္တထဲမှာ ကမ္ဘာကြီးဆိုတာလည်း ဘာမှမဟုတ်ပါဘူး
အဲ့တော့ ကမ္ဘာကြီးပေါ်က လူတစ်ယောက်ဆိုတာလည်း ဘာမှမဟုတ်ပါဘူး
ကိုယ်တန်ဖိုးထားလို့သာ တန်ဖိုးရှိတယ်လို့ ထင်နေရတာပါ

ကြောင်စိတ်ထဲမှာ ကြွက်ရှိနေလို့
ကြောင်က ကြွက်ကို ဖမ်းနိုင်တာပါ
မြွေစိတ်ထဲမှာ ဖားရှိနေလို့
မြွေက ဖားကို မျိုနိုင်တာပါ
ယင်ကောင်စိတ်ထဲမှာ အညှီရှိနေတော့
အညှီရှိရာ ယင်အုံသလိုပေါ့
ပုရွက်ဆိတ် စိတ်ထဲမှာ အချိုရှိနေတော့
အချိုရှိရာ ပုရွက်ဆိတ်တွေ ဝိုင်းအုံနေသလိုပေါ့
ကိုယ့်စိတ်ထဲမှာ ရှိတာပဲ
ကိုယ်မြင်နိုင်တာပါ
ကိုယ့်စိတ်ထဲမှာ အပါယ်လေးပါးရှိနေလား
နိဗ္ဗာန်ရှိနေလား
ကိုယ့်စိတ်ထဲမှာ ဘာရှိနေလဲ …. ?

အစိုးရက ကြည့်တော့ နိုင်ငံမှာရှိတဲ့
အရာတွေ သူပိုင်တယ်ပေါ့
ပြည်သူလူထုက ကြည့်တော့
ငါ့အိမ် ငါ့ကား ငါ့လုပ်ငန်းတွေပေါ့
တကယ်တော့ ဘယ်သူက ဘယ်သူ့ကိုမှ ဘာကိုမှ တကယ်မပိုင်ပါဘူး

လောကီလူအများစုကတော့ သတ်မှတ်ထားတဲ့
ပေတံတွေနဲ့သာ တိုင်းတာ တတ်ကြပါတယ်
ပစ္စည်းဆိုလဲ ဘာတံဆိပ်လဲ  ဘယ်နိုင်ငံကလဲ
လူဆိုလဲ ဘာလူမျိုးလဲ ဘယ်သူ့သားသမီးလဲ ဆိုတဲ့
လောကီပေတံတွေနဲ့ပဲ တိုင်းတာကြတာ များပါတယ်

ပုဂ္ဂိုလ်ခင်လို့ တရားမင်ဆိုပေမယ့်
တရားမင်လို့ ပုဂ္ဂိုလ်ခင်တာက ပိုပြီး စိတ်ချရပါတယ်
ပုဂ္ဂိုလ်ဆိုတာက မိသားစု အချင်းချင်း ၊ဆရာတပည့်ဆိုတာတောင်
တည့်ဖို့က လွယ်မှ မလွယ်ပဲ  ပုဂ္ဂိုလ်ကို အဓိကထားနေရင်
ရေရှည်မှာလက်တွဲဖို့က မလွယ်ဘူးပေါ့
အဲ့တော့ ဓမ္မကိုအဓိကထားလိုက်မယ်ဆိုရင်တော့ စိတ်ချရတာပေါ့

လောကမှာ သူနဲ့ငါနဲ့ မတည့်ဘူး
ဟိုလူ့ မခေါ်ဘူး ဒီလူနဲ့မခေါ်ဘူး
သူနဲ့မပေါင်းဘူး ငါနဲ့ပေါင်းဆိုပြီး
ရွေးချယ်ခွင့် ရှိချင် ရှိမယ်
သေမင်းနဲ့ကျတော့ သတ္တဝါတိုင်း
ကြီးငယ် မရွေး ရွေးချယ်ခွင့်မရှိ ပေါင်းကြရတာပါပဲ

ဘုရားဆိုတာ စိတ် လွတ်လပ်ရေး ဖခင်ကြီးပါပဲ

11143232_1655239978023667_5317009133471951230_o

ဘုရားဆိုတာ စိတ် လွတ်လပ်ရေး ဖခင်ကြီးပါပဲ။ အနန္တသတ္တဝါအားလုံးရဲ့ ကျေးဇူးရှင်ပါ။
ဘုရားရဲ့ စိတ်ပိုင်းဆိုင်ရာ အမွေကို ဘုရားသာသနာရှိတုန်း အရယူနိုင်အောင် ကြိုးစားပါ။

ဘုရားရှင်ဆိုတာ မှားရင်လည်း မဟောပါဘူး။ ဟောရင်လည်း မမှားပါဘူး။
ကိုယ်သိသလောက် ဥာဏ်လေးနဲ့ ဟိုတိုင်းထွာ ဒီတိုင်းထွာ လုပ်မနေပါနဲ့။
ဘုရားရှင်ဖြစ်စေချင်တဲ့ အသိဥာဏ်သာ ရအောင် ကြိုးစားပါ။

တရားက တရားထိုင်ချိန်ပြီးတာနဲ့ ဆက်မှတ်စရာမလိုတော့တာ မဟုတ်ပါဘူး။
တရားစခန်းက ထွက်တာနဲ့ တရားရှု့မှတ်စရာမလိုတော့တာ မဟုတ်ပါဘူး။
သွား ရပ် ထိုင် လျှောင်း ဣရိယာပုတ် လေးပါးစလုံးမှာ အမြဲမပြတ် ရှု့မှတ်နေဖို့လိုပါတယ်။
ယောဂီဘဝနဲ့မှ တရားအားထုတ်ရတာ မဟုတ်ပါဘူး။
အချိန်တိုင်း စက္ကန့်မလပ် သီလ သမာဓိ ပညာနဲ့ အနိစ္စ ဒုက္ခ အနတ္တကို ရှု့မှတ်နေရတာပါ။

ငိုခြင်းနဲ့ရယ်ခြင်းဟာ လူသားတိုင်း အတူတူပါပဲ။
မတူတာက ဘာသာစကား ၊အတွေးအခေါ်၊ ပုံပန်းသဏ္ဍာန်။
အိုခြင်း နာခြင်း သေခြင်းဟာလဲ လူမျိုးတိုင်း နိုင်ငံတိုင်း သတ္တဝါတိုင်းမှာ ရှိနေတဲ့ ပြဿနာပဲ။
universal suffering အနေနဲ့ ခံစားရတာ အတူတူပါပဲ။

ဘုရားကို ဘုရားလို့ သိတာနဲ့ ယုံတာ မတူဘူးနော်။
ယုံတယ်ဆိုတာက အသိဥာဏ် ပါချင်မှ ပါတယ်။
သိတယ်ဆိုတာက ကိုယ်ပိုင်အသိဥာဏ် ပါတယ်။

သစ္စာမသိသမျှကာကလပတ်လုံး သူများပါးစပ်ဖျားမှာ လမ်းဆုံးနေရအုံးမှာပါပဲ။
ဟိုလူပြော ဟုတ်နိုးနိုး ဒီလူပြော ဟုတ်နိုးနိုး ဖြစ်နေရအုံးမှာပဲ။

လူတိုင်း အသက်ရှုချင်းသာတူရင် မကျန်းမမာမဖြစ်လို့ ဆေးရုံ ဆေးခန်းဆိုတာတောင်ရှိမှာ မဟုတ်ဘူး

ဓမ္မမျက်စိဆိုတာ ဖြစ်ခြင်းသဘောရှိသမျှ အရာအားလုံးဟာ ပျက်ခြင်းအဆုံးရှိတယ်ဆိုတာကို ခိုင်ခိုင်မာမာ သိရှိသွားတာပဲ။လိုချင်ခြင်းရဲ့အဆုံး မလိုချင် ခြင်းဆိုတာကို ရောက်ရှိသွားတယ်။

ဘာသာတရားတစ်ခုရဲ့ တန်ဖိုးဆိုတာ အဆုံးအမပဲ ဖြစ်တယ်။ တန်ခိုးပြခြင်း မဟုတ်ပါ။

လောကသားတို့အတွက် မြတ်ဗုဒ္ဓ၏ ကြိုးပမ်းချက်များ

11230853_525302260954878_1343449969899662901_n

မြတ်စွာဘုရားဟာ လောကလူသားတွေအတွက် ပွင့်လာရခြင်းဖြစ်တယ်ဆိုတာ တစ်နေ့ ၂ နာရီလောက်ပဲကျိန်းစက်တော်မူပြီး
၄၅ ဝါ ကာကပတ်လုံး နေ့မအား ညမနား တရားရေအေး တိုက်ကျွေးတော်မူခဲ့တယ် ၊ လောကသားတို့အတွက် မြတ်ဗုဒ္ဓ၏ ကြိုးပမ်းချက်ဟာ အင်မတန်မှ တန်ဖိုးရှိတယ်ပေါ့။

မြတ်စွာဘုရားဟာ အင်္ဂုလိမာလ လို လူကြမ်းကြီးကိုလည်း သိမ်မွေ့စေခဲ့တယ်၊ပဋာစာရီကိုလည်း အရူးဘဝကနေလွတ်အောင် ဓမ္မမျက်စိ ဖွင့်ပေးခဲ့တယ်။ အရှင်ဒေဝဒတ်လို ကိုယ့်အပေါ်
လုပ်ကြံသူကိုလည်း ချစ်သားရာဟုလာနဲ့မခြား သည်းခံခြင်းနဲ့ မေတ္တာထားနိုင်ခဲ့တယ်။ ဘုရားရှင်ရဲ့ ဂုဏ်တော်တွေထဲက သတ္တဝါတွေကို ဆုံးမတဲ့နေရာမှာ အတုမရှိ အနှိုင်းမဲ့ ဂုဏ်ဆိုတာ
အင်မတန် ကြည်ညိုစရာ ကောင်းတယ်ပေါ့။

မြို့ ရွာ တိုက် တာ တွေတောင်မှ လုံအောင် ပိတ်နိုင်သေးတာပဲ။
လက်နှသစ်လောက်ရှိတဲ့ ပါးစပ်တစ်ပေါက်ကိုတော့ လုံအောင် ပိတ်ဖို့ကောင်းတာပေါ့။
ပြောသင့်တဲ့ စကားကို လိုအပ်တဲ့ အချိန်မှာ ပြောကို ပြောရမှာ ဖြစ်တယ်။
အပိုစကားတွေကိုလဲ မလိုအပ်ပဲ မပြောသင့်ဘူးပေါ့။

မှန်ကန်သောရွေးချယ်မှု ၊ အမြှော်အမြင်ကြီးမားမှု၊ စည်းလုံး ညီညွတ်မှု ဆိုတာ မိသားစုတစ်စု တိုးတက်ကြီးပွားဖို့လည်းပဲ  ဒီအချက်(၃)ချက်ပေါ်မှာ မူတည်တာပဲ။
ကျေးရွာတစ်ရွာ၊ရပ်ကွက် တစ်ကွက်၊  မြို့နယ်တစ်မြို့နယ်၊ ခရိုင်တစ်ခု  နောက်ဆုံး တိုင်းပြည် တစ်ခုကြီးပွားတိုးတက်တယ် သာယာတယ် စည်ပင်တယ် ဝပြောတယ်လို့
ဆိုတဲ့အခြေအနေဟာ ဒီအချက်တွေပေါ်မှာ မူတည်တာပဲ ဖြစ်ပါတယ်။ မြတ်စွာဘုရားသခင် ကိုယ်တော်မြတ်ကြီးသည်ပင်လျှင် မှန်ကန်သောလမ်းကြောင်းကို ရွေးချယ်ကျင့်သုံးမှ
မှန်ကန်တဲ့ တရားဓမ္မလမ်းကြောင်း ပေါ်ကို ရောက်တယ်။ စည်းလုံးညီညွတ်မှုဟာ အင်မတန်မှ အေးချမ်းမှုကို ဖြစ်ပေါ်စေတယ် အောင်မြင်မှုကို ဖြစ်ပေါ်စေတယ်ဆိုတာ မြတ်စွာဘုရား ဟောထားတဲ့ ဒေသနာတော်တွေထဲမှာ အထင်အရှားရှိတယ်။ Union is strength. ဆိုတာ စည်းလုံးခြင်းဆိုတာ အောင်မြင်ခြင်းရဲ့အကြောင်း ကြီးပွားခြင်းရဲ့ အကြောင်းပဲ။
မြန်မာနိုင်ငံဟာ မြတ်ဗုဒ္ဓရဲ့အဆုံးအမတွေကို ရရှိပြီး တကယ့်လိမ္မာယဉ်ကျေးတဲ့ ထိပ်တန်းကျတဲ့ ယဉ်ကျေးမှုကိုအခြေခံပြီးတည်ဆောက်ထားတဲ့ နိုင်ငံတစ်ခုလို့ ဆိုရမှာဖြစ်တယ်။

ဘဝမှာ အမှောင်နဲ့အလင်းဆိုတာကို ခွဲခြားသိဖို့လိုတယ်။ ကိုယ်သွားနေတာဟာ ဘဝရဲ့ အမှောင်ထဲကို သွားနေတာလား သို့မဟုတ် အလင်းထဲကို သွားနေတာလားဆိုတာ သိမှရမယ်။
ဘဝမှာ လူရယ်လို့ ဖြစ်လာပြီဆိုရင် အမှောင်နဲ့အလင်းဆိုတာကို ခွဲခြားသိတတ်ဖို့ လိုအပ်တယ်ပေါ့။ အဲ့ဒီလိုမှ မသိရင် ကိုယ်ဟာ ခြေလှမ်း တစ်လှမ်းပြီး တစ်လှမ်း အမှောင်ထဲသို့ ရောက်သွားခဲ့ရင် မျှော်လင့်ချက်မရှိတဲ့ နေရာမျိုးကို ရောက်ရှိသွားမယ်။ နောက်တစ်ဖန် လူသားတိုင်းဟာ အလင်းထဲ ရောက်နေတာ မဟုတ်ဘူး။ ကိုယ့်ကိုယ်ကို ပြန်လည် စမ်းစစ်ကြည့်ပြီးတော့ မြတ်စွာဘုရား အဆုံးအမတွေကို နာယူပြီးတော့ ငါဟာ အမှောင်ထဲက လူသား ငါဟာ အလင်းထဲက လူလားဆိုတာ ဆုံးဖြတ် သုံးသပ်တတ်ဖို့ လိုအပ်တယ်ပေါ့။

ဘယ်အရာပဲ ဖြစ်ဖြစ် ဆင်ခြင်သုံးသပ်မှုဟာ သိပ်ပြီးတော့ အရေးကြီးတယ်။ နေ့စဉ်နဲ့အမျှ နေထိုင်တဲ့အခါမှာ ကိုယ့်ဘဝအရေးကို ဆင်ခြင်သုံးသပ်မှု မရှိပဲနဲ့ ဖြစ်သလိုနေ ဖြစ်သလိုစား
ဘဝခရီးလျှောက်လှမ်းနေကြတဲ့ ပုဂ္ဂိုလ်တွေက လောကမှာ အများကြီးပဲ။ ထို့အတွက်ကြောင့် ဘဝအရေးမှာ မျှော်လင့်ချက်တွေ ဝေး ပြီးတော့ ကိုယ်သွားနေတဲ့လမ်း အကောင်းထင်ပြီးတော့ သွားနေတော့ အဆိုးနဲ့တွေ့တတ်တယ်။ အဆိုးထင်ပြီးနေတဲ့ အရာတွေကလဲ အကောင်းဖြစ်ချင် ဖြစ်နေမယ်။ အဲ့ဒါကြောင့်မို့လို့ ဘဝတစ်ခုမှာ ဘယ်ဟာက အမှောင်လဲ ဘယ်ဟာက အလင်းလဲ ဆိုတာ ရှင်းရှင်း လင်းလင်း သိဖို့ အရေးကြီးတယ်။ ဒီလိုသိဖို့ဆိုတာ သာမန်အားဖြင့် ပြောရင် လွယ်တယ်လို့ ထင်ကြမယ်။ သို့သော် ဒီအသိလေးကိုက ဘုရားပွင့်တဲ့ အခါမှ မြတ်စွာဘုရား ဟောကြားမှ သိကြရတာဖြစ်တယ်။ လွယ်လွယ်နဲ့ သိနိုင်တာ မဟုတ်ဘူး။ လောက လူဆိုပြီးတော့ အသိဥာဏ်ရှိတယ် ဦးနှောက်ရှိတယ်ဆိုပြီး ဒီလိုပြောကြပေမယ်လို့  လူတွေမသိတဲ့ အရာက အများကြီးပဲ ဖြစ်တယ်။ မသိလို့ပဲ လူတွေဟာ ယုံမိယုံရာ ယုံပြီးတော့ လျှောက်မိ လျှောက်လှမ်းမိရာ လမ်းကို လျှောက်လှမ်းပြီးတော့ နေကြတယ်။ အမှန်တရားဆိုတာနဲ့ ဝေးကွာပြီးတော့ နေကြတယ်။ လောကလူတွေဟာ မျက်စိတစ်ဆုံးမျှ သာ ကြည့်တတ်ပြီး  ထိုမျက်စိတစ်ဆုံးရဲ့ ဟိုဘက်မှာ ဘာရှိတယ်ဆိုတာ သိနိုင်စွမ်း မရှိကြဘူး။ လောကမှာ ဘုရားပွင့်လာလို့ လောကကို အလင်းရောင်ပေးလိုက်တဲ့အခါမှ လူသားတွေဟာ အလင်းရောင်ပေါ်ပေါက်လာတာ ဖြစ်တယ်။

မြတ်စွာဘုရား ပွင့်လာတဲ့အခါကျမှ လောကမှာ အကြောင်း နဲ့ အကျိုး ၊ အကောင်း  နဲ့ အဆိုး ဆိုတာ ရှိနေတယ် ဘာကြောင့်ဖြစ်တယ်ဆိုတာ ရှင်းလင်းဟောကြားပြီး
လူတွေရဲ့ စွမ်းအား  ကိုယ့်ကိုယ်ကို ထိန်းချုပ်နိုင်တဲ့ စွမ်းရည်သတ္တိတွေ အသိဥာဏ်တွေဟာ လူတွေမှာသာ ရှိတယ်ဆိုတာ လူသာ ပဓာန ဆိုတဲ့ မူဝါဒနဲ့ ဟောပြောလိုက်တဲ့အခါ လူတွေဟာ တန်ဖိုးရှိတဲ့ လူတွေ ဖြစ်လာတယ်။ နို့မို့ ဆိုရင် လူတွေဟာ တန်ဖိုးမဲ့နေတဲ့ အနေအထားမျိုး ဖြစ်တယ်။ သေချာ စဉ်းစားကြည့်ရင် လူ့ရဲ့ တန်ဖိုးဟာ အင်မတန်မှ ကြီးမားတယ်။  မြတ်စွာဘုရား ဟာ လူသားအဖြစ်ကနေ အသိဥာဏ်ပြောင်းပြီး ဘုရား ဖြစ်တော်မူတယ်။ အသိဥာဏ်ရှိတဲ့ ပုဂ္ဂိုလ်တွေဟာ လူ့လောက ကပဲ ပေါ်ထွက်ကြတယ်။

လောကကြီးမှာ အားကိုးမှားနေကြပါတယ်

11200785_866998360026430_8848431713131152699_n

လောကမှာ လူအမျိုးမျိုး သတ္တ၀ါအမျိုးမျိုးရှိတယ်ဆိုတော့ အယူအဆကလည်းအမျိုးမျိုးပါပဲ။ ဒီအမျိုးမျိုးကိုမှ ကိုယ်က ဘယ်ဟာက အကောင်း ၊ ဘယ်ဟာက အဆိုးဆိုတာကို မရွေးချယ်နိုင်ရင်တော့ ဒီလိုနဲ့ပဲ အချိန်ကုန် သွားပါလိမ့်မယ်။ ဘာကောင်းလို့ကောင်းမှန်းလည်းမသိပဲနဲ့ သူများပါးစပ်လမ်းဆုံးပြီးတော့မှ ဟိုဟာဖြစ်ချင်လိုက် ဒီဟာဖြစ်ချင်လိုက်။ အဲ့ဒါကြောင့်လည်း ၃၁ဘုံမှာ မဖြစ်ဖူးခဲ့တဲ့ဘ၀ မရှိတာပါ။ အိမ်သာကျင်းထဲက လောက် တောင်မှ ဖြစ်ခဲ့ဖူးပါပြီ။ ဖြစ်ချင်တဲ့စိတ်တွေကြောင့် ဒုက္ခနဲ့ချည်း တွေ့ခဲ့ရတာပါ။ နိဗ္ဗာန်ဆိုတဲ့ အေးငြိမ်းမှုကိုတော့ အခုဘုရားသာသနာရှိတုန်း ဆရာကောင်း သမားကောင်းတွေနဲ့ကြုံတုန်းမှာ တစ်သံသရာလုံးကန်းလာတဲ့ ဥာဏ်မျက်လုံးကို ရအောင်ယူဖို့ပဲ အရေးကြီးပါတယ်။ အဲ့ဒီဥာဏ်မျက်လုံး သစ္စာသိတဲ့ အသိဥာဏ်နဲ့အတူ ကိုယ့်စိတ်ရဲ့ အေးချမ်းမှု အစစ်နဲ့အတူ ရရှိပါလိမ့်မယ်။ ဒီလမ်းကလွဲရင် ကျန်တဲ့လမ်းတွေက ဒုက္ခချည်းပါပဲ။ ကိုယ်မဖြစ်ဖူးခဲ့တဲ့ ဘ၀မရှိပါဘူး။ လောကီချမ်းသာလို့ သတ်မှတ်ထားတဲ့ဘ၀တွေမှာလဲ ကိုယ်မရဖူးခဲ့တဲ့ ချမ်းသာ ဆိုတာလဲမရှိပါဘူး။ အဲ့ဒါကိုတော့ ဘာမှယုံမှားသံသယမရှိပါနဲ့။ သံသရာက အင်မတန်ရှည်လွန်းတော့ ကိုယ်ဖြစ်ချင်တဲ့ ဘ၀တွေကို တစ်ချိန်ချိန်တော့ ဖြစ်တာပါပဲ။ ဒါပေမယ့်အ၀ိဇ္ဇာက ဖုံးထားတော့ လိုချင်ပြီးရင် လို ချင် နေတာပါပဲ။ တရားအားထုတ်တယ်ဆိုတာကတော့ ကိုယ့်ရဲ့ အဲ့ဒီလိုချင်ပြီးရင် လိုချင် ဖြစ်ချင်နေတဲ့ စိတ်တွေကို ဝိပဿနာ မဂ်ဓားနဲ့ ဖြတ်ချပစ်ရတာပါပဲ။

 

လောကကြီးမှာက အားကိုးမှားနေကြပါတယ်။ အနိစ္စ အနိစ္စချင်းအားကိုးနေကြတယ်။ သာမန် သူလို ကိုယ်လိုအ ချင်းချင်းကိုပဲ အထင်ကြီးနေကြတယ်၊ အားကိုးတယ်။ အဲ့ဒါကြောင့်လည်း ဘယ်တော့မှ မဆုံးနိုင်အောင် အားကိုး ရှာရတဲ့ပြဿနာဖြစ်နေရပါတယ်။ ဘုရား တရား သံဃာကိုပဲအားကိုးရမယ်လို့ ပြောဆိုဆုံးမသံက အင်မတန် နည်းပါတယ်။ ဦးဇင်းလည်း ငယ်ငယ်ထဲက ဦးလေးတွေ အဒေါ်တွေ မိဘဆွေမျိုးတွေကို အားကိုးတယ်။ သူတို့ ကိုယ်တိုင်က အားကိုးမခံတဲ့အတွက် ရှင်ကွဲ ကွဲရတာနဲ့ သေကွဲ ကွဲရတာနဲ့ ဖြစ်လာတာပါပဲ။ သူငယ်ချင်း အပေါင်း အသင်းတွေလည်း အများကြီး ပေါင်းသင်းပြီးတော့မှ ရောက်တဲ့နေရာတော့ အားကိုးရှာတာပါပဲ။ ငယ် ရွယ်စဉ်ကတော့သူများကိုပဲ မှီခိုရတာပါပဲ။ အဲ့ဒီအားကိုးတဲ့သူတွေကလည်း သူတို့ကိုယ်တိုင်ကိုယ်က စိုးရိမ်ပူပန် မှုနဲ့ ငိုလိုက် ရယ်လိုက်နဲ့ပဲဆိုတော့ သူတို့ကို အားကိုးရတာလည်း ခိုင်မြဲတဲ့အားကိုးရာ အစစ်မဟုတ်ဘူးဆိုတာ ကို နားလည် လာပါတယ်။ ဒါပေမယ့် ဘယ်ဟာကို အားကိုးရမှန်း မသိတော့ တစ်ခုပြီးတစ်ခု အားကိုးပြောင်းတာ ပါပဲ။ မိဘကို အားကိုးတော့လည်း သူတို့ကိုယ်တိုင်ကိုယ်က အားကိုးရှာနေကြတာပါ။ တစ်ယောက်ကို တစ် ယောက် အပြန်အလှန်အားကိုးနေကြတာပါ။ အရွယ်ရောက်လာလို့ ကိုယ့်ခြေထောက်ပေါ် ကိုယ် ရည်တည်မယ် ဆိုပြီး စီးပွားရှာတော့လည်း ကိုယ့်ကိုယ်ကို အားကိုးမယ်ဆိုတော့လည်း လောဘ ဒေါသ မောဟတွေက အင်မ တန် များပြားလာပါတယ်။ ကိုယ့်ရဲ့ လုပ်နိုင်ကိုင်နိုင်တဲ့ အရည်အချင်း၊ စီးပွားရှာနိုင်တဲ့ အရည်အချင်း ၊ ပညာ အရည်အချင်းတွေကို အားကိုးပြီးတော့မှ မာန်မာန တက်စရာတွေ ဖြစ်လာရပါတယ်။ ရရှိလာတဲ့ ပစ္စည်းဥစ္စာတွေ ပေါ်မှာ စိုးရိမ်ကြောင့်ကြမှုတွေ ဖြစ်လာရပါတယ်။ မရမှာကိုလည်း ပူပန်ရတယ် ရပြီးသားတွေ ဆုံးရှုံးမှာကိုလည်း စိုးရိမ် ထိတ်လန့်လာ ရပါတယ်။ အများနဲ့ပတ်သက်လာတော့ ကိုယ်နဲ့ပတ်သက်တဲ့လူတွေကို အားကိုးတော့ လည်း သူတို့ရဲ့ အပူမီးတွေကပါ ကိုယ့်ကို လောင်တာပါပဲ။ ကောင်းတာလည်း ခံရတယ် ဆိုးတာလည်း ခံရပါ တယ်။

 

လောကမှာ မြင် မြင်သမျှ ကြား ကြားသမျှ ဘာတစ်ခုမှ ခိုင်ခန့်တာမရှိဘူးဆိုတာ တဖြည်းဖြည်း နားလည်လာရ ပါတယ်။ အဲ့လိုနားလည်မှပဲ အဲ့ဒီအပေါ်မှာ ခင်မင်တဲ့လိုချင်တပ်မက်တဲ့ စိတ်တွေ တဖြည်းဖြည်းနဲ့ လျော့ပါးလာ မှာပါ။ လောကဓံအမျိုးမျိုးနဲ့ တွေ့ကြုံသော်လည်းပဲ စိတ်ဓာတ်က မယိမ်းမယိုင်နဲ့ ကျောက်တိုင်လို ဖြစ်လာပါလိမ့် မယ်။ လောကမှာ ဘုရားသာသနာရှိရက်နဲ့  မိုးကုတ်ဆရာတော် ဘုရားကြီး ၊ စွန်းလွန်းဂူဆရာတော် ဘုရားကြီး၊ သဲအင်းဂူ ဆရာတော် ဘုရားကြီးတို့လို့ ရှိရက်နဲ့ ကိုယ်အားကျတာ လွဲနေခဲ့တာပါ။  ကိုယ်အားကျတာက စီးပွား ရေးမှာ အောင်မြင်တဲ့သူတွေ ကျော်ကြားသူတွေရဲ့ ဘ၀ကိုအားကျခဲ့တာပါ။ သူတို့လိုဖြစ်ရင်တော့ ကောင်းမှာပဲ ဆိုပြီး ကြိုးစားခဲ့လို့ အတိုင်းအတာ တစ်ခုထိရလာတော့လည်း ဒီဟာတွေဟာ ဘာမှ မဟုတ်ဘူးဆိုတာကို သူတို့ ဘ၀ထဲကို ထဲထဲဝင်ဝင် ၀င်ကြည့်တော့မှ သူတို့လုပ်တဲ့ အလုပ်ကို လုပ်ကြည့်တော့မှပဲ အနှစ်သာရ မရှိဘူးဆို တာကို နားလည်လာတာပါပဲ။ အဲ့ဒီအချိန်မှာ အင်မတန်ကုသိုလ်ကံကောင်းလွန်းလို့ တရားနဲ့တွေ့တဲ့ အတွက် တရားကိုအားကိုးမိလို့ အခုအချိန်မှာတော့ မတရားကို အားကိုးရတဲ့ ဘ၀က လွတ်တာပါ။

 

တရားဆိုတာ ကိုယ် အားကိုးရင် အားကိုးသလောက် ကိုယ့်အတွက် ပစ္စုပန်အေးချမ်းမှုရော သံသရာခရီးအတွက်အေးချမ်းမှုရော ရပါ လိမ့်မယ်။ ကျန်တာကတော့ အားကိုးရာ အစစ်မဟုတ်တဲ့အတွက် အခုလည်း ပူပန်ရပါလိမ့်မယ်။ သံသရာမှာ လည်း ကိုယ်သေရင်ခံရမယ့် ဒုက္ခကလည်း မဆုံးနိုင် အောင် ဆင်းရဲ ရပါလိမ့်မယ်။ အဲ့ဒါကြောင့် အခုအချိန်မှာ ဘုရားသာသနာလေးရှိတုန်း ကိုယ်ကကျင့်ကြံအားထုတ်မယ်ဆိုရင်တော့ ကိုယ့်အတွက် စိတ်ချရတဲ့ အသိဥာဏ် ဘယ်တော့မှ မရဖူးသေးတဲ့ ချမ်းသာအစစ်ကို ရရှိနိုင်ပါတယ်။ ဒီအချိန်လေးနဲ့ ဒီသာသနာလေးနဲ့ ကြုံနေတာကို က အင်မတန် ကုသိုလ်ကံကောင်းလွန်းလို့ပါ။ ဒီအဖိုးတန်တဲ့ အချိန်လေးကို အလွဲသုံးစားမလုပ်မိဖို့ စက္ကန့်တိုင်း စက္ကန့်တိုင်းမှာ ကိုယ့်အတွက် အင်မတန် အရေးကြီးပါတယ်။ ဘုရားသာသနာမပွင့်တဲ့ အချိန်မှာ လူဖြစ်ခဲ့တာ တွေက များခဲ့ပါပြီ။ လူ ဖြစ်ခဲ့အုံးတော့ ဆရာကောင်းနဲ့ကြုံနိုင်ဖို့ အခွင့်အရေး၊ သစ္စာတရားတွေ ထောင်နိုင်တဲ့ နား နဲ့ကြုံနိုင်ဖို့ အခွင့် အရေး၊ နားထောင်နိုင်ရင်တောင်မှ ကြားဖူးနားဝရှိရင်တောင်မှ ကျင့်ကြံအားထုတ်နိုင်ဖို့ အခွင့် အရေးဆိုတဲ့ အင်မတန်ခဲယဉ်းတဲ့ အခွင့်အရေးတွေနဲ့ အခုအချိန်မှာတော့ ကြုံကြိုက်နေတာပါ။ ဒီအချိန်လေးမှာ တော့ ကိုယ့်ရဲ့ လောဘ ဒေါသ မောဟခိုင်းတဲ့ မိရိုးဖလာ အလုပ်တွေ တစ်သံသရာလုံးကလုပ်ခဲ့တဲ့ စားဝတ်နေ ရေးကိစ္စတွေနဲ့ အချိ်န်ကုန်နေမယ်ဆိုရင်တော့ကိုယ့်အတွက် အင်မတန် နစ်နာပါလိမ့်မယ်။ ကိုယ်နားမလည်တာ တော့ အသာထားပါ။

ဘုရားက အရေးကြီးတယ် နားလည်တဲ့ ဆရာတော်ဘုရားကြီးတွေက အရေးကြီးတယ်လို့ ပြောထားတော့ သူတို့ရဲ့အမြင်တွေကို ကိုယ်ပိုင်ရဖို့သာ ကြိုးစားပါ။

 

ကိုယ့်ရဲ့အသိဥာဏ်ကို ဘေးဖယ်ထားပါ။ ကိုယ်သိတာ ဘာမှမဟုတ်ဘူးဆိုတာကိုတော့ ကိုယ်တိုင်အားထုတ်ရင် တဖြည်းဖြည်းနားလည် သဘောပေါက် လာပါလိမ့်မယ်။ လောလောဆယ်မှာလည်း ဘုရားကိုယုံကြည်သောအားဖြင့် တစ်သံသရာလုံးမှာ တစ်ခါမှမရဖူးသေးတဲ့စိတ်ရဲ့အေးချမ်းမှု သံသရာခရီးအတွက် စိတ်ချရမှုကို ရရှိစေဖို့အတွက် တရားကိုပဲကြိုးကြိုး စားစားအားထုတ်ပါ။ အခွင့်အရေးကြုံကြိုက်တုန်း ဒီလိုအခွင့်အရေးမျိုးကို နောက်တစ်ချိန်ပြန်ရဖို့က အင်မတန်ခဲယဉ်းပါတယ်။ ရတဲ့အချိန်လေးမှာမှ ကိုယ့်အတွက်စိတ်ချရတဲ့ အသိဥာဏ်လေးကိုမှ ရအောင်မယူလိုက်ဘူးဆိုရင်တော့  ရတဲ့အခွင့် အရေးလေးကိုမှ မိမိရရ မယူလိုက်ဘူးဆိုရင်တော့ နောင်တစ်ချိန် နောင်တရလို့ မဆုံး ဖြစ်ပါလိမ့်မယ်။ နောက်မှဆိုရင်တော့ ဘာမှမတတ်နိုင်တော့ပါဘူး။ ကျန်တဲ့အလုပ်တွေက တစ်သံသရာလုံးမှာ ကိုယ်လုပ်ခဲ့ပြီးပါပြီ။ အဝိဇ္ဇာဖုံးအုပ်ထားလို့ အတိတ်က ကိုယ်လုပ်ခဲ့တာတွေကို မမှတ်မိလို့ပါ အတိတ်မပြောပါနဲ့ အမိဝမ်းထဲမှာ နေခဲ့ရတဲ့ ခံခဲ့ရတဲ့ ဇာတိဒုက္ခတွေကိုတောင်မှ အခုအချိန်မှာ မမှတ်မိတော့ပါ ဘူး။ အဝိဇ္ဇာဖုံးထားတဲ့အတွက် ရတဲ့ အချိန်လေးမှာ ရောက်တဲ့နေရာလေးမှာပဲ မပျော် ပျော်အောင် ကြံဖန်ပြီးနေ တဲ့ ဘ၀တဏှာကြောင့်မို့လို့ ဒုက္ခတွေနဲ့မပြတ်ပဲ ကြုံတွေ နေရတာပါ။ အဲ့တော့ အဝိဇ္ဖာနဲ့တဏှာ ကို ဘုရားအကူ အညီ ဆရာသမားတွေရဲ့ အကူအညီနဲ့ မနိုင် နိုင်အောက် တိုက်ထုတ်ပါ။ ပါရမီ ရှိပြီးသားပါ။ ဝီရိယစိုက်ထုတ် ဖို့ ပဲ လိုပါတော့တယ်။ လောဘ ဒေါသ မောဟဆိုတဲ့ ကိလေသာခိုင်းတဲ့ အလုပ်တွေနဲ့ပဲ အချိန်မကုန်ပဲနဲ့ ဘုရားခိုင်း တဲ့ အလုပ်ကို လုပ်ပါ။ အဲ့ဒါမှ ချမ်းသာအစစ်ကို ရပါလိမ့်မယ်။ နို့မို့ရင်တော့ ဘယ်တော့မှ ဒုက္ခနဲ့အိုး စားကွဲဖို့ မမြင်ပါဘူး။

 

လောကကြီးမှာ ကိုယ်လုပ်တဲ့ အလုပ်တွေက ကိုယ့်ကို အပါယ်က လွတ်မယ်လို့ ဘယ်သူကမှ အာမခံချက်မရှိ ဘူး။ ရုပ်ဝတ္ထုတွေကလည်း စိတ်ချမ်းသာမယ်လို့ အာမ မခံပေးနိုင်ဘူး။ ကိုယ့်ရဲ့စီးပွားရေးလုပ်ဖော်ကိုင်ဖက်တွေ ကလည်း အာမခံချက်မပေးနိုင်ဘူး။ သံသရာခရီးအတွက်လည်း မပေးနိုင်ဘူး။ ပစ္စုပ္ပန်ဘ၀အတွက်လည်း မပေး နိုင်ဘူး။ လောကီနဲ့ပတ်သက်ရင် ဘယ်ဆရာသမားကမှလည်း မပေးနိုင်ပါဘူး။ ကိုယ့်ကိုယ်တောင် မသေချာပါ ဘူး။ ဒီနေ့လား မနက်ဖန်လား ကိုယ်မှီခိုနေရတဲ့ အရာတွေက တလှုပ်လှုပ်ပါပဲ။ မသိတဲ့သူတွေက ရမ်းပြီး အထင် ကြီးတာပဲ ရှိပါတယ်။

 

သဘာဝရိပ်သာဆရာတော် ဦးဥတ္တမသာရ

အမှန်တရားကို သိခွင့်မရဘူးဆိုရင်တော့ အရှုံးကြီး ရှုံးရပါလိမ့်မယ်

11050155_445333748974144_6828756157386206436_o

လောကလူတွေက မိတ်ကောင်းဆွေကောင်း မတွေ့တဲ့အခါကျတော့ ရုပ်ဝတ္ထုပစ္စည်းတွေမှာပဲ ချမ်းသာရှာနေကြ တယ်။ ဘုရားရဲ့သာသနာရှိနေတာတောင်မှ ဘုရားရဲ့အဆုံးအမတွေနဲ့ လေးသင်္ချေနဲ့ကမ္ဘာတစ်သိန်း ပါရမီဖြည့် ပြီးတော့မှ ခင်းပေးခဲ့တဲ့ မဂ္ဂင်လမ်းကို မလျှောက်ပဲနဲ့ တစ်သံသရာလုံးလျှောက်လာခဲ့တဲ့ လောဘ ဒေါသ မောဟ လမ်းတွေပဲ ငါ ငါ့ဥစ္စာဖြစ်ဖို့အလုပ်တွေနဲ့ပဲ အချိန်ကုန်နေကြတာပါ။ ဘုရားသာသနာမရှိတဲ့ အချိန်မှာ လောကီ အလုပ်တွေ လုပ်တာကတော့ ဘာမှမထူးဆန်းပါဘူး။ အခုလိုသာသနာရှိတဲ့အချိန်မှာတော့ တစ်သံသရာလုံး ခံစားလာခဲ့တဲ့ မျက်စိနားနှာခေါင်းလျှာကိုယ်စိတ်ဆိုတဲ့ ဒွါရခြောက်ပေါက်ကနေပြီးတော့မှ အာရုံတွေခံစားလာ တာကို ခဏလျော့ထားပြီးတော့မှ တရားချမ်းသာခံစားနိုင်ဖို့အတွက် ကြိုးစားအားထုတ်ဖို့ အရေးကြီးပါတယ်။

 

ဘုရားသာသနာနဲ့ကြုံပေမယ့် ခန္ဓာသာ သာသနာတွင်းကြုံပြီးတော့ ကိုယ့်ရဲ့ဥာဏ်က ဘုရားသိတဲ့ သစ္စာလေးပါး ဆိုတဲ့ အမှန်တရားကို သိခွင့်မရဘူးဆိုရင်တော့ အရှုံးကြီး ရှုံးရပါလိမ့်မယ်။ အရှုံးကြီး ရှုံးတယ်ဆိုတာက ဒီတရား အသိဥာဏ်ကို ကိုယ်သိတယ်ဆိုရင် လောကီချမ်းသာတွေနဲ့ဘာမှမဆိုင်တဲ့ တကယ့်ချမ်းသာအစစ်ဆိုတဲ့ မဂ်ချမ်း သာ ဖိုလ်ချမ်းသာ နိဗ္ဗာန်ချမ်းသာကို ရရှိနိုင်တဲ့အခြေအနေနဲ့ ကြုံနေတာပါ။ ဒီအချိ်န်လေးကို ကိုယ်က လောဘ ဒေါသ မောဟခိုင်းတဲ့ အလုပ်တွေနဲ့ အလွဲသုံးစားကုန်နေမယ်ဆိုရင်တော့ ကိုယ့်အတွက် အင်မတန်ကို နစ်နာပါ တယ်။ မရနိုင်တဲ့ အချိန်မှာ မရရှိတာကတော့ ကိစ္စမရှိပါဘူး။ အခုအချိန်နဲ့ကြုံနေတဲ့အချိန်မှာ ကိုယ်တစ်သံသရာ လုံးမှာ တစ်ခါမှမဖြစ်ဖူးသေးတဲ့ ကုသိုလ်တွေ မရဖူးသေးတဲ့ ချမ်းသာတွေကို ရရှိနိုင်တဲ့ အခြေ အနေနဲ့ကြုံနေပါ တယ်။ ဒီအချိန်မှာအာရုံခံစားချင်တဲ့ စိတ်တွေကို ခဏလျော့ပြီးတော့မှ ကိုယ်ကတစ်ချိန်မှာ တစ်စိတ်နဲ့အသက် ရှင်တာဆိုတော့ လောကီအာရုံတွေ ခံစားနေတယ်ဆိုရင် တရားချမ်းသာကို မခံစားရနိုင်ပါဘူး။ ဒါကြောင့်မို့လို့ ဘယ်တော့မှမဆုံးနိုင်တဲ့ လောကီအာရုံတွေ ခံစားချင်တဲ့ စိတ်ကို အလိုမလိုက်ပဲနဲ့ ကိုယ့်ရဲ့အပါယ်လေးပါး ပိတ် တဲ့အထိ ပထမနိဗ္ဗာန်ကိုမြင်တဲ့ သောတပတ္တိမဂ်ကိုရတဲ့ အထိတော့ အနည်းဆုံးကြိုးစားအားထုတ်ဖို့ အရေးကြီး ပါတယ်။ ဒီလို ပြောသံဆိုသံ ကျင့်ကြံအားထုတ်တဲ့နည်းကို ပေးတဲ့ဆရာသမားတွေနဲ့ တွေ့ဖို့ဆိုတာ အင်မတန်မှ ခဲယဉ်းပါတယ်။ ကိုယ်က အခုလိုခဲယဉ်းတဲ့ အခြေအနေတွေနဲ့လာပြီးတော့ ကြုံနေတဲ့အချိန်ကို အလွဲသုံးစားမ လုပ်ပဲနဲ့ ကြိုးကြိုးစားစားအားထုတ်ရင်တော့ ကိုယ့်ရဲ့အပါယ်လေးပါး တံခါးက လုံးဝပိတ်သွားနိုင်ပါတယ်။ ကိုယ့် ရဲ့အဖိုးတန်တဲ့ အချိန်တွေကို အလွဲသုံးစားမလုပ်ပါနဲ့။

 

လောကမှာ ကိုယ်ဆက်ဆံတဲ့ လူတွေနဲ့ ဆန့်ကျင်ဘက် ဖြစ်လာပါတယ်။ အသိချင်းကလည်း မတူတော့ပါဘူး။ ကိုယ်နားလည်တဲ့ အမှန်တရား လောကလူတွေနားလည်တဲ့ အမှန်တရား တဖြည်းဖြည်းနဲ့ကွာခြားသထက် ကွာ ခြားလာတာပါ။ အဲ့ဒီအခါမျိုးမှာ ကိုယ့်ဘက်မှာ ဘုရားနဲ့ မိုးကုတ်ဆရာတော်ဘုရားကြီးတို့က လွဲပြီးတော့ ဘယ် သူမှ မရှိတဲ့အတွက်လည်း တော်ရုံတန်ရုံစိတ်ဓာတ်အင်အားနဲ့ ဒီအလုပ်ကိုဆက်ပြီးတော့ မလုပ်နိုင်ပါဘူး။ အကြိမ်ကြိမ် စိတ်ဓာတ်ကျရပါတယ်။ ကိုယ့်ကိုယ်ကို သံသယဝင်တဲ့ စိတ်တွေ ဖြစ်မှ ဖြစ်နိုင်ပါ့မလား ဒီလမ်းကို ဆက်လျှောက်လို့ ဆုံးအောင်မှရောက်ပါ့မလားဆိုတဲ့ အတွေးစိတ်တွေကလည်း အမျိုးမျိုးနှိပ်စက်ပါတယ်။

တ လောကလုံးကတော့ ကိုယ်လို သူလို နေကြတာပါပဲ။ တဏှာခိုင်းတဲ့အလုပ်နဲ့ပဲ အချိန်ကုန်နေတဲ့ အခါမှာ ကိုယ် က ဥာဏ်ခိုင်းတဲ့အလုပ်ကို လုပ်ရတဲ့အခါကျတော့ လောကကြီးနဲ့ဆန့်ကျင့်ဘက်ဖြစ်နေတာပါ။ သိတဲ့ အသိ ဥာဏ်ချင်းကလည်း တဖြည်းဖြည်းကွာခြားလာတာနဲ့အမျှ လူတွေနဲ့ပေါင်းသင်းဆက်ဆံရတဲ့အခါမှာလည်း အဆင်မပြေတော့ပါဘူး။ ကိုယ်ကသိထားတဲ့အကုသိုလ်စိတ်နဲ့ လောကီလူတွေ သိတဲ့အကုသိုလ်စိတ်က မတူပါ ဘူး။ တရားသမားသိတဲ့ကောင်းမှု မကောင်းမှု ဆိုတာနဲ့ လောကလူတွေနားလည်နေတဲ့ လောက က သတ်မှတ် ထားတဲ့ ကောင်းမှု မကောင်းမှု ဆိုတာလည်း တစ်ခြားစီပါပဲ။

လောကီမှာသတ်မှတ်ထားတဲ့ လူဆိုတာ ဘယ်လို နေရမယ်၊ ဘယ်နှနာရီအိပ်ရမယ်၊ ဘယ်လိုစားသောက်ရမယ် ၊ဘယ်လိုအစားအစာတွေ စားရမယ်၊ ကျန်းမာဖို့အ တွက် ဘယ်လိုနေထိုင်ရမယ် ဒီဟာတွေအကုန်လုံးကလည်း တရားနဲ့တွေ့တဲ့အခါကျတော့ ဘာတစ်ခုမှ မမှန် ကန်တာကို တဖြည်းဖြည်းနဲ့ နားလည်လာတာပါပဲ။ လောကီဆိုတာက လောဘ ဒေါသ မောဟနဲ့ နေတဲ့လူတွေ အတွက် သတ်မှတ်ထားတဲ့ လောကီကျင့်ဝတ်တွေပါ။ ဒါတွေက တရားအားထုတ်တဲ့အခါကျတော့ ဘာတစ်ခုမှ မလိုအပ်တော့ပါဘူး။ တရားအားထုတ်လေ စားချင် သောက်ချင်စိတ်ကလဲ အားနည်းပါတယ်။ အိပ်ချင်တဲ့ စိတ် ကလည်း အားနည်းပါတယ်။ ခန္ဓာကိုယ်က တရားကိုနှလုံးသွင်းတဲ့အတွက် အေးချမ်းတဲ့စိတ် ဖြစ်နေလို့လည်း ရုပ်ကပါ အေးချမ်းပြီးတော့မှ ကိုယ်လက် လှုပ်ရှားမှုလည်း လုပ်ဖို့ မလိုသလောက်ပါပဲ။

 

ဦးဇင်း တရားမထိုင်ခင် တုန်းကဆိုရင်တော့ မနက်တိုင်း တစ်ရက် တနာရီလောက် လမ်းလျှောက်တယ် ပြေးတယ်။ အဲ့ဒါလုပ်မှ လူက နေလို့ထိုင်လို့ ကောင်းတာ။ တရားနဲ့တွေ့တဲ့အခါကျတော့ မနက်တစ်ရက်ကို တစ်နာရီ တရားထိုင်တာနဲ့ပဲ ဘာ လေ့ကျင့်ခန်းမှ လုပ်ဖို့ မလိုပဲနဲ့ကို နေလို့ ထိုင်လို့ကောင်းနေတာကို နားလည်လာပါတယ်။ အဲ့လိုတရားရဲ့အကျိုး ကျေးဇူးတွေကို ပိုပြီးတော့ နားလည်လေလေ လောကီသတ်မှတ်ချက်တွေက ကိုယ်နဲ့မဆိုင်ဘူးဆိုတာကို ပိုပြီး တော့မှ နားလည် လာလေလေပါပဲ။ ပြီးတော့ ဒီလမ်းကို ပိုပြီးတော့မှ လျှောက်နိုင်လာပါတယ်။ ဒါပေမယ့် အဲ့ဒီလို တရားလမ်းကြောင်းပေါ်ကို တရားအားမထုတ်ရ မနေနိုင်တဲ့ အကျင့်ထိ ဖြစ်ဖို့ကတော့ တော်တော်လေးကြိုးစား တိုက်ခိုက်ပြီးတော့မှ ယူရပါတယ်။ ကိုယ့်မှာတရားနဲ့နေတဲ့အကျင့်လေး မြဲမြဲမြံမြံမဖြစ်လာခင်မှာ ဒီလိုဖြစ်လာဖို့အ တွက်ကို မဖြစ်အောင်ဆိုပြီးတော့မှ နှောင့်ယှက်တားဆီးတဲ့ အခက်အခဲတွေက တော်တော်လေးကိုကြုံပါတယ်။ ဒီဟာတွေကို တွန်းလှန်ချေဖျက်နိုင်တယ်ဆိုရင်လည်း ဒီအခက်အခဲတွေကို ကိုယ်က ဥပေက္ခာပြုသွားနိုင်တော့ တာပါပဲ။ ဘယ်သူဘာပဲ ပြောပြော ဂရုမစိုက်တော့ပါဘူး။

 

သူများပြောလို့ မှန်တယ် မှားတယ်မလုပ်တော့ပဲနဲ့ ကိုယ့်ခန္ဓာထဲမှာ ကိုယ် ကိုယ်တိုင်ဘုရားပြောလို့ ရှာဖွေသိရတဲ့ အသိရှိလာလို့ စိတ်ဓာတ်ကအင်မတန်မာကြော ပြီး ရဲရင့်လာပါတယ်။ ဘယ်သူ ဘာပဲပြောပြော ဒီအမှန်တရားကို သံသယမဖြစ်တော့ပါဘူး။ ကိုယ်သိထားတဲ့ အသိဥာဏ်အပေါ်မှာ ယုံကြည်စိတ်ချတဲ့စိတ် များသထက် များလာပါတယ်။ သံသယစိတ်တွေ တွေးတောတဲ့ စိတ်တွေ စိုးရိမ်ထိတ်လန့်တဲ့စိတ်တွေ ဟိုဟာဖြစ်ချင် ဒီဟာဖြစ်ချင် လိုချင်နေတဲ့စိတ်တွေနဲ့ ဂဏာမငြိမ်ဖြစ်လွန်း တဲ့ စိတ်တွေ ဒီမကောင်းတဲ့ စိတ်တွေက အားနည်းသထက် နည်းလာပါတယ်။ အဲ့ဒီမှာ စိတ်ရဲ့အေးချမ်းမှုကို ရ လာတာပါ။ ခက်ခဲတာကတော့ ဒီလမ်းကြော စလျှောက်တဲ့အခါမှာ တသံသရာလုံးမှာ တစ်ခါမှ မလုပ်ဖူးတဲ့ အလုပ်ဖြစ်တဲ့အတွက်လည်း ဒီအကျင့်လေး မြဲသွားဖို့ ဒီတရားအသိဥာဏ်ဆိုတာက သံသရာခရီးမှာ ယူသွားလို့ ရတဲ့ အသိဥာဏ်ပါ။ သုဂတိနဲ့ နိဗ္ဗာန်ကိုပဲ ပို့မှာပါ။ ကိုယ့်အတွက် ချမ်းသာအစစ်ဆိုတာက ဒီတရားအသိဥာဏ်ပဲ ဆိုတာကို ပိုင်ပိုင်နိုင်နိုင် နားလည်ဖို့ အရေးကြီးပါတယ်။ အဲ့တော့လည်း မဖြစ်ဖူးသေးတဲ့ကုသိုလ်ဆိုလို့ ဝိပဿ နာကုသိုလ် မဂ်ကုသိုလ် ဖိုလ်ကုသိုလ် ဒါပဲရှိပါတယ်။ အဲ့တော့ ဒီအကျင့်လေးမြဲသွားဖို့အတွက် မလျော့သော ဇွဲ နဲ့ ကြိုးစားပြီး အားထုတ်ပါ။

ဒီတစ်ခါမှ လွဲသွားတယ်ဆိုရင်တော့ နောင်တစ်ကြိမ်လဲ လွဲရအုံးမှာပါ။ ဘုရားအဆူဆူတွေနဲ့လည်း လွဲခဲ့ပြီးပါပြီ။ ဆရာကောင်းသမားကောင်းတွေနဲ့လည်း လွဲခဲ့ပြီးပါပြီ။

 

ကိုယ်ကတစ်သံသရာလုံးမှာ ကိုယ့်တဏှာကခိုင်းတဲ့ အ လုပ်ကိုပဲ ခေါင်းငြိမ့်လိုက်နေရတဲ့အတွက် ဥာဏ်ခိုင်းတဲ့အလုပ်ကို တစ်ခါမှ မလုပ်ခဲ့တာပါ။ ဒီအချိန်မှာတော့ ဥာဏ်ခိုင်းတဲ့အလုပ်ကို ကြိုးစားပြီး လုပ်ဖို့ အရေးကြီးပါတယ်။ အခုဘုရားသာသနာရှိတုန်းလေးမှာ သစ္စာသိတဲ့ ဥာဏ် နှလုံးသားမှာကိုယ်ပိုင် ယူသွားနိုင်ဖို့ ကြိုးစားရပါလိမ့်မယ်။ ၃၁ဘုံမှာရှိတဲ့ ချမ်းသာတွေကတော့ အထင် ချမ်းသာပါပဲ။ ချမ်းသာတယ်လို့ ထင်ရတာပါ။ တကယ်တမ်း ကိုယ် ကိုယ်တိုင်ကြိုးစားလို့ ရရှိတဲ့အခါကျရင်တော့ ဒီထင်ရတဲ့ ချမ်းသာကို မခံစားရပါဘူး။ တကယ်မရှိတဲ့ ချမ်းသာဖြစ်တဲ့အတွက်လည်း ချမ်းသာသရောင်ရောင် ထင်ရတာပါပဲ။ နိဗ္ဗာန်ချမ်းသာဆိုတာက အမြင်ချမ်းသာပါ။

 

ကိုယ်ကဥာဏ်လေးနဲ့မြင်ပြီးတော့မှ ဒီချမ်းသာကို ကိုယ်တိုင်ခံစားရတာပါ။ လောကီချမ်းသာလိုမျိုး ထင်ရတဲ့ ချမ်းသာမဟုတ်ပါဘူး။

ကိုယ်တိုင်ကျင့်ကြံအားထုတ် ရင် ကိုယ့်မှာကိလေသာနည်းပါးရင် နည်းပါးသလောက် ဒီခန္ဓာအမှန်တရားကို သိရင်သိသလောက် စိ၏အေး ချမ်းမှုကို ကိုယ်တိုင်ခံစာရပါတယ်။ သတ္တ၀ါတိုင်းကတော့ ဝိပဿနာအားမထုတ်ဘူးဆိုရင် ဒီအထင်ချမ်းသာနဲ့ပဲ ကျေနပ်သာယာနေကြပါတယ်။ သူများက ကိုယ့်အပေါ်ဘယ်လိုထင်သလဲ။ ဒီထင်မြင်ချက်တွေကို အမြဲတမ်း ဂ ရုစိုက်နေတာပါပဲ။ သူများ ကိုယ့်ကို အထင်ကြီးခံရဖို့ သူများ ကိုယ့်ကို အားကျခံရဖို့ ကိုယ်က ကိုယ့်ကိုယ်ကို ဘာ မှန်းသေသေချာချာမသိတဲ့အခါကျတော့ သူများရဲ့ အထင်နဲ့ပဲ ကိုယ့်ရဲ့ဘဝကို တည်ဆောက်ရပါတယ်။ လုပ်သ မျှ အကုန်လုံးက ကိုယ့်ရဲ့စိတ်ချမ်းသာမှုအတွက်မဖြစ်ပဲနဲ့ အများအထင်ကြီးခံရဖို့ အများအမြင်မှာ ကြည့်ပျော် ရှု ပျော်ဖြစ်ဖို့ ဒါတွေကိုပဲ အဓိက ထားနေကြပါတယ်။

 

တရားနဲ့မတွေ့ခင်မှာတော့ ဦးဇင်းလည်း ပတ်ဝန်းကျင်ကို အင်မတန် ဂရုစိုက်ရပါတယ်။ သူများက ကိုယ့်အပေါ်ဘယ်လိုထင်မလဲ ကိုယ်လုပ်တဲ့ အပြုအမူတစ်ခုက အပြော အဆိုတစ်ခုက သင့်တော်တယ် မသင့်တော်ဘူး မှားတယ် မှန်တယ်ဆိုတာ ကိုယ့်ဥာဏ်နဲ့ကို ပိုင်ပိုင်နိုင်နိုင် မသိ တဲ့အခါကျတော့ အမြဲတမ်း အများကိုကြည့်ရပါတယ်။ ကိုယ့်ပတ်ဝန်းကျင်အနေအထားကို ကြည့်ပြီးတော့မှပဲ ပြု မူပြောဆိုရပါတယ်။ အများက သီလမလုံဘူးဆိုရင် ကိုယ်ကလည်းသီလ မလုံပါဘူး။ ရောမရောက် ရောမလို ကျင့်ရမယ်ဆိုသလိုပဲ ပတ်ဝန်းကျင်ပေါင်းစုံမှာ ကျင်လည်ရတဲ့အခါကျတော့ ကိုယ်ကျင်လည်ရတဲ့နေရာမှာ ကိုယ် လူတလုံး သူတလုံး ဖြစ်ဖို့ သူများအသိအမှတ်ပြုမှုကိုရရှိဖို့အတွက် အများနဲ့လိုက်လျောညီထွေဖြစ်အောင် နေ ထိုင်ရပါတယ်။ ကိုယ့်အားကိုယ်မကိုးနိုင်သေးတဲ့အချိ်န် အများကိုမှီခိုနေရတဲ့အချိန်မှာတော့ အများရဲ့မျက်နှာကို ပဲ ထင်မြင်ယူဆချက်တွေကိုပဲ ကြည့်နေရတာပါပဲ။

 

တရားအားထုတ်လာတဲ့အခါကျတော့ ကိုယ့်ခန္ဓာအကြောင်း ကိုယ့်စိတ်အကြောင်း ကိုယ့်ရုပ်အကြောင်းကို တဖြည်းဖြည်းနဲ့နားလည်လာပါတယ်။ သူများအပေါ် အထင်ကြီးတဲ့ စိတ် ၊ အထင်သေးတဲ့ စိတ်၊ လောဘ ဒေါသ မောဟစိတ် ၊ သူများအပေါ် အားကျတဲ့ စိတ် မနာလိုတဲ့ စိတ် ဒီစိတ်တွေက ချက်ခြင်းဖြစ် ချက်ခြင်းပျက်သွား တာပဲ။ ဘာမှ အနှစ်သာရမရှိပါဘူး။ ဒါကိုနားလည်လာတဲ့အခါကျတော့ ကိုယ့်ကိုယ်ကို အထင်ကြီးတဲ့ စိတ် ၊ တန်ဖိုးထားတဲ့ စိတ် ၊ မာန်မာန စိတ်တွေဟာ တရားအားမထုတ်ခင်က ကိုယ့်ကိုယ်ကို ရှိမှန်းမသိခဲ့ပါဘူး။ တရား အားထုတ်လို့ လောဘ ဒေါသ မောဟနည်းလာတဲ့အခါကျမှ ရှိမှန်းသိလာရပါတယ်။ ကိုယ့်ခန္ဓာအကြောင်းလည်း ကိုယ်ကောင်းကောင်း သိလာရပါတယ်။ ကိုယ့်ကိုယ်ကို အလေးမထားတဲ့အတွက်လည်း သူများရဲ့ထင်မြင်ချက် တွေလည်း ဂရုမစိုက်တော့ပါဘူး။

 

တရားနဲ့မတွေ့ခင်ကတော့ သူများကစားသလို ကစားချင်တယ်၊ သူများထင်ပေါ်ကျော်ကြားမှု ရသလို ရချင်တယ် ကိုယ့်ရဲ့ရှေ့မှာ ခေါင်းဆောင်ကောင်းမရှိတဲ့အခါကျတော့ ကိုယ်လိုသူလိုပဲ လောဘ ဒေါသ မောဟခိုင်းတဲ့ အလုပ်တွေနဲ့ပဲ ဦးဇင်းရဲ့ဘ၀ ၂၉ နှစ်လုံးလုံး အချိန်ကုန်ခဲ့ရပါတယ်။ ဆယ်တန်းစာမေးပွဲ အောင်ရင်ကောင်းမယ် ထင်တယ်ဆိုပြီး ဆယ်တန်းအောင်ဖို့ ကြိုးစားပါတယ်။ ပြီးတော့ ဘွဲ့ရရင်ကောင်းမှာပဲဆိုပြီး ဘွဲ့ရဖို့ ကြိုးစားရပြန် ပါတယ်။ ပိုက်ဆံရှိရင်ကောင်းမှာပဲဆိုပြီးတော့မှ ပိုက်ဆံရှိဖို့အတွက် ကြိုးစားအားထုတ်ပါတယ်။ ကိုယ်က မရ သေးခင်တော့ စိတ်ထဲမှာကောင်းတယ် ထင်တာပါပဲ။ တကယ်တမ်းကြိုးစားတဲ့အခါကျတော့ ကိုယ်ကိုယ်တိုင် ရ ရှိတဲ့ အခါကျတော့ ဒါတွေက ကိုယ်ထင်သလို မဟုတ်ဘူးဆိုတာ ဘာမှမဟုတ်ဘူးဆိုတာ နားလည်လာတာပါပဲ။

 

လောကီချမ်းသာဆိုတာက အမြဲတမ်း ဒီသဘောတရားပါပဲ။ ကောင်းတယ်လို့ထင်လို့ အထင်ကြီးအားကျလိုက် ကိုယ်ကရအောင် ကြိုးစားအားထုတ်လိုက် ဖြစ်လာတဲ့ အခါကျတော့ ဘာမှမဟုတ်လိုက်။ ရုပ်ဝတ္ထုပစ္စည်းတွေ ရရှိပါလိမ့်မယ်။ ထင်ပေါ်ကျော်ကြားမှုတွေ ရရှိပါလိမ့်မယ်။ ဒါကမျက်စိနဲ့မြင်ရတဲ့ လူတိုင်းသိနိုင်တဲ့ အထင်ကြီး အားကျစရာတွေပါပဲ။ ဒါပေမယ့် လူတွေမသိတဲ့ အကုသိုလ်ဖြစ်တာ လောဘမီး ဒေါသမီး မောဟမီးတွေ အ လောင်ခံရပြီးတော့မှ တဏှာ ဥပါဒါန် ကံဆိုပြီးတော့မှ အခုလိုရုပ်ဝတ္ထုပစ္စည်းတွေ ပိုင်ဆိုင်ဖို့ ထင်ပေါ်ကျော်ကြား မှုတွေ ရရှိဖို့ လောဘ ဒေါသ မောဟနဲ့ ကြိုးစားတဲ့အတွက် ဒီလောဘ ဒေါသ မောဟတွေက ပစ္စုပ္ပန်မှာလဲ ကိုယ့် ကို နဖားကြိုးထိုးပြီးတော့မှ နွားလုပ်ခိုင်းနေတာ သံသရာမှာလဲ ဒီလောဘ ဒေါသ မောဟတွေ ပို့တဲ့ အပါယ်လေး ပါးမှာ ခန္ဓာနဲ့ဆပ်ရမယ်ဆိုတာတွေကို နားမလည်ပါဘူး။ ဘုရားရဲ့ တပည့်သားအစစ်မဟုတ်တဲ့ အခါကျတော့ အ မြင်ကလည်း အင်မတန် သေးသိမ်ပါတယ်။ တစ်ဘဝ တစ်နပ်စာလေးအထင်ကြီးအားကျခံရဖို့ပဲ ကြိုးစားအား ထုတ်တာပါပဲ။ ၃၁ဘုံမှာ ချမ်းသာရှိတာကို မသိတဲ့အခါကျတော့ ဒီလိုပဲ ဟိုဟာဖြစ်ချင် ဒီဟာဖြစ်ချင်နဲ့ ဟိုဟာ ကောင်းနိုးနိုး ဒီဟာကောင်းနိုးနိုးနဲ့ပဲ ဦးဇင်းတို့ သံသရာက အစရှာမရအောင် ရှည်ခဲ့ရပါပြီ။ ဘ၀တိုင်း ဘဝတိုင်း လည်း ဒီချမ်းသာအတု ချမ်းသာအလိမ်တွေနဲ့ပဲ ကိုယ့်ရဲ့အချိန်တွေကို လောဘ ဒေါသ မောဟတွေနဲ့ ဖြုန်းတီး ပစ်ခဲ့ပြီးပါပြီ။

နိဗ္ဗာန်ချမ်းသာဆိုတဲ့ ဘုရားသခင်ကိုယ်တော်မြတ်ကြီး လေးသင်္ချေနဲ့ကမ္ဘာတစ်သိန်း ပါရမီဖြည့်ပြီး ဖော်ထုတ်ပေးခဲ့တဲ့ ချမ်းသာအစစ်ကိုမတွေ့သေးရင်တော့ လောကချမ်းသာထဲမှာပဲ မဆုံးနိုင်တဲ့ လောဘ ဒေါသ မောဟတွေနဲ့ ပဲ မျှောလိုက် မြုပ်လိုက်နဲ့ပဲ သံသရာမှာ မျက်ရည်ကြီးငယ်တွေ ကျရပါလိမ့်မယ်။ အခုအချိန်လေး မှာ တော့ ကိုယ်တစ်ခါမှ မရဖူးသေးတဲ့ ချမ်းသာအစစ်ကိုရဖို့အတွက်ပဲ ကြိုးစားအားထုတ်ရပါလိမ့်မယ်။ ဒီအချိန် လေးပဲ ကိုယ့်မှာကြိုးစားအားထုတ်နိုင်တဲ့ အခြေအနေရှိတာပါ။ သေချာစိတ်ချရတာကတော့ အခုပစ္စုပ္ပန် ကာလ ပါပဲ။ သံသရာဆိုတာ ကိုယ့်မှာသစ္စာသိတဲ့ ဥာဏ်မရှိရင်တော့ ဘယ်ဘဝရောက်လို့ ရောက်မှန်းမသိ လားရာဂတိ က မမြဲတဲ့အတွက်လည်း အခုအချိန်ကိုပဲ တန်ဖိုးထားပြီး အသုံးချရပါလိမ့်မယ်။ ကိုယ့်ရဲ့နေခွင့်ရသလောက် ချမ်း သာအစစ်ကို ခံစားနိုင်ဖို့အတွက်ပဲ မဂ်ချမ်းသာ ဖိုလ်ချမ်းသာ နိဗ္ဗာန်ချမ်းသာနဲ့ နေနိုင်ဖို့အတွက် ကြိုးစားအား ထုတ်ရပါလိမ့်မယ်။

 

လောကီမှာ နေတုန်းကတော့ သူများအထင်ကြီးခံရဖို့ လူ့အောက်မကျဖို့ အပြိုင်အဆိုင်နဲ့ကြိုးစားလာလိုက်တာ သစ္စာတရားဆိုတာ ဘာမှန်းတောင် မသိပါဘူး။ သစ္စာမသိတဲ့အခါကျတော့ လောဘ ဒေါသ မောဟမီးတွေပဲ အ ချိန်ပြည့် အလောင်ခံရပြီးတော့မှ မဆုံးနိုင်တဲ့ သံသရာဝဋ်ဆင်းရဲထဲမှာ ကျင်လည်ရတာပါပဲ။ အခုဘဝမှာတောင် အင်မတန်ပင်ပန်းဆင်းရဲပါတယ်။ ကိုယ်ကလောဘဇောတိုက်လို့သာ ကိုယ့်ကိုယ်ကို ပူလို့ ပူမှန်းမသိ ၊ အကု သိုလ်တွေ ဖြစ်လို့ ဖြစ်မှန်းမသိဘူး။ ငါ ငါ့ဥစ္စာဖြစ်ဖို့ဆိုတဲ့ ရည်ရွယ်ချက်နဲ့ကြိုးစားတဲ့အခါကျတော့ မှားတယ် မှန် တယ်ဆိုတာ လောဘ ဒေါသ မောဟ မျက်လုံးနဲ့ ကိုယ့်ဘက်ကကြည့်တော့ ကိုယ်လုပ်တာဆိုရင် အကုန်မှန်တာ ပါပဲ။ တရားအားထုတ်လို့ ရရှိလာတဲ့ ဥာဏ်မျက်လုံးနဲ့ကြည့်တဲ့အခါကျတော့ ကိုယ်လုပ်တာ တစ်ခုမှ အကောင်း မရှိဘူး။ လောဘကြိုးစွဲရာ သက်သက် ကနေရတဲ့ ရုပ်သေးရုပ်ဘဝရောက်နေရတယ်ဆိုတာကို သေသေချာချာ နားလည်လာတာပါ။ အဲ့လိုနားလည်တဲ့အတွက်လည်း လောကီကို လုပ်ချင် ကိုင်ချင်စိတ် မရှိတော့ပါဘူး။ ဒါတွေ က ဘာမှ အဓိပ္ပါယ်မရှိဘူးဆိုတာကို နားလည်လာပါတယ်။ နားလည်တဲ့အတွက်လည်း နောက်ဆုံးကျတော့ သာ သနာပြုတဲ့လုပ်ငန်းကို ဇောက်ချပြီးလုပ်ရင်းနဲ့ ကိုယ်ဖြစ်ချင်တာတွေ ဖြစ်တော့တာပါပဲ။

 

ဘုရားက လေးသင်္ချေနဲ့ ကမ္ဘာတစ်သိန်းပါရမီဖြည့်ပြီးတော့ အမွေပေးခဲ့တဲ့ တရားအသိဥာဏ်တွေနဲ့ ဦးဇင်းရဲ့ဘဝကို လိုက်နာကျင့်ကြံ အားထုတ်တဲ့အခါကျမှ ကိုယ်ဖြစ်ချင်တာတွေကို ဖြစ်ပါတယ်။ ကိုယ့်စိတ်ရဲ့အေးချမ်းမှုကိုလည်း ရရှိပါတယ်။ ဒီ အေးချမ်းမှုကတော့ ဘယ်သူ့ကိုမှ မမှီခိုတဲ့အတွက် ဘယ်သူကမှလည်း ဖျက်စီးပစ်လို့ မရပါဘူး။ လောကီအေး ချမ်းမှုဆိုတာကတော့ အအေးစစ် ချမ်းသာစစ်မဟုတ်တော့လည်း အမြဲတမ်း ပိုင်ဆိုင်မှုများလေလေ သမုဒယ များလေလေ ဒုက္ခကများလေလေပါပဲ။ ဒီဒုက္ခမီးတွေကို ကိုယ်တိုင်ခံလာခဲ့ရတဲ့အတွက်လည်း ဦးဇင်းတို့ သံသရာ ခရီးသည် ဒုက္ခသည်အချင်းချင်း ၃၁ဘုံမှာချမ်းသာကို လှည့်ပတ်ပြီးရှာနေရတဲ့သူအချင်းချင်း ချမ်းသာအစစ်ကို အားကိုးရာအစစ်ကိုတွေ့စေလိုတဲ့ ဆန္ဒ နဲ့ ဦးဇင်း ပြန်ပြီးတော့ တရားပြပေးပါတယ်။

ခန္ဓာရထားတဲ့ သတ္တဝါတိုင်းကတော့ ကိုယ်ရထားတဲ့ ခန္ဓာကို ငါလို့ အထင်မှားနေတဲ့ အတွက် ဘဝတိုင်း ဘဝ တိုင်း အချိန်တိုင်း အချိန်တိုင်း ကိစ္စပင်လယ်ထဲမှာပဲ မျှော နေပါတယ်။ စားဖို့ကိစ္စ နေဖို့ ကိစ္စ ရှေ့ရေး နောက် ရေး ကိစ္စ သားကိစ္စ သမီးကိစ္စနဲ့ပဲ မဆုံးနိုင်တဲ့ ကိစ္စတွေကြားထဲမှာပဲ ရုန်းရင်းကန်ရင်း သေပွဲဝင်ရတော့တာပါပဲ။ ဆရာကောင်း သမားကောင်းမတွေ့ဘူးဆိုရင်တော့ လောကီကိစ္စတွေနဲ့ပဲ အချိန်ကုန်ပါတယ်။ ဒီခန္ဓာကို ငါလို့ ထင်နေသေးသ၍ကတော့ ငါ ငါ့ဥစ္စာဖြစ်ဖို့ဆိုတာကတော့ အမြဲတမ်းရှိမှာပါပဲ။ ခင်မင်တွယ်တာစရာ သမုဒယများ လေလေ ကိစ္စများလေလေပါပဲ။ ဒီကိစ္စတွေကို အရေးကြီးတယ်လို့ ထင်နေတဲ့စိတ်ကိုက အမြင်မှားနေပါတယ်။ အရေးအကြီးဆုံးအလုပ်က သစ္စာသိဖို့အလုပ်ပါ။

 

ဒီခန္ဓာရဲ့အမှန်တရားကို သိမှသာ ကိုယ်လိုချင်တဲ့ ချမ်းသာအ စစ်ကို ရနိုင်တာပါ။ သစ္စာသိဖို့အလုပ်ဆိုတာလည်း အခုလို ဘုရားသာသနာနဲ့ကြုံတဲ့အချိန် ဆရာကောင်း သမား ကောင်းတွေ ရှိတဲ့အချိန် ကိုယ့်မှာလည်း ဒီတရားတွေကို ထောင်နိုင်တဲ့ ဥာဏ်နားရှိတဲ့အချိန် ကျင့်ကြံအားထုတ် ဖို့ အခွင့်အရေးရှိတဲ့အချိန် ဒီအချိန်လေးမှာသာ ဒီသစ္စာသိတဲ့အလုပ် လုပ်နိုင်တာပါ။ ကိုယ်ကဒီအချိန်နဲ့ကြုံနေ တယ်ဆိုရင် မဆုံးနိုင်တဲ့ ကိစ္စတွေက ခဏဘေးဖယ်ထားရပါလိမ့်မယ်။ ကိစ္စတွေပြီးမှ တရားအားထုတ်မယ်ဆိုရင် တော့ တရားအားထုတ်ဖို့ အချိန်ကို ရလာမှမဟုတ်ပါဘူး။ လောကီဆိုတာက လုပ်လေလေ ကိစ္စကပိုပြီးတော့ များလေလေပါပဲ။ ကိုယ်ကရုန်းလေ ကန်လေလေ ကိစ္စပင်လယ်ထဲမှာပိုပြီးတော့ မျောလေ ကန်ပြီးတော့ မြုပ်လေပါပဲ။ အဲ့တော့ တရားအားထုတ်တယ်ဆိုတာက အချိန်မရွေးရပါဘူး။ နေရာလည်း မရွေးရပါဘူး။ ဒီခန္ဓာထဲမှာ အချိန်တိုင်း နေရာတိုင်းမှာရှိနေတဲ့ အမှန်တရားကို မြင်ဖို့အတွက် သတိပညာ နဲ့ စောင့် ကြည့် ရတဲ့ အလုပ်ဖြစ်တဲ့အတွက်လည်း ကိုယ်ဘာပဲလုပ်နေလုပ်နေ တရားရှုမှတ်နိုင်ဖို့ ကြိုးစားအားထုတ်ရပါတယ်။

 

မဆုံး နိုင်တဲ့ လောကီကိစ္စတွေကို အကြောင်းပြပြီးတော့မှ တရားအားမထုတ်သေးဘူးဆိုရင်တော့ ကိုယ်ရရှိနိုင်တဲ့ မဂ် ချမ်းသာ ဖိုလ်ချမ်းသာ နိဗ္ဗာန်ချမ်းသာဆိုတဲ့ ချမ်းသာအစစ်ကိုရနိုင်တဲ့ အခွင့်အရေး တသံသရာလုံးက တစ်ခါမှ မပိတ်ခဲ့တဲ့ အပါယ်လေးပါးတံခါး တစ်သံသရာလုံးမှာ တစ်ခါမှမဖွင့်နိုင်ခဲ့တဲ့ နိဗ္ဗာန်တံခါး ဒီတံခါးတွေကို ဖွင့်နိုင် ပိတ်နိုင်တဲ့ အခွင့်အရေးတွေကို ဆုံးရှုံးရပါလိမ့်မယ်။ လောကီကိစ္စဆိုတာက လောဘ ဒေါသ မောဟ ခိုင်းတဲ့ အ လုပ်ကို လုပ်တာပါ။ တရားအားထုတ်တယ်ဆိုတာက ဘုရားခိုင်းတဲ့အလုပ်ကို လုပ်တာပါ။ ဘုရားဆိုတာက သတ္တဝါတွေရဲ့အကျိုးအတွက် အနည်းဆုံး လေးသင်္ချေနဲ့ကမ္ဘာတစ်သိန်းပါရမီဖြည့်ပြီးတော့မှ ဘုရားအဖြစ်ကို ရ ယူခဲ့တာပါ။ လောဘ ဒေါသ မောဟဆိုတာ ဘယ်တော့မှ ကောင်းကျိုးမပေးပါဘူး။ ဘုရားရဲ့ သစ္စာတရားတွေ ဆိုတာလည်း ဘယ်တော့မှ ဆိုးကျိုးမပေးပါဘူး။ ကိုယ်လိုက်နိုင်ရင် လိုက်နာနိုင်သလောက် စိတ်၏ချမ်းသာခြင်း ကိုယ်၏ချမ်းသာခြင်းကို ရရှိမှာပါပဲ။ မသိတုန်းက မသိသလို နေလာခဲ့တာ ဆရာကောင်းသမားကောင်းတွေ မတွေ့ခင်မှာတော့ လောဘ ဒေါသ မောဟခိုင်းတဲ့အလုပ်တွေ လုပ်ခဲ့တာ ကိစ္စမရှိပါဘူး။

 

အခုလိုမဂ္ဂင်လမ်းပေါ်ကို လျှောက်နိုင်တဲ့ နည်းလမ်းညွှန်ပြပေးနိုင်တဲ့ မိုးကုတ်ဆရာတော်ဘုရားကြီးတို့လို့ ဆရာသမားကောင်းတွေ ရှိတဲ့ အချိန်မှာတော့ ကိုယ့်ရဲ့အချိန်တွေဟာ အဖိုးတန်တဲ့အချိန် ဖြစ်လာပါပြီ။ ဒီအချိန်ကို အလွဲသုံးစားမလုပ်ဖို့ အရေး ကြီးပါတယ်။ လောကီကိစ္စတွေလုပ်ရင်း ကိုင်ရင်းနဲ့ပဲ တရားအတွက် သီးသန့်အချိန်ပေးပြီးတော့မှ တရားအား ထုတ်ရပါလိမ့်မယ်။ အများအားဖြင့်တော့ တရားဆိုတာ သေခါနီးမှ အားထုတ်ရတယ်လို့ နားလည်ထားကြတာပဲ။ လောကီကိစ္စ ကိုယ်ဒုက္ခရောက်မယ့် ကိစ္စကိုပဲ ရှေ့တန်းတင်ပါတယ်။ လောကုတ္တရာဆိုတာက ဘာမှလုပ်စရာမ ရှိတဲ့အချိန် ကံမွဲ ဥာဏ်မွဲတွေ ရှိတဲ့အချိန်ကျမှ ကိုယ့်ရဲ့စွမ်းရည်မရှိတဲ့အခါကျမှ တစ်သံသရာလုံးချမ်းသာဖို့ ကိစ္စ ကို လုပ်ရမယ်လို့ အသိမှားနေကြပါတယ်။ လောလောဆယ် အများနေနိုင်သလို နေနိုင်ဖို့ ၊ အများ စားသလို စား နိုင်ဖို့ တစ်ဘဝ တစ်နပ်စာလေးကို ငဲ့နေတာ နဲ့ပဲ တစ်သံသရာလုံး ချမ်းသာဖို့ကိစ္စက လစ်လျှူရှု့ခံနေရပါတယ်။

 

တစ်သံသရာလုံး ကိုယ့်လောဘက ခိုင်းတဲ့ ကိလေသာခိုင်းတဲ့ စကားကိုပဲ နားထောင်ခဲ့ပြီးပါပြီ။ အခုလိုဘုရား သာသနာနဲ့ကြုံတဲ့အချိန်လေးမှာမှ ဘုရားပြောတဲ့ စကားကို ဒီခန္ဓာရဲ့အမှန်တရားကိုသိဖို့ ကြိုးစားအားမထုတ် ဘူးဆိုရင်တော့ ဒုက္ခပင်လယ် ကိစ္စပင်လယ်ထဲက လွတ်မြောက်ဖို့ လမ်းမမြင်နိုင်ပါဘူး။ အခုလို ကြိုးစားအား ထုတ်ရင် အားထုတ်သလောက် ရနိုင်မယ့် အခြေအနေလေးနဲ့ လာပြီး ကြုံနေတဲ့ အချိန်မှာတော့ ဒီအချိန်ကို တန် ဖိုးထားရပါလိမ့်မယ်။ လောကီအလုပ်တွေ လုပ်ရင်းကိုင်ရင်းကြားကနေ တရားအလုပ်ကိုကြိုးစားအားထုတ် ရပါလိမ့်မယ်။ အဲ့ဒါမှသာ လောကီဒုက္ခတွေကနေ လွတ်မြောက်ပြီးတော့ ခိုင်မြဲတဲ့ စိတ်၏ချမ်းသာခြင်း ကိုယ်၏ ချမ်းသာခြင်း အစစ်ကို ကိုယ်ကြိုးစားရင်ကြိုးစားသလောက် မြန်မြန်ဆန်ဆန် ရရှိပါလိမ့်မယ်။ တရားချမ်းသာဆို တာ အခုအားထုတ်ရင် အခုခံစားရတာပါပဲ။

 

၃၁ဘုံမှာကျင်လည်ကြတဲ့ သတ္တဝါတိုင်းကတော့ မဂ်ချမ်းသာ ဖိုလ်ချမ်းသာ နိဗ္ဗာချမ်းသာကို ကိုယ့်ဥာဏ်နဲ့ ကိုယ် တိုင်မျက်မှောက်မပြုဖူးသေးဘူးဆိုရင် ဝီစိကိစ္စဆိုတဲ့ သံသယအမြဲတမ်းရှိနေပါတယ်။ ၃၁ဘုံမှာကျင်လည်ကြတဲ့ သတ္တဝါတိုင်း ဘဝတိုင်း ဘဝတိုင်း အားကိုးရှာတာပါပဲ။ ချမ်းသာရှာကြတာပါပဲ။ ဒါပေမယ့် ခိုင်မြဲတဲ့ ချမ်းသာအ စစ် တစ်ခါမှ မတွေ့ခဲ့ကြတော့ ဒီဘဝမှာ ကိုယ့်ခန္ဓာကိုယ် အားကိုးတယ်။ ရုပ်ဝတ္ထုပစ္စည်းတွေ ရာထူးအာဏာတွေ ကိုယ့်မှာပိုင်ဆိုင်တဲ့အရည်အချင်းတွေ သားသမီးတွေ ဆွေမျိုးမိဘတွေ ဒါတွေကို အားကိုးတယ် ယုံကြည်တယ် ဆိုတာကလည်း အမြဲတမ်း သံသယနဲ့ပါပဲ။ ဒီသံသယက ကိုယ့်မှာရှိနေတာတောင် ရှိနေမှန်း သေချာနားမလည် ပါဘူး။ အခုလို ဝိပဿနာအားထုတ်လို့ ဒီသံသယသေသွားတဲ့အခါမှ သောတာပန်တည်သွားတဲ့အခါမှ ဘုရား တရား သံဃာအပေါ်မှာ မဂ်ချမ်းသာ ဖိုလ်ချမ်းသာ နိဗ္ဗာန်ချမ်းသာအပေါ်မှာ ဒါမှသာချမ်းသာအစစ် ဒီခန္ဓာ ဒုက္ခ သစ္စာဆိုတာ ဒါတွေကို ပိုင်ပိုင်နိုင်နိုင် မတုန်မလှုပ် ယုံကြည်သွားတဲ့အခါကျမှ ကိုယ့်မှာ သံသယမရှိဘူးဆိုတာ သေသေချာချာ သိတာပါ။ သံသယရဲ့ ဒုက္ခက အင်မတန်ကြီးတယ်ဆိုတာ နားလည်လာပါတယ်။ ကိုယ့်မှာ သံ သယရှိနေရင်တော့ တစ်သံသရာလုံး အားကိုးမှားလိုက် ဆရာမှားလိုက် ဒုက္ခရောက်လိုက် ချမ်းသာအစစ် အ ကောင်းစစ်ကိုမတွေ့တဲ့အခါကျတော့ အမြဲတမ်း အားကိုးရှာလို့မဆုံး အားကိုးရှာလို့မဆုံး ဆရာရှာလို့မဆုံး ဒုက္ခ ရောက်လို့မဆုံး ဖြစ်ခဲ့ရပါတယ်။

တရားနဲ့နေရင် ဆာလောင်မွတ်သိပ်မှုကလည်း နည်းတဲ့အခါကျတော့ မလိုအပ်ပဲ မစားတော့ပါဘူး။ တရားအား ထုတ်တဲ့အတွက် သီလတွေလုံလာတော့ စိတ်ထဲမှာ အကျိုးရှိတာ အကျိုးမရှိတာ အမှားနဲ့အမှန် အပူနဲ့အအေး ဒါတွေကိုလည်း သေသေချာချာ နားလည်လာတာပါပဲ။ နားလည်လာတော့ ကိုယ့်စိတ်ထဲမှာ မဟုတ်မမှန်တဲ့ စကား ပြောချင်စိတ်ကို မရှိပါဘူး။ အကျိုးမရှိတဲ့စကား အထူးသဖြင့် လောကီစကား လောကီအလုပ်တွေ ဒါတွေ ကို လုပ်တဲ့အခါကျတော့ ကိုယ့်ရဲ့လောဘမီးက ပြင်းပြင်းထန်ထန်လောင်ကျွမ်းတာကို ကိုယ်တိုင်နားလည်တဲ့အ ခါကျတော့ တဖြည်းဖြည်းနဲ့ လောကီက နောက်ဆုတ်တာပါပဲ။ တရားအားထုတ်လာတာနဲ့အမျှ ကိုယ့်မှာသီလ လုံလာတာနဲ့အမျှ မိုးကုတ်ဆရာတော်ဘုရားကြီး ပြောတာတွေက မှန်ကန်တယ်ဆိုတာကို ခြွင်းချက်မရှိ ယုံကြည် လာတာပါပဲ။ သံသယဆိုတဲ့ ဝီစိကိစ္စ ငါဆိုတဲ့ ဒိဌိ ဒီနှစ်ခုကတော့ အင်မတန်မှ ကြောက်စရာ ကောင်းပါတယ်။

 

ဦးဇင်းတို့ တစ်သံသရာလုံး ဒီဒိဌိနဲ့ ဝီစိကိစ္စဆိုတဲ့ သံသယကို အဖော်လုပ်လာခဲ့ပြီးပါပြီ။ ဒီဒိဌိကြောင့်ပဲ ဝီစိကိစ္စ ကြောင့်ပဲ တရားတွေ အားမထုတ်ဖြစ်ပါဘူး။ ဘုရားတွေ ဂင်္ဂါဝါဠုသဲစုမက ပွင့်ခဲ့ပေမယ့် ဒီခန္ဓာကြီးကို ငါထင်နေ တဲ့ အခါကျတော့ ငါ ငါ့ဥစ္စာဖြစ်ဖို့ပဲ ဘုရားရဲ့သစ္စာတရားတွေအပေါ်မှာလည်း သားသမီး ယုံသလောက်ပဲ ကိုယ့် ကိုယ်ကို ယုံသလောက်ပဲ ယုံကြည်နေတော့ ချမ်းသာအစစ်ကိုလည်း တစ်ခါမှ မရခဲ့ပါဘူး။ အခုအချိန်မှာတော့ တစ်သံသရာလုံး ကိုယ့်ကိုအပါယ်လေးပါးမှာ အမြဲနေအိမ်ဖြစ်အောင် ဒုက္ခပေးခဲ့တဲ့ ကိုယ့်ရဲ့ရန်သူ ကိုယ့်ရဲ့အ ထင်မှား ဒီခန္ဓာကို ငါဖြစ်အောင် ထင်နေတဲ့အထင်မှား ဘုရား တရား သံဃာအပေါ်မှာ သံသယရှိတဲ့စိတ်တွေကို အခုလိုတရားရှုမှတ်ရင်းနဲ့ ကိုယ့်ရဲ့အကြီးမားဆုံးရန်သူကို အပြီးတိုင် ရှင်းလင်းပစ်ရပါမယ်။ ဘုရားက အလုံးစုံသိ တဲ့ ဥာဏ်တော်ကြီးနဲ့ ရင်ဝကို လှံစူးတာထက် ဦးခေါင်းကိုမီးလောင်တာထက် ဒီခန္ဓာကို ငါထင်နေတဲ့ အထင်မှား ကို အရေးတကြီးထားပြီး ဖြုတ်ပါလို့ တိုက်တွန်းသွားခဲ့တာပါ။

 

သဘာဝရိပ်သာဆရာတော် ဦးဥတ္တမသာရ

ကိုယ့်ကိုယ်ကို ကောင်းအောင် လုပ်လိုက်ရင် တစ်လောကလုံး ကောင်းသွားတာပဲ

11178267_866998330026433_6066379753011292756_n

ဦးဇင်းတို့ကတော့ ကိုယ်လုပ်စရာရှိတာ လုပ်တာပဲ။ ကိုယ့်တာဝန် ကိုယ်ကျေရင် ကိုယ့်ရဲ့ တာဝန်ကျေ တဲ့စိတ်က သူများကို ကူးစက်ပြီး သူများလည်း တာဝန်ကျေမယ်ဆိုတာကို လုံးဝယုံမှား သံသယမရှိဘူး ဘာလို့လဲဆိုတော့ ဘုရားရှင်လဲ တာဝန်ကျေခဲ့လို့ ဘုရားရဲ့တပည့်သားတွေ အဆင့်ဆင့်တာဝန်ကျေခဲ့ လို့ အခုကိုယ်လည်း တာဝန်ကျေတာဆိုတော့  အခု ဦးဇင်းတာဝန်ကျေတယ်ဆိုရင် ဦးဇင်းနဲ့ပတ်သက် တဲ့ သူတွေလည်း တာဝန်ကျေမှာပဲ။ ကိုယ်က တာဝန်မကျေဘူးဆိုရင်တော့ သူများကလည်း တာဝန် ကျေမှာမဟုတ်ဘူး။ ခေါင်းဆောင်မကောင်းလို့ နောက်လိုက်မကောင်းတာ။ ခေါင်းဆောင်ဆိုတာ ဒီ နောက်လိုက်ထဲက ဖြစ်ရတဲ့ခေါင်းဆောင်ပဲ။ ခေါင်းဆောင်လေး မွေးလာတယ်လို့မှ မရှိပဲ။ အဲ့တော့ နောက်လိုက်ကောင်းဖို့အရေးကြီးရမှာ။ အဲ့ဒါဆို ခေါင်းဆောင်က အလိုလိုကောင်းသွားရော။ အဲ့တော့ လောကကြီးမှာ အရေးကြီးနေတာနဲ့တော့ တစ်ခြားစီပဲ။ ဘယ်သူမကောင်းဖြုတ်လိုက်။ ဘယ်နည်းပြမ ကောင်း ဖြုတ်လိုက်နဲ့ပဲ။ ခေါင်းဆောင်သာ ရွေးနေတာ ခေါင်းဆောင်ကောင်းပဲ ရှာနေကြတယ်။ အမှန် တကယ်က နောက်လိုက်ကောင်းဖြစ်ဖို့ ကြိုးစားရမှာ။

 

တကယ့်အမှန်တရားနဲ့ လူတွေသိတဲ့ အသိနဲ့က တစ်ခြားစီပါပဲ။ ကိုယ့်ကိုယ်ကိုကောင်းအောင် ကြိုးစား ရမှာ။ တစ်ဦးချင်း တစ်ယောက်ချင်းစီက ကိုယ့်ကိုယ်ကို ကောင်းအောင် လုပ်လိုက်ရင် တစ်လောကလုံး ကောင်းသွားတာပဲ။ ဘယ်သူကောင်းသလဲ ဘယ်သူ့မှီခိုမယ်ဆိုတဲ့ လူစွမ်းကောင်းရှာချင်တဲ့ စိတ်ဓာတ် တွေကို စွန့်ရမယ်။ ကိုယ်ကိုယ်တိုင် လူစွမ်းကောင်းဖြစ်ဖို့ကြိုးစားရမယ်။ အားကိုးရာ ရှာချင်နေတဲ့ စိတ် ကို စွန့်ရမယ်။ ကိုယ်ကိုယ်တိုင် အားကိုးရာဖြစ်ဖို့ ကြိုးစားရမှာ။

 

သူတစ်ပါးကိုပဲ အားကိုးဖို့ ရှာချင်နေတဲ့သူတွေပဲ ပေါင်းလိုက်ရင် နာမည်ခံ အားကိုးရာပဲ တွေ့မယ်၊ နာမည်ခံ ဘုရားပဲ တွေ့မယ်။ အားလုံးက ကိုယ်စီကိုယ်ငှ ကိုယ်တိုင်ကြိုးစားဖို့ မကြိုးစားပဲ သူများကိုသာ ကြိုးစားခိုင်းပြီး သူများသာကိုးကွယ်မယ် လုပ်နေတော့  ဘုရားလုပ်စေချင်တာနဲ့ တစ်ခြားစီ ဖြစ်နေပါ တယ်။ ဂင်္ဂါဝါဠုသဲစုမက ဘုရားတွေ ပွင့်သွားပြီ။ အဲ့ဒီလို သူများအားကိုးချင်တဲ့ စိတ်နဲ့ဆို ဘုရားတောင် ဖြစ်စရာမရှိဘူး။ သတ္တဝါအနန္တပဲ ကိုယ်တစ်ယောက်ဘုရားမဖြစ်လဲ ကိစ္စမရှိပါဘူးဆိုတဲ့စိတ်ရှိနေရင် ဘယ်သူမှ ဘုရားဖြစ်စရာအကြောင်းမရှိတော့ဘူး။ ဘယ်သူမှ တရားရစရာမရှိတော့ဘူး။ ကိုယ့်ရဲ့တာ ဝန်မကျေတဲ့စိတ်က သူများကို ကူးစက်ပြီး သူများကလည်း အဲ့ဒီလိုပဲ တွေးမှာပဲ။ ကိုယ်တစ်ယောက် တရားမရ ကိစ္စမရှိပါဘူး။ ကိုယ်တစ်ယောက် စည်းကမ်းပျက် ကိစ္စမရှိပါဘူး။ ကျန်တဲ့သူတွေ စည်းကမ်း ရှိပြီးတာပါပဲ ဆိုပြီး ကိုယ့်ရဲ့ အဲ့ဒီလိုစိတ်ဓာတ်က ကူးစက်ပြီး အားလုံးက စည်းကမ်းမရှိတဲ့သူတွေချည်း ဖြစ်သွားမှာပေါ့။

 

ငါ အသုံးမကျ ကိစ္စမရှိပါဘူး။ အဲ့ဒီစိတ်နဲ့ဆိုရင် အကုန်အသုံးမကျဖြစ်မှာပဲ။ စိတ်ဆိုတာ မမြင်ရပဲနဲ့ ကူး စက်တယ်။ စေတီတွေ၊ ဘုရားရင်ပြင်ပေါ် ရောက်ရင် အေးချမ်းသွားသလိုပေါ့။ ဘာလို့ အေးချမ်းလဲ ဆို တော့ အပြင်မှာက ပူနေလို့။ အပြင်မှာက လောဘ ဒေါသ မောဟတွေနဲ့ ငါ ငါ့ဥစ္စာသိမ်းပိုက်မှု တွေနဲ့ တည်ဆောက်ထားတာ။ ငါ့အိမ်၊ ငါ့တိုက် ၊ ငါ့ကား၊ ငါ့သားသမီး၊ ငါ့မယား ၊ ငါ့ဆွေမျိုး၊ ငါ့ ရာထူးအာ ဏာဆိုပြီး သိမ်းပိုက်ထားတာ။ ဘုရားဆိုတာကျတော့ ငါ ငါ့ဥစ္စာတွေကို စွန့်လွှတ်ထားတာ။

 

သိမ်းပိုက်တယ်ဆိုတော့ စိတ်ဓာတ်တွေက လောဘနဲ့တည်ဆောက်ထားတဲ့ အိမ်မှာနေရတဲ့ စိတ်နဲ့ အလောဘနဲ့တည်ဆောက်ထားတဲ့ စေတီ ဘုရား တွေမှာ နေရတဲ့ စိတ်နဲ့က အင်မတန် ကွာခြားပါ တယ်။ ဘုရားပေါ် ရောက်တော့ အေးချမ်းတယ်ဆိုတာ ဒါ စွန့်လွှတ်တဲ့စိတ်နဲ့ တည်ဆောက်ထားတော့ အေးချမ်းတာပေါ့။ မာန်မာနတွေနဲ့တည်ဆောက်ထားတဲ့ ကိုယ့်အိမ်မှာနေတော့ ပူတာပေါ့။

 

ဘာဖြစ်လို့လဲဆိုတော့ စိတ်ချင်းမတူလို့ ။ ဦးဇင်းတို့ အေးချမ်းတဲ့ စိတ်နဲ့ပြောတာကို နားထောင်တော့ အေးအေးချမ်းချမ်း ဖြစ်တာပေါ့။ ဘုရားရှင်အဆုံးအမတွေ နာကြားရတော့ စိတ်အေးချမ်းတာပေါ့။ ဦးဇင်း ရဲ့ စိတ်က အေးချမ်းတယ်ဆိုရင် မျောနေတဲ့ လူမမာတွေတောင် စိတ်အေးချမ်းမှု ကူးစက်သွား ပါတယ်။ ဆရာဝန်တွေ ရှု့ထောင်ကကြည့်ရင်တော့ မဖြစ်နိုင်စရာပေါ့။ မျောနေတဲ့ လူမမာတစ်ယောက် ကို ဦးဇင်းတို့က စိတ်ပြောင်းပေးလိုက်တာပါ။

 

ကိုယ့်ဟာကိုယ် ရှာစားရတာနဲ့ ဆွမ်းခံစားရတာ ဘာကွာလဲဆိုတော့ စေတနာကွာတာပေါ့။ ကိုယ့်ဘာ သာ ရှာစားတာကျတော့ ကိုယ့်လောဘနဲ့ကိုယ်ကြိုက်တာ ကိုယ်ဝယ်စား စေတနာ နည်းတယ်ပေါ့။ ဆွမ်းခံစားတာကျတော့ သူများက စေတနာနဲ့ကျွေးတာဆိုတော့  စားစရာကတော့ ဒီစားစရာပါပဲ။ စေတနာ ပါတာနဲ့ မပါတာနဲ့ ကွာတဲ့အခါကျတော့ ဆွမ်းခံပြီးစားရတာ အန္တရာယ်ကင်းတာပေါ့။ စေတနာ နဲ့ကျွေးတာပဲ စားရမှာ ကိုယ်စားချင်တာ စားရမှာမဟုတ်ဘူး။ ကိုယ့်မာန်မာနဲ့ကိုယ် ရှာစားတာ နဲ့ သူများက စေတနာနဲ့ကျွေးတာ မတူပါဘူး။ သူများက စေတနာနဲ့ပေးတာပဲ ဝတ်ရမှာ။ လူတွေလို ကိုယ်ဝတ်ချင်တာ ဝတ်နေတော့ မာန်မာနတက်တာပေါ့။ သူများစေတနာကို အလှူခံရမှာ၊ လူတွေလို လိုချင်တဲ့စိတ်နဲ့ ဓားပြတိုက်ယူရမှာမဟုတ်ဘူး။ စေတနာကို တန်ဖိုးထားရမှာ။ နည်းတာ များတာကို တန်ဖိုးထားရမှာမဟုတ်ဘူး။ သတ်မှတ်ချက်တွေကို တန်ဖိုးထားရမှာမဟုတ်ဘူး။ စေတနာအားကြီးတာ နဲ့ အားနည်းတာကိုပဲ တန်ဖိုးထားရမှာ။ လောကကြီး ဂရုစိုက်နေတာ တန်ဖိုးထားနေတာနဲ့တော့ တစ်ခြားစီပါပဲ။

 

ဘုရားခင်းတဲ့လမ်းက အင်မတန်အပြစ်ကင်းတယ်ဆိုတာ သိသွားတယ်။ ဘဝကို စွန့်လွှတ်ခြင်းနဲ့တည် ဆောက် ၊ စွန့်လွှတ်ခြင်းနဲ့ ချမ်းသာရှာ။ စွန့်လွှတ်တာ အလောဘ အဒေါသ အမောဟ။ လောဘ ဒေါသ မောဟနဲ့တည်ဆောက်နေလို့ ပြဿနာတက်နေတာ။ ပြဿနာဆိုတာလည်း လူတွေသိတဲ့ ပြဿနာကို ပြောနေတာ မဟုတ်ပါဘူး။ လူတွေကတော့ ပြဿနာမရှိဘူးပဲ ထင်နေတာ။ ငါမှ ငါ ဆိုတဲ့ ပြဿနာ တက်နေတာကိုတော့ မသိဘူး။ တစ်ခြားတာဝန်တွေ မကျေတာ ကိစ္စမရှိပါဘူး။ လူတွေသတ်မှတ် ထားတဲ့ သားသမီးတာဝန်မကျေတာ ၊ နိုင်ငံအပေါ် တာဝန်မကျေတာတွေ မဟုတ်ပါဘူး။ ဘုရားရှင် ဖြစ် စေချင်တဲ့ ဓမ္မအပေါ် တာဝန်ကျေဖို့လိုပါတယ်။ ဘုရားရှင် သိစေချင် လုပ်စေချင်တာ ပြုလုပ်နိုင်ဖို့ပဲ အ ရေးကြီးပါ။ လူတွေသတ်မှတ်ထားတဲ့ ပေတံနဲ့မဟုတ်ပဲ ဘုရားရှင် သတ်မှတ်ထားတဲ့ ဥာဏ်ပေတံနဲ့ပဲ တိုင်းတာပါ။

 

သဘာဝရိပ်သာဆရာတော် ဦးဥတ္တမသာရ

ဘဝဆိုတာ အင်မတန်ပြင်းထန်တဲ့ တိုက်ပွဲပဲ

10991591_857753407617964_3929180445559149985_o

မြတ်စွာဘုရားရှင်က တရားအားထုတ်ဖို့ တိုက်တွန်းတယ်ဆိုတာ လောကီလူသားတွေ လွတ်လပ်ရေး ဆုံးရှုံးနေလို့ ။ လွတ်လပ်ရေးဆုံးရှုံးနေလို့ဆိုပြီး ဓား လှံ လက်နက်တွေ အားကိုးလို့မရဘူး။ ဒါတွေအား ကိုးပြီး တိုက်ရင်တော့ သတ်မှတ်ထားတဲ့ လွတ်လပ်ရေးပဲ ရမယ်။ သတ်မှတ်ထားတဲ့ လွတ်လပ်ရေးဆို တော့ ပြန်ပြီးတော့မှ ဆုံးရှုံးမှာ ပူနေရမယ်။ ဘုရားရှာဖွေဖော်ထုတ်ပေးတဲ့ လွတ်လပ်ရေးဆိုတာကျ တော့ ရပြီဆိုတာနဲ့ ဘာမှကာကွယ်စောင့်ရှောက်စရာမလိုတော့ဘူး။ တစ်ခါတည်းအပြီးပဲ ဘယ်တော့မှ ပြန်ပြီးမဆုံးရှုံးတော့ဘူး ဘယ်သူကမှလု့ယူလို့မရတော့ဘူး ဘယ်တော့မှကျွန်ဘဝပြန်မရောက်တော့ ဘူး။ လွတ်လပ်တယ်ဆိုတဲ့အတိုင်း ဘယ်တော့မှပြန်ပြီး မလွတ်မလပ်မဖြစ်တော့တာ အဲ့ဒါမှ တကယ် လွတ်လပ်တာအစစ်။ လောကီက သတ်မှတ်ထားတဲ့ လွတ်လပ်ရေးဆိုတာ အစစ်မဟုတ်လို့သာ ပြန်ပြီးတော့မှ ဆုံးရှုံးမှာကြောက်နေရတာပေါ့။

 

ဦးဇင်းတို့ စိတ်တွေ စေတသိတ်တွေ ရုပ်တွေရဲ့ ကျွန်ဖြစ်နေတယ်ဆိုတာ တရားအားထုတ်တော့မှ ဘုရား တရား သံဃာအားကိုးပြီး တိုက်ပွဲဝင်မှပဲ တော်လှန်ရမှာပဲလို့ သိရတာ။ ဘုရားစွဲကိုင်သွားတဲ့ မဂ္ဂင်လက်နက်ကို မရ ရအောင်ယူပြီးတော့မှ မဖြစ်မနေ မှန်ကန်တဲ့ သတိ၊ဝီရိယ၊သမာဓိ၊ပညာ လက် နက်တွေ စွဲကိုင်ပြီးတော့မှ ပြည်တွင်းစစ် ကိလေသာ တော်လှန်ရေးကို လူမသိ သူမသိတိုက်ပွဲဝင်ရပါ တယ်။ လူကသာ ငြိမ်ငြိမ်လေးနေပေမယ့် ကိုယ့်နှလုံးသားထဲမှာ အကြီးအကျယ် ဒုတိယကမ္ဘာစစ်ထက် အစပေါင်းမြောက်များစွာ ပြင်းထန်တဲ့ အဝိဇ္ဇာနဲ့ ဝိဇ္ဇာ သဲကြီးမဲကြီး စစ်ထိုးနေတာ လောကကြီးက နားမလည်နိုင်ပါဘူး။ ကိုယ့်ရဲ့ နှလုံးသားစစ်မြေပြင်မှာ မိစ္ဆာဒိဌိ အဝိဇ္ဇာနဲ့ သမ္မာဒိဌိ ဝိဇ္ဇာနဲ့ သူတင် ကိုယ် တင် သူနိုင် ကိုယ်နိုင် တစ်ထောင့်ငါးရာကိလေသာနဲ့ တစ်ဖက်မှာ ဘုရားကိုယုံကြည်တဲ့ သဒ္ဓါတရားနဲ့ စွန်းလွန်းဆရာတော်ဘုရားကြီး ၊ မိုးကုတ်ဆရာတော်ဘုရားကြီး၊ သဲအင်းဂူဆရာတော်ဘုရားကြီး၊ ဆရာကြီး ဦးဘခင်၊ ဦးဂိုအင်ကာ ၊ ဦးကြည် တို့  စိတ်တူကိုယ်တူ တရားရိပ်သာထဲမှာ စုပေါင်းပြီးတော့ တရားထိုင်တဲ့ တော်လှန်ရေးဆင်နွဲတဲ့ ဓမ္မမိတ်ဆွေတွေရဲ့ စိတ်ဓာတ်အင်အား အကူအညီတွေယူပြီး တော့မှ အင်မတန်ပြင်းထန်တဲ့ကိလေသာ သတ်ပွဲကြီးတွေ သေလိုက်တာ အတုံးအရုံးပါပဲ။ နှလုံးသား စစ်မြေပြင်မှာ ကျဆုံးလိုက်တဲ့ အဝိဇ္ဇာ ၊ လောဘစိတ် ၊ ဒေါသစိတ်၊ မောဟစိတ်တွေ အတုံးအရုံးပါပဲ။

 

ဓမ္မနဲ့ အဓမ္မ နှလုံးသား စစ်မြေပြင်မှာ နေရာလုတာ။ ကိုယ့်နှလုံးသားမှာ ငါဆိုတဲ့ အဓမ္မကို ငါမဟုတ်ဘူး ဆိုတဲ့ ဓမ္မဖြစ်အောင် သာသနာပြုတာ။ ပညတ်ဘုရား တရား သံဃာ နေရာမှာ ပရမတ် ဘုရား တရား သံဃာဖြစ်အောင် အတွင်းသာသနပြုခြင်း ဖြစ်တယ်။ ဓမ္မမိတ်ဆွေတွေ အကူအညီ ၊ ဆရာသမားတွေ အကူအညီ ၊ တရားရိပ်သာတွေ အမှီအခိုနဲ့ ခေတ်ပြောင်းတော်လှန်ရေး အလှူရှင် စေတနာရှင်တွေရဲ့ အင်အားနဲ့ အင်မတန်ပြင်းထန်တဲ့ ကိလေသာရန်သူနဲ့ တိုက်ပွဲပါပဲ။ သတိ၊ဝီရိယ၊ပညာ ရပ်လိုက်တာနဲ့ ကိုယ်ရှုံးပြီပဲ။ ဒီလောက် သဲကြီးမဲကြီး တိုက်ရတဲ့ တိုက်ပွဲ ဘယ်မှာမှ မရှိပါဘူး။ အင်မတန် စိတ်ဓာတ်ကျ ရပါတယ်။ စက္ကန့်တိုင်း စက္ကန့်တိုင်း မှာ တိုက်နေရပါတယ်။ အနိစ္စနဲ့ နိစ္စနဲ့ သမ္မာမဂ္ဂင်နဲ့ မိစ္ဆာမဂ္ဂင်နဲ့ အပြန် အလှန် စစ်ထိုးနေရတာပဲ။ ပရမတ်ကို အာရုံပြုတိုင်း ရန်သူတွေ့တာပဲ။ ရန်သူတွေ့တိုင်း ကိုယ်က မနိုင် နိုင်အောင် တိုက်ရတာပဲ။ လူမှုရေး စီးပွားရေး လုပ်နေတုန်းကသာ အာရုံမပြုလို့ ပရမတ်ကို မတွေ့ တာပါ။ ကိုယ်က ပရမတ်ကို သတိထားလို့ အာရုံပြုတဲ့အခါကျတော့ ဘောလုံးလုတာကမှ ဘေးရောက် တယ်ဆိုတာ ရှိပါသေးတယ်။ ပရမတ်ဆိုတာက အချိန်တိုင်းရှိနေတာပါ။ ဝိဇ္ဇာဥာဏ်နဲ့ နေနိုင်ရင် နေ မနေ နိုင်လို့ လျော့လိုက်တာနဲ့ အဝိဇ္ဇာပြန် ဖြစ်သွားတာပဲ။ ငါတွေသူတွေ ယောက်ျားတွေ မိန်းမတွေ မရှိတာကို တရစပ်သိအောင်ကြိုးစားနိုင်ရင် ကြိုးစား ကိုယ်က သတိလက်လွတ်ဖြစ်လိုက်တာနဲ့ ငါတွေသူ တွေ ပြန်ဖြစ်သွားရော။ ဒီလောက်ခက်ခဲတဲ့ ပြဿနာမျိုး မရှိပါဘူး။

ဘဝဆိုတာ အင်မတန်ပြင်းထန်တဲ့ တိုက်ပွဲပဲ။ နေရာတိုင်းမှာ အပြိုင်အဆိုင်တွေနဲ့ ရုန်းကန်ယူရတယ်။ ကြိုးစားယူရတယ်။ ဘယ်ဟာမှ အဆင်သင့်ဆိုတာ မရှိပါဘူး။

 

ကိုယ့်စိတ်ကို အလကား လွှတ်ကိုမထားရဲဘူး။ ငါဆိုတဲ့ အထင်မှားပြန်ဝင်သွားရင် ကျွန်ပြန်ဖြစ်သွားတာ ပါပဲ။ သတိ၊ဝီရိယ၊ ပညာ နဲ့ တရစပ်ကြီးကို ကပ်ထားရတာ။ တကယ့်လောကကြီးနဲ့တော့ ပြောင်းပြန် ဖြစ်သွားတာပေါ့။ နဂိုတုန်းက သွားတာ လာတာ လုပ်တာကိုင်တာ စားတာသောက်တာ နေရာတိုင်းမှာ ငါပါတယ် အတ္တပါတယ်။ လောလောနဲ့ မလိုအပ်တာတွေ လျှောက်လုပ်တယ်။ တရားနဲ့လုပ်တဲ့အခါကျ တော့ တစ်ချိန်မှာ တစ်စိတ်ပဲ။ ဘာမှမလိုအပ်တာ မလုပ်ဘူး။ တစ်ခြားဘာစိတ်မှ အပေါ်မခံဘူး။ မလိုအပ်တာ လုပ်တယ်ဆိုတာက လောကီမှာ နေတာက မကြည့်ပဲနဲ့ တီဗွီကြီးက ဖွင့်ထား၊ နားမ ထောင်ပဲနဲ့ သီချင်းတွေ ဖွင့်ထား၊ မဖတ်ပဲနဲ့လည်း စာအုပ်တွေ ဝယ်ထား ၊ မဝတ်ပဲနဲ့လည်း အဝတ်အ စားတွေ ဝယ်ထား ၊ မလုပ်နိုင်ပဲနဲ့လည်း ကတိတွေ ပေးထား။ လောဘကကြီးနေတဲ့အခါကျတော့ ဒီဟာမှမပြီးသေးဘူး ဟိုဟာလုပ်ချင် ၊ ဒီဟာစားနေတာမှ မပြီးသေးဘူး ဟိုဟာစားချင်၊ ဒီဟာလုပ်နေ တာမှ မပြီးသေးဘူး ဒီကိစ္စပေါ်လာ ဟိုကိစ္စပေါ်လာနဲ့ ပြာယာခတ် ရှုပ်ရှုက်ခတ်နေတာပဲ။ ဦးဇင်းတို့ တရားနဲ့လုပ်တဲ့အခါကျတော့ အပိုစကားတစ်ခွန်းမှ မပြောတော့ဘူး။ ပင်ပန်း လွန်းလို့ ငါမှမဟုတ်ပဲနဲ့။ ကိုယ့်ကို အထင်သေးလဲ ကိစ္စမရှိဘူး။ အထင်ကြီးလဲ ကိစ္စမရှိဘူး။ ကိုယ့်ကိုယ်ကိုတောင် ကိုယ်မပိုင် တာ။ သူများက အထင်သေးတာ အထင်ကြီးတာ ဂရုမစိုက်တော့ဘူး။

 

သဘာဝရိပ်သာဆရာတော် ဦးဥတ္တမသာရ

လောကကြီးမှာ ဆန့်ကျင်ဘက်ခြင်း ဗိုလ်လုနေရပါတယ်

မိရိုးဖလာ တရားအားထုတ်ပုံ နှင့် မဂ္ဂင်လမ်း နှိုင်းယှဉ်ချက် အပိုင်း ၁-၂

သံသရာကြီးက ရှည်တဲ့အခါကျတော့ အစမရှိ အဆုံးမရှိတော့

ဘယ်တော့မှ ရပ်နားတယ်ဆိုတာ မရှိတော့ ဒီဘဝ အချိန်လေးမှာတောင်

အသွားမတော် တစ်လှမ်းဆိုပြီးတော့ ဒုက္ခရောက်နိုင်သေးတာပဲ

အစားမတော် တစ်လုပ်ဆိုပြီး ကိုယ်ကြိုက်တာတွေ စားနေတဲ့ကြားထဲက

အသောက်မတော် ဆေးတစ်ခွက်ဆိုပြီးတော့မှ ဒုက္ခရောက်သွားနိုင်တယ်

အပြောမတော် တစ်ခွန်းဆိုပြီးတော့မှ စကားမှားလို့ ဒုက္ခရောက်နိုင်သေးတာပဲ

အဲ့တော့ တစ်ဘဝတောင် မှားနိုင်သေးတာပဲဆိုတော့ တစ်သံသရာလုံးဆိုရင်

အမှားပေါင်းက ရေတွက်နိုင်မှာ မဟုတ်တော့ပါဘူး။

 

ယောက်ျားဘဝ ၊ မိန်းမဘဝ ၊ မိဘ ဘဝ၊ သားသမီး ဘဝ ဆိုတာ ကိုယ့်အား ကိုယ်ကိုးတာ

ဘုန်းကြီးဘဝ ၊ သီလရှင် ဘဝ ၊ ယောဂီဘဝ ဆိုတာ ဘုရားအားကိုးတာ

ကိုယ့်အားကိုယ်ကိုးတဲ့ စိတ်နဲ့ ဘုရားအားကိုးတဲ့ စိတ်နဲ့ ဘုန်းကံချင်း မတူပါဘူး။

ဘုန်းကံဆိုတာက ကောင်းတဲ့စိတ်တွေ များများ ဖြစ်ရင်

ကောင်းမှုကုသိုလ်တွေ များများလုပ်ဖြစ်ရင် ဘုန်းကံကြီးတာပါပဲ။

 

မီးလောင်ခံရမှ ဆင်းရဲဒုက္ခရောက်တယ် မထင်နဲ့

ရေနစ်၊ရေကြီးရင်လည်း ဆင်းရဲဒုက္ခရောက်တာပဲ

ဆင်းရဲတာမှ ဒုက္ခရောက်တယ် မထင်နဲ့

ချမ်းသာရင်လည်း ဒုက္ခရောက်နေတာပဲ

မုန်းမှ စိတ်ပူလောင်ရတာမဟုတ်ဘူး

ချစ်ရင်လည်း စိတ်ပူလောင်ရတာပဲ

လောကဓံတရားရှစ်ပါးဆိုတာ ဆန့်ကျင်ဘက်တရားတွေပဲ

အပြန်အလှန်ဒုက္ခရောက်နေကြတာ

လောကဓံမုန်တိုင်းနဲ့ကြံ့ခိုင်သည့်စိတ်ထား

ဘယ်လိုထားမလဲဆိုတာပဲ အရေးကြီးတယ်

 

သက်ဆိုးရှည်တယ်ဆိုတာ လောဘ ဒေါသ မောဟ အကုသိုလ်မကင်းပဲနဲ့ အသက်ရှင်နေတာ

သက်ကောင်းရှည်တယ်ဆိုတာ ကုသိုလ်ကောင်းမှုတွေများများလုပ်ရင်းနဲ့ အသက်ရှင်နေတာ

 

ငွေ၊ဂုဏ်၊ ရာထူး စည်းစိမ်နောက်လိုက်ရင်းနဲ့ မိသားစုနဲ့ ဝေးသထက် ဝေးနေကြရတယ်

ကိုယ်ချစ်တဲ့ ခင်တဲ့သူတွေနဲ့ အတူမနေရတဲ့ နေ့တွေ ပိုများလာတယ်

ကိုယ်ဆောက်ထားတဲ့ တိုက်ကြီးပေါ်မှာ နေရတဲ့ ရက်တွေ မရှိသလောက် ရှားလာတယ်

ကုသိုလ်ကောင်းမှုတွေလုပ်ဖို့ အချိန်မရှိသလောက် ဖြစ်လာတယ်

 

သာသနာထွန်းကားတယ်ဆိုတာ အမှန်တရားကို သိရှိတာ လက်ခံတာ လိုက်နာကျင့်သုံးတာ

သာသနာကွယ်တယ်ဆိုတာ အမှန်တရားကို မသိတာ လက်မခံတာ မလိုက်နာမကျင့်သုံးတာ

ဘုရားရှင်က သဒ္ဓါမရှိတဲ့သူကို တရားမဟောဘူးတဲ့

သဒ္ဓါရှိတဲ့ သူကိုပဲ ဘုရားရှင် တရားဟောပါတယ်

 

လောကကြီးမှာ ဆန့်ကျင်ဘက်ခြင်း ဗိုလ်လုနေရပါတယ်

အားကစားသမားတွေ အသင်းခြင်း ယှဉ်ပြိုင်ဗိုလ်လုနေရသလိုပါပဲ

ယှဉ်ပြိုင်ဗိုလ်လုနေလို့ကတော့ ဘယ်တော့မှ ဆုံးမှာမဟုတ်ပါဘူး

ငါတွေ သူတွေ အရှိယူပြီး ယှဉ်ပြိုင်နေမယ်ဆိုရင် မဆုံးဘူး

ငါနဲ့ သူနဲ့ ခွဲခြားထားလို့ တကယ်မရှိတဲ့ ငါနဲ့ သူနဲ့

ယှဉ်ပြိုင် ဗိုလ်လုနေရတာ

 

ကံအား မကိုးပဲ  ဥာဏ်အားကိုးပါ

အသေမဦးခင် ဥာဏ်ဦးအောင် လုပ်ပါတဲ့

 

သာသနာကပြုချင်နေရမှာ မဟုတ်ဘူး

သာသနာပြုရမှာ

တရားက အားထုတ်ချင်ရမှာ မဟုတ်ဘူး

တရားက အားထုတ်ရမှာ

လိုချင်မှုနဲ့ပေါင်းနေလို့ကတော့ လိုချင်လို့ဆုံးမှာမဟုတ်ဘူး

အမြဲတမ်းလိုချင်နေလိမ့်မယ်

ပူပန်မှုနဲ့ပေါင်းနေလို့ကတော့ ပူပန်လို့ဆုံးမှာ မဟုတ်ဘူး

အမြဲတမ်းပူပန်နေရလိမ့်မယ်

 

ဘာဖြစ်မှာ ညာဖြစ်မှာ ပူနေတဲ့စိတ်က ပူပဲ ပူနေမှာပဲ။

ဘာမှဖြစ်အောင်မလုပ်နိုင်ဘူး။

ပူပန်မှုကင်းတော့ စိုးရိမ်မှုကင်းတဲ့အတွက် ဘာမဆို ဖြစ်အောင်လုပ်လို့ရတယ်။

ထုံးတမ်းစဉ်လာကတော့ အသက်ကြီးလာပြီဆို ပူနေတော့တာပဲ။

သားသမီးတွေ ဆွေမျိုးတွေအတွက် ပူနေတော့တာပဲ။

ပူတဲ့အလုပ်ပဲ လုပ်တော့တာပဲ။ဘာလို့လဲဆိုတော့ ဒါပဲလုပ်တတ်တော့တာကို။

ကိုယ်ခန္ဓာကြီးက မသန်စွမ်းတော့ဘူး စိတ်ကလဲအားမရှိတော့ဘူးဆိုတဲ့အခါကျတော့

တစ်နေ့ တစ်နေ့ ထိုင်ပြီးတော့ ပူပန်တဲ့အလုပ်ပဲ လုပ်နေတော့ အသက်ကြီးရင် ဒီလိုနေရမှာပဲဆိုတဲ့

ထုံးတမ်းစဉ်လာကြီးကို မကောင်းတဲ့အမွေကြီးကို ဆက်ခံနေရမှာမဟုတ်ပဲ ထုံးတမ်းစဉ်လာက

လွန်မြောက်အောင် ကြိုးစားရမှာ။ တရားအားထုတ်တယ်ဆိုတာ ဒါတွေကို သုံးတတ်သွားတာပါ။

 

စိတ်က အချိန်စွဲ နေတော့

စားချိန်ရောက်ရင် စားချင်လာရော

အိပ်ချိန်ရောက်ရင် အိပ်ချင်လာရော

တိရိစ္ဆာန်တွေတောင်မှ မသိစိတ်က အချိန်စွဲနေတာ

ခွေးရူးပြန်ချိန်ရောက်ရင် ခွေးတွေစိတ်ဖောက်လာတယ်

ကြက်တွေလည်း တွန်ချိန်ရောက်ရင် တွန်ကြတယ်

အချိန်စွဲ နေရာစွဲတွေက စိတ်ကိုဒုက္ခပေးနေတာ

 

နေရာဆိုတာက စင်္ကြာဝဠာအနန္တဆိုတော့

ခန္ဓာငါးပါးအတွက် စိတ် စေတသိတ် ရုပ်အတွက်

ရောက်နိုင်တဲ့ နေရာတွေက အများကြီးပါပဲ

ဒီနေရာအများကြီးထဲမှာ ကိုယ်က တစ်သံသရာလုံး

ဒီနေရာလေးမှာပဲ ဒီလူလေးနဲ့ပဲ ဒီယောက်ျား ဒီမိန်းမနဲ့ပဲ

ဒီသား ဒီသမီး ဒီဆွေမျိုးနဲ့ပဲ ပေါင်းရမယ်လို့ အာမခံချက်မရှိပါဘူး။

 

 

 

 

ကြောက်တဲ့စိတ်နဲ့ကြည့်ရင် တစ်လောကလုံးက ကြောက်စရာချည်းပဲ

သံသယစိတ်နဲ့ကြည့်ရင် အရာရာကို သံသယဖြစ်စရာချည်းပဲ

အားကိုချင်တဲ့စိတ်နဲ့ကြည့်ရင် အကုန်လုံးက အားကိုချင်စရာချည်းပဲ

လိုချင်တဲ့စိတ်နဲ့ကြည့်ရင် အရာရာ လိုချင်စရာချည်းပဲ

စားချင်တဲ့စိတ်နဲ့ကြည့်ရင် အရာရာ စားချင်စရာချည်းပဲ

အရာရာစိတ်ပဲ စိတ်က ဖန်ဆင်းထားတာပါပဲ

အရာရာရှိတာမဟုတ်ပဲ စိတ်ရဲ့သတ်မှတ်ချက်တွေပဲ ရှိနေတာ

စိတ်က လက်ခံရင် လက်ခံသလို ဖြစ်တာပါပဲ

ဦးနှောက်နဲ့တော့ ဥာဏ်မှီမှာမဟုတ်ဘူး

ဦးနှောက်ကတော့ တိရိစ္ဆာန်တွေမှာလည်း ရှိတာပဲ

ဦးနှောက်ဆိုတာ အကန့်အသတ်ရှိတယ်

ကိလေသာရဲ့ လက်နက်ပဲ

ကိလေသာကတော့ တကယ်ရှိတာကို ဘယ်သိပါ့မလဲ

ဖန်ဆင်းထားတာတွေ သတ်မှတ်ထားတာတွေကို သိမှာပဲ

 

ပညတ် ပရမတ် သိတာနဲ့လည်း မမြတ်သေးဘူး

ပညတ် ပရမတ် ကွဲတာနဲ့လည်း မမြတ်သေးဘူး

ပညတ် ပရမတ် နှစ်ခုစပ် သိတတ်သူက မြတ်

 

သတိမရှိရင် ၁ စက္ကန့် ၁ မိနစ် ၁ နာရီ အတွင်းမှာ

အကုသိုလ်စိတ်တွေ လှေတွေ လှည်းတွေ ကားတွေနဲ့

တိုက်လို့ မကုန်နိုင်အောင် များလွန်းလှတယ်

သတိနဲ့မနေတဲ့စိတ်ဟာ အရူးလိုပါပဲ

 

တရားအားထုတ်တယ်ဆိုတာ စိတ်ကိုပြင်တဲ့ အလုပ်ပါပဲ

မြတ်စွာဘုရား နောက်ဆုံးသာသနာမှာ စိတ်ကိုပြင်ဖို့ အရေးတကြီးလုပ်သင့်ပါပြီ။

 

 

သစ္စ္စာမသိရင် ပင်လယ်ထဲ ပျက်နေတဲ့ သင်္ဘောနဲ့တူတယ်။

တောင်လေတိုက်ရင် တောင်ဘက်ဝဲလိုက် မြောက်လေတိုက်ရင် မြောက်ဘက်ယိမ်းလိုက်နဲ့။

လောဘ၀ဲထဲ မျောလိုက်။ ဒေါသဝဲထဲ မျောလိုက်။ မောဟဝဲထဲမျောလိုက်နဲ့။

 

အဝိုင်းပတ်ပြီးပြေးနေတာ ဘယ်မှာလမ်းဆုံးပါ့မလဲ။

သစ္စ္စာမသိလို့ကတော့ ဝဲလမ်းနဲ့ မြုပ်လမ်းလို့သာ မှတ်ကြ။

 

မိုးကုတ်ဆရာတော် ဘုရားကြီး

 

အမေရိကန်မှာ မီလျံနာသူဌေးတွေရှိတယ်

တင်းတိမ်ရဲ့လား

အငတ်ပြေရဲ့လား မပြေပါဘူးဘုရား

ဘာရောဂါထကြပါလိမ့် အငတ်နာရောဂါပါဘုရား။

 

မိုးကုတ်ဆရာတော်ဘုရားကြီး

ဆရာတော် ဦးဥတ္တမသာရ၏ |အဟုတ်ထင်မှုမှ ကင်းဝေးစေရန် | သစ္စာတရားတော်(၁၉.၀၇.၂၀၁၁)

1546382_497903136996358_244404388_n

အဟုတ်ထင်ငြိတွယ်မှုကင်းဖို့ကိုသာ အဓိကထားရပါမယ်။ ကာယကံ ဝစီကံ မနောကံတွေကို တမင်တကာမလုပ်လဲ အလိုလိုတော့ ပြုလုပ်နေတာပါပဲ။ တမင်တကာပြုလုပ်မှုကြောင့် ဖြစ်ပေါ်နေတဲ့ကံရဲ့ အကျိုးပေးတွေရော အလိုလိုပြုလုပ်မှုကြောင့် ဖြစ်ပေါ်နေတဲ့ ကံရဲ့ အကျိုးပေးတွေကလဲ ဖြစ်နေမှာပါပဲ။ ဒီတမင်တကာပြုလုပ်မှုရော အလိုလိုပြုလုပ်မှုရော တမင်တကာ ပြုလုပ်လို့ ဖြစ်တာရော အလိုလို ပြုလုပ်လို့ ဖြစ်တာတွေနဲ့ ပတ်သက်တဲ့နားလည်မှုတွေ နားမလည်မှုတွေလဲ ဖြစ်နေမှာပါပဲ။ အဲဒါတွေနဲ့ ပတ်သက်တဲ့ အဟုတ်ထင်ငြိတွယ်မှု ကင်းစေဖို့ အဓိကထားရမယ်။ တမင်တကာ အသက်ရှူရတာ ရှိသလို အလိုလို အသက်ရှူရတာလဲ ရှိသလိုပေါ့။ စိတ်တည်ငြိမ်အောင် တမင်တကာလုပ်ရတာလဲ ရှိသလို စိတ်က အလိုလိုတည်ငြိမ်နေတာလဲ ရှိမှာပါပဲ။ တမင်တကာလုပ်လို့ ဖြစ်နေတဲ့ ကံအကျိုးပေးတွေရော အလိုလိုဖြစ်နေတဲ့ အချိန်နဲ့အမျှအိုမင်းရင့်ရော်လာခြင်းရော တမင်တကာလုပ်လို့ဖြစ်တဲ့ ကံအကျိုးပေးရော အလိုလိုဖြစ်နေတဲ့ ကံအကျိုးပေးတွေရော ဒါတွေကတော့ ဖြစ်နေမှာပါပဲ။

တရားအားထုတ်တယ်ဆိုတာက အဲဒီဖြစ်တာမဖြစ်တာတွေ လုပ်တာမလုပ်တာတွေ နားလည်တာတွေ နားမလည်တာတွေနဲ့ ပတ်သက်တဲ့ အဟုတ်ထင်ငြိတွယ်မှု ကင်းစေဖို့ပါပဲ။ လုပ်လို့ဖြစ်တာတွေ မလုပ်ပဲနဲ့ ဖြစ်တာတွေကိုလဲ အဟုတ်ထင်နေတယ် ငြိတွယ်နေတယ် နားလည်တာ မလည်တာတွေကို အဟုတ်ထင်ငြိတွယ်နေတယ်..။ တကယ်လုပ်ရမယ့် တရားအလုပ်က အဲဒီ အဟုတ်ထင်ငြိတွယ်မှု ကင်းစေဖို့ပါပဲ။ လုပ်တာမလုပ်တာတွေက အဓိက မကျဘူးပေါ့။ တမင်တကာလုပ်နေတာတွေ အလိုလိုလုပ်နေတာတွေက အဓိကမဟုတ်ပဲ ဒါတွေက ရှိနေမှာပါပဲ။ ပျိုခြင်း အိုခြင်း နာခြင်း သေချင်းတရားတွေ ဒါတွေက တမင်တကာကြီး ပျိုအောင်မလုပ်လဲ ပျိုနေမှာပါပဲ တမင်တကာကြီး အိုအောင်မလုပ်လဲ အိုလာမှာပဲ တမင်တကာကြီး နာအောင်မလုပ်လဲ နာလာရမှာပဲ တမင်တကာကြီး သေအောင်မသတ်လဲ သေရမှာပဲ။ တမင်တကာလုပ်လို့ ဖြစ်တာရော အလိုလိုဖြစ်နေတဲ့ ဖြစ်စဉ်တွေရော ဒါတွေက ရှိနေမှာပါပဲ။ ဒါတွေနဲ့ပတ်သက်တဲ့ နားလည်မှု နားမလည်မှုတွေကလဲ ဖြစ်နေမှာပါပဲ။ တရားအလုပ်က အဲဒါတွေနဲ့ပတ်သက်တဲ့ အဟုတ်ထင်ငြိတွယ်မှု ကင်းစေဖို့ပါပဲ။

လုပ်တာမလုပ်တာ ဖြစ်တာမဖြစ်တာ နားလည်တာမလည်တာတွေက အဓိက မဟုတ်တော့ပါဘူး။ ဒါတွေကို အဟုတ်ထင်နေမှု ငြိတွယ်မှု ကင်းစေဖို့က အဓိက ဖြစ်သွားပါတယ်။ တမင်တကာလုပ်လို့ဖြစ်နေတဲ့ အကျိုးတရားတွေရော အလိုလိုဖြစ်နေတာတွေရော ကမ္ဘာကြီးက လည်နေတယ် ဒီအလိုလိုဖြစ်စဉ်ကြီးရော ဒါတွေက အဓိကမကျပဲနဲ့ ဒါတွေနဲ့ပတ်သက်တဲ့ အဟုတ်ထင်ငြိတွယ်မှုကင်းစေဖို့ ဒါတွေကိ်ု အဟုတ်လို့ ထင်နေတယ် ငြိတွယ်နေတယ် .. အဲဒီအဟုတ်ထင်ငြိတွယ်မှုကင်းဖို့ အဓိက ထားရမှာပါ။ နားလည်အောင် လုပ်ထားလို့ နားလည်တာတွေရော တမင်တကာမလုပ်ပဲနားလည်တာတွေရော ဒါတွေကို အဟုတ်ထင်ငြိတွယ်နေတယ်.. အဲဒီအဟုတ်ထင် ငြိတွယ်မှုကင်းစေဖို့က အဓိက ပါပဲ။

ဒါတွေနဲ့ပတ်သက်တဲ့ အဟုတ်ထင်ငြိတွယ်မှု အဝိဇ္ဇာ တဏှာကတော့ ရှိနေတယ်ပေါ့။ အဲဒီအဟုတ်ထင်ငြိတွယ်မှုကင်းစေဖို့ အဓိက ပါပဲ။ ဒါတွေကို အဟုတ်ထင်ငြိတွယ်နေတယ်ဆိုရင်တော့ ဒါတွေနဲ့ပတ်သက်ပြီး ပြသနာတက်တာပေါ့။ အဟုတ်ထင်ငြိတွယ်မှု ကင်းသွားရင်တော့ တမင်တကာလုပ်တာရော အလိုလိုလုပ်နေတာရော တမင်တကာလုပ်လို့ ဖြစ်နေတာရော အလိုလိုဖြစ်နေတာတွေရော နားလည်တာရော နားမလည်တာတွေရော ဒါတွေနဲ့ပတ်သက်ပြီးတော့မှ ပြသနာတက်စရာ မရှိတော့ဘူး။ သေတာရှင်တာတွေကို အဟုတ်ထင်ငြိတွယ်နေလို့ သေရေး ရှင်ရေးနဲ့ ပတ်သက်ပြီး ပြသနာတက်နေတာပေါ့။ အဟုတ်ထင်မှု ကင်းရင် သေခြင်းဆိုတာကလဲ တွေ့ကြုံဖို့ သက်သက် အသုံးချဖို့ သက်သက်ပါပဲ။ ရှင်သန်ခြင်းကလဲ အသုံးချဖို့ သက်သက်ပဲ ပြသနာ မဟုတ်တော့ဘူးပေါ့။ သေတာမသေတာက အဓိက မဟုတ်တော့ဘူးပေါ့ သေရေး ရှင်ရေးကြီးနေဖို့ မဟုတ်တော့ဘူးပေါ့။

ကိုယ်လုပ်တတ်တာကတော့ ဘယ်လိုလုပ်တာ ညာလိုလုပ်တာကို အဓိကထားတယ်.. ဘယ်လို လုပ်ရမလဲဆိုပြီး ဘယ်လိုညာလိုဆိုတဲ့ နည်းစနစ်တွေကို အဓိက ထားတဲ့အလုပ်ကိုတော့ လုပ်တတ်တယ်..။ ဘယ်ဟာမှားလဲ ဘယ်ဟာမှန်လဲဆိုပြီး ဘယ်ဟာမှားတယ် ဘယ်ဟာ မှန်တယ်ဆိုတဲ့ သတ်မှတ်ထားတဲ့ အမှားအမှန်တွေကို အဓိကထားတဲ့ အလုပ်ကိုတော့ လုပ်တတ်တယ်..။ အဲဒီ လုပ်ရပ်တွေကြောင့်ပဲ ဒါတွေကို အဟုတ်ထင်ငြိတွယ်မှု အားကြီးနေတာပါ။ ဘယ်လောက်ကြာကြာ လုပ်ရမလဲ ဘယ်မှာလုပ်ရမလဲ ဆိုပြီး အချိန်တွေ နေရာတွေကို အဓိကထားနေလို့ အချိန်စွဲ နေရာစွဲတွေကြီးနေတာ။ အချိန်ဆိုတာကို အဟုတ်ထင်နေတာပေါ့။

အဲတော့ အကြောင်းတရားပြောင်းရမှာပါ။ တကယ်လုပ်ရမှာက ကိုယ်လုပ်တတ်တဲ့ သတ်မှတ်ချက်တွေကို အဓိကထားတဲ့ အလုပ်ကို စွန့်ပြီးတော့မှ အတည်ယူဆုပ်ကိုင်ရမှာ မဟုတ်တဲ့ အမှန်တရားကို မမေ့လျော့ဖို့လိုအပ်ပါတယ်။ လုပ်တာတွေ မလုပ်တာတွေ ဖြစ်တာတွေ မဖြစ်တာတွေ နားလည်တာ နားမလည်တာတွေကို အဓိကထားနေမှု အစား ဒီဖြစ်တာ မဖြစ်တာ ပြုလုပ်တာ မပြုလုပ်တာ နားလည်တာ နားမလည်တာ မှန်သမျှရဲ့ အတည်ယူဆုပ်ကိုင်ရမှာမဟုတ်တဲ့ အမှန်တရားကို မမေ့လျော့ဖို့ လိုအပ်ပါတယ်။ အတည်ယူဆုပ်ကိုင်ရမှာမဟုတ်တဲ့ အမှန်တရားကို မမေ့လျော့မှုနဲ့ တရားအားထုတ်တာ တရားအလုပ်ကို ပြုလုပ်တာ ဖြစ်ဖို့ လိုအပ်ပါတယ်။ ကြားချဖို့လိုတာပေါ့ မလုပ်ရင်လဲပယ်တာပဲ လုပ်ပြန်တော့လဲ အတည်ယူဆုပ်ကိုင်မှု ပါနေပြန်တော့လဲ ကိုယ်လုပ်တတ်တဲ့ တရားအလုပ်သာ ဟုတ်တယ်.. တကယ်လုပ်ရမယ့် တရားအလုပ်မဟုတ်သေးပါဘူး။ အတည်ယူဆုပ်ကိုင်ရမှာမဟုတ်တဲ့ အမှန်တရားကို မမေ့လျော့ဖို့လိုအပ်ပါတယ်..။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

True answer – {[17-11]}

source: https://www.facebook.com/zerotruth

ဝိပဿနာဆိုတာ အသေလေ့ကျင့်တာ

1377443_629181090438546_772538766_n

“၀ိပဿနာဆိုတာ အသေလေ့ကျင့်တာ ”
———————————–

အခုလာနေတဲ့ ဝေဒနာတွေဟာ သေခါနီးလည်း လာမှာပဲ။
ဒါကြောင့်မို့ လို့ သဲအင်းဂူဆရာတော် ဘုရားကြီးက- ၀ိပဿနာတရားထိုင်တယ်ဆိုတာ မဂ်ဥာဏ်,ဖိုလ်ဥာဏ်ကိုအသာထား လိုက်ပါဦး၊ အသေလေ့ကျင့်တာတဲ့။
အခုကတည်းက လေ့ကျင့်ထားကြ သူတော်ကောင်းတို့ ..။
စာမေးပွဲဖြေခါနီးတော့ အပြင်မှာအစောကြီးစာတွေကျက်ရသလို
လေ့ကျင့်ထားရတယ်။အသေလေ့ကျင့်ထားကြ။

အခုသူတော်ကောင်းတို့  ရှုမှတ်ရင်း နာကျင်ကိုက်ခဲတာ ဆတ်,ဆတ်,ဆတ်နဲ့  အသားတွေတုန်လို့ ။ခြေထောက်တွေမှာ နာကျင်ပူခြစ်နေတာပဲ။
ဘေးလူကတော့ တော်တော်ထိုင်ကောင်းနေတယ်အာင့်မေ့နေတာ။
ယောဂီတို့ ကတော့ ငြိမ်နေတော့ တော်တော့်ကို ပီတိတွေ , ပဿဒ္ဓိတွေဖြစ်နေတယ်
အောင့်မေ့ရတယ်။ဒါပေမဲ့ ရှုမှတ်နေတဲ့ယောဂီမှာတော့ ရင်ထဲမှာ မီးတောက်နေတယ်။အဲ့ဒါကို သည်းညဉ်းခံကြသူတော်ကောင်းတို့ ။

အဲ့ဒါနိဗ္ဗာန်ရောက်မည့်တရား။ အခုသေဖို့ အဝေးကြီးကျန်တာတောင် ဒီလောက်ဒုက္ခရောက်တယ်ဆိုရင် သေခါနီး ဒါ့ထက်ပိုဆိုးဖို့  မကျိန်းသေဘူးလား။
ဒါကြောင့် ဓမ္မစကြာမှာ မရဏမ္ပိဒုက္ခံတဲ့၊ သေခြင်းတရားဟာ
ဒုက္ခပဲတဲ့။မြတ်စွာဘုရားက ဒုက္ခသစ္စာထဲမှာ ထည့်ဟောထားတာ။
ဓမ္မစကြာကို လာဘ်လာဘရဖို့ ဆိုပြီး မရွတ်နဲ့ နော်။
ဓမ္မစကြာဆိုတာ နိဗ္ဗာန်ရောက်ဖို့ ဟောထားတာ။
ဓမ္မစကြာတို့ , ဘာသုတ်, ညာသုတ်တို့ ကို ခုနေအခါအလုပ်ရဖို့ ချည်းပဲ ရွတ်နေတော့တာပဲ။

ဓမ္မစကြာမှာ ဇာတိပိဒုက္ခာ၊ဇရာပိဒုက္ခာ၊ဗျာဓိပိဒုက္ခော၊မရဏမ္ပိဒုက္ခံ။
သေခြင်းတရားဟာ ဒုက္ခပဲဆိုတာ အခုလောလောဆယ် ခဏသေကြည့်တာပဲ။
ဝေဒနာကိုခံစားနေရတာကို သည်းညည်းခံပြီး ရှု မှတ်တော့ ဒုက္ခဝေဒနာဟာ တကယ်နှိပ်စက်တာပဲ။အခုနေမှာစဉ်းစားဝေဖန်ပါ။တရားထိုင်တုန်းမှာ မဝေဖန်နဲ့ နော် ယောဂီတို့ ။တရားထိုင်တုန်း ဝေဖန်လို့ ရှိရင်
စိတ်ကူးယဉ်ကြောမျောသွားလိမ့်မယ်။စိတ်ကူးတာက အကျင့်ပါနေတယ်။
တရားထိုင်တာ အရိပ်ထဲမှာထိုင်တာတောင် ဒီလောက်နှိ်ပ်စက်ရင် ဒို့ သေခါနီးလို့  ရောဂါကြီးဖြစ်ပြီးတော့ ဘယ်လိုမှ ကုမရတော့ဘဲ ဆရာဝန်တွေ လက်လွှတ်ရတဲ့အခြေအနေဆိုရင် မသေမချင်း အကြီးအကျယ်ခံစားရဖို့ မကျိန်းသေးဘူး။
အခုနေအခါမှာ သွားနိုင်လာနိုင်တုန်းမှာ ဒီဝေဒနာတွေကို ဝေဒနာနုပဿနာ ရှုမှတ်မထားဘူးဆိုလို့ ရှိရင် အဲ့ဒီအချိန်မှာ ဘေးလူက ဘယ်လောက်ပဲပြောပြော ရှုမှတ်ဖို့ လွယ်ပါ့မလား။(မလွယ်ပါဘုရား)

ရုပ်သဘော၊နာမ်သဘောတွေ ခန္ဓာရဲ့သဘောတွေမသိတော့ – ငါသေရတောမ့ယ်၊သားတွေ သမီးတွေနဲ့ ခွဲရတော့မယ်၊လုပ်ကိုင်ထားတဲ့ အလုပ်အကိုင်တွေနဲ့ အကုန်လုံးခွဲရတော့မယ်၊ငါဝယ်ထားတဲ့ ပစ္စည်းတွေ
အကုန်လုံးထားခဲ့ရတော့မယ်ဆိုတော့ အဲ့ဒီဒုက္ခရောက်တာက တစ်မျိုး၊ ခန္ဓာကိုယ်က ရောဂါဝေဒနာတွေနှိပ်စက်လို့ ဒုက္ခရောက်တာကတစ်မျိုး၊
ကိုယ်လဲနာ စိတ်လည်းနာ။ အကြီးအကျယ်နာတယ်။

၉၆ ပါးရောဂါနှိပ်စက်လို့ နာတာက ကိုယ်နာတာပေါ့။ဒီရုပ်ခန္ဓာကြီးနာတာပေါ့။
စိတ်ကနေပြီး ဘာမှ တရားတွေနာမထား၊လုပ်မထားတဲ့အခါကျတော့ စိတ်မချ၊ လက်မချတွေအကြီးအကျယ်မဖြစ်ဘူးလား။
စိတ်မချ လက်မချတွေ အကြီးအကျယ်ဖြစ်တာက စိတ်နာတာ။
သေခါနီးတဲ့အခါမှာ နာတာ၊ကျဉ်တာ၊ကိုက်တာ ခဲတာက တစ်မျိုး၊
ဒီစိတ်မချဖြစ်ရတာတွေက တစ်မျိုး၊ပူဆွေး ၀မ်းနည်းပြီးတော့ မချိမဆံ့တွေဖြစ်၊ ကိုယ်လည်းနာ စိတ်လည်းနာဆိုတော့ မသေခင် မချိမဆံ့ဒုက္ခတွေမရောက်ဘူးလား။

အဲ့ဒီလိုဒေါသကြီးနဲ့ ခံစားရပြီး သေသွားရင် သေသွားတဲ့သူ
ကောင်းရာမွန်ရာ ရောက်ပါ့မလား။
(မရောက်နိုင်ပါဘူးဘုရား)

ဒေါသနဲ့ သေရင်ငရဲတဲ့။
ဒေါသနှစ်မျိုးရှိတယ်။
သူများကို ရိုက်ချင် နှက်ချင်တာက တက်ကြွတဲ့ ဒေါသ။အင်မတန် ခင်မင်တဲ့ သူတွေနဲ့ ခွဲခွာရတော့မယ်ဆိုတော့ စိတ်ထဲမှာ မခွဲခွာချင်ဘူး၊၀မ်းနည်းတယ်။ ၀မ်းနည်းတာက ဆုတ်နစ်တဲ့ ဒေါသ။
“ ဒေါသနဲ့ သေ ငရဲပြည် “ ဆိုတော့ ကျန်တဲ့သူတွေ အမျှအတန်းဝေရင် ကြားပါတော့မလား။(မကြားပါဘုရား)
ဒယ်အိုးထဲမှာ သွားပြီး မီးလောင်ခံနေရတာ ဘယ်လိုလုပ်ကြားပါ့မလဲ။
မသေခင်မှာလဲ မချိမဆံ့ခံရတယ်နော်။ကိုယ်လဲနာ၊စိတ်လဲနာ။
အပါယ်လေးပါးထဲက ငရဲကျသွားတော့ အကြီးအကျယ်ထပ်မနာဘူးလား။

အဲ့ဒီတော့ သူ့ မှာဒုက္ခပြီး ဒုက္ခဆက်သွားတယ်။
အဲ့ဒါ ဘာကြောင့်လဲဆိုတော့ သည်းညဉ်းမခံလို့ ။

“ သည်းညည်းခံ နိဗ္ဗာန်ရောက်၊
သည်းသည်းမခံ အပါယ်ရောက်”

သည်းညည်းခံပြီး ယောဂီတို့ က မရှုမှတ်ဘဲ ၉ ရက်စခန်းကို ၃ရက်ထဲနဲ့ ထွက်ပြေးတယ်ဆိုရင် ဘယ်ရောက်မလဲ။ (အပါယ်ရောက်မှာပါဘုရား )
အပါယ်ရောက်နိုင်တယ်ဆိုတာကိုပြောတာနော်။ရောက်စေချင်လို့ ပြောတာမဟုတ်ဘူး။
တချို့ ကျတော့ အလုပ်မအားလို့ ပြန်သွားရတဲ့သူတွေလဲ ရှိတာပေါ့ဗျာ။လုပ်ခွင့်ရပါလျက်နဲ့  ဝေဒနာကို နာတယ်ဆိုပြီး
ပြန်ပြေးတဲ့ ပုဂ္ဂိုလ်တွေကိုပြောတာ။အဲ့ဒါကြောင့် ဒုက္ခဝေဒနာကို သည်းညည်းခံပြီးရှုမှတ်ပါ။

( မြစိမ်းတောင် ဆရာတော်ဘုရားကြီး အသျှင်ဇာနေယျ)

credit to: မူရင်းရေးသားပူဇော်သူ

ဆရာတော် ဦးဥတ္တမသာရ ၏ |နည်းလမ်း| သစ္စာတရားတော် (၂၆.၀၅.၂၀၀၉)

nonselfmotto (56)

တကယ်ရှိတာက သဘောပရမတ်ပါ။ သဘောပရမတ်မှာ ပညတ်တပ်ရရင် စိတ်၊ စေတသိတ်၊ ရုပ်၊ နိဗ္ဗာန်ပါ။ စိတ်၊ စေတသိတ်၊ ရုပ်ဆိုတာက တရစပ်ပျက်စီးတဲ့ သဘောပါ။ အနိစ္စ၊ အနတ္တ၊ ဒုက္ခသဘောပါ။ နိဗ္ဗာန်ဆိုတာက ပျက်စီးမှုကင်းတဲ့ သဘောပါ။ နိစ္စ၊ သုခ၊ အနတ္တသဘောပါ။ စကားလုံးတွေ လက်ခံရုံနဲ့ မပြီးပါဘူး။ ဗုဒ္ဓဘာသာဝင်ဖြစ်တဲ့ အတွက် ဘုရားဆိုတဲ့ စကားလုံးနဲ့၊ တရားဆိုတဲ့ စကားလုံးတော့ လက်ခံနိုင်ပြီးသား ဖြစ်ပါတယ်။ ဘာရိပ်သာ ညာရိပ်သာဝင်တယ်ဆိုရင် ဘာတရား ညာတရားဆိုတဲ့ စကားလုံးတွေကိုတော့ လက်ခံနိုင်ပြီးသား ဖြစ်ပါတယ်။ ဘယ်သူ ဘယ်ဝါဆိုတဲ့ သတ်မှတ်ချက်တွေကိုတော့ လက်ခံနိုင်ပြီးသား ဖြစ်ပါတယ်။ အနိစ္စ၊ အနတ္တ၊ ဒုက္ခဆိုတဲ့ စကားလုံးတွေကတော့ လက်ခံနိုင်ပြီးသား နိစ္စ၊ သုခ၊ အနတ္တဆိုတဲ့ စကားလုံးတွေကတော့ ဘုရားဟောပဲဆိုရင်တော့ ဘုရားကို ယုံကြည်မှုရှိတာဖြစ်တဲ့အတွက် ဘုရားဟောတာကိုလဲ လက်ခံပြီးသားပေါ့။ စိတ်၊ စေတသိတ်၊ ရုပ်၊ နိဗ္ဗာန် ပရမတ်တရား (၄)ပါး ဒါတွေကိုလဲ လက်ခံနိုင်ပြီးသားပေါ့။

တရားအလုပ်ကျတော့  စကားကိုလက်ခံတာမဟုတ်တော့ပဲ စကားနောက်ကွယ်က အမှန်တရားကို လက်ခံနိုင်ဖို့ကြိုးစားရမှာပါ။ စိတ်၊ စေတသိတ်၊ ရုပ်၊ နိဗ္ဗာန် ဆိုတာက သဘောပရမတ်တွေပါ။ စိတ်၊ စေတသိတ်၊ ရုပ် ဆိုတာလဲ သဘောပရမတ် နိဗ္ဗာန်ဆိုတာလဲ သဘောပရမတ်ပါပဲ။ ဒါပေမယ့် စွမ်းအင်သတ္တိမတူပါဘူး။ စိတ်၊ စေတသိတ်၊ ရုပ်ဆိုတာက မတည်မြဲတဲ့ ဖေါက်ပြန်တဲ့ မပြတ်တရစပ် ပြုပြင်နေတဲ့ တရစပ်ပျက်စီးနေတဲ့ စွမ်းအင်သတ္တိရှိတဲ့ သဘောပရမတ်ပါ။ နိဗ္ဗာန်ဆိုတာက ပြုပြင်မှု ဖေါက်ပြန်မှု မတည်မြဲမှု ပျက်စီးမှုကင်းတဲ့ စွမ်းအင်သတ္တိရှိတဲ့ သဘောပရမတ်ပါ။

ဓါတ်ကြီး(၄)ပါးလိုပေါ့ ပူတာလဲတဇော၊  အေးတာလဲ  တေဇောပေါ့။ တေဇောတော့   တေဇောပဲ ပူတာနဲ့ အေးတာနဲ့ စွမ်းအင်သတ္တိ (၂) ခုရှိသလိုပါပဲ။ ဝါယောဓာတ်ဆိုတာလဲ လှုပ်တာလဲ ဝါယော ငြိမ်တာတဲ့ ဝါယောပါပဲ။ အဲဒီလို ဆန့်ကျင်ဘက်သတ္တိ(၂) ခုရှိပါတယ်။ ပထဝီဓာတ်လို မာတာလဲ ပထဝီ ပျော့တာလဲ ပထဝီ ဆန့်ကျင်ဘက် စွမ်းအင်သတ္တိ(၂) မျိုးရှိပါတယ်။ အာပေါ ဓာတ်လို ယိုစီးတာလဲ အာဘောဓာတ်ပဲ ဖွဲ့စည်းတာလဲ အာပေါဓာတ်ပဲ။ ဓာတ်တစ်ခုထဲကပဲ ဆန့်ကျင်ဘက် စွမ်းရည်သတ္တိ ရှိနေသလိုမျိုးပါပဲ။ သဘောပရမတ်ကလဲ တရစပ်ပျက်စီးတဲ့ အနိစ္စ၊ ဒုက္ခ၊ အနတ္တစွမ်းရည်သတ္တိနဲ့ အဲဒီ ပျက်စီးမှု ပြုပြင်မှု ဖေါက်ပြန်မှု မတည်မြဲမှု ကင်းတဲ့ စွမ်းအင်သတ္တိ ဒီ ဆန့်ကျင်ဘက်စွမ်းအင်သတ္တိ(၂) မျိုးရှိပါတယ်။ အဲဒါတွေပဲရှိပါတယ်။ သဘောပရမတ်တွေပဲ ရှိပါတယ်။

စိတ်၊ စေတသိတ်၊ ရုပ် တွေမှာက အနိစ္စစွမ်းအင်ပေါ့.. မမြဲတဲ့စွမ်းအင်ပေါ့ .. ဒုက္ခဆိုတာက ဆင်းရဲတဲ့ စွမ်းအင်သတ္တိ၊ အနတ္တဆိုတာက တစ်ခု၊ တစ်ယောက်၊ တစ်ချိန် တစ်နေရာ မဟုတ်တဲ့ စွမ်းအင်သတ္တိပါ။ မမြဲတဲ့စွမ်းအင်ရဲ့ ဆန့်ကျင်ဘက်က မြဲတဲ့ စွမ်းအင်သတ္တိ.. ဒါတွေက သဘောပရမတ်တွေချည်းပဲ။ ဘာမမြဲတာညာမမြဲတာ မဟုတ်ဘူး။ တစ်ခုခု တစ်ယောက်ယောက် တစ်ချိန်ချိန် တစ်နေရာရာ မြဲတာ မမြဲတာကို ပြောတာ မဟုတ်ဘူး။ မမြဲတဲ့စွမ်းအင် သတ္တိတွေ မြဲနေတာက စိတ်၊ စေတသိတ်၊ ရုပ်။ မြဲတဲ့စွမ်းအင်သတ္တိ မြဲနေတာက၊ မမြဲတဲ့စွမ်းအင်သတ္တိကင်းတဲ့ သဘောမြဲနေတာက နိဗ္ဗာန်ပါ။နိဗ္ဗာန်က ဘာမှ မရှိတာ နိဗ္ဗာန်မဟုတ်။ နိဗ္ဗာန်က ဘုံနန်းပြဿဒ်ကြီးလဲ မဟုတ်။ အဲဒီ တစ်ခု၊ တစ်ယောက်၊ တစ်ချိန်၊ တစ်နေရာ ဆိုတာနဲ့ မပါတ်သက်တဲ့ ဘာတွေညာတွေ ဘယ်သူတွေ ဘယ်ဝါတွေနဲ့ မပါတ်သက်တဲ့ ပြုပြင်မှု၊ ဖေါက်ပြန်မှု၊ ပျက်စီးမှု၊ မတည်မြဲမှု ကင်းတဲ့ စွမ်းအင်သတ္တိက နိဗ္ဗာန်ပါ။

အဲဒီတော့ ရှိတာကတော့ သဘောပရမတ်ပဲ ရှိပါတယ်။ ဒီသဘောပရမတ်မှာ အနိစ္စစွမ်းအင်နဲ့ နိစ္စစွမ်းအင်.. အပူနဲ့ အအေးလို ဒုက္ခစွမ်းအင်နဲ့ သုခဆိုတဲ့ ဆန့်ကျင်ဘက်စွမ်းအင်သတ္တိ.. ဒီဆန့်ကျင်ဘက် စွမ်းအင်သတ္တိတွေရှိတဲ့ သဘောပရမတ်သာလျှင် အမြဲရှိနေတာပါ။ တရားအလုပ်က အဲဒီလို မှန်ကန်တဲ့ အဓိပ္ပါယ်ကို လက်ခံတဲ့ အလုပ်ပါ။ အဲဒီလိုသဘောပရမတ်ကို လက်ခံနိုင်တယ်ဆိုရင် စိတ်၊ စေတသိတ်၊ ရုပ်၊ နိဗ္ဗာန်  ပဲရှိတယ်.. အနိစ္စနဲ့ နိစ္စ၊ ဒုက္ခနဲ့ သုခ၊ အသုဘနဲ့ သုဘပေါ့။ ဒုက္ခသစ္စာနဲ့ သုခသစ္စာပဲရှိတယ်.. ဒီအမှန်တရားကို လက်ခံနိုင်တယ်ဆိုရင် ဒီတရားနဲ့ အညီ ဒါပဲရှိတယ်ဆိုတော့ ရှိတာကိုပဲ ရှိတဲ့အဖြစ် ခံယူလိုက်ဖို့ပါပဲ။ ပရမတ်နဲ့ တသားတည်းဖြစ်သွားဖို့ သဘောပရမတ်အဖြစ် ခံယူလိုက်ဖို့ပဲပေါ့။ သဘောပရမတ်ပဲရှိတယ်ဆိုတော့ ပရမတ်နဲ့ တသားတည်းဖြစ်သွားဖို့ ကြိုးစားဖို့ပါပဲ။

အဲဒီတော့ စကားလုံးတွေကို လက်ခံနိုင်ရုံနဲ့ အဓိပ္ပါယ်ကို လက်မခံနိုင်သေးပါဘူး။ ဘုရားဟောတဲ့ စိတ်၊ စေတသိတ်၊ ရုပ်၊ နိဗ္ဗာန်.. သစ္စာ(၄)ပါး စကားလုံးတွေကိုတော့ ဗုဒ္ဓဘာသာဝင်အားလုံးလောက် နီးပါး လက်ခံနိုင်ပြီးသားပေါ့။ စကားလုံးတွေကို လက်ခံတယ်။ ဒါပေမယ့် အဓိပ္ပါယ်နားလည်မှုကျတော့ တစ်ယောက်တစ်ပေါက်စီ ဖြစ်နေပါတယ်။ ယောဂီတိုင်းနီးပါးတော့ ဒီ စကားလုံးတွေကို လက်ခံနိုင်ပြီးသားပေါ့။ ဒါပေမယ့် မဂ္ဂသစ္စာကို၊ ဒုက္ခသစ္စာကို၊ သမုဒယသစ္စာကို ဒါမှမဟုတ်နိဗ္ဗာန်ကို .. ဒီစကားလုံးတွေရဲ့ အဓိပ္ပါယ်ကို နားလည်မှုကျတော့ အမျိုးမျိုးကွဲပြားနေပါတယ်။ အဲဒါကြောင့်လဲ ဒီမှန်ကန်တဲ့ အဓိပ္ပါယ်ကို လက်ခံနိုင်ဖို့ လိုပါတယ်။ မှန်ကန်တဲ့ အဓိပ္ပါယ်ကိုမှ လက်မခံနိုင်ဘူးဆိုရင်.. မှန်ကန်တဲ့ အဓိပ္ပါယ်ဆိုတာလဲ အမျိုးမျိုးရှိတာ မဟုတ်ပါဘူး။ ပရမတ်က တသမတ်တည်းပါပဲ။ ဘုရားဟောတာကတော့ စိတ်၊ စေတသိတ်၊ ရုပ်၊နိဗ္ဗာန်ပဲပေါ့.. အနိစ္စ၊ အနတ္တ၊ ဒုက္ခပဲပေါ့ .. ။အဲလိုပဲ ပရမတ်ဆိုတာလဲ သူ့ရဲ့ အဓိပ္ပါယ်က တသဘောတည်းပါပဲ။

ဦးဇင်းတို့ တရားဟောတယ်ဆိုတာကလဲ သဘောပရမတ်ဆိုတာကို အနီးစပ်ဆုံး၊ အတိကျဆုံး ပညတ်တပ်တာပါ။ ဒါကိုလက်မခံနိုင်ဘူးဆိုရင် မတိကျတာတွေကို မသေချာတဲ့ အဓိပ္ပါယ်တွေကို ပရမတ်လုပ်နေတော့မှာ ပါပဲ။ အဲဒီတော့ လက်မခံနိုင်သေးဘူးဆိုရင် ဘုရားဟော စိတ်၊ စေတသိတ်၊ ရုပ်၊ နိဗ္ဗာန် ဆိုတာ လက်ခံနိုင်ပေမယ့် ဦးဇင်းပြောတဲ့ အဓိပ္ပါယ်ကို လက်မခံနိုင်သေးဘူးဆိုရင် လက်ခံနိုင်ဖို့ ကြိုးစားရမှာပါပဲ။ စကားမပြောတတ်ရင် ပြောတတ်အောင်သာ ကြိုးစားဖို့ လိုသလိုပေါ့။ ပညာမတတ်ရင် တတ်အောင်သင်ဖို့သာ လိုသလိုပါပဲ။ ကိုယ်လက်မခံနိုင်ရင်လဲ လက်ခံနိုင်အောင် ကြိုးစားဖို့သာ လိုပါတယ်။ ကိုယ်လက်မခံနိုင်တာနဲ့ ဒါ မှားတယ် ဆိုပြီးတော့မှ စွဲချက်တင်ရမှာ မဟုတ်ပါဘူး။ ကိုယ့်အယူနဲ့ မတူတာနဲ့ အမှန်တရားကို မဆန့်ကျင်ပါနဲ့။ အဲဒီတော့ ကိုယ်က တရားလာရှာတာပဲ။ ကိုယ်က ဆရာလာလုပ်တာပဲ.. ကိုယ်က ဆရာနေရာမှာ နေတယ် ဆိုရင်တော့ တပည့်က လုပ်တာကို ကိုယ်သိတဲ့ အသိနဲ့ အမှားအမှန် ဆုံးဖြတ်ရမှာပေါ့.. ကိုယ့်ရဲ့ ဆရာအသိကို ကိုင်ထားပြီး တပည့်သိတဲ့ အသိကို ပြင်ပေးရမှာပါ။ ကိုယ်က တပည့်လုပ်တယ်ဆိုရင်တော့ ဆရာသိတဲ့ အသိကို လက်ခံပြီးတော့မှ တပည့်အသိကို စွန့်ရဲတဲ့ သတ္တိရှိဖို့လိုပါတယ်။

          တကယ်ရှိတာက သဘောပရမတ်ပဲ.. အဲဒီ သဘောပရမတ်မှာ ဆန့်ကျင်ဘက် စွမ်းအင်သတ္တိတွေရှိတယ်။ စိတ်၊ စေတသိတ်၊ ရုပ် နဲ့ နိဗ္ဗာန်ဆိုတာက သဘောပရမတ်ချည်းပါပဲ။ စွမ်းအင်သတ္တိမတူတာပဲရှိပါတယ်။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

MediaFire

source:https://www.facebook.com/zerotruth

ဆရာတော် ဦးဥတ္တမသာရ၏ |စိတ်ကိုအဆုံးရှုံးခံခြင်း| သစ္စာတရားတော်(၁၁.၀၅.၂၀၀၉)

10542080_1523704004513943_1917522064677087884_o

တရားအလုပ်က အတ္တကို စွန့်လွှတ်တဲ့အလုပ် အကန့်အသတ်တွေကို စွန့်လွှတ်တဲ့အလုပ်ပါ။ စိတ်ကို အဆုံးရှုံးခံတဲ့အလုပ်ပါ။ စိတ်ကိုအရှိလုပ်နေတာ အတ္တဖြစ်စေရတဲ့ အကြောင်းဇစ်မြစ်ပါပဲ။ မျက်စိ၊ နား၊  နှာခေါင်း၊ လျှာ၊ ကိုယ်၊ စိတ်တွေကို အရှိလုပ်နေမှုကို စွန့်ရမယ်။ အရှိမလုပ်ရဘူးဆိုပြီး မျက်စိ မရှိဘူး၊ ကိုယ်မရှိဘူး စိတ်မရှိဘူးဆိုပြီး တော့မှ ဆန့်ကျင်ရမှာလဲ မဟုတ်ပါဘူး။ မရှိဘူးလုပ်တာလဲ အရှိလုပ်တာပဲပေါ့။ ဒီလူကိုထောက်ခံတယ်ဆိုတာလဲ အရှိလုပ်တာ၊ ကန့်ကွက်တယ်ဆိုတာလဲ အရှိလုပ်တာ။ အရှိလုပ်ပြီးတော့မှ ကန့်ကွက်တာ ဒီလူကိုဆုပ်ကိုင်ထားပြီးတော့မှ ဒီလူရှိတယ်၊ ဒီအမှန်တရားဆိုတာရှိတယ် ဒါမှန်တယ် ဒါမှားတယ် ဆိုပြီး တစ်ခုခုကိုတော့ အရှိလုပ်ထားတာပဲ။ တစ်ခုခုနဲ့ ပတ်သက်နေတာပဲပေါ့။ စိတ်ကို ဒီတိုင်းထားရမယ်ဆိုရင်လဲ တစ်ခုခုဆိုတဲ့ စိတ်နဲ့ပတ်သက်နေတာပဲပေါ့။ စိတ်ကို ဟိုနေရာစူးစိုက် ဒီနေရာစူးစိုက် ဟိုလိုရှုမှတ် ဒီလိုရှုမှတ်မယ်ဆိုရင်လဲ စိတ်ကိုအရှိလုပ်တာပေါ့။ စိတ်ကို စိတ်အတိုင်းထားလဲ စိတ်ကို အရှိလုပ်တာပဲပေါ့။

တကယ့်တရားအလုပ် အစစ်က တစ်ခုခုဆိုတဲ့ စိတ်ကို အဆုံးရှုံးခံလိုက်ရမယ်။ အဆုံးအရှုံးခံလိုက်ရမယ်ဆိုတာလဲ .. စကားကတော့ မပြည့်စုံဘူးပေါ့။ သားသမီးကို အရှိလုပ်ပြီးတော့မှ သားသမီးကို စွန့်လိုက်သလို အဲလိုမျိုးလဲ မဟုတ်ပြန်ဘူး။ ပရမတ်လိုပေါ့။ ပရမတ်ဆိုတာ ဘာမှန်းမသိသလိုပေါ့။ ကိုယ်နားလည်တာကို အမှန်တရားလုပ်နေတော့ တစ်ခုတစ်ယောက် တစ်ချိန်တစ်နေရာ မဟုတ်တဲ့ ပရမတ်အစစ်ကို လုံးဝမသိသလို ကိုယ်နားလည်ရာ နိဗ္ဗာန်လုပ်နေတော့ နိဗ္ဗာန်အစစ်ကို မသိသလို စိတ်ကိုလဲ အဲလို လုံးဝမပတ်သက်ဖို့ပေါ့။ စိတ်ကို လက်ခံတာရော ကန့်ကွက်တာရော ဒီလိုမျိုးမဟုတ်ပဲနဲ့ စိတ်ဆိုတာနဲ့ လုံးဝမပတ်သက်ဖို့ပေါ့  စိတ်မရှိတော့ဖို့ပေါ့။ စိတ်နဲ့လုံးဝမပတ်သက်တဲ့သဘောကို နားလည်ဖို့ ။ စကားကတော့ ဘယ်လိုပြောပြော ပြည့်စုံတယ်လို့ မရှိပါဘူး။ အဲဒါကြောင့်အလုပ်နဲ့ လုပ်ကြည့်တော့ မှန်ကန်တဲ့အလုပ် လုပ်လိုက်ရင်ရှင်းသွားလိမ့်မယ်။

အဲဒီတော့ ဘယ်လိုလုပ်ရမလဲဆိုတော့ တစ်ခု တစ်ယောက် တစ်ချိန်တစ်နေရာတွေကို အရှိလုပ်နေတဲ့သဘောပဲ ရှိတယ်ဆိုတာကို လက်ခံပါ။ သမုဒယသစ္စာပဲရှိတယ်ပေါ့။ သမုဒယသစ္စာကို အရှိလုပ်လိုက်။ အဝိဇ္ဇာဆိုတဲ့ တစ်ခုတစ်ယောက် တစ်ချိန်တစ်နေရာကို အရှိထင်တဲ့သဘော၊ သင်္ခါရဆိုတာက တစ်ခုတစ်ယောက် တစ်ချိန်တစ်နေရာကို အရှိထင်တဲ့အတွက် အဲဒါတွေနဲ့ ပက်သတ်ပြီးတော့မှ ဘယ်သွားချင် ဘာလုပ်ချင်ဆိုတဲ့ လိုအင်ဆန္ဒတွေက သခါင်္ရ။ တဏှာဆိုတာက ဖြစ်ချင်တာ လုပ်ချင်တာ သိချင်တာ ဒါတွေကို စွဲလန်းတာ တဏှာ။ ဥပါဒါန် ဆိုတာ မလုပ်ရ မဖြစ်ရ မသွားရ မပြောရ မနေနိုင်ဖြစ်တာက ဥပါဒါန်။ ကံဆိုတာက ဟိုကြည့်ဒီကြည့် ဟိုတွေးဒီတွေး ဟိုကြံ ဒီကြံ လျှောက်လုပ်တာ ကံပါပဲ။ ဒီသမုဒယသစ္စာက အနတ္တချည်းပဲ။ ဓမ္မမှန်သမျှ အနတ္တချည်းပဲ။

တကယ်ရှိတာက အဲလိုပြုလုပ်နေတဲ့သမုဒယသစ္စာပဲရှိတာ။ သမုဒယသစ္စာရှိလို့ တစ်ခုတစ်ယောက် တစ်ချိန်တစ်နေရာတွေက အသက်ဝင်နေတာ။ နားတွေ အသံတွေ ကြားစိတ်တွေ ဘာပဲညာပဲသိတဲ့စိတ်တွေ ဒီတစ်ခုတစ်ယောက် တစ်ချိန်တစ်နေရာကို အသက်သွင်းနေတာ ဒါတွေက တကယ်ဟုတ်နေတယ်လို့ အထင်မှားစရာဖြစ်နေတာ ဒါ ပြုလုပ်တဲ့သဘော သမုဒယသစ္စာကြောင့် ပေါ့။ နားရှိလို့ကြားတာမဟုတ်ဘူး။ စိတ်ရှိလို့ သိတာမဟုတ်ဘူး။ အဲဒီအသိတွေက အမှားသိတွေ။ တကယ်ရှိတာက သမုဒယသစ္စာပဲရှိတယ်။ ငါတွေသူတွေ လူတွေ တိရိစ္ဆာန်တွေရှိတာမဟုတ်ဘူး။ အဆင်းတွေ အသံတွေ အနံ့တွေ အရသာတွေ ရှိတာ မဟုတ်ဘူး။ ဒီ သမုဒယသစ္စာသာလျှင်ရှိတယ်။ အဲဒီ့ အင်မတန်နားလည်ဖို့ခဲယဉ်းတဲ့ အမှန်တရားကို မမေ့ရမှာ။ တစ်ခုတစ်ယောက် တစ်ချိန်တစ်နေရာကို အဟုတ်ထင်နေတဲ့သဘောပဲရှိတယ်ပေါ့။

ဒီသမုဒယ သစ္စာထဲက သဘောတစ်ခုခုကို မမေ့ရမှာ။ အထင်မှားတဲ့ သဘောပဲဖြစ်ဖြစ် ဖြစ်ချင်လုပ်ချင်တဲ့ သဘောပဲ ဖြစ်ဖြစ် အဲဒီ ဖြစ်ချင်ရတာကို လုပ်ချင်ရတာကို စွဲလန်းတဲ့ သဘောပဲဖြစ်ဖြစ် အရူးအမူး ဖြစ်တဲ့ သဘောပဲ ဖြစ်ဖြစ် ပြုလုပ်တဲ့သဘောပဲ ဖြစ်ဖြစ် မှန်ကန်တဲ့ သမုဒယသစ္စာရဲ့ သဘောတွေထဲက သဘော တစ်ခုခု ကို မမေ့ရမှာ။ တကယ်ဖြစ်နေတာကို မမေ့ရင် တကယ်မဖြစ်တာတွေကို မေ့ပြီးသားပဲပေါ့။ စိတ်ကို အရှိလုပ်ပြီးတော့မှ ကန့်ကွက်မဲပေးတာလဲ မဟုတ်ဘူး။ ထောက်ခံမဲပေးတာလဲ မဟုတ်ဘူး။ အမျိုးဖြစ်ဖြစ်နေတဲ့ လောကကြီးထဲမှာ မပြောင်းလဲတာကတော့ တသမတ်ထဲ ဖြစ်နေတာကတော့ သမုဒယသစ္စာပါ။

သမုဒယသစ္စာက မပြောင်းလဲတဲ့ အတွက် လောကကြီးက အမြဲတမ်းပြောင်းလဲနေရသလို အကြိုက်တွေက အမျိုးမျိုးပြောင်းနေရသလိုပေါ့။ သမုဒယသစ္စာကသာ တသမတ်ထဲဖြစ်နေရင် သူဖန်ဆင်းထားတဲ့ လောကကြီးကလဲ တသမတ်ထဲ ဖြစ်နေပြီပေါ့။ အဲဒါကြောင့် ဘာကို ယုံကြည်ရမလဲ.. ဘာတွေညာတွေ ယုံကြည်စရာဆိုတာက တသမတ်ထဲ ဘယ်တော့မှ မဖြစ်ပါဘူး။ အိန္ဒိယမှာ အရင်က ဘုရားကို ယုံတယ် အခု သာသနာကွယ်သွားတာပဲ။ အဲလို ဘာမှ မတည်ငြိမ်တာက အရာရာပြောင်းလဲနေရတာက မပြောင်းလဲတဲ့ သမုဒယသစ္စာကြောင့်။ မမြဲတာတွေထဲက မြဲတာကို ရှာတတ်ဖို့ ဘာမှမမြဲပေမယ့် ဘာတွေညာတွေအဟုတ်ထင်နေတဲ့ အဝိဇ္ဇာကတော့ အမြဲရှိတယ်။ ဘယ်သူမှ ဘယ်အချိန်မှ ဘယ်နေရာမှ တကယ်မဟုတ်ပေမယ့် အဲဒီဟာတွေကို အဟုတ်ထင်နေတဲ့ အဝိဇ္ဇာကတော့ တကယ်ဟုတ်ပါတယ်။

တရားအလုပ်က တကယ်ဟုတ်တာကို အဟုတ်လုပ်ရမှာ။ စိတ်ချရတာကို အဟုတ်လုပ်ရမှာ။ စိတ်မချရတဲ့လောကကြီးကို မတည်ငြိမ်တဲ့ လောကကြီးကို တည်ငြိမ်ဖို့ကြိုးစားနေရင် အရူးအလုပ်။ အသိဥာဏ်ဆိုတာကတော့ အဲဒါပါပဲ။ ဖြစ်နိုင်တာကိုပဲလုပ်တယ် မဖြစ်နိုင်တာကို မလုပ်ဘူး။ ဖြစ်နိုင်တာကတော့ သစ္စာသိဖို့တော့ ဖြစ်နိုင်တယ်။ တကယ်မဟုတ်တဲ့ ကမ္ဘာမြေကြီး မလှုပ်ရှားဖို့ကတော့ မြေငလျင်တွေ မလှုပ်ဖို့ကတော့ မဖြစ်နိုင်ဘူးပေါ့။ တကယ်မဟုတ်တဲ့ လူ့လောကကြီး အမြဲတမ်းအေးချမ်းသာယာဖို့ကတော့ မဖြစ်နိုင်ဘူးပေါ့။ ဘုရားခေတ်မှာတောင်မှ သံဃာသင်းကွဲတယ်။ ကိုယ်ဖန်ဆင်းတဲ့လောကမှာတောင်မှ သူ့ရဲ့သဘာဝကိုက တကယ်မဟုတ်တဲ့အတွက် သမုဒယသစ္စာက မပြောင်းလဲပေမယ့်  သူဖန်ဆင်းထားတာတွေကတော့ ပြောင်းလဲတာချည်းပါပဲ။ ဘုရားက အဲဒါတွေကို လွှတ်ထားလိုက်တာ။ အဲဒါတွေက အဓိက မဟုတ်ဘူး။ တကယ်မဟုတ်တာတွေက ဘာဖြစ်ဖြစ် မဟုတ်တာကို အဟုတ်လုပ်ပြီးတော့မှ ရှင်းမနေတော့ဘူး။ တကယ်ရှင်းရမှာကို ပဲ ရှင်းသွားလို့ ဒါ (၂၄) အသင်္ချေကျော် ကျွတ်တမ်းဝင်သွားတာ။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

MediaFire

source: https://www.facebook.com/zerotruth

ဝန်ထမ်းဘ၀ လွတ်ကြပါစေ

10917928_354017794777666_1225899677337830149_o

ဘာဝန်တွေထမ်းပြီးဘယ်လောက်ဒုက္ခကြီးတယ်ဆိုတဲ့ ကိုယ့်လက်ရှိဘ၀အပေါ်မှာ ကောင်းစွာခြုံငုံသိပြီး တော့ ဘယ်လိုလွတ်မြောက်အောင် ကြိုးစားကြမယ်ဆိုတာ ယနေ့မိမိတို့ရရှိထားတဲ့ ၃၁ဘုံကြီးထဲမှာ ရောက်ချင် တဲ့ နေရာကိုရောက် ကိုယ်ရောက်ရာဌာန ရောက်ရာဘုံဘ၀မှာ နေရတဲ့ဘ၀မှာ တစက်ကလေးမှသက်သာစရာ အကြောင်းမရှိလောက်အောင်ကို ဒုက္ခဆင်းရဲကြီးပုံ ဘုရားရှင်ကိုယ်တော်မြတ်ကြီးက ၀န်ထမ်းသမားနဲ့ဥပမာပေး ပြီးတော့ ဟောထားတယ်လို့ နားလည်ထားကြ။ ရဟန်းတော်တွေကို ဟောကြားပေးတဲ့ တရားဖြစ်တဲ့အတွက် ၀မ်းမြောက်ဝမ်းသာ အာရုံပြုပြီးတော့ ဘ၀ရဲ့လွတ်မြောက်ရေး ခန္ဓာဥာဏ်ရောက်တဲ့ တရားတစ်ပုဒ်ကို ဟောမှာ ဖြစ်တဲ့အတွက် ဩော် ဒို့ရထားတဲ့ဘ၀ ခန္ဓာငါးပါး ၊ အိုတယ် နာတယ် သေတယ်ဆိုတဲ့ ဒါတွေကိုလည်း အထပ် ထပ် နားလျှံအောင်ကြားရ။ ဒါပေမယ့် တစ်မျိုးပြီးတစ်မျိုးပုံဖော်ပြီး ဟောတဲ့အတွက်ကြောင့် မို့လို့ မိမိတို့ရဲ့သန္တာန် မှာ မရိုးအောင်ပဲ ဟောဒီခန္ဓာကြီးရဲ့ နှိပ်စက်မှုအမျိုးမျိုးဟာ အံ့ဩဖွယ်ကောင်းလောက်အောင်ရော ဥာဏ်မှာမ ထင်ဘူးလား… ထင်ပါတယ်။ ဒါကြောင့်လည်းပဲ အဲ့ဒီဒုက္ခတွေက လွတ်မြောက်အောင်ကြိုးစားမယ်ဆိုတဲ့ သဒ္ဓါ တရားဟာ ဒို့ရင်ထဲမှာ တဖွားဖွားပေါက်ဖွားလာတယ်ဆိုရင်ရော လွဲစရာအကြောင်းရှိသလား…မရှိပါဘူး။ တရား မနာရရင်တော့ မပေါ်ဘူးပေါ့နော်။

အဲ့တော့ တရားနာရတဲ့အခါမှာ အခုလောကမှာ ကိုယ့်ရဲ့ စားဖို့ ၀တ်ဖို့ နေဖို့ အတွက်ကို မမျှတတော့ သူများဆီမှာသွားပြီးတော့ ၀န်ထမ်းဘ၀နဲ့ လုပ်ရတဲ့ ပုဂ္ဂိုလ်တွေမရှိဘူးလား…ရှိပါတယ်။ အဲ့လို ၀န်ထမ်းနဲ့လုပ်ရတဲ့ ပုဂ္ဂိုလ်တွေထဲမှာ တောင်အောက်ကနေ တောင်ပေါ်ကိုလည်းပဲ ၀န်ထုပ်ဝန်ပိုးတွေ သယ်ပြီးတက်ရတဲ့ ပုဂ္ဂိုလ်တွေရော မရှိဘူးလား။ တောင်ပေါ်က တောင်အောက်ကို ၀န်ထုပ်ဝန်ပိုးတွေ သယ်ပြီး ဆင်းလာတာရော မရှိဘူးလား…ရှိပါတယ်။ အဲ့ဒီလိုမျိုးနဲ့ အမျိုးမျိုး သယ်ပြီးတော့ ကိုယ့်ဘ၀ရပ်တည်မှုလေး အ တွက်ကို ဒုက္ခဆင်းရဲကြီးစွာခံရတဲ့ ၀န်ထမ်းတွေ အများကြီးပဲနော်။ အဲ့ဒီပုဂ္ဂိုလ်ရဲ့ သန္တာန်မှာ တစ်နေကုန်ကိုယ့်ရဲ့ လုပ်အားခလေး ရဖို့အတွက် ကြိုးစားပြီးထမ်းပိုးလာရတဲ့ ဒီဝန်ထုပ်ကြီးတွေ တစ်နေကုန် သယ်ချင်လည်း သယ်ရ မယ်၊ အခိုက်အတန့် သယ်ချင်လည်း သယ်ရမယ်၊ အချိန်အပိုင်းအခြားနဲ့ သယ်ချင်လည်း သယ်ရမယ်။ ၀န်ထမ်း ဘ၀ မလွတ်မချင်း သူ မသယ်ရဘူးလား..သယ်ရပါတယ်။ အဲ့ဒီလိုသယ်ပြီးရင် သူသည် ဒီဝန်ထုပ်ဝန်ပိုးကို ပိုင်ရှင်ဆီမှာတော့ ချပေးရတာပဲနော်။ ဒီလိုဆိုတော့ ၀န်ထုပ်ကိုခံယူတဲ့ပုဂ္ဂိုလ်ရောမရှိဘူးလား…ရှိပါတယ်။ ၀န်ထုပ်ဝန်ပိုးဆိုတာရော မရှိဘူးလား ။ အဲဒါကို ထမ်းပိုးတဲ့သူရော … ရှိပါတယ်။ အဲ့ဒီအချိန်အခါမှာ ဟောဒီဝန် ထမ်းသည် ဒီဝန်ထုပ်ကို လက်ခံတဲ့သူဆီ ဘုတ်ကနဲချလိုက်တာနဲ့ သူ့ဆီမှာ ထမ်းထားတာ ရှိသေးလား..မရှိပါဘူး ဘုရား။ ဒါ ဒီဝန်ထုပ်ကို ထမ်းခိုက်ကတော့ ပင်ပန်းတယ်။ ဒီလုပ်ငန်းမပြီးမချင်း ထမ်းနေရမှာနော်။ ခေတ္တခဏ နားနေခိုက် ၀န်ထုပ်ချထားရင်တော့ ခဏသက်သာတာပေါ့။ အဲ့တော့ ဘယ်အချိန်လေး အေးချမ်းသွားလဲမေးရင် ဒီဝန်ထုပ်လေးချလိုက်တဲ့ အချိန်နော်။ ထမ်းရတဲ့ အချိန်သက်သာရဲ့လား..မသက်သာပါဘူးဘုရား။ ဩော် အဲ့ဒီ လိုမျိုးနဲ့ ဒို့တွေသည် စားဝတ်နေရေးကို ပြေလည်အောင် ကြိုးစားလာခဲ့ကြတာ။

ငယ်တဲ့ ပုဂ္ဂိုလ်နဲ့ကြီးတဲ့ ပုဂ္ဂိုလ် ဘယ်သူကပိုပြီး ၀န်ထမ်းနိုင်တုန်း … ငယ်တဲ့ပုဂ္ဂိုလ်က အားကောင်းတော့ ပိုထမ်းနိုင်တာပေါ့။ မထမ်းနိုင်တဲ့ အခါ ကျတော့ ၀န်ပိနေတဲ့ ပုဂ္ဂိုလ်တွေရော မရှိဘူးလား..ရှိပါတယ်ဘုရား။ အသက်အရွယ်ကြီးတဲ့ ပုဂ္ဂိုလ်တွေ အပြေး အလွှား ရှာနေရတာ တွေ့ဘူးတယ်မလား။ ၀န်မထမ်းနိုင်ပေမယ့် စားဝတ်နေရေးအတွက် မကြိုးစားရဘူးလား… ကြိုးစားရပါတယ်။ ဒုက္ခက သေးလား ကြီးလား…ကြီးပါတယ်ဘုရား။ အဲ့ဒါ ဘယ်ဘ၀လဲ …၀န်ထမ်းဘ၀။ ၀န်ထမ်းဘ၀မသက်သာပါလားဆိုတာ သိရင် လွတ်အောင်ကြိုးစား။ ၀န်ထမ်းဘ၀ကနေ လွတ်ဖို့ဆိုတာ အဲ့ဒီ ၀န် ထုပ်ကို ထမ်းထားတဲ့အချိန်ကနေ မိမိပစ်ချနိုင်တဲ့အချိန်ပြီးရင် အေးချမ်းမှာပဲ။ ဒါက ဘုရားရှင်က ဥပမာပေးထား ပြီနော်။ အဲ့တော့ ဒို့တွေက ၀န်ထုပ်၊ ၀န်ထမ်း ၊ ၀န်ချတယ်ဆိုတာဘာလဲ မသိရင် ကိုယ့်ကိုယ်ကို ၀န်ထမ်းဘ၀ ရောက်မှန်းကို မသိဘူးနော်။ အဲ့ဒီ ၀န်ထမ်းဘ၀ရဲ့ ဆင်းရဲပင်ပန်းမှုကိုလဲ မသိဘူး။ အဲ့လိုမသိဘူးဆိုရင် ဒီပုဂ္ဂိုလ် သည် ဘယ်တော့မှ ၀န်မချပါ။ ဩော် ဘုရားရှင်ကိုယ်တော်မြတ်ကြီးက ဟောဒီခန္ဓာငါးပါးကို ဆင်းရဲခြင်းအမှန်တ ရားဆိုတဲ့ ဒုက္ခသစ္စာတစ်လုံးကို တစ်နည်းလေးနဲ့ပုံဖော်ပြီး ဆုံးမသွားပြန်ပြီလို့ နားလည်လိုက်နော်။ ဆင်းရဲခြင်းအ မှန်တရားဆိုတဲ့ ခန္ဓာ ဒုက္ခသစ္စာဆိုတာကိုတော့ နည်းမျိုးစုံနဲ့ပုံဖော်ပြီး ဟောတာပဲ။

ယနေ့ဒို့တွေအားလုံးသည် ဟောဒီခန္ဓာကိုရထားတဲ့ အတွက်ကြောင့်မလို့ ဒီခန္ဓာရတဲ့ ပုဂ္ဂိုလ်တိုင်းဟာ ဘာနဲ့တူလဲမေးရင် ၀န်ထမ်းနဲ့တူတယ် ၀န်ထမ်းသမားဆိုတာ ကိုယ့်ရဲ့စားဝတ်နေရေးလေး ပြေလည်အောင်လို့ သူများဆီမှာ အခစားလေး လုပ်ပြီး ထမ်းပိုးနေရတဲ့ပုဂ္ဂိုလ်သည် ၀န်ထမ်းဟေ့။ အခုလည်းပဲ ဒို့တွေအားလုံးက ဟောဒီဝန်ထမ်းနဲ့တူတဲ့ ဘ၀ကို ဒို့ဘာ ကြောင့်ရနေသလဲမေးရင် ခန္ဓာရထားလို့။ ဘာရထားလို့ …ခန္ဓာရထားလို့ပါဘုရား။ ပြီးတော့ဝန်ထမ်းသမားဆိုတာ ဘာပါလဲလို့မေးတဲ့အခါမှာ ဘုရားရှင်ကိုယ်တော်မြတ်ကြီးက ဟောဒီခန္ဓာငါးပါးရှိတဲ့ ပုဂ္ဂိုလ် ၀န်ထမ်းဟေ့။ ဒါဆို ရင် ဒို့တွေအားလုံးသည် ၀န်ထမ်းသမားတွေ။ ၀န်ထမ်းသမားတွေဆိုတော့ ၀န်ထုပ်ဝန်ပိုးတော့ သယ်ရမှာနော်။ ၀န်ထမ်းလောကထဲကိုရောက်နေကြတဲ့ ဒို့တွေအားလုံး လူ့ဘ၀ ၊ နတ်ဘ၀၊ ဗြဟ္မာဘ၀ ရလည်း ၀န်ထမ်းရမှာပဲ။ အဲ့ဒီ ၀န်ထမ်းရတဲ့ ဘ၀လေးကို ကိုယ့်ကိုယ်ကို မမေ့ပါနဲ့။ ၃၁ဘုံထဲရောက်နေပြီး လှည့်လည်နေတာ ဘာလုပ် နေတာ..၀န်ထမ်းနေတာ။ ပျော်စရာလို့ မထင်နဲ့နော်။ ယနေ့သူတော်စင်များ လခလေးကောင်းကောင်းရရင် မ ပျော်ဘူးလားဟေ့ ..ပျော်ပါတယ်ဘုရား။ ၀န်ထမ်းရတာ ထွက်ကိုမထွက်ချင်တော့ဘူးနော်။ အလုပ်အကိုင်လေး တွေမှာ ကိုယ်ကြိုးစားလို့များ ပြေလည်နေပြီ အောင်မြင်နေရင် ထွက်ချင်ရဲ့လား…မထွက်ချင်ပါဘူးဘုရား။ အဲ့ထဲ မပျော်ဘူးလား..ဒါဆို ၀န်ထမ်းဘ၀က လွတ်ပါ့မလား။

အခုလည်း လူချမ်းသာဘ၀လေးနေရရင် မပျော်ဘူးလား။ ကိုယ့်ကိုယ်ကို ၀န်ထမ်းဆိုတာမေ့နေလို့ ပျော်နေတာ။ ၀န်ထမ်းဆိုတာ ၀န်ထုပ်ဝန်ပိုးမသယ်ရဘူးလား…သယ်ရ ပါတယ်။ ဒီလိုဆိုရင် အမျိုးမျိုးသော သယ်ဆောင်စရာ ၀န်ထုပ်ဆိုတာ ဘာလဲလို့ မေးခွန်းထုတ်ပြီ။ ရရှိထားတဲ့ ခန္ဓာငါးပါး အပေါ်မှာ ငါ့ကိုယ့် ငါ့ဟာ ငါ့ဥစ္စာလုပ်ပြီး အမျိုးမျိုးစွဲနေကြတယ်။ ယနေ့သူ တော်စင်များ ခန္ဓာငါးပါးရထားတဲ့အတွက်ကြောင့်မို့လို့ ဒီခန္ဓာငါးပါးအပေါ်မှာ ရုပ်တရားကိုလည်း ငါ့ကိုယ် ငါ့ဟာ ငါ့ဥစ္စာလုပ် မလုပ်။ မိမိတို့ရဲ့သန္တာန်မှာ ငါ့ကိုယ်ကိုမထိနဲ့ ငါ့မျက်လုံးနဲ့မြင်တာ ငါ့အသံနဲ့ဆပ်ဆပ် ကြားလိုက်တာ အစရှိသဖြင့် ဒီအပြောဆိုတွေဟာ ပြောရုံပြောတာ မဟုတ်ပဲ တကယ်စွဲနေကြတာ။ ရုပ်နဲ့ပတ်သက်လို့ ငါ့ကိုယ် ငါ့ဟာ ငါ့ဥစ္စာလုပ်နေကြတဲ့ ပုဂ္ဂိုလ်တွေကလည်း ဟောဒီခန္ဓာငါးပါးအပေါ်မှာ မခွဲနိုင် မခွာနိုင် စွဲနေကြတယ်။ တစ်ခါ ဝေဒနာနဲ့ပတ်သက်ပြီးတော့လည်း ၀မ်းသာတာ ၀မ်းနည်းတာ ခံစားတဲ့ သဘောကိုလည်း ငါ့ကိုယ် ငါ့ဟာ ငါ့ဥစ္စာလုပ်နေပြန်တယ်။ သံသရာရှည်ခဲ့သမျှ ငါ့ကိုယ် ငါ့ဟာငါ့ဥစ္စာဆိုပြီး အစွဲဖျောက်မရတဲ့ ပုဂ္ဂိုလ်တွေ ဝေဒနာ ပေါ်မှာလည်း ထင်ကြတယ်၊ သညာပေါ်မှာလည်း အလွတ်မပေးဘူး၊ သင်္ခါရပေါ်မှာလည်း အမြင်မှားထားကြ တယ်၊ ဟောဒီဝိညာဏ်ကိုလည်း ငါလုပ်လို့မဆုံးဘူး။ အဲ့ဒီလို ငါ့ကိုယ် ငါ့ဟာ ငါ့ဥစ္စာစွဲယူနေသမျှ ၀န်ထုပ်တွေ။ ဒါ ဖြင့် ၃၁ဘုံထဲကိုရောက်နေတဲ့ ၀န်ထမ်းဆိုတဲ့ ဒို့တွေသည် ၀န်ထုပ်ဝန်ပိုးတွေကို အမျိုးမျိုး သယ်ရလိမ့်မယ်။

ဆရာတော် ဦးဥတ္တမသာရ ၏ စိတ်ကို အဓိကထားခြင်းအကြောင်း သစ္စာတရားတော် (၂၉.၀၉.၂၀၁၀)

581985_573627622699422_1552869257_n

တရားအလုပ်က အဓိကအားဖြင့် စိတ်နဲ့ပတ်သက်ပါတယ်။ ဦးဇင်းတို့နားလည်ထားတဲ့ စိတ်ဆိုတာနဲ့ရော ဒီစိတ်ကို မှီပြီးတော့မှ ဖြစ်ပေါ်နေတဲ့ အမျိုးမျိုးသော အယူတွေနဲ့ ပတ်သတ်ပြီးတော့မှရော အဟုတ်ထင်မှုကင်းဖို့ ငြိတွယ်မှုကင်းဖို့ လိုပါတယ်။ စိတ်ပဲ ဆိုရင် ဒါ ဖြစ်ပေါ်နေတဲ့စိတ်ကို အဟုတ်ထင်တာပါ။ လောဘပဲ၊ ဒေါသပဲ မောဟပဲဆိုရင် ဒါ စိတ်နဲ့ ပတ်သတ်တဲ့ လိုချင်မှုတွေ မကျေနပ်မှုတွေ နားမလည်မှုတွေကို အဟုတ်ထင်ငြိတွယ်တာပါ။ နားမလည်ဘူးဆိုရင် ဒါ စိတ်နဲ့ ပတ်သတ်တဲ့ နားလည်မှု နားမလည်မှုတွေကို အဟုတ်ထင်ငြိတွယ်တာပါ။ တရားအလုပ်က အဲဒီ အဟုတ်ထင်ငြိတွယ်မှု ကင်းစေဖို့ပါပဲ။ အဓိကအားဖြင့် စိတ်နဲ့ ပတ်သတ်ပြီး ဖြစ်ပေါ်နေတဲ့စိတ်ကို အဟုတ်ထင်ငြိတွယ်မှုကင်းစေဖို့ စိတ်နဲ့ပတ်သက်တာတွေနဲ့လဲ အဟုတ်ထင်ငြိတွယ်မှု ကင်းစေဖို့ပါပဲ။ အဲဒီတော့ အဓိက အလုပ်လုပ်ရမှာက စိတ်နဲ့လုပ်ရမှာပါ။ ကိုယ်ခန္ဓာကြီးက အဓိက မဟုတ်ဘူး။ မျက်စိက အဓိက မဟုတ်ပါဘူး။ မလိုဘူးတော့ပြောတာ မဟုတ်ပါဘူး။ အဓိကမဟုတ်ပါဘူး။ နည်းလမ်းတွေက အဓိက မဟုတ်ပါဘူး။ ဘယ်နည်း ညာနည်းက အဓိက မဟုတ်ပါဘူး။ ဝင်လေ ထွက်လေဆိုတာလဲ အသုံးချဖို့ပါပဲ။ နည်းလမ်းတွေက အသုံးချဖို့ပဲ။ အဓိက မဟုတ်ဘူးဆိုတာ နည်းသိရုံနဲ့ လိုရင်းမရောက်သေးပါဘူး။ ရတနာမြေပုံရှိတာနဲ့စာရင် ရတနာရှိတာက အဓိက ဖြစ်သလိုပေါ့၊ ဘာမှမရှိတာနဲ့ စာရင်တော့ ရတနာမြေပုံရှိတာက အဓိကကျတာပေါ့။ ကာယတွေ ဝစီတွေနဲ့ စာရင် မျက်စိ၊နား၊ နှာခေါင်း၊ လျှာ၊ ကိုယ် တွေနဲ့ ယှဉ်ရင်တော့ စိတ်က ပိုပြီး အဓိက ကျပါတယ်။

စိတ်က အဓိကဆိုလို့ တရားက စိတ်အလုပ်ပဲဆိုပြီး စိတ်နဲ့လုပ်တာကို တရားအလုပ်လို့ ဒီလိုပြောတာတော့မဟုတ်ပါဘူး။ စိတ်နဲ့တော့ လုပ်ရပါတယ်။ ဒါပေမယ့်စိတ်ကို သုံးရုံသက်သက် သုံးတတ်ဖို့ပါ။ စိတ်ရဲ့ အခြေအနေတွေကိုလဲ သုံးရုံသက်သက် သုံးတတ်ဖို့ပေါ့။ သုံးရုံသက်သက် ဖြစ်ဖို့က စိတ်ကိုရော၊ စိတ်နဲ့ပတ်သတ်တဲ့အခြေအနေတွေကိုရော အဟုတ်ထင်ငြိတွယ်မှု ကင်းစေဖို့ပါ။ စိတ်ကို အဟုတ်ထင်ငြိတွယ်မှု … တစ်ခုခုလို့ပေါ့ တစ်ယောက်ယောက်ရဲ့စိတ်လို့ပေါ့ အချိန်ကာလ သက်တမ်းရှိတဲ့စိတ်လို့ စိတ်ရဲ့ သက်တမ်းက မျက်စိတစ်မှိတ်မှာ ကုဋ္ဋေတစ်သိန်းပဲ စိတ်တစ်စိတ်ရဲ့ သက်တမ်းက မျက်စိတစ်မှိတ်ကာလလေးရဲ့ အပုံတစ်သိန်းပုံရင် တစ်ပုံပဲဆိုလဲ ဒါ အသက်ကို အရှိတော့ ယူနေတာပါပဲ။ စိတ်ကို တစ်ခုခုလို့ ယူနေတာပါပဲ။ အဲဒီဖြစ်စဉ်နဲ့ပတ်သက်ပြီး အဟုတ်ထင်ငြိတွယ်မှု ကင်းစေဖို့ပါ။ တရားအလုပ်အစစ်က ဖြစ်ပေါ်နေတဲ့ သံသယတွေ မာန်မာနတွေ၊ ကောင်းတဲ့စိတ်တွေ မကောင်းတဲ့စိတ်တွေ ဒါတွေနဲ့ ပါတ်သက်ပြီး အဟုတ်ထင်ငြိတွယ်မှု ကင်းစေဖို့ကြိုးစားတာ တရားအလုပ်ပါပဲ။ စိတ်နဲ့တော့ အလုပ်လုပ်ပါတယ်။ စိတ်ကို အတည်ယူပြီးလုပ်တာတော့ မဟုတ်ပါဘူး။ စိတ်ကို သုံးရုံသက်သက် သုံးတတ်ဖို့ကြိုးစားရမှာပါ။ စိတ်နဲ့ ပါတ်သက်တဲ့ အဟုတ်ထင်ငြိတွယ်မှု ကင်းစေဖို့ ကြိုးစားတာ တရားအလုပ်ပါ။

အဲဒီတော့ ဆိုင်းဘုတ်က အဓိက မဟုတ်ပါဘူး။ ဆရာတပည့်ဆိုတဲ့ ဆိုင်းဘုတ်က သုံးဖို့သက်သက်ပါ။ အဓိကတော့ မဟုတ်ပါဘူး။ ဒီအဓိကနဲ့ သာမညကို မခွဲတတ်ဘူးဆိုရင် နာမည်ခံယောဂီပဲ ဖြစ်မှာပါ။ နည်းလမ်းကို အဓိက ထားမယ် အချိန်ကာလကို အဓိက ထားမယ် တောမှ မြို့မှဆိုပြီး နေရာဒေသကို အဓိကထားနေမယ် ဘာယောဂီ ညာယောဂီဆိုပြီး သတ်မှတ်ချက်တွေကို အဓိကထားနေမယ် ဘယ်လိုကျင့်တယ် ညာလိုကျင့်တယ် ဘယ်လိုဖြစ်တယ် ညာလိုဖြစ်တယ်ဆိုတဲ့ အခြေအနေတွေကို အဓိက ထားနေမယ်ဆိုရင်တော့ တကယ်လုပ်ရမယ့် စိတ်ကို အဟုတ်ထင်ငြိတွယ်မှု ကင်းစေဖို့ဆိုတဲ့ အလုပ်ကို နားလည်မှာ မဟုတ်ပါဘူး။

အပေါ်ယံတရားအလုပ်ကတော့ ယောဂီတိုင်းနီးပါး လုပ်တတ်ပါတယ်။ အပေါ်ယံလုပ်တာကို နက်နက်နဲနဲ မလုပ်တတ်လို့ အပေါ်ယံလုပ်နေတာကို အပြစ်ပြောစရာ မရှိပါဘူး .. လမ်းဆုံးနေတာကို ပြောတာပါ။ အပေါ်ယံလုပ်တာမှာပဲ လမ်းဆုံးနေတာကို လိုသေးတယ်ပြောတာပါ။ အပေါ်ယံလုပ်တတ်ဖို့ကတော့ ယောဂီအချင်းချင်း ဆရာတင်ရင်တောင် တတ်ပါတယ်။ ဘယ်လိုကျင့်ရမလဲ ဆိုရင် ကိုယ်ကျင့်တဲ့အတိုင်း ယောဂီတိုင်းနီးပါးတော့ ပြောပြလို့ရတာပေါ့။ ဒါပေမယ် ဒါက အပေါ်ယံပဲရှိပါတယ်။ စိတ်ကိ်ု အဟုတ်ထင်မှု ငြိတွယ်မှုကင်းအောင် ကြိုးစားတဲ့ အဆင့်မဟုတ်သေးပါဘူး။ အချိန်ကာလတွေ နေရာဒေသတွေ အခြေအနေတွေကို အဓိကထားတဲ့ အဆင့်ပဲရှိပါသေးတယ်။ အခြေအနေတွေ အချိန်ခါတွေ နေရာဒေသတွေကို ဒါတွေကို အဓိကထားနေမှုကို စွန့်ပြီး သုံးရုံသက်သက် သုံးရမှာပါ။ ဖြစ်ပေါ်နေတဲ့စိတ်တွေကို အဟုတ်ထင်ငြိတွယ်နေမှု ကင်းဖို့ပေါ့။ စိတ်ကို၌အပေါ်မှာကအစ စိတ်ကို အဟုတ်ထင်ငြိတွယ်မှု ကင်းစေဖို့ပါပဲ။ စိတ်ကို သုံးရုံသက်သက် သုံးတတ်သွားစေဖို့ တစ်ခုခု အနေနဲ့ သုံးနေတာ စိတ်ကို အဟုတ်ထင်နေလို့ပါ။

စကားပြာရင်လဲ ဒါ စကားတွေကို တစ်ခုခု ဆိုပြီး အဟုတ်ထင်ငြိတွယ်မှုနဲ့ ပြောနေတာပေါ့။ စကားလုံးတွေကို လက်နက်အဖြစ်နဲ့ အသုံးချပြီးတော့မှ ထိုးနှက်သလို ဝေဖန်ပြစ်တင် ရှုံ့ချသလို ကိုယ်ခန္ဓာကြီးကိုလဲ ယောက်ယောက်အနေနဲ့ တစ်ခုခု အနေနဲ့ သွားလာပြောဆို လုပ်ကိုင်နေထိုင် သလိုပေါ့။ ဒါတွေက စိတ်ကို တစ်ခုခုလို့အထင်မှားရာကအစ စတာပါ။ အဓိကကျတဲ့ စိတ်နဲ့ ပါတ်သတ်တဲ့ အဟုတ်ထင် ငြိတွယ်မှု ကင်းတယ်ဆိုရင် နောက်လိုက်တွေဖြစ်တဲ့ စကားတွေနဲ့ ပါတ်သက်ပြီးမှရော မျက်စိ နား နှာခေါင်း လျှာ ကိုယ် ဆိုတာတွေနဲ့ ပါတ်သက်ပြီးတော့မှရော အဟုတ်ထင်ငြိတွယ်မှု ကင်းကင်းနဲ့ သုံးရုံသက်သက် သုံးတတ်လာမှာပါ။

တရားအား မထုတ်ဘူးဆိုရင်တော့ အဓိကတွေက အမျိုးမျိုးကွဲနေတာပေါ့။ အစိုးရဝန်ထမ်းတွေ အတွက် သတ်မှတ်ထားတဲ့ အမှန်တရားတွေက အဓိက၊ စီးပွားရေး သမားအတွက်ကတော့ ပိုက်ဆံက အဓိက.. အရှုံးအမြတ်တွေက အဓိကပေါ့။ ကျောင်းသား အတွက်ကတော့ သတ်မှတ်ထားတဲ့ ပညာတွေက အဓိက၊ နာမည်ခံ ယောဂီအတွက်ကတော့ သတ်မှတ်ထားတဲ့ အများလက်ခံထားတဲ့ ဘာနည်း ညာနည်းတွေက အဓိက လိုရင်းမရောက်ဘူးဆိုရင်တော့ ဘာတွေ ညာတွေ ဘယ်သူတွေ ဘယ်ဝါတွေ ဘယ်အချိန် ဘယ်အခါတွေက အဓိက ဖြစ်နေပါတယ်။ အဓိက ကျတာတွေက အမျိုးမျိုး ကွဲနေပါတယ်။ တရားအလုပ်ကို မှန်မှန်ကန်ကန် ပီပီပြင်ပြင် လုပ်တတ်မှ တကယ်အဓိက ကျတဲ့ စိတ်အကြောင်းကို နားလည်လာမှာပါ။ စိတ်အကြောင်းဆိုတာမှာ စိတ်ပညာရှင်တွေ သိတဲ့ စိတ်အကြောင်းဆိုတာကျတော့ တစ်ခုခုအနေနဲ့ သိတာပါ။ စိတ်ရဲ့ တကယ့်အမှန်တရားကတော့ တစ်ခုခု မဟုတ်ပါဘူး။ သုံးဖို့သက်သက်မျှသာလျှင် ဟုတ်ပါတယ်။ ဆုပ်ကိုင်စရာ မဟုတ်ပါဘူး။ တရားအားထုတ်တတ်လာတာနဲ့ အမျှ နည်းလမ်းမှန်တယ် ဆိုရင်တော့ စိတ်ကို သုံးတတ်လာတာပေါ့။ ပညတ်တွေထဲမှာတော့ ဒီစိတ်ဆိုတဲ့ ပညတ်က အဓိက ကျပါတယ်။ စိတ်ကို ပညတ်လို့ ပြောတာက စိတ်ကို အဟုတ်ထင်စေမှု ကင်းစေချင်လို့ပါ။

တကယ့် စိတ်၊ စေတသိတ်၊ ရုပ် သင်္ခါရတရားအစစ်က ဖေါက်ပြန်ပျက်စီးမှု သက်သက် မျှသာလျှင် ဟုတ်ပါတယ်။  ပြုလုပ်ဖန်ဆင်းမှု သက်သက်မျှသာလျှင်ဟုတ်ပါတယ်။ တဏှာ လက်သမား အစစ်က ပြုလုပ်ဖန်ဆင်းမှု အစစ်ပါ။ မဂ္ဂသစ္စာ အစစ်ကလဲ ဒီအဖြစ်မှန် အလုပ်မှန်တွေကို သိမှု သက်သက်မျှသာလျှင် ဟုတ်ပါတယ်။ သင်္ခါရအစစ်ကို နားမလည်လို့ ကိုယ်နားလည်တဲ့ လူသေတာလဲ သင်္ခါရ မမြဲတာ သင်္ခါရဆိုပြီး ကိုယ်နားလည်တဲ့ ဟိုဟာမမြဲ ဒီဟာမမြဲတာကို သင်္ခါရလို့ အထင်မှားနေတာပါ။ ဘုရားနားလည်စေချင်တဲ့ သင်္ခါရတရား အစစ်က ဘုရားကျင့်စေချင်တဲ့ မဂ္ဂင်အကျင့်ကို မှန်မှန်ကန်ကန်ကျင့်နိုင်မှ သင်္ခါရအစစ်ကို နားလည်တဲ့ ဝိပဿနာဥာဏ်၊ မဂ်ဥာဏ်၊ဖိုလ်ဥာဏ်ဆိုတဲ့ အနတ္တဥာဏ်တွေ ထင်ရှားလာမှာပါ။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

MediaFire

source: https://www.facebook.com/zerotruth/

ဆရာတော် ဦးဥတ္တမသာရ၏ |ငြိတွယ်မှုအမှားများ| သစ္စာတရားတော်(၂၆.၀၃.၂၀၁၂)

IMG_4299

ကိုယ်အသုံးပြုနေတဲ့အသိဥာဏ်နဲ့ ကိုယ်နားလည်တဲ့ ဘာဖြစ်တယ်ညာဖြစ်တယ်ဆိုတဲ့ ကံအကျိုးပေးတွေ… ဒါတွေက အကန့်အသတ်ရှိပါတယ်။ ဖြစ်လို့ရတာတွေက အကန့်အသတ်ရှိပါတယ်။ ကိုယ်ဖြစ်တာပဲဖြစ်ဖြစ် သူများဖြစ်တာပဲ ဖြစ်ဖြစ် ဖြစ်ပေါ်တဲ့အကျိုးတရားတွေရော အသုံးပြုနေတဲ့အသိဥာဏ်ရော ဒါတွေက အကန့်အသတ်ရှိပါတယ်။ ဘာပဲတွေ့ကြုံရ တွေ့ကြုံရ ဒါတွေက အကန့်အသတ်ရှိတဲ့ အတွေ့အကြုံတွေ ပါပဲ။ ကိုယ်ကိုယ်တိုင်ဘာပဲလုပ်လုပ် သူများလုပ်တာတွေကိုလဲ ဘာပဲတွေ့ကြုံရ တွေ့ကြုံရ ဒီပြုလုပ်တဲ့ ကံအကြောင်းတရားတွေရော အသုံးပြုနေတဲ့ အသိဥာဏ်ရော အကန့်အသတ်ရှိပါတယ်။ ပါရမီဖြည့်တာပဲ ဖြစ်ဖြစ် ယတြာချေတာပဲ ဖြစ်ဖြစ် ကောင်းမှုကုသိုလ်အလုပ်ကို အပေါ်ယံလုပ်တာပဲ ဖြစ်ဖြစ် ပီပီပြင်ပြင်လုပ်တာပဲဖြစ်ဖြစ် ဒီပြုလုပ်တဲ့ အကြောင်းတရားတွေ .. ဒါတွေက အကန့်အသတ်ရှိတဲ့ ကံအကြောင်းတရားတွေပါပဲ။ ဖြစ်ပေါ်တဲ့အကျိုးပေးတွေကလဲ အကန့်အသတ်ရှိတဲ့ အကျိုးပေးတွေပါပဲ ။ တွေ့ကြုံနေရတဲ့  အတွေ့အကြုံတွေကလဲ အကန့်အသတ်ရှိတဲ့ အတွေ့အကြုံတွေပါပဲ။ လုပ်နေတာတွေကလဲ တစ်ဦးတစ်ယောက်အနေနဲ့ လုပ်လို့ရတဲ့ အကန့်အသတ်ရှိတဲ့အလုပ်တွေကိုပဲ လုပ်နေရပါတယ်။ ဖြစ်ပေါ်နေတဲ့အသိတွေကလဲ အကန့်အသတ်ရှိတဲ့ အသိတွေ မသိတာတွေပါပဲ။ ဖြစ်လို့ရတဲ့ နားလည်မှု၊ နားမလည်မှုတွေပဲ ဖြစ်နေပါတယ်။

အသုံးပြုနေတဲ့အသိဥာဏ်ကလဲ အကန့်အသတ်ရှိတဲ့ အသိဥာဏ်ပဲဖြစ်ပါတယ်။ အသိဥာဏ်က အကန့်အသတ်ရှိတော့ ဒီအကန့်အသတ်ရှိတဲ့ အသိဥာဏ်နဲ့ ပတ်သတ်ပြီးတော့မှ ဖြစ်ပေါ်လာတဲ့ အသိတွေကလဲ အကန့်အသတ်ရှိတယ် .. ဒီအသိဥာဏ်နဲ့ လုပ်လို့ရတာတွေကလဲ အကန့်အသတ်ရှိတယ် .. တွေ့ကြုံလို့ရတာတွေက အကန့်အသတ်ရှိပါတယ်။ ဒီအကန့်အသတ်ရှိတာတွေက ပယ်ရမှာ မဟုတ်သလို တွယ်ရမှာလဲ မဟုတ်ပါဘူး။ ငြိတွယ်ရမှာ မဟုတ်ပါဘူး။ ပြဿနာက ဒီအကန့်အသတ်ရှိတဲ့ အသိဥာဏ်ကိုသုံးပြီးတော့မှ ဒီအသိဥာဏ်ကို ငြိတွယ်နေတာပါပဲ။ ငြိတွယ်မှု အမှားနဲ့ သုံးနေပါတယ်။ ဖြစ်လို့ရတဲ့ အသိတွေ မသိတာတွေကိုလဲ သိတယ်ဆိုပြီးတော့မှ ငြိတွယ်နေတယ် .. မသိဘူးဆိုပြီးတော့မှ မကျေမနပ်ဖြစ်နေတယ် .. ဒါ ငြိတွယ်နေတာပါပဲ။ ငြိတွယ်ရမှာမဟုတ်တဲ့ အမှန်တရားကို မမေ့လျော့ဖို့ အဓိကထားရပါမယ်။ ဖြစ်တာက ကိစ္စမရှိပါဘူး… သေတယ်၊ အသက်ရှည်တယ်၊ အသက်တိုတယ်၊ လဘ်လာဘပေါတယ်၊ လဘ်လာဘရှားပါးတယ် ဆိုတာတွေက ဖြစ်လို့ရတဲ့ တွေ့ကြုံလို့ရတဲ့ အတွေ့အကြုံတွေပါပဲ။ အပြစ်တင်ခံရတယ် ချီးမွမ်းခံရတယ် ဒါတွေကလဲ တွေ့ကြုံလို့ရတဲ့ အတွေ့အကြုံတွေပါပဲ။ အဲလိုတွေ့ကြုံလို့ရတာတွေ တွေ့ကြုံတာ ကိစ္စမရှိပါဘူး။

ဘုရားရှင်လဲ(၃၁)ဘုံမှာသာသနာပြုသွားတာဆိုတော့ တွေ့ကြုံလို့ရတဲ့ လောကီအတွေ့အကြုံတွေ တွေ့ကြုံရတာပါပဲ။ ဒါပေမယ့် ငြိတွယ်မှု အမှားကင်းပါတယ်။ လုပ်လို့ရတဲ့ အကြောင်းတရားတွေကို ပြုလုပ်သွားပါတယ်။ ဒါပေမယ့် ဒီလိုပြုလုပ်တာ၊ မပြုလုပ်တာနဲ့ပတ်သက်ပြီး တော့မှ ငြိတွယ်မှု အမှားကင်းပါတယ်။ ဖြစ်လို့ရတဲ့ နားလည်မှုတွေဖြစ်ပေမယ့် ဒီလိုဖြစ်တာနဲ့ပတ်သက်ပြီးတော့မှ ငြိတွယ်မှု အမှားကင်းပါတယ်။မှန်မှန်ကန်ကန် အသုံးချသွားခြင်းဖြစ်ပါတယ်။ တရားနားမလည်ဘူး ဆိုတာအစစ်က အဲဒီလိုမသုံးတတ်တာပါပဲ။ ငြိတွယ်ရမှာ မဟုတ်တာကို ငြိတွယ်နေပါတယ်။ ငြိတွယ်မှု အမှားနဲ့ သုံးနေပါတယ်။ အသက်ကြီးပြီဆိုပြီးတော့မှ အသက်ကြီးတာကို မကြီးတာကို ငြိတွယ်မှု အမှားနဲ့ လူကြီးပဲ လူငယ်ပဲဆိုပြီးတော့မှ ငြိတွယ်မှုအမှားနဲ့ သုံးနေပါတယ်။ လူကောင်းပဲ လူမမာပဲဆိုပြီးတော့မှ ကျန်းမာတာ မကျန်းမာတာကို ငြိတွယ်မှု အမှားနဲ့ သုံးနေပါတယ်။ ပုဂ္ဂိုလ်ပဲ သတ္တဝါပဲဆိုပြီးတော့မှ ပုဂ္ဂိုလ်သတ္တဝါအစွဲနဲ့ ငြိတွယ်မှုနဲ့ သုံးနေပါတယ်။ ဘယ်အချိန်ပဲ ဘယ်နေရာပဲဆိုပြီးတော့မှ အချိန်ကာလတွေ နေရာဒေသတွေကိုလဲ ငြိတွယ်မှု အမှားနဲ့ သုံးနေပါတယ်။

ကောင်းကောင်းဆိုးဆိုးပေါ့ တွေ့ကြုံလို့ရတာပဲ တွေ့ကြုံရမှာပါပဲ.. ဖြစ်လို့ရတာပဲ ဖြစ်လို့ရမှာပါပဲ.. အဲဒီအကန့်အသတ်က လွန်မြောက်မသွားပါဘူး။ ဖြစ်သမျှပျက်တယ်ဆိုတာက အချိန်အကန့်အသတ်က မလွန်မြောက်လို့ ပါပဲ။ ပိုင်ဆိုင်သမျှဆုံးရှုံးတယ် ဆိုတာကလဲ ဒီပိုင်ဆိုင်မှုက အချိန်အကန့်သတ်ရှိတော့ ပိုင်ဆိုင်မှုကုန်သွားတယ်ဆိုရင် ဆုံးရှုံးရတာပါပဲ။ လုပ်နိုင်ကိုင်နိုင်တာလဲ အကန့်အသတ်ရှိတယ် ပြောနိုင်ဆိုနိုင်တာကလဲ အကန့်အသတ်ရှိတယ် အဲဒီအကန့်အသတ်က အကန့်အသတ်ကုန်သွားတယ်ဆိုရင် မလုပ်နိုင် မကိုင်နိုင်တော့ဘူး မပြောနိုင်မဆိုနိုင်တော့ဘူး မစားနိုင်မသောက်နိုင်တော့ဘူး။ အဲဒီတော့ အကန့်အသတ်ရှိတာတွေက သုံးဖို့တော့ဟုတ်ပါတယ် ငြိတွယ်ဖို့တော့ မဟုတ်ပါဘူး။ ပြဿနာက မသုံးတတ်တာပါပဲ။  ဘဝကိုမသုံးတတ်တော့ ဘဝဆိုတာဘာလဲ ဒီဘဝဒီမျှပဲ ဒီဘဝပဲ ဟိုဘဝပဲ .. ဟိုဘဝဆိုတာကို လက်မခံတာပဲဖြစ်ဖြစ် ဘဝဆိုတာ တစ်ခုနဲ့တစ်ခု ဆက်စပ်နေတယ်ဆိုပြီးတော့မှ ဘဝသံသရာကြီးကို လက်ခံနေတာပဲ ဖြစ်ဖြစ် ဘဝဆိုတာ ဒီလိုဆက်စပ်နေတာမဟုတ်ဘူး တစ်ခုထဲပဲ ဖြစ်နေတာပဲဆိုပြီးတော့မှ ဖြစ်ဖြစ် .. ဒါတွေက ဘဝနဲ့ပတ်သတ်တဲ့ ပြဿနာတက်နေတာပါပဲ။ ဘဝအပေါ်မှာ အမျိုးမျိုးသော သဘောထားတွေထားပြီးတော့မှ ဒါတွေကိုငြိတွယ်နေပါတယ်။ အဲဒါကိုက မသုံးတတ်တဲ့အတွက် ဖြစ်နေရတဲ့ ပြဿနာပါပဲ။

ငြိတွယ်ရမှာမဟုတ်တဲ့ အမှန်တရားကို မမေ့လျော့ဖို့က အဓိကကျပါတယ်။ ဒါမှလဲ ဘဝကို နေရာဒေသတွေကို အချိန်ကာလတွေကို ငါသူတစ်ပါး ယောကျာ်းမိန်းမ ဆိုတဲ့သတ်မှတ်ချက်တွေကို ငြိတွယ်မှု အမှားကင်းကင်းနဲ့ မှန်မှန်ကန်ကန်သုံးတာ ဖြစ်ပါလိမ့်မယ်။ မသုံးတတ်ရင်တော့ ပြဿနာတက်နေပါလိမ့်မယ်။ ရှိလဲရှိတဲ့ဒုက္ခ၊ မရှိလဲမရှိတဲ့ဒုက္ခ၊ ကျန်းမာလဲ ဟိုဟာလုပ်ချင် ဒီဟာလုပ်ချင်နေတဲ့ဒုက္ခ မကျန်းမာရင်လဲ ကျန်းမာနေချင်တဲ့ဒုက္ခ စိတ်ဆင်းရဲနေရတဲ့ဒုက္ခတွေ … ဒါတွေက ငြိတွယ်နေလို့ပါပဲ။ ငြိတွယ်ရမှာမဟုတ်တဲ့ အမှန်တရားကို မမေ့ဖို့က အဓိကကျပါတယ်။ ဘဝမမေ့တာကိုက ဘဝနဲ့ပတ်သက်တဲ့ ပြဿနာတက်နေတာပါပဲ။ ဘဝဆိုတာသုံးရမှာ မမေ့ရမှာမဟုတ်ပါဘူး။ ဘယ်ဘဝပဲဖြစ်ဖြစ် အသုံးချစရာပဲဖြစ်ပါတယ်။ ဘဝကို ဘယ်လိုသုံးရမလဲဆိုတော့ ဘဝနဲ့ပတ်သက်တဲ့ ငြိတွယ်မှုကင်းစေဖို့ ဘဝကို သုံးရပါမယ်။ အချိန်နဲ့ပတ်သက်တဲ့ ငြိတွယ်မှုကင်းစေဖို့ အချိန်ကို သုံးရပါမယ်။ နေရာနဲ့ပတ်သက်တဲ့ ငြိတွယ်မှုကင်းစေဖို့ နေရာကို သုံးရပါမယ်။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

True Answer

source: https://www.facebook.com/zerotruth

ဆရာတော် ဦးဥတ္တမသာရ၏ |အသိဥာဏ်နှင့် နားလည်မှုကို မှန်မှန်ကန်ကန် အသုံးချတတ်စေရန် | သစ္စာတရားတော်(၀၅.၀၃.၂၀၁၂)

1234460_451094715003079_114281742_n

တရားပဲလုပ်လုပ် ဘာပဲလုပ်လုပ် ကိုယ်လုပ်တတ်သလိုလုပ်တာကတော့ လုပ်ရပ်တွေကိုရော အသုံးပြုတဲ့ နည်းစနစ်တွေကိုရော အသုံးပြုတဲ့ အချိန်တွေနေရာတွေ … တွေ့ကြုံတဲ့အတွေ့အကြုံတွေ … အမျိုးမျိုးသော ဖြစ်ပေါ်နေတဲ့ အကျိုးတရားတွေ …  အမျိုးမျိုးသော နားလည်မှု နားမလည်မှုတွေ … ဒါတွေကို အဓိကထားပြီးတော့မှ ပြုလုပ်တာပါပဲ။ ဘယ်လိုလုပ်ဖို့ ဆိုပြီးတော့ နည်းလမ်းကို အဓိကထားပါတယ်။ နည်းလမ်းဆိုတဲ့ နေရာမှာ ကိုယ်နားလည်တဲ့ နည်းလမ်းဆိုတာကိုပဲ အဓိကထားနိုင်ပါတယ်။ ကိုယ့်ရဲ့နားလည်နိုင်တဲ့စွမ်းအားက အကန့်အသတ်ရှိတဲ့ အခါကျတော့  ပြဿနာက နည်းလမ်းမှာ ရှိတာမျိုးမဟုတ်ပဲ ကိုယ့်ရဲ့ အသိဥာဏ်မှာ ရှိနေတော့ …. ကိုယ်လုပ်တတ်သလိုလုပ်တာကတော့ အကန့်အသတ်ရှိတဲ့ နည်းလမ်းတွေကို အဓိကထားပြီးတော့ လုပ်တာပါပဲ။ ဘာဖြစ်ဖို့ ညာဖြစ်ဖို့ ဘာမှ မဖြစ်ဖို့ ဆိုတဲ့ အကန့်အသတ်ရှိတဲ့ အတွေ့အကြုံတွေကို အဓိကထားပြီးတော့မှ ပြုလုပ်ပါတယ်။ ဘယ်လောက်ကြာကြာ၊ တစ်နေ့နေ့၊ အဆုံးစွန်သောဘဝမှ ဆိုပြီးတော့ ကိုယ်နားလည်တဲ့ အချိန်ကာလတွေကို အဓိကထားပြီး ပြုလုပ်ခြင်းပါပဲ။ အဲဒီတော့ လုပ်ရပ်က မလွတ်လပ်ပါဘူး … ပြုလုပ်ခြင်းသက်သက် မဖြစ်ပါဘူး။ ဦးတည်ချက်တွေ ဆုပ်ကိုင်ထားတာတွေ သိပ်များနေပါတယ်။ ဘယ်လိုလုပ်မယ် ဘာလုပ်မယ် ဘယ်အချိန်မှာဘာလုပ်မယ် ဆိုပြီး အချိန်တိုင်းကိုရော အဲဒီအချိန်မှာ ပြုလုပ်မယ့်အလုပ်ကိုရော၊ ဘာနေရာမှာ ညာနေရာမှာ ဆိုပြီးတော့ နေရာတိုင်းကိုရော ဘယ်သူဘယ်ဝါဆိုပြီးတော့ ဘယ်သူနဲ့တွေ့ရင် ဘယ်လိုလုပ်ဆိုပြီးတော့ အဓိကထားပြီးတော့မှ ပြုလုပ်တာပါပဲ။ အဲဟာတွေဟာ ကိုယ့်ရဲ့ အသိဥာဏ်မှာလမ်းဆုံးနေတဲ့ လုပ်ရပ်ပါပဲ။

ကိုယ်လုပ်တတ်သလိုပြုလုပ်တယ်ဆိုတာက နည်းပညာအားကိုးပြီးလုပ်တာ အသိဥာဏ်အားကိုးပြီးလုပ်တာ ကိုယ်နားလည်တဲ့ အတွေ့အကြုံတွေကို ရှေ့တန်းတင်ပြီးလုပ်တာပါပဲ။ တကယ်လုပ်ရမှာကတော့ ကိုယ့်ရဲ့အသိဥာဏ်ကို ကိုယ့်ရဲ့နားလည်မှုကို အဓိကထားနေမှုတွေကို စွန့်ရပါမယ်။ ကိုယ့်အသိဥာဏ်ရယ် ကိုယ့်အသိဥာဏ်နဲ့ပတ်သက်နေတာတွေ ဘယ်လိုလုပ်တာတွေမလုပ်တာတွေ ဘယ်လိုဖြစ်တာတွေ မဖြစ်တာတွေ ဘယ်လိုပြောတာတွေမပြောတာတွေ ဘယ်လောက်ကြာတာတွေမကြာတာတွေ ဒါတွေကို အဓိကထားနေမှုကို စွန့်လွှတ်နိုင်စေဖို့ ပြုလုပ်တာ ဖြစ်ရပါမယ်။ တရားအလုပ်ပဲ ဖြစ်ဖြစ် လောကီအလုပ်ပဲဖြစ်ဖြစ် ကိုယ်လုပ်တတ်သလို ပြုလုပ်တယ်ဆိုတာကတော့ သတ်မှတ်ချက်တွေကို အဓိကထားပြီးတော့လုပ်တာပါပဲ။ သတ်မှတ်ထားတဲ့ အောင်မြင်မှုတွေရရှိဖို့ သတ်မှတ်ထားတဲ့ပညာတတ်ဖြစ်ဖို့ သတ်မှတ်ထားတဲ့ကျန်းမာဖို့ သတ်မှတ်ထားတဲ့အသက်ရှည်ဖို့ ကိုယ်နားလည်တဲ့ စိတ်ချမ်းသာဖို့ ကိုယ်နားလည်တဲ့စိတ်တည်ငြိမ်ဖို့ ဒါတွေကို အဓိကထားနေတာ ကိုယ့်ရဲ့အသိဥာဏ်နဲ့ အဲဒီအသိဥာဏ်နဲ့ ပတ်သက်တာတွေမှာပဲ လမ်းဆုံးနေတဲ့ သဘောပါပဲ။ ကိုယ်လုပ်တတ်တာလုပ်တာ.. ကိုယ်နားလည်တာလုပ်တာ ပါပဲ။ တကယ်လုပ်ရမှာက ကိုယ့်ရဲ့ အသိဥာဏ်ရယ် အဲဒီအသိဥာဏ်နဲ့ ပတ်သက်တာတွေရယ်ကို အဓိကထားနေမှုကို စွန့်လွှတ်နိုင်စေဖို့ ပြုလုပ်တာ ဖြစ်ရပါမယ်။ ကိုယ်လုပ်တတ်သလိုပြုလုပ်နေတဲ့ ထုံးတမ်းစဉ်လာက လွန်မြောက်စေဖို့ ပြုလုပ်ရမှာက တကယ်လုပ်ရမယ့်အတိုင်း တစ်ကြောင်းတည်းသော မဂ္ဂင်လမ်းပါပဲ။ လုပ်တာကတော့ လုပ်နေရမှာပါပဲ။ ဒါန သီလ ဘာဝနာဆိုတဲ့ ကုသိုလ်ကောင်းမှုအလုပ်တွေကို လုပ်နေရမယ်.. တစ်ဖက်မှာလဲ လောကီအလုပ်တွေကို မစွန့်လွှတ်နိုင်သေးသ၍တော့ လုပ်နေရမှာပါပဲ။ ဒီလိုလုပ်တဲ့နေရာမှာ ကိုယ့်ရဲ့ အသိဥာဏ်နဲ့ ဒီအသိဥာဏ်နဲ့ ပတ်သက်တာတွေကို အဓိကထားနေမှုကို စွန့်လွှတ်နိုင်စေဖို့ ပြုလုပ်ရပါမယ်။

———————————————————————-

” တရားတော်များကို အပြည့်အစုံ ဆုံးသည်အထိနာယူကြပါရန် တိုက်တွန်းနှိုးဆော်အပ်ပါသည် ခင်ဗျာ။”

—————————————————————————

တရားအပြည့်အစုံ နာယူရန်အတွက် download ချရန်

True Answer

source: https://www.facebook.com/zerotruth

သဲအင်းဂူဆရာတော်ဘုရားကြီး၏ ခန္ဓာကိုယ်တွေ့ တရားတော်

704066_368599883231744_523469194_o
“သဲအင်းဂူဆရာတော်ဘုရားကြီး၏ ခန္ဓာကိုယ်တွေ့ တရားတော်”
==========================================အဲဒီတော့ ဦးပဉ္ဇင်းဟာ ဒကာကြီးရဲ့
စာတတ်လို့ဟောနေတဲ့ တရားမျိုးတော့
မဟုတ်ဘူးနော်။ ခန္ဓာက တွေ့လာတဲ့ တရားဟာ
( ၂၁) လလုံးလုံး အရိုးကျေကျေ အရေခန်းခန်း၊
လူသေရင်သေ မသေရင် တရားရဆိုပြီး
ကျင့်ကြံ အားထုတ်လာခဲ့တဲ့ တရား။
လက်ဦးတုန်းကတော့ သူများတွေကို မဟောခဲ့ပါဘူး။
သူများကို ပေးဖို့လည်း မလုပ်ခဲ့ပါဘူး။ ကိုယ်ဘာသာကိုယ်
သံဝေဂတွေ ဖြစ်ပြီးတော့ ကျင့်ကြံ အားထုတ်လာတဲ့တရား။

လက်ဦးတုန်းကတော့ ဒကာကြီးရေ ဦးပဉ္ဇင်းဟာ
ဦးပဉ္ဇင်းတို့ နှောကုန်းကျောင်းကို သွားပြီးတော့
ဝတ်လိုက်တာကိုး။ ကံဆင်းလိုက်တယ်။
ကျောင်းကြီးကို ကျောင်းကြီးကံဆင်းလိုက်တော့
အဲဒီတော့ ဦးပဉ္ဇင်းက ထင်တယ်ဆိုတော့ ဘုရား၏
ဝိနည်းသိက္ခာပုဒ်ဆိုတဲ့ ဥစ္စာ၊ ၀ိနည်းသိက္ခာ ပုဒ်ဆိုတာ ထင်တယ်ဆိုတာ သေနာသနဝတ် ဆိုတာလုပ်ရတယ်။

မီးတွေထွန်းရတယ်။ ရေချမ်းတွေ လောင်းရတယ်။
တံမြက်စည်းတွေ လှည်းရတယ်။
ဦးပဉ္ဇင်းကလှည်းချင်တဲ့ စိတ်မှ မရှိပဲ။
ကုသိုလ် လိုချင်တဲ့ စိတ်မရှိဘူး။ ဘာကြောင့်လဲတဲ့။
ကုသိုလ်လိုချင်လို့ တံမြက်စည်းလှည်းလိုက်တော့
အောက်က သတ္တ၀ါလေးတွေ ပြိ်တ္တာလေးတွေက အားကြီးပဲ။
ကုသိုလ်လိုချင်တဲ့ စိတ်က ကုသိုလ်ရပါရဲ့။ တံမြက်စည်း လှည်းလိုက်တော့ အောက်က ပြိတ္တာလေးတွေ၊
အင်မတန် နူးညံ့သိမ်မွေ့တဲ့ ပြိတ္တာလေးတွေက
ရှိတော့ အဲဒါလေးတွေကို တံမြက်စည်းမလှည်းချင်ဘူး။
အဲဒီစိတ်တွေကို သိတော့ ဒကာကြီး
သေနာသန ၀ဋ်လည်း မလုပ်ချင်ဘူး။

ဆီမီးလည်း မထွန်းချင်ဘူး။ ရေချမ်း၊
ပန်းလည်း မလှူချင်တော့ဘူး။
ကုသိုလ်လိုချင်တဲ့ စိတ်မဖြစ်ဘူး။
ကိုယ်စိတ်လေးက ဘုရား၊ တရား၊
သံဃာဆိုတဲ့ ဥစ္စာ ဒကာကြီးရေ၊
ဘုရားကိုတွေ့နေပြီ ဒကာကြီး။
ဘယ်မှာတွေ့လဲဆိုတော့ ဒကာကြီး။
ပညတ်ဘုရား ပယ်ပြီး ဒကာကြီး။
ပညတ်ဘုရား၊ ပရမတ်ဘုရား၊ နှစ်ဆူရှိတယ်။
ခန္ဓာမှာ ပရမတ်ဘုရား၊ ပရမတ်တရားနဲ့
ပရမတ်သံဃာတွေ့ထားတော့ တရားယုံကြည်ခြင်း၊
သံဃာယုံကြည်ခြင်းဆိုတော့ ခန္ဓာထဲမှာ
ဘုရား၊ တရား၊ သံဃာတွေ့နေပြီ။

ဗဟိဒ္ဓက ဘုရား၊ ဗဟိဒ္ဓက တရား၊
ဗဟိဒ္ဓက သံဃာ၊ ပညတ်ဘုရား၊ ပညတ်တရား၊
ပညတ်သံဃာကို ပယ်ပြီ ဒကာကြီး။
ပရမတ်ဘုရားကိုတွေ့ပြီဟဲ့။ ပရမတ်တရားကို တွေ့ပြီဟဲ့။
ပရမတ်သံဃာကို တွေ့ပြီဆိုတော့ လုပ်ချင်တဲ့ စိတ်မရှိဘူး၊

အဲဒီတော့ ဦးပဉ္စင်း ကံဆင်းတဲ့
ကျောင်းနေရတာ ဆင်းရဲလာတယ်။
တံမြက်စည်း လှည်းရမယ်။ မျက်တွေ ခုတ်ရမယ်။
ဦးပဉ္စင်းက ကုသိုလ်မှ မလိုချင်ပဲနဲ့။
ဒီစိတ်တွေ သိတော့ မနေနိုင်တော့ အရှင်ဘုရား တပည့်တော် လွတ်လွတ်လပ်လပ်လေး ကျင့်ပါရစေဦးဘုရား။
ကံဆင်းပေးတဲ့ ဆရာကို ပြောရတယ်။ အဲဒီတော့
အေးဟဲ့ ကျင့်ကျင့်တဲ့။ ခွင့်လွတ်လိုက်တော့ ဝမ်းသာသွားတာပဲ။
လက်ဦးတုန်းကတော့ စိတ်ဇောလေး တင်နေတော့
တော်တော်နဲ့ စိတ်မကျဘူး အဲဒီမှာ နေရင်မဖြစ်ပါဘူး။
ငါတော့ ခက်မယ်။ ဒီဟာလုပ်နေရရင် ငါတော့ မဖြစ်ပါဘူး။ ဒီစိတ်ကလေး ဖြစ်နေရင် အနုဿယ ကိလေသာလေး။
စိတ်ကြီးက တင်းနေတယ်။ လွတ်လွတ်လပ်လပ်လေး
ကျင့်ပါရစေဦး ဘုရား။ ခွင့်ပေးတယ်။

ဘုန်းကြီးဆီ ခွင့်ပန်ပြီးတော့ တစ်ခါတည်း သွားတာပဲ။
သပိတ် တစ်လုံးနဲ့ သင်္ကန်း ဒုကုဋ် သင်္ကန်းနှစ်ထည်နဲ့
တစ်ခါတည်း သွားတာပဲ။ စိတ်က အင်း၊ ငါတွံတေးတော
ကြီးထဲသွားပြီးတော့ ငါသွားကျင့်လို့ ရှိရင်တော့
ငါစိတ်ချမ်းသာမှာ ပဲဆိုပြီး မှော်ဘီ တက်သွားပြီး
ရဟန်းတကာ အိမ်ဝင်ပြီး ဒကာကြီးရေ။
ဦးပဉ္စင်း သွားချင်တာကတော့ တွံတေးတောကြီးထဲ။
လိုက်ပို့ပါ ဒကာကြီးရယ်ဆိုတော့။ ဟာ အရှင်ဘုရားတဲ့
မနက်မှ သွားပါဘုရားတဲ့။ မနက် တပည့်တော်
ဆွမ်းတွေ ဘာတွေ ကပ်ပါရစေဦး ဘုရားတဲ့
ဒကာကြီးက တားထားတယ်။

တစ်ညအိပ်ပြီးတော့ ဦးပဉ္စင်းက (၈)နာရီနဲ့
(၉)နာရီကြားမှာ တစ်ခါတည်းကို နှလုံးသွင်းမှန် သွားတယ်။
စိတ်ဇောကလည်း ကျသွားတယ်။ စိတ်ကလည်း ချမ်းသာသွားပြီး တွေးတောခြင်း ကြံဆခြင်းလည်း မရှိတော့ဘူး။ ငါဒီမှာ နေလို့ရှိရင်ဖြင့် ငါရမှာ မဟုတ်သေးဘူးဆိုတဲ့ ဒီစိတ်မဖြစ်ဘူး။ ချမ်းသာသွားတယ်။
စိတ်မဖြစ်တော့ မဇ္စိုမ ပဋိပဒါ
အလယ်အလက်ကလေး ကျသွားတဲ့ အချိန်အခါမှာ
မဇ္စိုမ ပဋိပဒါ အဲဒီမှာ ဒင်းဆို ပြုတ်ကျသွားတယ်။
အင်း ငါ လုပ်စရာ မရှိတော့ပါလား။ အဲဒီလို သိသွားတယ်။

လက်ဦးတော့ စိတ်ကလေးက တင်းနေတာ။
ငါ ဒီသမုတိ သစ္စာထဲကို ဒီသံဃာတွေနဲ့ နေရလို့ရှိရင်ဖြင့်
ငါရမှာ မဟုတ်တော့ပါဘူး။ မဟုတ်တာတွေ လုပ်နေရမှာပဲ။
သေနာသန ဝတ်တွေ လုပ်ရ။ သစ်ပင်တွေ စိုက်နေရ။
အဲဒီ သစ်ပင်တွေ စိုက်၊ တံမြက်စည်းတွေလှည်း၊
ဒီအလုပ်တွေ လုပ်နေရတာပဲ။ ဒီအလုပ်တွေ လုပ်တော့
သူတို့ကလည်း ကုသိုလ်တွေ လိုချင်လို့ လုပ်တယ်။
ငါက သိနေတော့ ဒီကုသိုလ် အလုပ်တွေ ဒါမလိုချင်တော့ဘူး။
ကံတရားတွေကို ငါမလိုချင်တော့ဘူးဆိုပြီး
ဒီစိတ်တွေဖြစ်နေတော့ မနေချင်ဘူး။ အကြောင်းတရား၊
အကျိုးတရားတွေ မြင်ပြီး ခံရမယ့် ဒုက္ခသစ္စာကြီးကို
မြင်နေတော့ ဒီသမုတိသစ္စာထဲက သမုနယ်မြေကို
မနေချင်တော့ဘူး။

အဲဒီလို လျောက်တော့မှ ခွင့်ရတဲ့ အချိန်အခါကြမှ
ဒကာကြီး ဦးစုရ အိမ်မှာ မနက် (၈)နာရီကျော်ကျော်လာ
(၉)နာရီလာ စိတ်ကလည်း ချမ်းသာသွားပြီ။
ခွင့်တွေကလည်း ရပြီ။ ရတော့ ငါကတော့ သွားရတော့မယ်။
ဒါအလုပ် ငါလုပ်ရတော့မယ်။ ဒီလို စိတ်က
ထင်နေတဲ့အချိန်မှာ အဲ ဘယ်သူမှလည်း မရှိဘူး။

ဒကာကြီး ဦးစုရက မှော်ဘီဈေးထဲသွား
ဒကာမကြီးကတော့ အိမ်နောက်ဖေးမှာ
ဆွမ်းချက်နေတာပေါ့လေ။ ဦးပဉ္စင်းက အိမ်ရှေ့ခန်းလေးက နေပြီးတော့ ခေါင်းဦးနှစ်လုံးနဲ့
အသာလေး ပက်လက်လှန်ပြီးတော့ နှလုံးသွင်းလိုက်တယ်။
စိတ်ကလည်း ကျသွားပြီ။ လက်ဦးတုန်းကတော့
စိတ်ဇောက လွန်နေတယ်။ ငါ ဒီမှာရှိလို့ရှိရင်
ရမှာ မဟုတ်ဘူးဆိုတဲ့ စိတ်ကလေး ဖြစ်တယ်။
ဒေါသစိတ်ကလေး ဖြစ်တယ်။ အနုဿယ ကိလေသာကြီး
ဖြစ်နေတယ်။ အနုဿယ ကိလေသာ မြင်ရမှာ မဟုတ်ပါဘူး ဆိုတဲ့ စိတ်ဖြစ်နေတယ်။ ဒီ သမုတိသစ္စာနယ်မှာ မရဘူး။

အဲဒီ စိတ်ဖြစ်နေတော့ အနုဿယကိလေသာ ဖြစ်ပြီး
ကျန်နေတော့မှ ခေါင်းဦးကို ပက်လက်လှန်တဲ့ ပြီးတော့
အသာလေး မဇ္စိုမ ပဋိပဒါ နှလုံးသွင်းလိုက်တယ်။
ရုပ်ဃန၊ နာမ်ဃန တည်နေတာကိုး။
တည်နေတော့ အဲဒီမှာ အာရုံက ဖြစ်နေတဲ့ ရုပ်တရား လေးတွေကို နှလုံးသွင်းပြီးတော့
ဆင်ခြင် သုံးသပ်လိုက်တယ်။
လက္ခဏာသုံးပါးကို နှလုံးသွင်းလိုက်တယ်။
အော် ဖြစ်လိုက် ပျက်လိုက် မြင်နေရတာ။

ဘုရားဟောထားတဲ့ တရားကတော့ မျက်စိတစ်မှိတ်၊
လျှက်တစ်ပြက်၊ လက်တစ်ဖျစ်၊ ရုပ်ကုဋေငါးထောင်၊ နာမ်ကုဋေတစ်သိန်း ဖြစ်ပျက်တဲ့ ရုပ်နာမ် နှစ်ပါးလို့
ဘုရားက ဟောတယ်။ ဘုရားကတော့
ရုပ်ကုဋေ ငါးထောင်၊ နာမ်ကုဋေ တစ်သိန်းရှိတယ်တဲ့
ငါကတော့ များတာပဲ သိတယ်။ ဘုရားလို
ငါမရေတွက်နိုင်ပါလား။ မျက်စိ တစ်မှိတ်၊
လျှက်တစ်ပြတ် ပျက်လိုက်တဲ့ အပျက်ကြီးက
ဖွားကနဲ၊ ဖွားကနဲ ဖြစ်နေတဲ့ အပျက်ကြီးဟာဖြင့်
ငါကတော့ မရေနိုင်၊

ဘုရားရှင် ကိုယ်တော် မြတ်ကြီးကတော့
အတုလံ အတုမရှိ သဗ္ဗညုတ ရွှေဥာဏ်တော်ရတဲ့
ဘုရားဆိုတော့ တစ်ချက် ပျက်လိုက်လို့ရှိရင်
ရုပ်ကုဋေ ငါးထောင်လို့ သိတယ်။ နာမ်ကုဋေ
တစ်သိန်းလို့ ဘုရားရှင် ကိုယ်တော်မြတ်ကြီး
ဟောတဲ့တရားတွေ တယ်မှန်ပါလား။

မျက်စိတစ်မှိတ် လျှက်တစ်ပျက် လက်တစ်ဖျစ်အတွင်းနဲ့
သိရင် ခဏလေးပျက်လိုက်တဲ့ ရုပ်နာမ်တွေ ဟာဖြင့်
တစ်ဖွားဖွား ပျိုပျက်နေတဲ့ဥစ္စာ မရေနိုင်အောင်
ပျက်နေပါလား။ အဲဒီ အပေါ်မှာ အာရုံက ပျက်တဲ့ ရုပ်တရားလေးတွေကို နှလုံးသွင်းပြီးတော့ သြော် ဖြစ်လိုက် ပျက်လိုက်၊ ဖြစ်လိုက်၊ ပျက်လိုက်၊ ဖြစ်ပျက်နေရတဲ့ ဥစ္စာ
ဖြစ်ပြီး ပျက်နေရတာ (အနိစ္စ သဘောတရားပဲ)၊
သိနေရတာ၊ ခံစားနေရတာက (ဒုက္ခသဘောပဲ)
မခံစားချင်လို့လည်း မနေရဘူး။ အစိုးမရ (အနတ္တ သဘောပဲ)၊
သြော် ဒါက သူ့သဘော သူဆောင်နေတဲ့ ဒီရုပ်ကလပ်
မျက်စိတစ်မှိတ်၊ လျှက်တစ်ပျက်၊ လက်တစ်ဖျစ်ကလေး
အပေါ်မှာ ရုပ်ကုဋေ ငါးထောင်၊ နာမ်ကုဋေ တစ်သိန်း၊
ချုပ်ပျောက် ဖြစ်ပျက်တဲ့ ရုပ်တရားလေးတွေဟာဖြင့်
တစ်ဖွားဖွားပျိုပျက်နေတဲ့ ရုပ်တရားလေးတွေပဲ။

ဒီအပေါ်မှာ နှလုံးသွင်းပြီးတော့ (“အနိစ္စ”၊ “ဒုက္ခ”၊
“အနတ္တ” လက္ခဏာကြီး သုံးပါး သုံးသပ်ပြီးတော့
နေလိုက်တဲ့ အချိန်အခါမှာ အဲဒီအပေါ်မှာ
နားထဲပြောလိုက်ဘိ သကဲ့သို့ မင်းဟာကွာ မရှိတဲ့တရားကြီးကို ရှိတယ်ထင်ပြီးတော့၊ မရှိတဲ့တရားကြီးကို အာရုံပြုပြီးတော့
မင်း အနိစ္စ၊ ဒုက္ခ၊ အနတ္တ လက္ခဏာကြီး သုံးပါး
သုံးသပ်နေတဲ့ ဥစ္စာ ပညတ်တွေပါပဲတဲ့။ နားထဲပြောလိုက်ပြီး
သကဲ့သို့ တစ်ခါတည်းကို စိတ်ထဲက ဖြစ်လာတယ်။

သြော်မင်းဟာ ရှိသလားတဲ့။ မရှိတာကို မင်းရှိတယ်လို
့ ထင်နေတာ။ မင်း မရှိတဲ့တရားရှိလို့ ထင်နေတဲ့ဥစ္စာ၊
နာမ်၏ အာရုံက ဖြစ်တဲ့ ပျက်နေတဲ့သဘောတရား။
ပျက်နေတယ် ထင်မှတ်လို့ ဖြစ်တာ၊ ရှိနေတယ်
ထင်မှတ်လို့ ရှိနေတာ၊ မင်းက အဝိဇ္ဇာကြီး ဖြစ်နေပါလား။
အဲလိုသိတယ်။

အဲဒီလို သိလာတဲ့ အချိန်အခါကျတော့
နာမ်၏ အာရုံကဖြစ်တဲ့ ရုပ်တရားလေးတွေကို စိတ်အာရုံ ဖြစ်တဲ့ ရုပ်တရားလေးတွေကို တစ်ဖွားဖွား ပျိုပျက်နေတဲ့ ဥစ္စာ ပျက်တယ်လို့ ထင်မှတ်နေတာက အဝိဇ္ဇာပါလား။ ရှိသေးတယ်လို့ ထင်မှတ်နေတာ အဝိဇ္ဇာပါလား။ မရှိတရားကို အရှိလို့ ထင်နေတာ
စိတ်ကြောင့် ဖြစ်တဲ့ ဥပါဒါန် ပါလား။ မရှိတဲ့တရားကို
အမှောင်လေးရယ်လို့ သိတယ်လို့ ထင်မှတ်လို့
စိတ္တဇဖန်ဆင်းထားတဲ့ ရုပ်၊ မရှိတရားကို ရှိတယ်လို့
ထင်နေတာ၊ အနိစ္စလည်း မရှိ၊ ဒုက္ခလည်း မရှိ၊
အနတ္တလည်း မရှိ၊။ မြင်မြင်တဲ့ သဘောဟာ သူ့သဘော သူဆောင်နေတဲ့ မြင်တဲ့ သဘောရယ်၊ အဆင်း သဘောရယ်၊ အသိသဘောရယ်၊
သူ့သဘောသူ အသီးသီးဆောင်နေတဲ့
ရုပ်ဓမ္မ နာမ်ဓမ္မကို မသိပဲနဲ့ ရှိတယ်လို့ ထင်မှတ်နေတဲ့
စိတ်ကလေးဟာ အဝိဇ္ဇာဖြစ်နေပါလားလို့ အဲဒီလို သိလိုက်တော့ အဲဒီလေးပေါ်မှာ မြင်တဲ့သဘောလေးကို မြင်တာကို မရှိတော့ဘူး။
အနိစ္စလည်း မရှု၊ ဒုက္ခလည်း မရှု၊ အနတ္တလည်း မရှုဘူး။
နာမ်မဲ့ရင် အရှင်လမ်းဆုံးပြီ။ နောက်ထပ် ငါဘဝ ချုပ်ငြိမ်းပြီ။
မျက်စိကလည်း ငါရှုစရာ မရှိတော့ဘူး။
အကျင့်တွေ ငါကုန်နေပါလား။

အဲဒီလိုသိလိုက်တော့ မျက်စိတံခါး၊ နားတံခါး၊
နှာခေါင်းတံခါး၊ ပါးစပ်တံခါး၊ ကိုယ်တံခါး၊ မနောတံခါး
တံခါးခြောက်ပေါက် အာရုံခြောက်နဲ့ တိုက်ခိုက်တိုင်း
တိုက်ခိုက်တိုင်းဟာ ကိလေသာ အသဝေါ ယိုစီးခြင်း
ကင်းနေတော့ အသဝေါ မရှိတော့ဘူး။ ကိလေသာ
ခန်းခြောက်သွားပြီ။

နားနဲ့အသံနဲ့ ကြားလိုက်တဲ့
အချိန်အခါကျရင် အသံပေါ်မှာလည်း ယိုစီးခြင်း ကိလေသာ၊
အသဝေါ ခန်းခြောက်၊ အနံ့ပေါ်မှာလည်း ယိုစီးခြင်း
ကိလေသာ အသဝေါ ခန်းခြောက်၊ လျှာနဲ့ အရသာနဲ့
စားလိုက်တာ ယိုစီးခြင်း ကိလေသာ အသဝေါ ခန်းခြောက်၊
ကိုယ်နဲ့ အတွေ့နဲ့ ထိမှန်လိုက်တဲ့ အချိန်အခါလည်း
ယိုစီးခြင်း ကိလေသာ အသဝေါ ခန်းခြောက်၊
မနောနဲ့ ဓမ္မနဲ့ ပေါင်းစုံလိုက်တဲ့ အခါလည်း ယိုစီးခြင်း
ကိလေသာ အသဝေါ ခန်းခြောက်၊

သြော် ငါသည် မျက်စိကလည်း ငါယိုစီးခြင်း
ကိလေသာ ခန်းခြောက်ပြီ။ အသဝေါ ကုန်ခန်းပြီ။ မျက်စိပေါက်ကလည်း နောက်ထပ် အသစ်တစ်ဖန်
ခန္ဓာ ငါမဖြစ်။ ဘုံသုံးပါး ငါမရှိ။ နားပေါက်ကလည်း
ခန္ဓာ အသစ်တစ်ခါ မဖြစ်တော့ဘူး။ ဘုံသုံးပါး
ငါကုန်ဆုံးပြီ။ နောက်ထပ် ဘဝချုပ်ငြိမ်းပြီ။
ငါအကုသိုလ်ကံ ကုသိုလ်ကံ။ မျက်စိကလည်း အကုသိုလ်၊
ကုသိုလ် ချုပ်ပြီ။ နားပေါက်ကလည်း အကုသိုလ်စိတ် ကုသိုလ်စိတ် ချုပ်ပြီ။ နှာခေါင်းပေါက်ကလည်း အကုသိုလ်စိတ် ကုသိုလ်စိတ် ချုပ်ပြီ။
ပါးစပ်ပေါက်ကလည်း အကုသိုလ်စိတ် ကုသိုလ်စိတ်ချုပ်ပြီ။
ကိုယ်ပေါက်ကလည်း အကုသိုလ်ကံ၊ ကုသိုလ်ကံ
ငါဒီကံနှစ်ပါးလွတ်နေပြီ။ မနေကလည်း
အကုသိုလ်ကံ ကုသိုလ်ကံ ငါလွတ်ပြီ။

သြော် မျက်စိတံခါး၊ နားတံခါး၊ နှာခေါင်းတံခါး၊
ပါးစပ်တံခါး၊ ကိုယ်တံခါး၊ မနောတံခါး အာရုံ ငါး
အာရုံ ခြောက်နဲ့ တိုက်ခိုက်တိုင်း တိုက်ခိုက်တိုင်း
၊ အကုသိုလ်ကံ ကုသိုလ်ကံက လွတ်ပေးပါလား။
နောက်ထပ် ငါ အကုသိုလ်လည်း မရှိ။
ကုသိုလ်လည်း မရှိ အဗျာကတ ငါဖြစ်နေပါလား။
စိတ်ကလည်း ဝိမုတ္တိစိတ် ဖြစ်နေပါလား။
နောက်ထပ်ငါ အသစ်တစ်ဖန် မဖြစ်၊
ညွတ်စရာလည်း မရှိတော့ဘူး။ သိစရာလည်း မရှိတော့ဘူး။
အားလုံးဟာ ဘဝချုပ်ငြိမ်းပါလား။ မဖြစ်မပျက်တဲ့ သဘောတစ်ခုတည်း ဖြည်နေပါလား။
အဲဒီတော့မှ သြော် ငါလုပ်စရာမရှိ၊ ကျင့်စရာ
မရှိတော့ပါလားလို့ အဲဒီတော့မှ သိတော့တယ်။

ဦးပဉ္စင်းဟာ မှော်ဘီက ဒကာကြီးဆီ ရောက်တော့
အဲဒီတော့မှ (၉)နာရီလား (၈)နာရီလား
အဲဒါတော့ မမှတ်မိပါဘူး။ အဲဒီမှာ အလုပ်လုပ်စရာ
မရှိတော့ အဲဒီတော့မှ ပုံကျသွားတယ်။ စိတ်။
အဲဒီတော့မှ ဒကာကြီးလာတော့ အရှင်ဘုရား
ဘယ်လိုဖြစ်သလဲ။ အဲဒီတော့ သူကမေးထားတဲ့
တရားက တရားမေးထားတဲ့ သဘောက ရှိထားတာကိုး။

ဘယ်သွားရမလဲ။ ဦးပဉ္စင်း ပထမ၊ ဒုတိယ၊ တတိယမဂ်
ရတုန်းက နှောကုန်းရွာ တရားစင်ပေါ် ကနေပြီးတော့
လောကသုံးပါးကို ဆင်ခြင်လိုက်ပါတယ်။
ဘယ်လိုဆင်ခြင်လိုက်လည်း သြော် ငါသေတဲ့
အချိန်ရယ်၊ ငါ ဘယ်ကိုသွားရမလဲ ခန္ဓာကို ဆင်ခြင်လိုက်ပါတယ်။ ဆင်ခြင်လိုက်တဲ့ အချိန်အခါမှာ ဘယ်လိုဖြစ်သလဲ။

ဦးပဉ္စင်းက နှောကုန်းမှာ ကျင့်နေတဲ့အချိန်မှာ
နှလုံးသွင်းပြီးတော့ သြော် လောကကြီးမှာ
ငါ ဘယ်နေရာ ခန္ဓာငါးပါး ပျက်ရမလဲဆိုပြီးတော့
တစ်လောကလုံးဟာ စင်္ကြာဝဠာ တံတိုင်းကနေပြီး
ဖြန့်ပြီးတော့ ကြည့်တော့ ငါဘယ်နေရာ ခန္ဓာရှာပြီး
တစ်ဖြည်းဖြည်း စိတ်နဲ့ ချုံ့ပြီး ရှာပြီးကြည့်တယ်။
တိုးတိုးပြီး ချုံ့ကြည့်တယ်။ ချုံ့ကြည့်လိုက်တော့
ဘယ်နေရာမှ မမြင်ဘူး။

ဘယ်နေရာက ပေါ်လာသလဲဆိုတော့
အခု ဦးပဉ္စင်း သဲအင်းဂူရယ်လို့ အမည်ပညတ်မယ့်
နေရာကြတော့ ကြည့်လိုက်တဲ့ အချိန်အခါမှာ
သဲအင်းဂူ ကုန်းပေါ်မှာ ဘယ်လိုတွေ့လဲ ဆိုလို့ရှိရင်
ဘုရားကြီးကလည်း သုံးဆူတွေ့တယ်။
ဘုရားသုံးဆူပေါ်နေတယ်။
အဲ ကျောင်းကြီးတွေလည်း ပေါ်နေတယ်။

ပေါ်နေတော့ သြော် ဒီနေရာ ဘယ်သူ့ဇာတိလဲ၊
ဘယ်သူ့ ကျောင်းတွေလဲ၊ ဘယ်သူ့ ဟာတွေလဲလို့
ပြန်ပြီး ဆင်ခြင်လိုက်တယ်။ အဲဒီအခါကျတော့
အတိတ်ပြန်မြင်တော့ ဦးပဉ္စင်းဇာတိ ဖြစ်တယ်။
ဦးပဉ္စင်းသိတယ်။ သိလိုက်တဲ့ အချိန်အခါကျတော့
သြော် ဒီနေရာမှာ ငါ့ခန္ဓာများ ပျက်ဦးမလားလို
့ ပြန်ပြီး ဆင်ခြင်ကြည့်လိုက်တဲ့
အချိန်အခါကျတော့ ပြဿဒ်ဆောင်ကြီး၊
သြော် ပြဿဒ်ဆောင်ကြီးတော့ ပေါ်လာပြန်ပြီ။
ပြန်ကြည့်တယ်။ စိတ်နဲ့ ပြန်ကြည့်တယ်။
စိတ်နဲ့ ပြန်ကြည့်လိုက်တဲ့အခါ ရုပ်ကလပ်ကြီးပေါ်လာတယ်။

ဦးပဉ္စင်း ရုပ်ကလပ်ကြီး ပေါ်လာတယ်။
ပြဿဒ်ဆောင်ပေါ်မှာ ဘယ်သူ့ရုပ်ကလပ်ကြီးလဲလို့
ကြည့်လိုက်တော့ ဦးပဉ္စင်း ရုပ်ကလပ်ကြီး ဖြစ်နေတယ်။
သြော် ငါဒီနေရာ ပရိနိဗ္ဗာန် ပြုရတော့မှာ ပါလား။
အဲဒီအချိန်အခါ ကျတော့မှ ညီလုပ်တဲ့ ပုဂ္ဂိုလ်ရယ်၊
မယ်တော်လုပ်တဲ့ ပုဂ္ဂိုလ်ရယ်၊ အဲ ဒကာမကြီး
ဦးပဉ္စင်း ပရိနိဗ္ဗာန်ပြုလို့ရှိရင် ဒီမှာ ပြုရလိမ့်မယ်။

ဒီမှာ မြို့ကြီးဖြစ်လိမ့်မယ်။ ဒီမှာ သာသနာကြီး
ကြက်ပျံမကျအောင် ပွင့်လင်းလိမ့်မယ်။
ဒီမှာ ဘုရားကြီးတွေလဲ ဖြစ်လိမ့်မယ်။
ဒီမှာ မီးတွေ ထွန်းပြီးတော့ မြို့ကြီး အကြီးအကျယ်
ဖြစ်လိမ့်မယ်။ ဒီနေရာမှာ သာသနာ၏ မဏ္ဍိုင်ဖြစ်လိမ့်မယ်။
အဲဒီဦးပဉ္စင်း ညီရယ်၊ မယ်တော်ကြီးရယ်၊
အဲ ဒကာမကြီးကတော့ အတိတ်က
ဒကာမကြီးကတော့ သူကြားတယ်။ ဒီနေရာမှာ လမ်းကြီးတွေလည်း ဖြစ်လိမ့်မယ်ဆိုတာ နှောကုန်းရွာမှာ
ပထမမဂ်၊ ဒုတိယမဂ်၊ တတိယမဂ် ရတုန်းကနေပြီးတော့ အဲဒီမှာ ပြောဖူးပါတယ်။

အချိန်အခါကျတော့ အဲဒီနေရာမှ
ယခုသဲအင်းဂူ ဒကာဦးစုရကို ဒကာကြီး
ဟောဒီနေရာမှာ ပန္နက်ရိုက်။ ညီလုပ်တဲ့
ပုဂ္ဂိုလ်ကတစ်ခါ တပည့်တော် ဘယ်နေရာ
ကျောင်းဆောက်ရမလဲ ဘုရားလို့
အဲဒီကုန်းပေါ်သာ ဆောက်လိုက်ပေါ့ကွာ။
နောက်ကျတော့မှ ညီလုပ်တဲ့သူ ဓမ္မာရုံထိပ်မှာ ညီလုပ်တဲ့သူ ဆောက်ပေးတဲ့ ကျောင်းရှိပါတယ်။

အဲဒီ ကျောင်းထိပ်ကနေပြီး လေးတိုင်စင်ကလေးနဲ့
မှော်ဘီက ဦးစုရနဲ့ ရွှေဝက ဆောက်ပေးလို့
ဦးပဉ္စင်းသီတင်းသုံးတာ ရှိပါတယ်။
သီတင်းသုံးတဲ့ အချိန်အခါကြတော့ ဒီတစ်ဝါမှာ
ချမ်းသာလိုက်တာ အားကြီးပဲ။ ညီလုပ်တဲ့ ပုဂ္ဂိုလ်က
ဆောက်ပေးထားတဲ့ အပေါ်မှာ ဒကာမကြီးကနေတယ်။
ဦးပဉ္စင်းက သပိတ်တစ်လုံးနဲ့ ဆွမ်းခံသွားပြီးတော့
ဒကာမကြီးကို ပေးပြီးတော့ ဒကာမကြီးက ဆွမ်းကပ်။
အဲဒီ ဂူထဲကနေပြီး တံခါးပိတ်ပြီး ဒီလိုပဲနေတော့တာပဲ။
သြော် သပိတ်တစ်လုံး သင်္ကန်းသုံးထည်နဲ့ ငါချမ်းသာပြီ …..

(သဲအင်းဂူ ဆရာတော်ဘုရားကြီး ဟင်္သာတတွင် ဟောသော တရားတော်- ဓမ္မရံသီ စာမျက်နှာ)

မေတ္တာဖြင့် ဝေမျှသူ
အနှိုင်းမဲ့စာတိုပေစများ
(www.infinitydhamma.com)

 

သဲအင်းဂူဆရာတော်ဘုရားကြီး၏ အတိတ်ဝဋ်ကြွေးတော်နှင့် ယနေ့ ခေတ် ဆင်ခြင်ဖွယ်

10626619_360131077496952_3368577169278517335_n
“သဲအင်းဂူဆရာတော်ဘုရားကြီး၏ အတိတ်ဝဋ်ကြွေးတော်နှင့် ယနေ့ ခေတ် ဆင်ခြင်ဖွယ်”
=======================================================
သူများဆဲတာကို အပြစ်မပြောဘူး။
ဦးဇင်းက အတိတ်က သူများကို ဆဲခဲ့တဲ့ အပြစ်ကိုသိတယ်။
ငါ့ကိုက မကောင်းတဲ့ကံ၊ သူများကို ဆဲခဲ့လို့ အခုငါခံ။
အတိတ်အကြောင်း သိချင်လား ဒကာကြီး။
ဦးဇင်းက ဝေဿဘူဘုရားလက်ထက်က ရှင်ဘုရင်ဖြစ်ခဲ့တယ်။
ထီးနန်းအုပ်ချုပ်သူ ဘုရင်။ ပိဋကတ်သုံးပုံပြောင်းပြန် ဘယ်ပြန်ညာပြန်
လှန်ခဲ့တယ်။ အတတ်မျိုးစုံလည်း တတ်ခဲ့တယ်။
ဘုရင်ကလည်း အကြီးစား၊ ဦးဇင်းအတိတ်က ကံပြောတာ။
သူများကို ဆဲခဲ့တာ ပြောတာ။
ကိုယ့်ထက် တတ်တဲ့သူ မရှိဘူးလို့ 
ဒီလို မာန်မာနတရားတွေ
လက်မကြီးထောင်ခဲ့တယ်။
အစွယ်ကြီးချိတ်ခဲ့တယ်။
မာန်တွေ မာန်တွေ၊ ငါ့ထက်တတ်တဲ့သူ
မရှိဘူးလို့ ဒီလို အစွယ်ကြီး ချိတ်ခဲ့တယ်။အဲဒီတော့ ဘုရင်လည်း ဖြစ်နေတော့ ဒကာကြီးရဲ့ 
ပိဋကတ်သုံးပုံ နှုတ်ငုံ အာဂုံဆောင်နိုင်တဲ့ ရှင်ဘုရင်။
ပိဋကတ်သုံးပုံ နှုတ်ငုံဆောင်လာတဲ့ ပုဂ္ဂိုလ်ဆိုတော့
သံဃာတော်အရှင်မြတ်များတွေ ကြည့်လိုက်တဲ့
အချိန်ခါကျတော့ ငါ့လောက် စာမတတ်ပါဘူးလို့ 
ဒီလိုသွားပြီးတော့ ပြစ်မှားတယ်၊ သံဃာတွေကို။
ငါုလောက် မတတ်ပါဘူးကွာ၊ ငါမေးလိုက်ချင်တယ်၊
အဲဒီလို ဒကာကြီးရေ။ ငါမေးလိုက်ရင်
ငါ့အမေး မခံနိုင်ပါဘူး၊ ငါ့လောက် မတတ်ပါဘူး၊

အဲဒီလို သွားပြီးတော့ ၀စီဗေဒကံ မျက်ခြင်းကြောင့်မလို့ 
ဦးဇင်းက အတိတ်ကာလတုန်းက
သံဃာတော်အရှင်မြတ်များ အဲဒီလို ဆဲခဲ့တယ်။
အခုလည်း ဦးပဇင်းကို ဘာတတ်တာလဲကွာဆို
အဆဲခံရတာ။ ဦးပဇင်းကံက အတိတ်က
မကောင်းခဲ့လို့  ဦးပဇင်းက ဆဲခဲ့လို့ အခု
သူများက ကိုယ့်ဆဲတာ။ ကိုယ်က မကောင်းတာ ဒကာကြီး။
သူများက မကောင်းတာ မဟုတ်ပါဘူး။ ဦးပဇင်းရဲ့ ကံပါ။

ငါ့လောက်မတတ်ပါဘူး၊ ငါမေးလိုက်ရင်
အမေးမခံနိုင်ဘူးပါဘူးဆိုတဲ့ လောဘ ဒေါသ
မောဟ မာနတရားတွေ ထောင်လွှားပြီးတော့ လာခဲ့တယ်။

အဲဒီဘ၀က ကျသွားပြန်တော့ ဒကာကြီးရေ
ငါ့လောက်မတတ်ဘူးဆိုတဲ့ဟာ ငရဲကျသွားတာပဲ။
ငရဲမှာ ခံလိုက်ရတာ မပြောချင်ဘူး ဒကာကြီးရေ။
အဲတော့ သိတော့ ကြောက်တာပေါ့ ဒကာကြီးရာ။

အတိတ်က ခံလာရတဲ့ဟာတွေ မြင်တော့ ကြောက်တယ်။
အတိတ်က ခံလာရတဲ့ဟာ မမြင်တော့ ဘယ်သူမှ မကြောက်ဘူး။
လက်ဖက်ရည်ဆိုင်ထိုင်ရောင်းနေတဲ့ ပုဂ္ဂိုလ်ကလည်း
လက်ဖက်ရည်ဆိုင်ထိုင်ရင်း ငါဒီကနေ့ ဘယ်လောက်ရမလဲ
ဒါပဲတွက်ပြီးတော့ နေတာ သေတော့ အပါယ်ဆင်းမှာကို မသိဘူး။
ဘာကြောင့် မသိသလဲဆိုတော့ သွားရာလမ်းကြောင်း မသိဘူး။
မသိကြတော့ ဒီလိုပဲ ပျော်ပျော်ကြီး နေတာပေါ့။

စာတတ်တဲ့ပုဂ္ဂိုလ်တွေက စာနဲ့ နှိုင်းတယ်။
စာနဲ့ မနှိုင်းနဲ့ ခန္ဓာနဲ့ နှိုင်း။ ထိုင်နေတုန်း ခန္ဓာထဲကြည့်
သဘောတွေ့ လိမ့်မယ်။ စာနဲ့ သွားမဟပ်လိုက်နဲ့ ၊
စာက ပညတ်၊ ခန္ဓာက ပရမတ်။
ပရမတ်သဘောတရားကို မြင်အောင်ကြည့်။
ကိုယ်သိရမှာက ခန္ဓာကိုကြည့် သဘောသိမယ်။

ဘုရားအသိကို အဂ္ဂသာဝက မဟာသာဝက မသိနိုင်ဘူး။
အဂ္ဂသာဝကအသိကို ပကတိသာဝက မသိဘူး။
ပကတိသာဝကအသိကို အနာဂမ်က သိပါမလား။
အနာဂမ်အသိကို သကဒါဂမ်က သိပါမလား။
သကဒါဂမ် အသိကို သောတာပန်က သိပါမလား။
သောတာပန်အသိကို အန္ဓပုထုဇဉ်က သိပါမလား။

အဲ အခုပုဂ္ဂိုလ်တွေက သောတာပန်လည်းမဟုတ်
ဘာမှလည်း မဟုတ်ဘဲနဲ့ ပေတံတွေနဲ့ ထောက်လိုက်ကြတာ။
ကိုယ်ကလည်း ဘာမှမသိဘူး။ စာအုပ်ကလေးကြည့်ပြီး
ပေတံနဲ့ ထောက်လို့ ဘယ်ရမလဲ၊ ခန္ဓာကိုကြည့်ပြီး ထောက်။
ခန္ဓာအသိနဲ့ ထောက်လိုက်ရင် သိပ်ကောင်းတယ်။
မကျင့်လည်း မကျင့်ဘဲနဲ့ ပေတံနဲ့ ထောက်လို့ ရမလား။

ဦးပဇင်း ၀စီဗေဒကံထိုက်လို့ အခုထက်ထိ
စာကို ပါဠိလို မရွတ်တတ်ဘူး။
ဒါကြောင့်မို့ အခုလာရောက်တဲ့ ဒကာဒကာမတွေ
ကိုယ်လည်း မသိဘဲနဲ့ သူများ များ
ပေတံနဲ့ မထောက်လိုက်နဲ့ ၊
ဝစီဗေဒကံများ မမျက်လိုက်နဲ့ ၊
စာမတတ်တဲ့ကောင်ပဲ သွားမလုပ်လိုက်နဲ့နောက်များ ကိုယ်စာမတတ်ဘဲဖြစ်လိမ့်ဦးမယ်။
ဝစီဗေဒကံ မျက်တိုင်းရှိတယ်။အဲဒီတော့ မမျက်ကြနဲ့ ။

ဝိပဿနာဟာ အမြတ်ဆုံးတရားပဲ။
ကျင့်တုန်းများ သေသွားနတ်ပြည်သွားတာပဲ။
မကျင့်ဘဲနဲ့ နာရုံပဲနာပြီးများ မနေကြနဲ့ ၊
ကျင့်ကြ ကျင့်ရင် အပါယ်ဘယ်တော့မှ မသွားဘူး။
မကျင့်ဘဲပုဂ္ဂိုလ်ကတော့ နာရုံသက်သက်နဲ့ တို့ လည်း
သိထားတာပဲလို့ မလုပ်နဲ့ ၊ သေတော့
လူးလှိမ့်သေရမယ်သာ မှတ်။

သိလို့ ပြောတာ။ သေမှာကတော့ ကျိန်းသေတယ်၊
ဒီရုပ်နဲ့ ဒီနာမ်ဖြစ်လာ သေမှာပဲ။
သေပင်သေရငြားသော်လည်း
အသိလေးနဲ့ သေရရင် မမြတ်ဘူးလား။
အသိမရှိတဲ့ပုဂ္ဂိုလ် မောဟနဲ့ သေလို့ ရှိရင်
လူရော နတ်ရော ဗြဟ္မာရော သီလရှင်ရော ဘုန်းကြီးရော
မောဟနဲ့ သေမယ်ဆိုလို့ ရှိရင် ရုပ်လည်းမသိ နာမ်လည်းမသိ
ပညတ် ပရမတ်လည်း မသိ၊ သဘောတရားလည်း မသိ
မသိတဲ့ပုဂ္ဂိုလ် မှန်သမျှကတော့
လေးဘက်ထောက် လှိမ့်သာချတော့။

လူသေလို့ လူဖြစ်မယ်များ ထင်သလား၊
ဘယ်တော့မှ မဖြစ်ဘူး။ လူသေလို့ လူဖြစ်တာ၊
လူသေလို့ နတ်ဖြစ်တာ၊ လူသေလို့ ဗြဟ္မာဖြစ်တာ၊
လူသေလို့ နိဗ္ဗာန်ဖြစ်တာ၊ ဒါကတစ်မျိုးစီ စိတ်တွေ။
စိတ်တွေ စိတ်တွေ၊ လူသေလို့ အပါယ်ကျတာ စိတ်တွေပဲ။
အဲတော့ လူတော့ လူပဲ ခေါ်ဝေါ်သမုတ်ထားတာ ပညတ်ပဲ။
စိတ်ကရှိသေးတယ် ပြိတ္တာစိတ် တိရစ္ဆာန်စိတ် ငရဲစိတ်၊
လူစိတ် နတ်စိတ် ရှိသေးတယ်၊ ဗြဟ္မာစိတ်ရှိသေးတယ်၊
နိဗ္ဗာန်စိတ် ရှိတယ်။ အဲဒီစိတ်တွေက သူ့ စိတ်နဲ့ သူ
ဘုရားက စိတ်ပဲဟောတယ်။

စိတ်ကိုတော့ ဘယ်သူမှမသိဘူး၊ ပညတ်ကြီးကြည့်ပြီးတော့ တောပြော တောင်ပြော
မပြောကြနဲ့ ၊ ကျင့်တဲ့သူတွေက အသေခံကျင့်ပြီးတော့
လုပ်ကြတာ၊ မကျင့်တဲ့သူတွေက တောပြောတောင်ပြော
ပြောတော့ မစားရဘဲနဲ့ အပြစ်ခံရမယ်။ ဒီသာသနာကြီး
မှီတဲ့အချိန်ခါမယ် မဂ်တားဖိုလ်တားတော့ မခံကြနဲ့ ။
ကိုယ်လည်း ဘာမှသိတာမဟုတ်ဘူး၊
ကိုယ်ကသိတယ်လို့ ထင်နေတယ်၊ မသိဘူး၊
သိတယ်ဆိုလို့ ရှိရင် သူများအတင်းမပြောဘူး။
သိရင်ကြောက်တယ် ၊ ကိုယ့်အပြစ်သာပြောတယ်၊
သူများအတင်းမပြောဘူး။

(သဲအင်းဂူဆရာတော်ဘုရားကြီး ၂၆-၃-၁၉၆၉ နေ့ တွင်ဟောကြားတော်မူသော မဂ်လေးပါးတရားတော်မှ)

မေတ္တာဖြင့် ဝေမျှသူ
အနှိုင်းမဲ့စာတိုပေစများ
(www.infinitydhamma.com)

 

မဟာစည်ဆရာတော်ဘုရားကြီး၏ မေတ္တာပို့

1506970_317458325072607_4819110307657054167_n
အကျွန်ုပ်သည်
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။ကျွန်ုပ်၏ မိဘ နှစ်ပါး၊ ဆရာသမားအားလုံး၊
ညာတကာ မိတ်ဆွေများအားလုံး၊
တရားကျင့်ဖော်များအားလုံး၊
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ
ချမ်းသာစွာမွေးမြူနိုင်ကြပါစေ။

ဤအရံအတွင်းမှာ မှီတင်းနေထိုင်ကြကုန်သော
ယောဂီသူတော်စင်အားလုံး
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ
ချမ်းသာစွာမွေးမြူနိုင်ကြပါစေ။

ဤအရံအတွင်းမှာ မှီတင်းနေထိုင်ကြကုန်သော
ရဟန်း သာမဏေများအားလုံး၊သူတော်စင်အမျိုးသား၊
သူတော်စင်အမျိုးသမီးအားလုံး
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။

ကျွန်ုပ်၏ ပစ္စည်းလေးပါး
အလှူ ဒါယကာ၊ အလှူဒါယိကာမအားလုံး
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။

ကျွန်ုပ်၏ ကိုယ်စောင့်နတ်အပေါင်း
္ပဤ ကျောင်းတိုက်အတွင်း၌လည်းကောင်း၊
ဤ အိမ်အတွင်း၌ လည်းကောင်း၊
ဤ ခြံကြီး အတွင်း၌ လည်းကောင်း၊
စောင့် ရှောက်ကြကုန်သော
ဒေ၀တာ နတ်အပေါင်း
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။

သက်ရှိကျားမ- မဟူ
သတ္တ၀ါအပေါင်း၊
ဝင်သက်ထွက်သက် ရှိကြကုန်သော
အလုံးစုံသော သတ္တ၀ါအပေါင်း၊
ပုဂ္ဂိုလ်အပေါင်း၊
ရုပ် နာမ် နှစ်ပါးရှိကြကုန်သော
သတ္တ၀ါအပေါင်း၊
အမျိုးသမီးအပေါင်း၊
အမျိုးသား အပေါင်း၊
အရိယာ သူတော်စင်အပေါင်း၊
အရိယာမဖြစ်သေးကုန်သော
ပုဂ္ဂိုလ်အပေါင်း၊
နတ်ဗြဟ္မာအပေါင်း၊ လူသားအပေါင်း၊
အပါယ်ဘုံသားအပေါင်း၊
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။

ကိုယ်စိတ်ဆင်းရဲခြင်းမှ
ကင်းလွတ်ကြပါစေ။
ရရှိပြီးသော ဂုဏ်သိန်စည်းစိမ်
ဥစ္စာများလည်း မယုတ်လျော့ကြပါစေသတည်း။
ကိုယ်ပြုသော အမှုအတိုင်း
ခံစား ၊ စံစားရသူချည်းပါတကား။

အရှေ့ အရပ်၌ရှိကြကုန်သော၊
အနောက်အရပ်၌ ရှိကြကုန်သော၊
မြောက်အရပ်၌ ရှိကြကုန်သော၊
တောင်အရပ်၌ ရှိကြကုန်သော၊
အရှေ့ တောင်ထောင့် အရပ်၌ ရှိကြကုန်သော၊
အနောက်မြောက်ထောင့်အရပ်၌ ရှိကြကုန်သော၊
အရှေ့ မြောက်ထောင့် အရပ်၌ ရှိကြကုန်သော၊
အနောက်တောင်ထောင့် အရပ်၌ရှိကြကုန်သော၊
အောက်အရပ်၌ ရှိကြကုန်သော၊
အထက် အရပ်၌ ရှိကြကုန်သော၊
သက်ရှိကျားမ- မဟူ
သတ္တ၀ါအပေါင်း၊
ဝင်သက်ထွက်သက် ရှိကြကုန်သော
အလုံးစုံသော သတ္တ၀ါအပေါင်း၊
ပုဂ္ဂိုလ်အပေါင်း၊
ရုပ် နာမ် နှစ်ပါးရှိကြကုန်သော
သတ္တ၀ါအပေါင်း၊
အမျိုးသမီးအပေါင်း၊
အမျိုးသား အပေါင်း၊
အရိယာ သူတော်စင်အပေါင်း၊
အရိယာမဖြစ်သေးကုန်သော
ပုဂ္ဂိုလ်အပေါင်း၊
နတ်ဗြဟ္မာအပေါင်း၊ လူသားအပေါင်း၊
အပါယ်ဘုံသားအပေါင်း၊
ဘေးရန်ကင်းကွာ ချမ်းသာကြပါစေ။
စိတ်ဆင်းရဲခြင်း ကင်းကြပါစေ။
ကိုယ်ဆင်းရဲခြင်း ကင်းကြပါစေ။
ကိုယ့်ဝန် ကိုယ်တာ ကိုယ်ခန္ဓာ ချမ်းသာစွာမွေးမြူနိုင်ကြပါစေ။

ကိုယ်စိတ်ဆင်းရဲခြင်းမှ
ကင်းလွတ်ကြပါစေ။
ရရှိပြီးသော ဂုဏ်သိန်စည်းစိမ်
ဥစ္စာများလည်း မယုတ်လျော့ကြပါစေသတည်း။
ကိုယ်ပြုသော အမှုအတိုင်း
ခံစား ၊ စံစားရသူချည်းပါတကား။

အထက်ဘ၀ဂ်၊ အောက်အ၀ီစိ၊
ရှိရှိသမျှ အနန္တစကြာဝဠာ
ကုန်းနေသတ္တ၀ါအားလုံး
ဥပါဒ်ရန်ဘေး ကင်းစင်ဝေး
ငြိမ်းအေးကြပါစေ။

အထက်ဘ၀ဂ်၊ အောက်အ၀ီစိ၊
ရှိရှိသမျှ အနန္တစကြာဝဠာ
ရေနေသတ္တ၀ါအားလုံး
ဥပါဒ်ရန်ဘေး ကင်းစင်ဝေး
ငြိမ်းအေးကြပါစေ။

အထက်ဘ၀ဂ်၊ အောက်အ၀ီစိ၊
ရှိရှိသမျှ အနန္တစကြာဝဠာ
ကောင်းကင်နေသတ္တ၀ါအားလုံး
ဥပါဒ်ရန်ဘေး ကင်းစင်ဝေး
ငြိမ်းအေးကြပါစေ။

( ဆဋ္ဌသိဂီ င်္ပုစ္ဆိက၊ အဂ္ဂမဟာမဏ္ဍိတ
နိုင်ငံတော်သြ၀ါဒစရိယ၊
ကမ္ဘာ သာသနာပြု
မဟာစည်ဆရာတော်ဘုရားကြီး၏
” မေတ္တာပို့ ” )

 

source: https://www.facebook.com/mawkon.thakhin.1

ချမ်းသာချင်လျှင် မတွေးနဲ့

10641006_700506760024868_882895660543821824_n

မဟာဗောဓိမြိုင် ဆရာတော် “ဘုရားတပည့်တော်များ သတိတစ်လုံးပဲ ရှိပါသေးတယ် ဘုရား ။ အဲဒီသတိလေး တစ်လုံးနဲ့ပဲ စားရာလည်း သူနဲ့ပဲ၊ သွားရာလည်း သူနဲ့ပဲ၊ နေတော့လည်း သူနဲ့ပဲနေရပါတယ်ဘုရား။ ကျန်တာတွေ လျှောက် ထားစရာ မရှိပါဘုရား” လို့လျှောက်ထားလိုက်ပါတယ် ။ မြကျောက် ဆရာတော်ဘုရားကြီးက ပြုံးတော်မူလျက် …
”ဆရာတော်ကြီးရဲ့  မေတ္တာစကားများကို တပည့်ဒကာအပေါင်းတို့အား ထိုက်သင့်သလောက် ပေးသနားချီးမြှင့် တော်မူပါဘုရား” လို့လက်အုပ်ချီ တောင်းခံလျှောက်ထားပါတယ် ။
မဟာဗောဓိမြိုင်ဆရာတော်။  မေတ္တာဆိုတာတန်းတူထားတာကိုပြောတာကိုး ဘုရား ။ ဆရာတော့်တပည့်တွေက ဘုရားတပည့်တော် တန်းတူထားသလို တန်းတူလိုက်မှာလား ဘုရား။
မြကျောက်ဆရာတော်။  လိုက်နာနိုင်အောင်ကြိုးစားမှာပါဘုရား။
မဟာဗောဓိမြိုင်ဆရာတော်။  မေတ္တာဆိုတာ ပါဠိစကားကိုး။ မြန်မာလိုတော့ တန်းတူထားတာ။ မိမိချမ်းသာသလို အခုလာတဲ့ ပရိတ်သတ်လည်းချမ်းသာအောင် အဲဒါတန်းတူ ထင်တယ်နော်။ ချမ်းသာအောင် နေတတ်ဖို့ကျတော့ ဆရာ တော် သိပြီးသားပဲ။ သုခိအတ္တာနံ ပရိဟရန္တု ဆိုတာ ကိုယ့်ကိုယ်ကိုယ် ချမ်းသာအောင် နေတတ်မှရတာဘုရား။ ကြည့်နေ ရတာပဲ။ တို့ပေးလို့ ရမှာလား။ ကိုယ့်ဟာကိုယ် နေတတ်ရမှာလား။ (ပရိတ်သတ်ဘက် လှည့်မေးလိုက်ခြင်း)
ပရိတ်သတ် ကိုယ့်ဟာကိုယ်နေတတ်ရမှာပါဘုရား ။


မဟာဗောဓိမြိုင်ဆရာတော်။  မနေတတ်ရင် ပစ္စည်းရှိလေ ဆင်းရဲလေပဲ။ ရာထူးကြီးလေ ဆင်းရဲလေပဲ။ ပစ္စည်းရှိရှိ မရှိရှိ ၊ ရာထူးရှိရှိ မရှိရှိ နေတတ်မှချမ်းသာတာ။ ပြောစရာ အများကြီးထဲက တစ်ခုပဲပြောရရင် “မတွေးနဲ့” လို့သည်တစ်ခုပဲ ပြောချင်ပါတယ်။ ဆင်းရဲတာ အဲဒီ့အတွေးကနှောင့်ယှက်နေလို့ ဆင်းရဲတာ။ ဒုက္ခ တစ်ကျပ်သားမှာ ပက်ပင်းကြုံဒုက္ခက တစ်မတ်သားထက်မပိုပါဘုရား။ အတွေးကြောင့်ဖြစ်တဲ့ ဒုက္ခက သုံးမတ်သားလောက်ရှိပါတယ်။ ဟိုပက်ပင်းကြုံ ဒုက္ခတစ် မတ်သားကတော့ ဘုရားရဟန္တာတွေလည်း မလွတ်ပါဘူး ။ အဲဒီ့တစ်မတ်သားက လောကဓံ ကိုး။
တရားအားထုတ်တယ်ဆိုတာ မတွေးဖြစ်အောင် တရစပ်မှတ်ခိုင်းတာပါ။ အတွေးကို အမှတ်နဲ့လဲ ယူရတာပါပဲ။ တရားက ခန္ဓာထဲ ရှိပြီးသားပါ ။ကိုယ့်အိတ်ထဲက ပိုက်ဆံ ထုတ်ရေကြည့်သလိုပါပဲ ။ တရားရှာတယ်ဆိုတာ ကျွှဲပျောက် နွားပျောက် ရှာ တာမျိုး မဟုတ်ပါဘူး ။
တွေးတယ်ဆိုတာ သူများကြောင့်တွေးတာ။ တွေးတော့ဘာဖြစ်သတုန်း ။ ကိုယ့်စိတ်ကို သူများက ပိုင်သွားတာပေါ့ ။ ကိုယ့် စိတ်က ကိုယ့်ထဲမှာ မရှိတော့ဘူး ။ ဟုတ်ပါသလား ဆရာတော်……
မြကျောက်ဆရာတော်။  ဟုတ်ပါတယ်ဘုရား။
မဟာဗောဓိမြိုင်ဆရာတော်။  ဥပမာ ကြက်တွေးမိရင် ကြက်ဆီစိတ်ပို့ထားရတာ ။ ကိုယ်တိုင်ကြက်ဖြစ်သွားရပြီလေ
ဝက်တွေး ၀က်စိတ်ပေါက် ကိုယ်တိုင် ၀က်ဖြစ်သွားပြီလေ။ တရားမှတ်တယ်ဆိုတာ သူများဆီထားတဲ့ စိတ်ကလေး ကိုယ့်ဆီ ပြန်ခေါ်တာ ။ မတွေးရင် ချမ်းသာပေါ့ဗျာ ။ မရှိလည်း ချမ်းသာ။ ရှိလည်းချမ်းသာ။ အဲဒါကိုယ်နဲ့ တူအောင် တန်းတူဖြစ်စေချင်တဲ့ တန်းတူထားတဲ့ တို့ရဲ့ မေတ္တာပဲ။

ချမ်းသာချင်လျှင် မတွေးနဲ့
၆.၆.၂၀၁၀ တွင်မြကျောက်ဆရာတော်ကြီးနှင့် တပည့်ဒကာများအား ဟောကြားတော်မူသည်
မဟာဗောဓိမြိုင်ဆရာတော် မဟာမြိုင်တောကြီးမှာဟောတော်မူသောတရားများ (မောင်သွေးချွန်) စာအုပ်မှ ကူးယူဖော်ပြပေးပါသည်။

source: https://www.facebook.com/san.dar.7165

အရှုပ်တွေ လုပ်နေလို့ အလုပ်တွေ ရှုပ်နေရတာ

1011070_800570670005115_1692301309508025498_n

ကယ်မရ ဆယ်မရ အနိစ္စ ။
အားကိုးရှာမရ ဒုက္ခ
တားမရ ဆီးမရ အနတ္တ
ဖုံးမရ ဖိမရ အသုဘ ။

ရှိတဲ့ မြဲတဲ့တရားမဟုတ် ဖြစ်ပြီးပြီးချင်း ပျက်
တဲ့ တရား ။
တင့်တယ်တဲ့ ချမ်းသာတဲ့ တရားမဟုတ်
မတင့်တယ်တဲ့ ဆင်းရဲတဲ့ တရား ။
ကိုယ့်သဘော အတ္တ တရား မဟုတ်
အကြောင်းအကျိုး အနတ္တ တရား ။

ဖြစ်လို့ပျက် ပျက်လို့ ဖြစ်တဲ့ အဆုံးမရှိတာ
သံသရာ ။

အရှုပ်တွေကြားမှာ တဏှာ အလုပ်တွေ
များနေတာ ။
ရှုပ်တာတွေရှင်းရင်းနဲ့ ရှင်းနေရတာနဲ့ဘဲ
ရှုပ်နေပြန်တယ် ။
အဆုံးမရှိတဲ့ အရှုပ်တွေ အအားမရှိအောင်
ရှင်းနေရတာ လောက ။
အရှုပ်တွေ လုပ်နေလို့ အလုပ်တွေ ရှုပ်နေရတာ ။
အပိုတွေ လုပ်နေလို့ အလုပ်တွေ ပိုနေရတာ။
မခိုင်မြဲတာ အစွဲနာနေလို့ ခိုင်မြဲတာ မသိတာ။

ချမ်းသာမဟုတ်တာကို အစွဲနာနေလို့
ချမ်းသာစစ် မသိတာ ။
မရှိတာတွေကို အစွဲနာနေလို့ တကယ်ရှိတာ
မသိတာ ။
တငါငါနဲ့ အစွဲနာနေလို့ ငါမဟုတ်တာ မသိတာ။

ဖြစ်ချင်မှုနဲ့ မပေါင်းနဲ့ ။
အခုဖြစ် အခုပျက်ကလွဲလျှင် ဖြစ်ချင်စရာ
ဘာမှမရှိတာကို သိတဲ့ဉာဏ်နဲ့သာ အမြဲနေ
နိုင်အောင် ကျိုးစား ။
ဖြစ်ချင်စိတ် မရှိရင် ချမ်းသာပြီ ။

သံသယနဲ့ မပေါင်းနဲ့ ။ အခုဖြစ် အခုပျက်ကလွဲရင် သံသယဖြစ်စရာ ဘာမှမရှိတာကို သိတဲ့ဉာဏ်နဲ့သာ အမြဲနေနိုင်အောင် ကြိုးစား ။
ဒီအမှန်တရားအပေါ်မှာ သံသယစိတ် လုံးဝမရှိရင် ချမ်းသာပြီ ။

သေရမှာလဲ မပူနဲ့ ။ အခုဖြစ် အခုပျက်ကလွဲရင် သေစရာ ဘာမှမရှိတာကို
သိတဲ့ဉာဏ်နဲ့သာ အမြဲနေနိုင်အောင် ကြိုးစား ။
ပူပန်တဲ့စိတ်မရှိရင် သေစရာမရှိတော့ဘူး ။
သေတာဘဲ သိနေလို့ သေရတာ ။ အသေမရှိတာ သိရင် သေစရာမရှိတော့ဘူး။
တကယ်သိအောင် မကျိုးစားလို့ အထင်သံသယ ရှိနေတာ ။ တကယ်သိရင်
အထင် သံသယ မရှိတော့ဘူး ။

သဘာဝရိပ်သာဆရာတော် ဦးဥတ္တမသာရ

source:https://www.facebook.com/vamsa.vamsapali

တရားအားမထုတ်ရင် အပါယ်လေးဘုံနဲ့နီးမယ်

10418200_805530112842504_4415804631972203210_n

ကိလေသာ ခိုင်းတဲ့ လောဘ မောဟ ဒေါသ စိတ်တွေနဲ့

လောကီအလုပ်တွေကို သဲကြီးမဲကြီး လုပ်နေမှန်း

ကိလေသာ နှိပ်စက်လို့ ပင်ပန်းဆင်းရဲ နေမှန်းကို သတိမထားမိပါဘူး

စီးပွားရေး လူမှုရေး ပညာရေးတွေနဲ့ ယောက်ယက်ခတ်ပြီး ရှုပ်ရှက်ခပ်နေပါတယ်

ကိလေသာကို ဆန့်ကျင်ဖို့ တရားအားထုတ်ဖို့ အချိန်တွေတော့ မရှိသလောက် ရှားနေပါတယ်

မတရားအလုပ်တွေနဲ့ အချိန်ကုန်လို့ ကုန်မှန်းမသိပါဘူး

လောကီအလုပ်တွေမှာ သဲသဲမဲမဲ လုပ်သလောက်

ကိလေသာဆန့်ကျင့်ဖို့တော့ ကြိုးကြိုးစားစား မလုပ်ချင်ဘူး

ဟိုဘက်ကမ်းမှ ဒီဘက်ကမ်းသို့

ပုထုဇဉ်နယ်မှ အရိယာနယ်သို့

တရားအားထုတ်ရင် နိဗ္ဗာန်နဲ့နီးမယ်

တရားအားမထုတ်ရင် အပါယ်လေးဘုံနဲ့နီးမယ်

ဘုရားအလောင်းတော်ဟာ သူအို သူနာ သူသေ ရဟန်း ဆိုတဲ့ နိမိတ်ကြီးလေးပါးကိုမြင်တော့

သံဝေဂ ရရုံ မဟုတ်ပဲ အို နာ သေ ဘေးကြီးလေးပါးကနေ လွတ်အောင် အားထုတ်ခဲ့တာ

အခုလည်း ဒကာ ဒကာမတို့က သံဝေဂ ရရုံလုပ်မနေပဲနဲ့ သံသရာက လွတ်အောင် အားထုတ်ကြပါ

ခန္ဓာနဲ့တဏှာ မတွဲပါနဲ့။

ခန္ဓာနဲ့ ပညာ တွဲနိုင်အောင် ကြိုးစားပါ။

မလုပ်သင့်တာကို လုပ်တာနဲ့

လုပ်သင့်တာကို မလုပ်တာ

မလိမ္မာတာနဲ့မိုက်တာ အတူတူပါပဲ

ခန္ဓာဟာ မြေအိုးနဲ့တူပါတယ်

မြေအိုးတွေကို expire date သတ်မှတ်လို့မရသလို

ဒီခန္ဓာကြီးကိုလည်း သက်တမ်းကုန်ဆုံးရက် ကြိုတင်သတ်မှတ်လို့ မရပါဘူး

မှည့်နေတဲ့ သစ်သီးလို အချိန်မရွေး ကြွေကျပျက်စီးနိုင်ပါတယ်

တရားသော စစ် ဆင်နွှဲပါ။ လောဘ ဒေါသ မောဟ တည်းဟူသော ကိလေသာ ရန်သူများကို တိုက်စစ်ဆင်ပါ။ တသံသရာလုံး လွတ်လပ်ရေးရဖို့အတွက် တရားသောစစ်ကို နိုင်အောင်တိုက်ပါ။ တဏှာ့ကျွန်အဖြစ်မှ လွတ်မြောက်အောင် ကြိုးစားပါ။

ကိုယ်ဖွထားတဲ့ အမှိုက် ကိုယ်ပြန်ရှင်းရတာပဲ။ ကိုယ်မွှေးထားတဲ့ မီး ကိုယ်ပြန် ငြှိမ်းရတာပဲ။ တရားမျှတပါတယ်။ အကြောင်း အကျိုးပါပဲ။

အသေကောင်းတယ်ဆိုတာ သေပြီးတဲ့အခါ မျက်နှာကလေးကြည်၊ ခန္ဓာကိုယ်က ပျော့ပျောင်း၊ အပုပ်နံ့မထွက် မှအသုဘလိုက်ပို့တဲ့ လူစည်တာကို အသေကောင်းတယ်လို့ မမှတ်နဲ့

မသိနားမလည်မှု့တွေ များနေတာကို ပြေလည်စေဖို့

မသိနားမလည်မှု့ကို တိုက်ဖျက်တဲ့ တရားအလုပ်ကို

ပိုပြီးတော့မှ လုပ်ရမယ်

မကောင်းတဲ့ လုပ်ရပ်တွေက အားကြီးနေတယ်ဆိုရင်

ကောင်းတဲ့ လုပ်ရပ်ကို ပိုပြီးအားကြီးအောင် လုပ်ဖို့လိုတယ်

ဒါမှလည်း မကောင်းတဲ့ လုပ်ရပ်တွေ မှေးမှိန်အားနည်းသွားမယ်

မကောင်းကျိုးက ကောင်းကျိုးနဲ့ယှဉ်လိုက်ရင် ပိုပြီး ထင် ရှားတယ်

အဖြူနဲ့ယှဉ်လိုက်ရင် အမဲက ပိုပြီး ထင်ရှားသလိုပေါ့

ကုသိုလ်နဲ့ယှဉ်လိုက်ရင် အကုသိုလ်ဆိုတာက မကောင်းမှန်း အင်မတန်ထင်ရှားတယ်

တရားကိုများများ အားကိုခြင်းဖြင့် အစားထိုးဖို့လိုပါတယ်

ကိုယ့်မှာ မကောင်းတဲ့ စိတ်တွေ အဖြစ်များနေတယ်ဆို

ကောင်းမှု့ကုသိုလ်အလုပ်တွေများများ ပြုလုပ်ခြင်းဖြင့်

မကောင်းတဲ့ စိတ်တွေ အဖြစ်နည်းစေဖို့ ပြုလုပ်ရမယ်

ဘယ်လို လောကဓံနဲ့ပဲကြုံကြုံ စိတ်ကို စင်ကြယ်အောင် ဖြူစင်အောင် ထားဖို့လိုပါတယ်

ဒေါသသမား၏ စရိုက်

SUP-J

ဒေါသော စဏ္ဍန သဘာဝတော ယေသုယျေန နိရယံ ဂစ္ဆန္တိ။

ဒေါသသည် ကြမ်းတမ်းရက်စက် ထန်မြက်သော သဘာဝ ရှိခြင်းကြောင့်……..
ဒေါသအိုးထမ်း စိတ်သရမ်းသမားတို့လည်း……..
အများအားဖြင့် ညှဉ်းဆဲပုံကြမ်း ငရဲခန်းသို့ မြန်းရတတ်သည်၊ သို့မဟုတ် စေတနာ အလိုက် ထိုက်သင့်သော အပြစ်ဒဏ် ခံယူကြပါကုန်။

ဒေါသစရိုက်ခေါ် မကြိုက်ကျင့် အကျင့်များ ထားလေသူသည်လည်း ထစ်ခနဲဆို ရှူးရှူးရှဲရှဲများဖြင့်သာ ဦးစွာတုံ့ပြန်တတ်၏။ ထို့နောက်တွင်မှ ဆဲသင့်ဆဲ ချွဲသင့်ချွဲ ပြုကျင့် ၏။ တိုက်တန်တိုက်၊ ကြိုက်တန်ကြိုက်ပြုလုပ်၏။ ချူသင့်ချူ ယူသင့်ယူဆက်ဆံ၏။ အခါးချိုးခံထားသော ခံအိုးထဲသို့ ထန်း၏ပင်ကျရည် အချိုများ မည်မျှပင်ကျကျ ခါးသွား ရသည့်ပမာတည်း။

ဒေါသသမားကား မည်မျှအာရုံကောင်းများနှင့် ထိုးမိပါစေ၊ တစ်ကြိမ်မှာ စွေကြည့်ကြည့်တဲ့ကာ ပြီးပြေသွားတတ်၏။ အင်မတိ အင်မတန် ကောင်းနေသည်ကိုပင် ပြုံးပြရုံမျှရှိ၏။

သူ မနှစ်ခြိုက် သဘောချင်း မတိုက်သော မကြိုက်အာရုံမျိုး တိုးမိပါမူကား ယမ်းပေါ်မီးတောက် မြွေဟောက်ဦးခေါင်း တုတ်နှင့် ခေါက်မိသည့်ပမာ စွေ့စွေ့ခုန် တုန်ခါတက်လာတတ်၏။ တုံ့ပြန်မှု လည်းလက်မနှေး ၊ ရန့်ငြိုး ၊ ရန်ခိုးများလည်း အတေးထားတတ်၏။ နောက်တစ်ချီ ထိုဝတ္တုအာရုံနှင့် ပက်ပင်းကြုံကြုံရသော်………

မြင်မှမမြင်ရသေး ယခင်ကြွေးဟောင်းဆီသို့ တိုက်ရိုက်ပြေးပြီ။
ကြားမှမကြားရသေး ယခင်ကြွေးဟောင်း နံဘေး အပြေးလေး ရောက်သွားပြီ။
ရာဂကြီးသမားကဲ့သို့ အာရုံမျှင် ငါစဉ်တိုက် လိုက်မနေပြီ။
ရာဂကြီးသမားကား နွားထီးဝှေ့နည်း ဘာဘာညာညာ အသံမပေး၊ သူ့နံဘေး ပြေးဆောင့်မည်။

မျောက်သည် ငပိကို အလွန်မုန်း၏။
အကယ်တိတိ….. လူတို့ကား ထိုမျောက်၏ ဆော့ကစားခြင်းကို သည်းညည်းမခံ နိုင်တော့သဖြင့် ထိုမျောက်၏ လက်ဖ၀ါးမှာပင် ငပိဖြင့်တို့ပေးငြားသော် ထိုမျောက်ကား ဆော့ကစားခြင်းအစား သူ့လက်ဖ၀ါးကိုသာ အရာဝတ္ဆု တစ်ခုခုဖြင့် ပွတ်တိုက်နေချေ မည်။
လက်ဖ၀ါးနမ်းစမ်း နမ်းကြည့် အနံ့ရနေသမျှ ပွတ်တိုက်မိချေ၏။
ငါးပိသုတ်သမား ငုံ့ကြည့်စိတ်မချိတိုင်း တကွိကွိ ရှုတ်ချနေဘိ၏။ သို့နှင့်ပင် လက်ဖ၀ါးလည်းပြဲ သွေးရဲရဲ သံရဲရဲနှင့်သာ။

သည်ပမာလျှင် ဒေါသကြီးသမားလည်း အကောင်းချောင်းလှပါချေသည်။ ထိုဒေါသ ကြီးသမား၏ အစားအစာကား ချဉ်သောစပ်သော ပူသော အရသာမျိုး အခိုးထချည်းသာ ဖြစ်ချေရာ အဘယ်မှာ ငြိမ်ခံပါအံ့နည်း။

သို့ကြောင့် မည်သည့်အာရုံမျိုးနှင့် တိုးမိတိုးမိ ချက်ချင်းတုံ့ပြန်ဖို့သာ သူသိ၏။ အာရုံနှင့် ထိပ်ချင်းတိုက် ခိုက်ရန်ပွားဖို့သာ ကြိုးစား၏။ ရှူးရှူးရှုပ်ရှုပ် အခိုးထုတ်ရသည် ကိုသာ နှစ်ခြိုက်၏။

ဤသည်ပင် ဒေါသသမားတည်း။

ဤသည်ပင် ဒေါသသမား၏ စရိုက်တည်း။

ဤသည်ပင် ဒေါသသမား၏ ၀ါသနာတည်း။

ယနေ့သင်သည်………
မြင်မိကြားမိအာရုံတို့၏ အတို့အထိအပေါ် ကောင်းလျှင် ခေါင်းတစ်ချက်ညိတ်၊ ဆိုးသော် စိတ်တဆွေ့ဆွေ့ ခွေ့နေသော် သင့်ဥာဉ်ကား ဘာဥာဉ်တည်း။

မကြိုက်ရာသို့လိုက် တစိုက်မတ်မတ် တိုက်ခိုက်နေက သင့်စရိုက်ကား ဘာနည်း။

မကြိုက်တိုင်း ခြိမ်းခြောက် ဟိနုးဟောက်နေပါက သင့်ဝါသနာ ကားဘာလေနည်း။

လူသားတိုင်း၏ ယနေ့ ပစ္ဆက္ခဆန္ဒသည် ကောင်းစားချင် ချမ်းသာချင်ချည်းဖြစ်ကြ ၏။ ကောင်းစားရန် ချမ်းသာရန်လည်း ကြိုးစားနေကြ၏။
သို့တိုင် ဘာကြောင့် မကောင်းစား မချမ်းသာကြပါသနည်း။

အဖြေကား နောက်နောက်က ပါလာခဲ့ကြသော ဥာဉ်ဟောင်း စရိုက်ဟောင်း ၀ါသနာဟောင်းများ၏ အထောင်းကို ခံနေရဆဲများ ကြောင့်ပင် ဖြစ်ကြ၏။ ထိုဥာဉ် ၊ထိုစရိုက်၊ ထိုဝါသနာ တို့အပေါ်မိမိကလည်းခင်တွယ်နေမိခြင်းများကြောင့်ပင် ဖြစ်ကြ၏။ ထိုဥာဉ်၊ ထိုစရိုက်၊ ထိုဝါသနာများကို မစွန့်လွှတ်နိုင်ခြင်းက အဓိက ကျ၏။ ဟုတ်မဟုတ် သင့်လုပ်ရပ် သင်သရုပ်ထုတ် ကုပ်ကြည့်လေ။

မဟာဗောဓိမြိုင်ဆရာတော်

source: https://www.facebook.com/san.dar.7165

မဇ္ဈိမပဋိပဒါ သို့မဟုတ် သတိဖြင့်သွားသောလမ်း

10703559_1494628540797769_2105581042185477756_n

မဇ္ဈိမပဋိပဒါ သို့မဟုတ် သတိဖြင့်သွားသောလမ်း
ဒီနေ့ ၀ါဆိုလပြည့်နေ့နော် ။ ဘုရားရှင် ဓမ္မစကြာဟောခဲ့တဲ့နေ့ ။ ဓမ္မစကြာတရားတော်ဟာ သာသနာတော်ကြီး ရဲ့  လမ်းစဉ် ကြေညာချက် ၊ ဗုဒ္ဒဘာသာရဲ့  အဓိက သော့ချက်ပဲ ။ ဒို့တရားကျင့်တဲ့ အခါ ဘယ်ကျင့်စဉ် ဘယ် နည်းနဲ့ပဲကျင့်ကျင့် ဓမ္မစကြာ ပါရမှာချည်းပဲ ။ ဓမ္မ က တရား ၊ စကြာ က လည်နေတာ ၊လည်နေတယ် ဆိုတာ မရပ်ဘူးလို့ပြောတာ ။ တရားစစ် တရားမှန်ဖြစ်လို့ သူက မရပ်ဘူး ။ လောကလူ့ရွာထဲ တရားကပြနေတာ ။ သစ္စာလေးပါးနဲ့ ကင်းလွတ်သောတရားမရှိ ၊ ဘယ်တရားလာလာ သစ္စာလေးပါးထဲ ဆိုက်မှာပဲ ။ ဒို့ဘ၀တွေမှာ သစ္စာနဲ့ လွတ်တဲ့နေ့ရယ်လို့ မရှိပါဘူး ။ ကိုယ်လုပ်တာ သစ္စာမှန်းမသိတာပဲ ရှိပါတယ် ။ ဒုက္ခသစ္စာနဲ့ သမုဒယ သစ္စာဆိုတာ ဒို့ရပ်ထဲ ရွာထဲ အမြဲ ရှိနေတဲ့ တရားတွေပါ။
သစ္စာလေးပါး ဆိုတော့ သမုဒယ နဲ့ ဒုက္ခ လောက်ဆိုရင် တစ်ခြမ်းပဲ့ သစ္စာဖြစ်နေမယ်။ ဒုက္ခရှိရင် ဒုက္ခက လွတ်မြောက်ရာဆီ သွားတဲ့လမ်းလည်းရှိရမယ်။ အဲဒီ့လမ်းက အစွန်းတရား နှစ်ပါးကို ရှောင်ပြီးတော့ သွားရတဲ့လမ်း ။ အဲဒီ့အစွန်းနှစ်ပါးဆိုတာက လက်ဝဲစွန်း လက်ျာစွန်းလမ်းတွေ။
လက်ဝဲစွန်းဆိုတာ ဒီနေ့ရပ်ထဲရွာထဲမှာ ပြုကျင့်နေပုံမျိုးတွေ ကိုယ်ကြိုက်တာ အကောင်းထင်ပြီး လိုချင် တာတွေနောက် တကောက်ကောက်လိုက်နေပုံမျိုး ၊ ဒါကိုစိတ်လွတ်ကိုယ်လွတ် အကျင့်မျိုး ၊ ရပ်ထဲရွာထဲမှာ တစ်သက်လုံးလုပ်ခဲ့တာတွေ ပြန်ကြည့်ရင် ကြိုက် မကြိုက်ဘဲ ရှိတယ် ။ အကောင်းအဆိုး အကျိုးအပြစ် မသိဘူး၊ ဓါတ်သွေးတောင်းတာပဲ လိုက်လုပ်နေရတာ ။ လူသိမပါသေးဘူး ။ အရက်မကောင်းဘူး ဘယ်လောက်ပြောပြော အရက်သမားက အရက်နဲ့ဘဲ ပျော်မှာပဲ။ ဖဲသမားကလည်း ဖဲနဲ့ပျော် ပွဲကြိုက်သူကလည်း ပွဲသံလေး ကြားမှ နေသာထိုင်သာ ရှိတာ ။ ဓါတ်သွေးတောင်းလို့ ဓါတ်ဥာဉ်နဲ့ လုပ်ပီး ဓါတ်စာ စားရုံလောက်ပဲရှိသေးတာ ။
စားတာတောင် ကိုယ်ဓါတ်သွေးနဲ့ ကိုက်မှကြိုက်တာ ။ ၀က်သားကြိုက်တဲ့သူနဲ့ အမဲသားကြိုက်တဲ့သူ ဓါတ်သွေးချင်းမတူဘူး ။ စားတော့ ၀က်သားစားရင် ဒို့စိတ်က ၀က်နောက်ပါသွားပြီ။ ကိုယ့်ဘက်ကခံစားပြီး စားတာမှမဟုတ်ဘဲ၊ စားတော့ ကိုယ်ကမှတ်တော့ သူ့ဘက်က၀က်သားဆိုပြီးစားတာ ရွာထဲလုပ်နေသမျှ ကိုယ့်စိတ်နဲ့ ကိုယ်လုပ်နေတာမရှိဘူး ။ သူ့စိတ်သူ့အာရုံ နဲ့ လုပ်နေရတာ ။ အာရုံက အပြင်ကနေဆွဲတယ် ညှို့ တယ် တိုက်တယ် လူ့ရဲ့ ကြိုက်စိတ်က အတွင်းကနေ လှော်ထုတ်တာနဲ့ အာရုံ နဲ့လည်းပေါင်းမိရော ငါကောင်းပြီး ရောလုပ်လာတယ်၊ ရိုင်းလာတယ် ။ ဒါကြောင့် ကိလေသာများဖို့ပဲ ရှိတယ် ။ အနရိယ မဖြူစင်တဲ့ အလုပ်တွေ ချည်းပဲတဲ့ ။
ကြိုက်လောဘက ခိုင်းလို့လုပ်နေရပေမယ့် လောဘကို ရန်သူမထင်ဘူး ။ ရန်သူကို မိတ်ဆွေလို့ သဘောထားပြီး ကျင့်နေတယ်တဲ့ ။ ဒါကို ဓမ္မစကြာ က အနရိယ လို့ခေါ်တယ် ။ ဒီလိုကိုယ်ကြိုက်ရာ အကောင်းထင်နေတာကိုပဲ ကာမသုခလ္လိကာနိရောဂေါ လို့ဆိုပါတယ်။ ကာမဆိုတဲ့ လိုချင်တာတွေ သုခဆိုတဲ့ ချမ်းသာမယ် ထင်တာတွေနောက် အနုရောဓ အစဉ်လိုက်နေကြတယ် ။ အကြိုက်ချင်းဖလှယ်ပြီး တစ်ဦးနဲ့ တစ်ဦး အကြိုက်ပေးပြီး အပြန်အလှန် ဖျက်ဆီးပစ်နေတာ။ ရန်သူကို မိတ်ဆွေထင်နေတာ ။ ဒါကြောင့် အနတ္တသံဟိတ အကျိုး မရှိဘူးတဲ့ ။ ငှက်ပျောပင်ကြီး အခွံခွါကြည့်သလိုပဲ အနှစ်မပါဘူး ။ ဒါကလက်ဝဲလမ်း ။ စိတ်လွတ်ကိုယ်လွတ် ရွာထဲကအကျင့် …။
လက်ယာလမ်း လက်ယာစွန်းဆိုတာက ကြိုက်အာရုံတွေကို ပေချုပ်ပြီး ကျင့်တာ ။ အကြိုက်ပယ်ရာမှာ ခန္ဒာကိုယ်ကို ညှဉ်းဆဲပြီး ကျင့်တဲ့ အကျင့်မျိုး။ ကိလေသာ မပေါ်အောင်ဆိုပြီး မီးလှုံတာ တုံးခုန်တာ ရေငုပ်တာ အစာမစားတာ၊ ဒီလိုရုပ်ကို ညှဉ်းဆဲတဲ့ အကျင့်မျိုးကို လက်ယာစွန်းလို့ခေါ်တယ်။ ကိလေသာဆိုတာ စိတ်မှာကပ်ပြီး ညစ်ပတ်ပူလောင်နေတာ။ စိတ်အေးငြိမ်းအောင်မကျင့်ဘဲ ရုပ်ကိုညှဉ်းဆဲနေတာ ။ အနာတခြား ဆေးတခြားဖြစ်နေတယ်။ ကျင့်ကားကျင့်၏ အသိမပါ ၊ စရဏ သာရှိပြီး ၀ိဇ္ဖာမဖြစ် ၊ ဒါကလက်ယာလမ်းက သွားနေတာ။ တစ်ပွဲတိုးထုံးမန်းမျိုးပဲ၊
ဒို့အလောင်းတော် ဒုက္ကရ စရိယာ ခြောက်နှစ်ကျင့်ခဲ့တာ ဆိုတာ တစ်ပွဲတိုးထုံးမန်းမဟုတ်ဘူး ။

ကာမအကျိုး ဘ၀အကျိုး မျှော်ကိုးပြီး ကျင့်ခဲ့တာမဟုတ်လို့ အနရိယာ အနတ္တလည်း မဟုတ်ဘူး ။ ဒီမှာ ဒုက္ကရနဲ့ ဒုက္ခ မတူဘူးနော် ။ ဒုက္ခက ဆင်းရဲ ဒုက္ကရဆိုတာ ဘယ်သူမှ မပြုကျင့်ရဲ တဲ့အကျင့် ၊ကျင့်ဖို့ဝေးရော ဒီလိုကျင့်ပါမယ်ဆိုတာ တွေးတောင်မတွေးရဲလောက်အောင် ကျင့်ဖို့ခက်ခဲတဲ့အကျင့် ၊ ဒို့အလောင်းတော်ကျင့် ခဲ့တာ ။ ဒါကြောင့် ဒုက္ကရ စရိယာ ခေါ်တာ ။
ဒီတော့ အကြိုက်နောက် စိတ်လွတ်ကိုယ်လွတ် လိုက်ပါသွားတဲ့ လက်ဝဲလမ်း ၊ အကြိုက်ကိုပါယ်ရာမှာ နည်းမှန်လမ်းမှန် မဟုတ်ဘဲ ခန္ဒာကိုယ်ကို ညှဉ်းဆဲပြီး လက်ယာလမ်း ၊ ဒီလမ်းနှစ်လမ်းလုံးသည် ဒုက္ခမှ လွတ်မြောက်ရာ ကို ပို့ဆောင်ပေးလိမ့်မည် မဟုတ် ၊ လမ်းမှန်မဟုတ် လမ်းမှား ၊ လက်ဝဲ လက်ျာ အစွန်းတရား နှစ်ပါးကိုရှောင်ပြီး အလယ်ကသွားတဲ့ မဇ္ဈိမပဋိပဒါ လမ်းသည်သာ လမ်းမှန် ။ သစ္စာလေးပါးသိပြီး ဒုက္ခကို အဆုံး သတ်ပေးမယ့် လမ်းမှန် …. ။
အလယ်လမ်း မဇ္ဈိမပဋိပဒါ ဆိုတာသတိဆိုတဲ့ ရှုမှတ်မှုနဲ့ သွားရတဲ့လမ်း ။ ဘယ်အာရုံခံစား ခံစား သတိပါရင် အလယ်လမ်း ၊ သတိမပါရင် လက်ဝဲလမ်း လက်ယာလမ်း ။ ဒို့ယောဂီတွေမှာသာ လက်ဝဲလမ်း လက်ယာလမ်း မကင်းတတ်ပါဘူး ။ ထိုင်ကောင်းတယ်ဆိုပြီး ဘာမှမသိဘဲ မှိန်းနေမျှောနေရင် လက်ဝဲလမ်း ထိုင်မကောင်းဘူးဆိုပြီး ပေထိုင်နေပုံမျိုးက လက်ယာလမ်း….. ။
သတိဖြင့် ရှုမှတ်ပြီးသွားတယ် ဆိုတာ မြင်တယ်ဆိုပါဆို့ ၊ မြင်တဲ့အာရုံနောက် ကောက်ကောက်ပါ တန်းတန်းစွဲ လိုက်မသွားဘဲ မြင်တယ်လို့ရှုမှတ်ပြီး ဖြတ်ချလိုက်ပုံမျိုး စွဲလမ်းတပ်မက်စရာ အာရုံက မြင်အောင်လာပြတော့ မြင်တယ်နဲ့ ကိစ္စပြီးအောင် အစွဲကြွေး မတင်အောင် သတိနဲ့ မှတ်ချလိုက်တယ်။ မြင်စရာကိုမြင်တာနဲ့ ပြီးအောင် သတိနဲ့မှတ်လိုက်တာဟာ သူ့ဓါးနဲ့ သူ့ပြန်ခုတ်လိုက်တာ ။ ဒီလိုမြင်ရင်းမှတ် စားရင်းမှတ်သွားရမှာ ။
သာသနာနှစ် ၁၀၀၀ တုန်းက သီဟိုဠ်(သီရိလင်္ကာ)မှာ ရဟန္တာမပေါ်ဘူးတဲ့ ဆွမ်းစားကျောင်းမရှိဘူးတဲ့ ။ ဆိုလိုတာက စားရင်းမှတ်သွားလို့ ရဟန္တာ ဖြစ်ကုန်တာ ။ ဒီလိုမှတ်ရင်း သတိနဲ့သွား သတိနဲ့စား သတိနဲ့လုပ် နေတာ ။ ၀ီရိယဗိုလ်တင်ထားတာ ။ ကာမသုခလ္လိက အမည်မရဘူး ။ ဓမ္မအတွက် ကိုယ်ကျေပျက်ပြီး အသက်ပင် သေပါစေ အတ္တကိလမထ အမည်မရဘူး ။ ဒီလိုမြတ်သောစိတ်နဲ့ သေရင် အထက်တန်းစား ဘ၀ကိုရောက်မှာဖြစ်လို့ ဟိန (ယုတ်ညံ့တယ်)လို့လည်း မဆိုနိုင်ဘူး ကိလေသာတွေလျော့ နည်း ရပ်စဲသွား အောင် ကျင့်နေတာဖြစ်လို့ ပေါတုဇ္ဖနိက အမည်မရဘူး ။ အာရုံကို သုံးသာသုံးတယ် မစွဲဘူး။ လောဘတဏှာကို ရန်သူလိုသဘောထားနိုင်ပြီ ဖြစ်တဲ့ အတွက် အနရိယ မဟုတ်တော့ဘူး။ တစ်ချက်မှတ်လိုက်တိုင်း ရှေ့တစ်လှမ်းတိုး အကျိုးမယုတ်တော့တဲ့အတွက် အနတ္တသံဟိတ လို့လည်းမဆိုနိုင်တော့ဘူး။ ဒါကြောင့် ကိုယ်ကိုလည်း မညှင်း စိတ်ကိုလည်းမတင်းစေပဲ စိတ်ရောကိုယ်ပါ အပြစ်အနာအဆာတွေကို စစ်ဆေးပြီးတော့ လွတ်မြောက်ရာဆီ ခရီးနှင်ခြင်းကြောင့် မဇ္ဈိမပဋိပဒါ အလယ်လမ်းလို့ခေါ်ပါတယ် ။ အဘဘုရားရှင်က သူကိုယ်တိုင် လျှောက်ခဲ့တဲ့လမ်း ရောက်ခဲ့တဲ့လမ်း ပေါက်ခဲ့တဲ့စခန်းကို ညွန်ပြတော်မူခဲ့တာ ။ ပစ္စေကဗုဒ္ဒါနဲ့ ရဟန္တာအရှင်မြတ် ကြီးများနှင့် အင်္ဂါရှစ်ပါးရှိတဲ့ ဒီ မဇ္ဈိမပဋိပဒါလမ်းကပဲ နိဗ္ဗာန် ကို အရောက်သွားခဲ့ကြတယ် ။
အင်္ဂါရှစ်ပါးဆိုတာက မဂ်ဂင်ရှစ်ပါး ……..
၁။ အာရုံမှန်တွင် တည့်တည့်နေခြင်း
၂။ အတည့်မြင် အာရုံမှန်ပေါ်မှာ စိတ်ကို စွဲစွဲမြဲမြဲရှိစေတယ်
၃။ မှန်တာပဲပြောတယ်
၎။ မှန်တာပဲလုပ်တယ်
၅။ မှန်မှန်ကန်ကန် တရားသဖြင့်သာ အသက်မွေးဝမ်းကျောင်းပြုတယ်
၆။ အမှန်ကိုပဲ ကြိုးစားတယ်
၇။ သမ္မာသတိဆိုတဲ့ အမှန်ပေါ်မှာပဲ အမှတ်သတိရှိနေတယ်
၈။ အမှန်မှာဘဲ စိတ်နားသက်တော့တယ်
ဒီအင်္ဂါ ရှစ်ပါးနဲ့ ရှေ့သို့ဆက်ရင် ဓမ္မစကြာကြီးလည်နေပြီ။ ဒါဟာ ဒုက္ခချုပ်ငြိမ်းရန် အကျင့်မှန်လို့ ရှေးတုန်းက (ဘုရားမပွင့်ခင်က) ကြားတောင်မကြားခဲ့ဖူးဘူးတဲ့ ။ အခု ဘုရားဟောတဲ့ အတိုင်း ကျင့်ကြည့် စမ်းပါ ။ မျက်မြင်ကြုံတွေ့ တရားနဲ့မွေ့ကြပါလိမ့်မယ်။ (စက္ခုံဥဒပါဒိ) ဥာဏ်အမြင်အားဖြင့်လည်း ရှင်းရှင်းကြီး တွေ့ရပါလိမ့်မယ် ။ (ဥာဏံဥဒပါဒိ) ရုပ်နာမ်တို့ရဲ့ ဖြစ်ပျက်ကိုလည်း ကွဲကွဲပြားပြားမြင်ရပါလိမ့်မယ်။ (ပညာဥဒပါဒိ) ဒီမှာအသိထူးတွေ ရလာပါလိမ့်မယ် ။ (၀ိဇ္ဖာဥဒပါဒိ) အပိတ်အပင်အတားအဆီးမရိ်ှ လက်ဖ၀ါးပေါ်တွင် ပတ္တမြား တင်ကြည့်သကဲ့သို့ ရှင်းရှင်းလင်းလင်း သိမြင်လာပါလိမ့်မယ် ။ (အာလောကော ဥဒပါဒိ)
မဇ္ဈိမပဋိပဒါ အလယ်လမ်းကို မဂ်ဂင်ရှစ်ပါးအားဖြင့် ဖြောင့်ဖြောင့်တန်းတန်းလျှောက်လှမ်းခြင်းအားဖြင့် သစ္စာလေးပါး မျက်မှောက်ပြုပြီးတော့ ဒုက္ခအပေါင်းမှ လွတ်မြောက်ရာ နိဗ္ဗာန် ရွှေပြည်စံဝင်နိုင်ပါလိမ့်မယ် ။ ဒါဟာ ၀ါဆိုလပြည့်နေ့မှာ ဘုရားရှင်ကိုယ်တော်မြတ် ဟောတော်မူခဲ့တဲ့ ဓမ္မစကြာတရားရဲ့  အနှစ်သာရ။ ဒီလောက်ဆိုသဘောပေါက်ပြီထင်တယ်နော်……. ။
ပေါက်ပါပြီဘုရား…… ။
သာဓု….. သာဓု….. သာဓု…. ပါဘုရား ။
မဟာဗောဓိမြိုင်ဆရာတော် မဟာမြိုင်တောကြီးမှာဟောတော်မူသောတရားများ (မောင်သွေးချွန်) စာအုပ်မှ ကူးယူဖော်ပြပေးပါသည်။

ဓမ္မစကြာတရားတော်ရဲ့  အနှစ်သာရ (၀ါ) ဒုက္ခချုပ်ငြိမ်းရန် အကျင့်မှန်
(၆.၇.၂၀၀၉) ၀ါဆိုလပြည့် တန့်ဆည်မြို့ မှ ဒကာဒကာမများအား ဟောကြားတော်မူသည်။

source: https://www.facebook.com/san.dar.7165

လူ့ဘ၀နေလျက်က လူ့ဘ၀ သေနေခြင်း

10616190_339501802889750_1462742209806159282_n

(လူ့ဘ၀နေလျက်က လူ့ဘ၀ သေနေခြင်း) နှင့် (နေ နှင့် လူသား)

လူဟူသောဝေါဟာရစကားသည် မနုဿဟူသောပါဠိ စကားမှပင် ဆင်းသက်လာ၏။
ထိုမနုဿကို အဓိပ္ပါယ် ဖော်ကြည့်သော်…..
• အကျိုးရှိ အကျိုးမဲ့ကို သိပိုင်နေခြင်းသည် မနုဿ၊
“အတ္ထာ နတ္ထံ မနတိ ဇာနာတီတိ မနုေဿာ”
• အပြစ်ရှိ အပြစ်မဲ့ များကိုသိပိုင်နေခြင်းသည် မနုဿ၊
“ကုသလာ ကုသလံ မနတိ ဇာတာတီတိ မနုေဿာ”
ထိုသို့ အကျိုးနှင့်အပြစ်ကို စိစစ်ခွဲခြားနိုင်လေသူ၌ အကျိုးမ၇ှိ အပြစ်မဲ့ မျိုးများကိုသာ အားထုတ်၍ အကျိုးမဲ့ အပြစ်ရှိသူများကိုကား ရှောင်ရှားသွားနိုင်တော့ရကား….
ကောင်းကျိုးစေတနာ အရှိန်သတ္တိများ၏ တွန်းပင့်အားများကြောင့်
ကြွေးကင်း နောက်ကြောင်းရှင်းဖြင့် သွားလမ်းသာနေခြင်းကြောင့်
အလံတံခွန်တို့သည် လေ၏ပင့်အား၊ ပင်ကို၏ ပေါ့ပါးအားများကြောင့် ကောင်းကင်ဝယ် တလွင့်လွင့် တလူလူ တက်နေသည့်ပမာ
လူ့အဆင့်နိမ့်မှ လူ့အဆင့်မြင့်သို့ တလူလူတက်ခွင့်ရသွားစေပြီ။
လူ့ဘ၀မှ နတ်ဘ၀တို့သို့ တလွင့်လွင့် တလူလူ တက်ခွင့်၇သွားပြီ။
လူ့ဘ၀မှ ဗြဟ္မာဘ၀တို့သို့ တလွင့်လွင့်တလူလူ တက်ခွင့်၇သွားပြီ။
ဤသည်ပင်လျှင်လူ၏ သရုပ်အဓိပ္ပါယ်မှန်တည်း။
ထိုသရုပ်ကိုစံထားလျက်က သင့်ကိုယ်သင် အဖြေထုတ်သင့်ပြီ။
(၁) သင်သည် မွေးကင်းစမှ ဆယ်နှစ်အတွင်း အမှတ်မဲ့ (အမှားအကျင့်နှင့် အမှတ်ရှိ (အမှန်ကျင့်) ဘယ်ဒင်းလုပ်မိ သနည်း။
(၂) တစ်ဖန် ပျော်ချိန်ပါးချိန်ဖြစ်သော အပျိုဖော် လူပျိုဖော် ဘ၀အတွင်း၌လည်း အမှတ်မဲ့ နှင့် အမှတ်ရှိ ဘယ်ဒင်း လုပ်မိသနည်း။
(၃) ထိုမှတစ်ဆင့် ခြေချော် လက်ချော် လင်ကောင်ပေါ် မယားကောင်ပေါ်သွားသော အိမ်ထောင်ကျစ ဘ၀တွင် လည်း အမှတ်မဲ့နှင့် အမှတ်ရှိ ဘယ်ဒင်းလုပ်နေမိသနည်း။
(၄) ထိုမှတစ်ဆင့် သားသမီးရ အိမ်ထောင်တာဝန်ပိကျနေသော ကာလအတွင်းမျိုးတွင်လည်း အမှတ်မဲ့နှင့် အမှတ်ရှိ ဘယ်ဒင်းလုပ်မိနေသနည်း။
(၅) ထိုမှ တစ်ဆင့် သားသမီးတို့ ကြည့်ပျော်ရှုပျော် ရှိလာချိန် ကာလ သားဇော သားမာန်၊ သမီးဇော သမီးမာန်ထ နေသောကာလမျိုးတွင်လည်း အမှတ်မဲ့ နဲ့  အမှတ်ရှိ ဘယ်ဒင်းပြုကျင့်နေမိသနည်း။
(၆) ထိုမှ တစ်ဆင့် ထိုသားထိုသမီးတို့သည် သားချင်းတော်တွေထက်သွေးချင်းစပ်သို့ တပ်မက်သွားသည်က တစ်ကြောင်း၊ ဆွေမျိုးထက် ငွေမျိုးမက်သွားသည်က တစ်ကြောင်းများကြောင့်….
မိဘကျောပေး အကြိုက်ပေးရာနောက် ကောက်ကောက်ပါသွား၍ သားပစ် သမီးပစ် အဘိုးအဘွားချည်းကျန်ရစ်ခဲ့ သောအခါမျိုးတွင်လည်း အမှတ်မဲ့နှုင့် အမှတ်ရှိ ဘယ်ဒင်းပြုကျင့်နေမိသနည်း။
ဤကား အသက်တမ်းဖြင့် ပိုင်းခြားစစ်မေးထားခြင်း။ တစ်ဖန်ထိုအရွယ်အားလုံးတို့၏ အချိန်များတွင် လည်းတစ်ရက်တာ၏ အချိန်ပိုင်းသည် နေ့နှင့်ည ဟူ၍ နှစ်မျိုး၇ှိချေရာ….
ညဉ့်သည် အိမ်မောကျ ကာလမျိုးများသာဖြစ်ရကား အမှတ်မဲ့ လူ့အသိဥာဏ်မဲ့အချိန်များချည်း ဖြစ်နေပါသည်။ သို့ကြောင့် ထိုညဉ့်ဟူသည့်ရက်တစ်ဝက်ကို လူစားရင်းထဲမှ ပယ်ဖျက်ရပါတော့မည်။
လူဟူသောအမည်နဲ့မလိုက်ဖက်တော့ခြင်း။ အထက်တက်ပိုင်ခွင့်အရှိန် သတ္တိများလုံးဝ ကင်းမဲ့နေတော့ခြင်းများ ကြောင့်တည်း။
တစ်ဖန်ကျန်နေ့တစ်ဝက်တွင်လည်း …..
နိုးထစ၀ယ် အမှတ်မဲ့ နှင့် အမှတ်မိ ဘယ်ဒင်းဖြင့်ထသနည်း။
(အမှတ်မဲ့က သညာသိ အစွဲသိ အကူဖြင့် လှုပ်ရှားမည်။
အမှတ်မိက ပညာသိ ကွဲသိ အကူဖြင့်လှုပ်ရှားမည်။)
ထိုမှ တစ်ဆင့် အိပ်ရာသိမ်း မျက်နှာသစ် စသည်ပြုစရာကိစ္စအားလုံးတို့၌လည်း အမှတ်မဲ့နှင့် အမှတ်မိ ဘယ်ဒင်းလုပ်မိနေသနည်း။
တစ်ဖန် မိမိတို့ ၀မ်းစာရှာဖြစ်စေ ပညာရှာဖြစ်စေ အလုပ်ခွင် မ၀င်မှီကာလများရှိ နံနက်စာစီမံ၊ နံနက်စာစား၊ စသည်များ၌လည်း အမှတ်မဲ့ နှင့် အမှတ်သိ ဘယ်ဒင်းဖြင့် ဆောင်ရွက်နေသနည်း။

နေနှင့်လူသား

နေ၀င်သွားပြီ။
လူတို့သည် သွေးကလည်း အေး အရေးကလည်း အခြေမပေးတော့သည်က တစ်ကြောင်း မွေးညင်းပေါက်များ တစ်စတစ်စ ပိတ်သွားကြပြီဖြစ်ရကား ၀မ်းတွင်းနေ အပူနှင့် အပုပ်များ ပြင်ပသို့ မတိုးဦးခေါင်းသို့သာ ဆောင့်တိုး ထိုးသည်က တစ်ကြောင်း ၊ ထို့ကြောင့် အိပ်စက်သွားကြရ၏။
– အပူအပုပ်အားကြီးသူက အအိပ်ပိုကြီးမည်။
– အပူအပုပ် နည်းပါးသူက အအိပ်နည်းမည်။
ညဉ့်အိပ်ချိန်ဝယ်……
တစ်နေ့တာ သွင်းယူထားသော အပူအပုပ်များကို ဘ၀င်လေမထ ကိလေသာလည်း မကြွခြင်းကြောင့် ၀င်လေ နှင့် ထွက်လေ နှစ်ရပ်တို့သည် နှာသီးမှ ချက်တိုင်၊ တစ်ဖန် ချက်တိုင်မှ သည် နှာသီးသို့ ပုံမှန်ရှုသာရှိုက် သာခွင့်ရနေကြပါသည်။ ထိုစဉ်……
ထွက်လေ ၀င်လေ၀ယ် ၀မ်းတွင်းအောင်း အပူအပုပ်ဟောင်းများကို စုပ်ထုတ်သွားပြီ။
ဝင်လေ၀ယ် ပြင်ပရှိ လေကောင်းလေသန့်များကို ထည့်သွင်းပေးနေပြီ။
သို့ကြောင့် ကိုယ်ကောင်ကြီးသည် တစ်စတစ်စ အပူမှ အအေးသို့ပြောင်းလဲလာပြီး နွမ်းရာမှလည်း လန်းလာနေပါသည်။ ထိုမှတစ်ဆင့်….
အပူအပုပ်ကင်း၍ ၀မ်းသန့်ရှင်းလာသော်၊
အနွမ်းကုန်သွားပြီး အလန်းချည်းပုံကျလာသော်၊
ထိုအချိန်သည် လူသားတို့နိုးကြားချိန်တည်း။
အကယ်တိတိ…..
အပူအပုပ်တို့ကလည်း မကုန်သေးမီ၊ အလန်းကလည်း မပုံသေးမီ အချိန်တွင် တစ်စုံတစ်ခုသော အသံမျိုးအနှိုး များကြောင့် လန့်နိုးနိုးသွားက စိတ်လည်းမကြည် ကိုယ်လည်းမအီမသာပင်။
၎င်းသဘာဝယုတ္တိများကို ထောက်ဆ၍ လူသားတို့၏ အိပ်ရာထလန်းဆန်း တက်ကြွလာခြင်းများသည်…..
အိပ်၍ အားရှိသွားခြင်းမဟုတ်၊
ဝင်လေ ထွက်လေမှန်၍ အပူအပုပ်ကင်းစင် သွားခြင်းကြောင့်သာ။
ဤကားနေ၀င်ချိန်ကာလ လူသားတို့သဘာဝများပေတည်း။
နေထွက်လာပြီ။
(က) ထိုနေသည် ထွက်စ၀ယ် မပူသေး၊ လူတို့လည်း အေးအေးဆေးဆေး။
(ခ) နံနက် (၈)နာရီခန့်ဝယ် နေပူစပြုလာ၏။ လူတို့လည်း လှုပ်ရှားစပြုလာကြပြီ။
(ဂ) နေ့လယ်ဝယ် နေကားပူပြင်းလှပြီ၊ လူတို့လည်း အလုပ်ဝယ်အပူတပြင်း။
(ဃ) နေစောင်းသွားရာ အပူကျလာပြီး လူတို့လည်း နားစပြုလာကြပြီ။
(င) ညနေ (၅) နာရီခန့်ဝယ် နေရောင်ပင် ညှိုးပြီး လူတို့လည်း အလုပ်သိမ်းကြလေပြီ။
ထိုသို့သော နေ၏ ကျီစယ်ကစားခြင်းကို ခံနေရချိန်မျိုးတို့၌လည်း သင်သည် အမှတ်မဲ့ နှင့် အမှတ်ရှိ ဘယ်ဒင်းလုပ် နေမိသနည်း။
ဤ ကား အချိန်ပိုင်းဖြင့် မေးစစ်ထားခြင်း။
အထက်ပါ အရွယ်စစ်တမ်း အချိန်စစ်တမ်း နှစ်ရပ်တိုို့စေ့စေ့စပ်စပ် သုံးသပ်လျှင် အမှတ်မဲ့များကသာ ဖုံးလွမ်းထား ပါသည်ကို တွေ့ကြရပါမည်။
အမှတ်မဲ့နောက်ဝယ် ရာဂ၊ ဒေါသ စသည်ကြိုက်စွဲ မကြိုက်စွဲ ကိလေသာ အခုအခံများ များစွာပါဝင်နေသည်ကို သတိပြုပါလေ။
(က) ဒါနဟူသော ကောင်းမှုများသည် ငါ့ပစ္စည်းဟူသော ရင်ဝကိုစူးဝင်နေသည့် ဒိဋ္ဌိ တဏှာ အရိုးစွပ် အသွားတပ် ဓားကို ဆွဲနှုတ်ရာ လက်နက်ဖြစ်ခြင်းကြောင့် စွန့်လွတ်ခြင်းကို တာဝန်ယူရ၏။
(ခ) သီလ ဟူသော ကောင်းမှုများကလည်း မြင်ရာ ကြားရာစသည်များမှ အမှတ်မဲ့ သတိလွတ်နေစဉ် အမည်ပြော၍ အစွဲ ကိုနှိုး အကောင်းပြော၍ အကြိုက်ကိုဆွနေပါသည်ကို တားဆီးရာလက်နက် ဖြစ်ခြင်းကြောင့် စောင့်စည်းမှုဣနြေ္ဒကို တာဝန် ယူရ၏။
သို့တစေလည်း ……
အမှတ်မဲ့သမား၏ ဒါနမှု၊ သီလမှု လမ်းထားသည် ငါစွဲလည်းမကင်း၊ စောင့်စည်းခြင်းလည်း မပါရှိစေရာ အစွဲ၏ ဆွဲငင်အား ကို မရုန်းနိုင်ရကား အဘယ်မှာ လူဖြစ်ပါအံ့နည်း။
အမှတ်မဲ့၏ ဒါနသည် လှူရာဝယ် အသိစိတ်မကပ်တတ်။
ကပ်သော်မှ ငါ၊ ၀တ္ထု၊ ပုဂ္ဂိုလ် တစ်ခုခုပေါ်ဝယ် နားနေတတ်လှ၏။
သို့ကြောင့် ဘုရားရှင် ၀တ်ပြုစဉ် သြကာသ တစ်ပုဒ်လုံးဆုံးသည်အထိ ဘုရားရှင်ထံ စိတ်မှန်မှန်မရောက်တတ်။
ဆွမ်းတော်ကပ်စဉ် “အရဟတာဒိ” အစချီ ဆွမ်းတော်ကပ် တစ်ပုဒ်လုံး ဆုံးသည်အထိ ဘုရားထံ စ်ိတ်ပြည့်မ ရောက်တတ်။
သည့်အတူ သံ ဃဒါန ဆွမ်းလောင်းလှူရာ ဆွမ်းကျွေးရာစသည် ကောင်းမှုစုံ အကုန်ပြုရာ၌လည်း ကိုယ်နှင့်စိတ် တစ်ထပ်တည်းမကျခြင်း၊ ငါဝတ္ထု ပုဂ္ဂိုလ်များသို့ ငြိကပ်နေခြင်းများကြောင့် ကောင်းမှုစစ်စစ်ကား မဖြစ်နိုင်ပြီ။
သို့ဆိုသော် အမှတ်မဲ့ လူသားတို့၏ တစ်နေ့တာပြုကျင့်မှုသည် မကောင်းမှုဖြစ်စေ ကောင်းမှုပင်ဖြစ်စေ မြစ်ခြေမပါ သော သစ်ပင်များ ပမာ ရှင်သန်ရန် အလွန်ခက်ပါမည်။ အညွန့်ထွက်ရန် ပွင့်ရန်သီးရန်များလည်း ဝေးနေမည်သာ ဖြစ်ပါမည်။ သို့ကြောင့် တလူလူ တလွင့်လွင့် တက်ခွင့်သာသောလူသားဟူ၍ မဆိုသာပြီ။
အမှတ်မဲ့ လူသားတို့၏ ထိုတစ်နေ့တာသည် မသိမှု မောဟနှင့် တကွသော ကိလေသာလောင်းရိပ်မိနေတော့ခြင်း ကောင်းလမ်းပါဆိုးလမ်းပဲဟူ၍ သဲသဲကွဲကွဲ သိပိုင်မှုမရှိတော့ခြင်း။
ထိုအချက် နှစ်ချက်က်ို ထောက်ဆလျက်……
လူစာရင်းထဲမှ ပယ်ဖျက်ရပါမည်။ လူပင်ဖြစ်လျက် လူသက်ကင်းသူများဟူ၍ ကမ္ပည်း ရေးထိုးရပါတော့မည်။

မဟာဗောဓိမြိုင်ဆရာတော်

source: https://www.facebook.com/san.dar.7165

ဘယ်ကလာ၍ ဘယ်ကိုပြန်မည်လဲ

201469_373973702683137_351909859_o

ဘယ်ကလာ၍ ဘယ်ကိုပြန်မည်လဲ

အမှတ်မဲ့၏ နောက်ကွယ်တွင် ရာဂ ၊ ဒေါသ၊ မောဟ စသည့် ကိလေသာတို့ ကြီးစိုးကြိုးကိုင်နေပါသည်။

ထိုထို ကိလေသာ သံယောဇဉ်တို့တွင် ရေသောက်မြစ် အကြောင်းရင်းကြီးများ မှာ ရာဂ၊ ဒေါသနှင့် မောဟတို့ သုံးခုသာ အဓိကဖြစ်ရာ ကျန်အရာတို့မှာ ၄င်းတို့ အကျိုး ပေးရာ၌ ထိုက်သင့်သလို ၀င်ပါကြပါမည် ဖြစ်ပါသည်။ ထို့ကြောင့် ယင်းသုံးခုကိုသာ ပြဆိုပါမည်။

“လောဘော လဂ္ဃန သဘာဝတော ယေဘုယျေန ပေတာယံ ဂစ္ဆန္တိ။”
လောဘသည် ဆွဲငင်အား အလွန်အမင်း ပြင်းထန်ခြင်းကြောင့်၊
လောဘသူဌေး လက်သပ်မွေးတို့သည်……..
အများအားဖြင့် ဆွဲရာသို့ကပ် ပြိတ္တာဖြစ်တတ်သည်၊ သို့မဟုတ် ဇယားဆွဲ သားဆွဲ အယူ အထားလွဲခြင်းကြောင့် ပြိတ္တာဘုံသို့ ခိုလှုံကြပါကုန်။

ရာဂစရိုက်ခေါ် အကြိုက်ကျင့် အကျင့်များထားလေသူသည် ဆန်ဆေးရည်တို့ဖြင့် သွေးထားသော ဧကရာဇ်မြစ်သည် တစ်ဖက်က အရက်၏ အလွန်ပြင်းရှ ဆိုးဝါးနေသည် ကို ပကတိရေအလား တားနိုင်သည်ပမာ၊ တစ်ဖက်က မည်မျှယုတ်မာနေသူ ဖြစ်ပါစေ မိမိက အကောင်းထင် အမြင်ဆန်းနေလျှင် ငမ်းဖမ်းနေတတ်လှပါသည်။

တစ်ခုကို တစ်ခါကြည့် နှစ်ခါကြည့် ကြည့်ခွင့်ရရုံမျှဖြင့် အားမရ၊ သူ့ဆီသို့ အခါခါ ပင် မျက်စိကျ တမ်းတနေပါမည်။

ကြည့်ပြီးရုံနှင့်လည်းအားမရ ၊ ကြည့်ပြီးနောက် သူ့အသံခံစား ကြည့်လိုမှုများက အပ်ချ မတ်ချ ထပ်ကျလာတတ်ပါသည်။ တစ်ဖန် အသံကြားခွင့်ရပြန်လျှင်လည်း တစ်ခါ ပေါ်တစ်ခါထပ် အခါလည်မပြတ်အပတ်ခံနေတတ်ပြန်ပါသည်။ ထိုသို့……..

အရုပ်မြင် အသံကြား မျက်စိနှင့်နား နှစ်ပါးစုံ အာရုံပွားသွား လေသောအခါ နမ်းလိုမှုအထိ အမိခံရပါတော့မည်။ နမ်းခွင့်ရပြန်ပါတော့လည်း နမ်းတိုင်းကြိုက်၍ ကြိုက်တိုင်း နမ်းနေပါတော့မည်။

ရုပ်မြင်သံဖမ်း အနမ်းအထိ အဖိခံထားရသော စိတ်သည် သူ့အရှိထိတွေ့ကာ အရသာခံစားလိုမှု ထိုနှစ်ခုတို့က စုပေါင်းလှုံဆော်ကြတော့ရာ သူကြိုက်ပေးလျက်က ကိုယ့်အကြိုက်ယူခြင်း အောက်ကျခံလျက် မိမိဘ၀ကို ပေါင်နှံလိုက်တော့ခြင်းအထိ အဖိခံလိုက်ပါတော့သည်။

သို့ကြောင့်ပင်……
အာရုံငါးစင်းတို့ကို တံခါးငါးစင်းတို့မှ သွင်းယူကာ လည်စင်းခံလိုက်ရာ တွေ့တိုင်းဆွေ့- ဆွေ့တိုင်းတွေ့ဝယ် မေ့မျောပါသွားပါတော့သည်။

တွေ့တိုင်းလည်းမွေ့ မွေ့တိုင်းလည်း တွေ့ မြင်မေ့နေပါတော့သည်။

ထိုအခါ……..
အရက်မူးသမား ခါးမှပုဆိုးကျွတ်သည်ကိုပင် မသိတော့သည့်ပမာ အတွေ့နောက် အမေ့ကောက် ပါသွားပါတော့သဖြင့် တစ်ခေါက်နှင့်လည်း အားမရ၊ တစ်ပေါက်နှင့်လည်း အားမရ စပြီးနောက်မဆုံးရပါတော့ပြီ။

ကြည့်၇ာမှ အသိ အာရုံငါးပေါက်အထိ လှည့်ပတ်သွားတော့သည်။
ကြားရာမှ အသိ အာရုံငါးပါးထက် ဖြန့်ကျက်သွားတော့သည်။

သို့ကြောင့်……..
ကြည့်မိကြားမိရုံမျှရှိသေး သူ့အနံ့ သူ့အရသာ သူ့အတွေးများအထိ အတွေးက လှည့်သွားတော့ရာ သူ့အရှိငြိလျက်က ရှိချေပြီ။

မျောက်စေးနှဲသည် မျောက်ဖမ်းရာ၌ အလွန်အသုံးတည့်ပါသည်။ တောမုဆိုး သည် မျောက်တောသို့ ၀င်ရာ၌ ထိုအစေးကို အသုံးချ၏။
ထိုအစေးကိုနေထွက်ကာစ ကျောက်တုံးဝယ် နေရောင်နှင့်ဟပ်လျက်က မျောက်တို့ရှိရာဘက် သုတ်လူး၍ ပြသထားရာ……..
ပထမမျောက်ဗိုလ်ကြီးသည် လူလစ်သည်နှင့် ပင်ထက်မှဆင်းသက်၊ ကျောက်တုံး ဘက်ပြေးထွက်သွားပြီး ယာလက်ဖြင့် ကိုင်ကြည့်၏။ ထိုကိုင်ကြည့်သော ယာဘက်လက် မိလျက်ကနေချေပြီ။

တစ်ဖန် ထိုငြိနေသောယာလက်ကို ရုပ်သိမ်းနိုင်ရန် ၀ဲလက်ဖြင့် ကျောက်တုံးကို ထောက်လိုက်ပြန်၏။ ထိုဝဲလက်လည်း နုတ်မရတော့။

တစ်ဖန်……..
ထိုငြိနေသော ၀ဲ၊ယာနှစ်ဖက် လွတ်ထွက်လာရန် ယာခြေဖြင့် ကျောက်တုံးကို ဆောင့်ကန် ကန်လိုက်ပြန်၏။
ထိုယာခြေလည်းနှုတ်မ၇တော့။
ထိုအခါ ၀ဲ၊ယာလက် နှင့် ယာခြေတစ်ဖက် သက်သာလာစေရန် ကျန်ဝဲခြေဖြင့် ခပ်ဆတ်ဆတ်ကန်သွင်းလိုက်ပြန်ရာ ထိုဝဲခြေလည်းနှုတ်မရပြီ။ သို့ကြောင့် ထိုမျောက် စိတ်ထန်လာ၏။ မာန်လည်း ၀င်လာ၏။

သည်တစ်ချီအသိဟေ့ဆိုကာ မငြိသေးသော ဦးခေါင်းဖြင့် အားကုန်တောင့်၍ ဆောင့်တိုက်၊ တိုက်လိုက်ချေရာ ခမျာပဉ္စငါးပါး မျောက်နှဲစေးတို့အကြား ကားခနဲ ထားပြီး ဖြစ်သွားပြီ။

မုဆိုးကားပြုံးစေ့စေ့နှင့် အငြိမှဖြုတ် ထုတ်သတ်ပစ်လိုက်တော့သည်။
ထိုမှနောက် ကျန်သောမျောက်တို့သည်လည်း
သစ်ပင်၏ ပင်မြင့်ပေါ်မှ နေကြကာ နေရောင်၏ အထိုး၊ မျောက်နှဲစေး၏ အနိုး ပြိုးပြိုးပြက်ပြက်သော အရောင်အခိုးကို ကြည့်ရာမှ အားမရကြ တစ်စ တစ်စ သွားရောက်၍ တစ်ကောင်ပြီး တစ်ကောင် ကိုင်ကြည့်မိရာမှ ငြိခံလိုက်ကြရပြီး ထိုအငြိ ကိုဖြေသောအားဖြင့် လက်ထောက်ခြေကန် ဘယ်ညာပြန်တိုက်လျက်ကသာ ဦးခေါင်းစိုက်သွားရသည်ချည်းသာ။

သည်ပမာလျှင်……..
တစ်ဖက်အာရုံသည် မျောက်နှဲစေးပမာ အဆန်းကြိုက် စွဲစိတ်သည် နေရောင်ပမာ ဖြင့် စိတ်ကိုညှို့ယူဖမ်းဆီးကာ သတ်ပစ်နေတတ်ရာ စိတ်ငြိသလောက် ကိုယ်အထိနာ ဘ၀ပါ ဆုံးရှုံးနစ်နာရပါသည်။

ထိုသို့အထိနာနေသော်မှလည်း စိတ်သည်မျောက်အုပ်ကြီးပမာ တစ်ခါမှတစ်ခါ တစ်ခု၌ပင် အခါခါ ခါနေတတ်တော့ခြင်း၊
တစ်ခုမှ တစ်ခု အခုခုတို့၌ ခုခုနေတတ်လှတော့ခြင်း၊
ထိုနှစ်စင်းတို့ကြောင့်…….
အကြိုက်မိနေသူသည် မမြင်လိုက်နှင့် လိုချင်ရာလောက်သာ သိခွင့်ရတော့သည်။

မမြင်လိုက်နှင့် အကြိုက်ကျင့်လောက်သာ ကျင့်ခွင့်သာတော့သည်။
မမြင်လိုက်နှင့် ကြိုက်ရာနောက် ကောက်ကောက်ပါနေခြင်းက သာနေရာယူတော့သည်။

ဤသည်ပင် လောဘဥာဉ်တည်း။

ဤသည်ပင် လောဘစရိုက်တည်း။

ဤသည်ပင် လောဘ ၀ါသနာတည်း။

ယနေ့သင်သည် မြင်ရာ ကြားရာ စသည်တိုင်းတို့၏ အပေါ်ဝယ် မိမိ လိုချင်ရာလောက်ကိုသာ ကွက်သိ သိနေသော် သင့်ဥာဉ်ကားဘာဥာဉ်နည်း။ ဘာစရိုက်နည်း။ ထိုလိုချင်ရာနောက် တစ်ကောက်ကောက် ပါသွားခဲ့သော် သင့်ဝါသနာ ကားအဘယ်ဝါသနာမျိုးပေနည်း။

မေးကြည့် ၊ဖြေကြည့် ၊ သင်ကိုယ်တိုင် သင့်အခြေအနေ အဖြေသိပေလိမ့်မည်။

မဟာဗောဓိမြိုင်ဆရာတော်

source: https://www.facebook.com/san.dar.7165

မြစိမ်းတောင် မှတ်စု

1920246_298191816999258_1998892301_n

မြစိမ်းတောင် မှတ်စု( ၅၈)
====================
သင်္ခါရုပေက္ခာ ဥာဏ် ရောက်နေပါလျက် နဲ့ သောတပတ္တိ မဂ်ဥာဏ် ဖိုလ် ဥာဏ် ကို မကူးနိုင်ပဲ တစ်ဝဲ လည်လည် ဖြစ်နေရ တဲ့အကြောင်း များစွာ ထဲက ဥိးပဉ္စင်း ရှင်းပြတဲ့ (၄) ခုက..

(၁) ဆုကြီးပန်ထားတာရှိရင် မကူးနိုင်ဘူး။

(၂) တရားထူးလိုချင် တဲ့ နိကန္တိ ဖြစ်လာ ရင်လည်း မကူးနိုင်ဘူး ။

(၃) တရားအရှိန် အားမကောင်းရင်လည်းမကူးနိုင်ဘူး။

(၄) ဆရာသမားရဲ့ စကား ကို နားမထောင်ဘူး ၊ ဆိုဆုံးမ ရခက်တယ် ။ မာန တွေ ခံနေတယ် ဆိုရင်လည်း မကူးနိုင်ဘူး ။
ဒီ (၄) ချက်ကို လွန်မြောက် နိုင်တဲ့ ယောဂီမှ ဟိုဘက်ကမ်းသို့ ကူနိုင်ပြီး လွတ် မြောက်မှု ချမ်းသာကို ရရှိနိုင်တာ ။

ဒါကြောင့် တရားရိပ်သာ တွေများများဝင် ၊ အရှိန်ရအောင်များများကြိုးစားပြီးတော့လွတ် မြောက်မှု ချမ်းသာကို ရရှိနိုင်ကြပါစေ..။

မြစိမ်းတောင် မှတ်စု ( ၅၇)
====================
ငွေ ရှိတယ်… စည်းစိမ် ဥစ္စာ ရှိတယ်…..။

ရာထူးရှိတယ်… ဂုဏ် ရှိတယ်…. ပညာတတ်တယ်..။

ဘယ်လို ပဲ ကြွားကြွား..။

ကိလေသာ သမားအချင်းချင်း ပဲ ကြွားလို့ ရတယ်…။

တရားနယ် ပယ်မှာတော့မရဘူး ။တန်ဘိုးထားတာချင်းမှ မတူပဲ..။

မြစိမ်းတောင် မှတ်စု ( ၅၆)
====================
သမထ ၊ ဝိပဿနာ နှစ်မျိုးလုံး ကျွမ်းကျင် တဲ့ ပုဂ္ဂိုလ် က ဘယ်နေရာ ပဲရောက်ရောက် အချိန်မရွေး အကုန် ရှုမှတ်လို့ရတယ်..။

ဝိပဿနာ ရှု ရင်း နဲ့ ငြီးငွေ့တဲ့ အခါ ဘာကို မှ မမှတ်ချင်တော့ဘူး ။

သမထကို နာရီဝက် တစ်နာရီပြောင်းမှတ်လိုက် ၊ သမာဓိ ရလာတဲ့အခါ ရှုမှတ်လို့ ပြန်အဆင်ချော သွားတာပဲ ။

ဒီတရားအလုပ်ကို ဘယ်တော့မှ ပြန်မချချင်ဘူး ။

ဒီတရားအလုပ်က မှန်ကန် တယ် ဆိုတာ ပိုင်ပိုင် နိုင်နိုင်သိနေတယ်..။

ပိုင်ပိုင်နိုင်နိုင် ထိထိ ရောက်ရောက် အကုန် လုံး သိစေချင်ပါတယ်..။

မြစိမ်းတောင် မှတ်စု ( ၅၅)
====================
သူများ တွေ အားပေးသည် ဖြစ်စေ…၊ အားမပေးသည် ဖြစ်စေ..။

ကြည်ညို သည် ဖြစ်စေ..မကြည်ညို သည်ဖြစ်စေ..။

လာဘ် ရသည် ဖြစ်စေ ၊ လာဘ် မရသည် ဖြစ်စေ..။

ဘယ်သူ သိသိ မသိသိ ..ကိုယ့်အလုပ်ကို ကိုယ် အမြဲတမ်းလုပ်နေရမယ်..။

မြစိမ်းတောင် မှတ်စု ( ၅၄)
==================
မဂ် ဥာဏ် ၊ ဖိုလ် ဥာဏ် ရမဲ့ ပုဂ္ဂိုလ် ဟာ ရိုးရိုး လူ နဲ့ မတူ ဘူး ။

မဂ် ဥာဏ် ၊ ဖိုလ် ဥာဏ် မရခင် ကတည်းကို က သဒ္ဓါ တရား က အင်မတန် ထက်သန်တယ်…။

စီးပွားရေး တွေ ပဲ ကျကျ ၊ လူမှုရေး တွေပဲ ကျကျ ၊ ဘာကျကျ ၊ ဒီအလုပ်ကို စွန့်ကို မစွန့်လွှတ်ဘူး.။
ရောက်တဲ့နေရာ ၊ ရတဲ့ အချိန်မှာ အားထုတ် တာ.. အဲလို သဒ္ဓါ တရား မျိုး..။

ဝီရိယ ကလည်းသူများ အိပ် တဲ့အချိန် မအိပ် ဘူး။

သူများအနားယူလည်းမနား ဘူး။ ဒီအလုပ်ကို ပဲ တစ်ခါ တည်း ထက်ထက် သန်သန် ကြိုးစားတယ်..။

သတိကလည်း အရမ်းအားကောင်းလာတယ်..။

မြစိမ်းတောင် မှတ်စု ( ၅၃)
===============
*ဒုက္ခသစ္စာ* ကို သိတိုင်း..သိတိုင်း…
*သမုဒယ* ဟာ ပါးပါးသွားတတ်တယ်..။

သမုဒယ တွေ မပါး သွားပဲ တိုးပွား နေတယ် ဆိုတာက..
ဒုက္ခသစ္စာကို မသိသေးလို့..။

မြစိမ်းတောင် မှတ်စု ( ၅၂)
=================
ချမ်းသာ ကနှစ်မျိုးရှိတယ်..။

ခံစားမှု ချမ်းသာ နဲ့ လွတ်မြောက်မှု ချမ်းသာ..။
ခံစားမှု ချမ်းသာ ဆိုတာက ကာမဂုဏ်ချမ်းသာ နှင့်ဈာန် ချမ်းသာ ကို ဆိုလိုပါတယ်..။

ခံစားမှုချမ်းသာ နောက်မှာ ဆင်းရဲခြင်း က အမြဲ လိုက်ပါ လေ့ရှိတယ်..။
ဖောက်လွဲ ဖောက်ပြန် ဖြစ်တတ်လို့ ခံစားမှု ချမ်းသာဟာ ချမ်းသာအစစ်မဟုတ်ဘူး။

လွတ်မြောက်မှု ချမ်းသာ ဆိုတာက ကိလေသာ နှိပ်စက်မှု မှ လွတ်မြောက်တဲ့ချမ်းသာ..။
သံသရာ မှ လွတ်မြောက် တဲ့ချမ်းသာ..မဂ်ချမ်းသာ ဖိုလ် ချမ်းသာ..၊ နိဗ္ဗာန်ချမ်းသာ ကို ဆိုလိုပါတယ်..။

ဒီချမ်းသာ ကတော့အရှည် ခံ ပြီး တည်တံ့ တဲ့အတွက် ချမ်းသာစစ် ချမ်းသာမှန် ဖြစ်တယ်..။

မြစိမ်းတောင် မှတ်စု (၅၁)
=================
တဏှာ ခိုင်းတာ ကို လုပ်တာ….အစုန်လမ်း ပဲ..။

တဏှာ ခိုင်း တာကိုဆန့် ကျင်တာ အဆန်လမ်းပဲ..။

မြစိမ်းတောင်မှတ်စု (၄၆)
====================
သံယောဇဉ် ကိစ္စ တွေ မှာ အသက်ဘယ်လောက်ကြီးကြီး နောက်မဆုတ်ဘူး ..ရှေ့ကို သာတိုးတိုး သွားတာ…။

စုတိပြတ်ကြွေ သေတဲ့အခါ မှသာ ဘယ်လို မှမတတ်နိုင်လို့ ထားခဲ့ရတော့ ပြိတ္တာ တွေဘာတွေ ဖြစ်ကုန်ရော။

သူတော်ကောင်း တရား ကိုလုပ် ဘို့ကျတော့ အခက်အခဲ နည်းနည်းတွေ့တာ နဲ့ နောက်ဆုတ်ကြ တာပဲ..။

သူတော်ကောင်း တရား တွေမှာ စိတ်အား ထက်သန်မှု မရှိလို့ ဒါကြောင့်လည်း သံသရာ ထဲက မထွက်နိုင်ကြသေးတာ..။

မြစိမ်းတောင်မှတ်စု (၃၇)
================
လောဘ အား ကြီး နေရင် …ဒါန ပြုလို့ မရဘူး။
ဒေါသ အား ကြီးမား နေရင် ..သီလ ဆောက်တည် လို့ မရဘူး..။
မောဟ အားကြီးနေရင် ..ဘာဝနာ ပွားများ အားထုတ်လို့ မရဘူး။

မြစိမ်းတောင်မှတ်စု (၃၆)
==================
စိတ် ဆိုတာ အလို လိုက်လေလေ….
စိတ်စွမ်းအားကျဆင်းလေလေ ပါပဲ..။

မြစိမ်းတောင် မှတ်စု (၃၃)
==================
ကံကောင်း အောင် လောက်သာ ကုသိုလ် လုပ်နေကြရင် ………
ကြွေးတွေ ထပ်ယူနေတာ နဲ့ တူတယ်…။ကြွေးယူတော့ ပြန်ဆပ်ရလိမ့်မယ် ။

သံသရာ ထဲက ကံကြွေးတွေ ယူနေရင်..သံသရာ ထဲ မှာ သံသရာကိုပြန်ဆပ်ရလိမ့်မယ်..
လူ့ခန္ဓာ၊ နတ်ခန္ဓာ၊ ခွေးခန္ဓာ… ဝက်ခန္ဓာ…. မျိုးစုံခန္ဓာတွေ နဲ့ပြန်ဆပ်ရ လိမ့်မယ်..။
ဒါဟာ သံသရာ ထဲ မျောနေတာပဲ..။

မြစိမ်းတောင်မှတ်စု (၂၂)
=================
ခင်ပြီ ..မင်ပြီ ဟေ့ သံယောဇဉ် ဖြစ်ပြီဟေ့ ဆိုရင် စိတ်မချ တဲ့….ကိုယ့်ထက်ပိုခင်သွားမှာ စိုးရိမ်တဲ့ သောက ကနောက်က လိုက်လာတော့တာပါပဲ..။
ဒါဟာ လောဘ နောက်က သောက ဆိုတာ လိုက်စမြဲ လို့ ဆင်ခြင် ရမယ်..။
လောဘပါး လေ.. ချမ်းသာလေပဲ ဆိုတာ သိရင်..။
အခု ပါးအောင်လုပ်အခု ချမ်းသာတယ်..။

မြစိမ်းတောင် (၁၇)
===========
*ဒါန မပြုချင် ဘူး..ဆိုတာ..
ကိုယ့်စိတ်သည် ဒါန ကုသိုလ် နဲ့ မထိုက်တန်သေးလို့ပါ..။
*သီလ မဆောက်တည် ချင် ဘူး..ဆိုတာ..
ကိုယ့်စိတ်သည် သီလ ကုသိုလ် နဲ့ မထိုက်တန်သေးလို့ပါ..။
*ဘာဝနာ မပွား ချင် ဘူး..ဆိုတာ..
ကိုယ့်စိတ်သည် ဘာဝနာ ကုသိုလ် နဲ့ မထိုက်တန်သေးလို့ပါ..။

 

credit to: https://www.facebook.com/thanthan.sein

ဝိသုဒ္ဓိကျင့်စဉ် တရား

 10608761_680091305420734_7191687191201746571_o

” ၀ိသုဒ္ဓိကျင့်စဉ် တရား ”
★★★★★★★★★★★★
လူ့ ဘ၀မှာ နေထိုင်တဲ့ အခါ
အကျင့်တစ်ခုခုတော့ ရှိကြတယ်။
ဘယ်လိုပဲ နေနေ၊
ဘယ်ပုဂ္ဂိုလ် ဘယ်သတ္တ၀ါပဲဖြစ်ဖြစ်
သူတို့ ရဲ့ အလေ့ အကျင့် အနေအထိုင်တွေရှိတယ်။
အဲ့ဒီ အလေ့အကျင့် အနေအထိုင်တွေဟာ
ဖြူစင်မြင့်မြတ်တဲ့ အကျင့်မျိုး
လူတိုင်းဖြစ်ချင်ကြတယ်။
သို့ သော်လည်း
မသိတဲ့ အခါကျတော့
ဖြူစင်မြင့်မြတ်တဲ့ ကျင့်စဉ်မျိုး
မကျင့်နိုင်ကြတော့ဘူး။

လူတွေဟာ
သူတို့ ရဲ့ ကျင့်ကြံသည့် အကျင့်အားလျော်စွာ
ဘ၀အသီးသီး,
အဆင့်အတန်း အသီးသီးဖြစ်ပေါ်လာကြတယ်။
ဖြူစင်မြင့်မြတ်တဲ့ အကျင့်ကိုကျင့်မယ်ဆိုရင်
ကောင်းမွန်တဲ့ ဖြူစင်မြင့်မြတ်တဲ့ဘ၀ကိုရမယ်။
ဒါကိုမသိလို့  မကျင့်နိုင်ရင်တော့
ကောင်းမွန်တဲ့ဘ၀မျိုးရမှာ မဟုတ်ဘူး။

ဘုရားက ဒေသန္တရ ရဟန်းငါးရာကို
သွားရာဂတိခေါ်တဲ့လမ်းကြောင်းတွေ နဲ့ ပါတ်သက်ပြီး
တရားစကား ဘာပြောခဲ့လဲဆိုတော့
ခရီးတွေ ဘယ